ਜੀ ਡੀ ਅਗਰਵਾਲ

ਜੀ ਡੀ ਅਗਰਵਾਲ
ਜੀ.ਡੀ. ਅਗਰਵਾਲ ਅਕਤੂਬਰ 2011 ਵਿਚ ਸਰਵ ਸੇਵਾ ਸੰਘ, ਰਾਜਘਾਟ, ਵਾਰਾਣਸੀ ਵਿਖੇ ਇੱਕ ਮੀਟਿੰਗ ਵਿਚ
ਜਨਮ	ਜੀ ਡੀ ਅਗਰਵਾਲ 20 ਜੁਲਾਈ 1932 ਕੰਧਲਾ, ਮੁਜ਼ਫੱਰਨਗਰ ਜ਼ਿਲਾ, ਉੱਤਰ ਪ੍ਰਦੇਸ਼, ਬ੍ਰਿਟਿਸ਼ ਰਾਜ
ਮੌਤ	11 ਅਕਤੂਬਰ 2018 (ਉਮਰ 87) ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼, ਰਿਸ਼ੀਕੇਸ਼, ਉਤਰਾਖੰਡ, ਭਾਰਤ
ਮੌਤ ਦਾ ਕਾਰਨ	ਦਿਲ ਦਾ ਦੌਰਾ
ਕਬਰ	ਚਿੱਤਰਕੂਟ, ਮੱਧ ਪ੍ਰਦੇਸ਼ ਚਿੱਤਰਕੂਟ, ਮੱਧ ਪ੍ਰਦੇਸ਼, ਭਾਰਤ
ਰਾਸ਼ਟਰੀਅਤਾ	ਭਾਰਤੀ
ਹੋਰ ਨਾਮ	ਸੰਤ ਸਵਾਮੀ ਸਾਨੰਦ, ਸਵਾਮੀ ਗਿਆਨ ਸਵਰੂਪ ਸਾਨੰਦ
ਨਾਗਰਿਕਤਾ	ਭਾਰਤੀ
ਸਿੱਖਿਆ	ਸਿਵਲ ਇੰਜਨੀਅਰਿੰਗ ਵਾਤਾਵਰਨ ਇੰਜੀਨੀਅਰਿੰਗ
ਅਲਮਾ ਮਾਤਰ	ਆਈਆਈਟੀ ਰੁੜਕੀ, ਬਰਕਲੇ ਵਿਖੇ ਕੈਲੀਫੋਰਨੀਆ ਯੂਨੀਵਰਸਿਟੀ
ਪੇਸ਼ਾ	ਵਾਤਾਵਰਨ ਇੰਜਨੀਅਰ
ਸਰਗਰਮੀ ਦੇ ਸਾਲ	1952-2018
ਮਾਲਕ	ਭਾਰਤ ਸਰਕਾਰ ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ, ਸਿਵਲ ਅਤੇ ਐਨਵਾਇਰਮੈਂਟਲ ਇੰਜਨੀਅਰਿੰਗ ਆਈਆਈਟੀ ਕਾਨਪੁਰ
ਲਈ ਪ੍ਰਸਿੱਧ	ਭਾਗੀਰਥੀ ਦਰਿਆ ਤੇ ਡੈਮ ਬਣਾਉਣ ਨੂੰ ਰੋਕਣ ਲਈ
ਖਿਤਾਬ	ਪਹਿਲਾ ਮੈਂਬਰ-ਸਕੱਤਰ (ਸੀ.ਪੀ.ਸੀ. ਬੀ.), ਵਿਭਾਗ ਦਾ ਸਾਬਕਾ ਮੁਖੀ (ਆਈਆਈਟੀ)
ਮਿਆਦ	17 ਸਾਲ ਆਈਆਈਟੀ ਕਾਨਪੁਰ

