ਅਰੁਣਾ ਮੋਹੰਤੀ (ਓਡੀਸੀ ਡਾਂਸਰ)
ਅਰੁਣਾ ਮੋਹੰਤੀ (ਜਨਮ 4 ਅਪ੍ਰੈਲ 1960) ਇੱਕ ਓਡੀਸੀ ਡਾਂਸਰ, ਕੋਰੀਓਗ੍ਰਾਫਰ ਅਤੇ ਡਾਂਸ ਦੀ ਅਧਿਆਪਿਕਾ ਹੈ। ਉਹ ਵਰਤਮਾਨ ਵਿੱਚ ਉਡ਼ੀਸਾ (ਓਡੀਸ਼ਾ ਡਾਂਸ ਅਕੈਡਮੀ) ਦੀ ਸਕੱਤਰ ਵੀ ਹੈ।[1] ਉਸ ਨੂੰ ਆਪਣੇ ਕੰਮ ਲਈ ਪਦਮਸ਼੍ਰੀ ਪੁਰਸਕਾਰ ਸਮੇਤ ਕਈ ਪੁਰਸਕਾਰ ਮਿਲ ਚੁੱਕੇ ਹਨ।
ਸਿਖਲਾਈ
[ਸੋਧੋ]ਅਰੁਣਾ ਮੋਹੰਤੀ ਨੇ ਸ਼੍ਰੀਨਾਥ ਰਾਉਤ ਅਤੇ ਗੋਬਿੰਦ ਪਾਲ ਦੇ ਅਧੀਨ ਓਡੀਸੀ ਵਿੱਚ ਆਪਣੀ ਸਿਖਲਾਈ ਸ਼ੁਰੂ ਕੀਤੀ ਸੀ । ਬਾਅਦ ਵਿੱਚ ਸੰਨ 1972 ਵਿੱਚ ਉਸ ਨੇ ਗੰਗਾਧਰ ਪ੍ਰਧਾਨ ਦੇ ਅਧੀਨ ਸਿਖਲਾਈ ਸ਼ੁਰੂ ਕੀਤੀ। ਉਸ ਨੇ ਪੰਕਜ ਚਰਨ ਦਾਸ, ਕੇਲੁਚਰਣ ਮਹਾਪਾਤਰਾ, ਸੰਜੁਕਤਾ ਪਾਣਿਗ੍ਰਹੀ ਅਤੇ ਸੋਨਲ ਮਾਨ ਸਿੰਘ ਤੋਂ ਵੀ ਡਾਂਸ ਵਿੱਚ ਤਾਲੀਮ ਪ੍ਰਾਪਤ ਕੀਤੀ ਹੈ।[1]
ਉਸ ਨੇ ਓਡੀਸੀ ਸੰਗੀਤ ਦੀ ਸਿਖਲਾਈ ਨਿਰਮਲ ਮੋਹੰਤੀ ਅਤੇ ਸ਼ਾਂਤਨੂ ਦਾਸ ਤੋਂ ਵੀ ਪ੍ਰਾਪਤ ਕੀਤੀ ਹੈ।[2]
ਕੈਰੀਅਰ
[ਸੋਧੋ]ਅਰੁਣਾ ਮੋਹੰਤੀ ਨੂੰ ਇੱਕ ਡਾਂਸਰ ਅਤੇ ਕੋਰੀਓਗ੍ਰਾਫਰ ਵਜੋਂ ਲਗਭਗ ਪੰਜ ਦਹਾਕਿਆਂ ਦਾ ਤਜਰਬਾ ਹੈ।[3]
ਉਸ ਦੀਆਂ ਕੋਰੀਓਗ੍ਰਾਫ ਕੀਤੀਆਂ ਰਚਨਾਵਾਂ ਵਿੱਚ ਸੰਨ 1999 ਵਿੱਚ ਓਡੀਸ਼ਾ ਵਿੱਚ ਆਏ ਸੁਪਰ ਚੱਕਰਵਾਤ ਨੂੰ ਦਰਸਾਉਂਦੀ ਸ੍ਰਿਸ਼ਟੀ ਓ ਪ੍ਰਾਲੇ, ਸਰਵਣ ਕੁਮਾਰ, ਖਾਰਵੇਲਾ, ਜਾਤ੍ਰਾ ਬਾਰਮਾਸੀ, ਗਾਥਾ ਓਡੀਸੀ,ਪ੍ਰਤਿਨਾਯਾਕ, ਕ੍ਰਿਸ਼ਨ ਸ਼ਰਨਮ, ਜੈਦੇਵ ਦੀ ਗੀਤਾ ਗੋਵਿੰਦਾ ਦੀਆਂ ਕਈ ਅਸ਼ਟਾਪਦੀ ਅਤੇ ਜਰਮਨ ਨਾਵਲਕਾਰ ਹਰਮਨ ਹੇਸੇ ਦੇ ਇਸੇ ਨਾਮ ਦੇ ਨਾਵਲ 'ਤੇ ਅਧਾਰਤ ਸਿਧਾਰਥ ਵਰਗੀਆਂ ਕਈ ਰਚਨਾਵਾਂ ਸ਼