ਜੀ ਡੀ ਅਗਰਵਾਲ ਉਰਫ ਸਵਾਮੀ ਗਿਆਨ ਸਵਰੂਪ ਸਾਨੰਦ (ਜਨਮ 20 ਜੁਲਾਈ 1932)  ਇੱਕ ਭਾਰਤ ਦੇ ਪ੍ਰਸਿੱਧ ਵਾਤਾਵਰਨਪ੍ਰੇਮੀ ਇੰਜਨੀਅਰ ਸਨ। ਉਹਨਾਂ ਦਾ ਮੂਲ ਨਾਮ ਜੀ ਡੀ ਅਗਰਵਾਲ ਸੀ। ਉਹ ਪੰਡਤ ਮੰਡਨ ਮੋਹਨ ਮਾਲਵੀਆ ਦੁਆਰਾ 1905 ਵਿਚ ਸਥਾਪਿਤ ਇੱਕ ਗ਼ੈਰ-ਸਰਕਾਰੀ ਸੰਸਥਾ ਗੰਗਾ ਮਹਾਂਸਭਾ ਦਾ ਸਰਪ੍ਰਸਤ ਸੀ। ਉਸ ਦਾ ਕੈਰੀਅਰ ਆਈ.ਆਈ.ਟੀ.-ਕਾਨਪੁਰ ਦੇ ਫੈਕਲਟੀ ਮੈਂਬਰ ਬਣਨ ਤੋਂ, ਭਾਰਤੀ ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦਾ ਮੈਂਬਰ ਅਤੇ ਹੁਣ ਸਨਿਆਸੀ ਹੋਣ ਤੱਕ  ਹੈ। ਉਸਨੇ ਮੱਧ ਪ੍ਰਦੇਸ਼ ਦੇ ਚਿੱਤਰਕੂਟ ਵਿਚ ਮਹਾਤਮਾ ਗਾਂਧੀ ਚਿੱਤਰਕੂਟ ਗ੍ਰਾਮੋਦਏ ਵਿਸ਼ਵਵਿਦਿਆਲੇ ਵਿਖੇ ਵਾਤਾਵਰਣ ਵਿਗਿਆਨ ਦੇ ਆਨਰੇਰੀ ਪ੍ਰੋਫੈਸਰ ਵਜੋਂ ਵੀ ਪੜ੍ਹਾਇਆ ਹੈ।

ਉਹ ਗੰਗਾ ਨਦੀ ਤੇ ਕਈ ਪ੍ਰਾਜੈਕਟਾਂ ਨੂੰ ਰੋਕਣ ਲਈ ਚੁੱਕੇ ਗਏ ਕਈ ਉਪਵਾਸਾਂ ਲਈ ਮਸ਼ਹੂਰ ਹੈ। 2009 ਵਿੱਚ ਉਸ ਦੇ ਉਪਵਾਸ ਕਾਰਨ ਭਾਗੀਰਥੀ ਦਰਿਆ ਤੇ ਡੈਮ ਬਣਾਉਣ ਨੂੰ ਰੋਕਿਆ ਗਿਆ ਸੀ। .

ਅਗਰਵਾਲ ਦੀ 11 ਅਕਤੂਬਰ, 2018 ਨੂੰ  ਮੌਤ ਹੋ ਗਈ।  ਉਹ 22 ਜੂਨ 2018 ਤੋਂ ਅਨਿਸਚਿਤ ਸਮੇਂ ਲਈ ਵਰਤ ਤੇ ਸੀ। ਉਸ ਦੀ ਮੰਗ ਸੀ ਕਿ ਸਰਕਾਰ ਨਦੀ ਗੰਗਾ ਨੂੰ ਸਾਫ਼ ਕਰਨ ਅਤੇ ਇਸ ਨੂੰ ਬਚਾਉਣ ਲਈ ਕੀਤੇ ਆਪਣੇ ਵਾਅਦੇ ਤੇ ਅਮਲ ਕਰੇ।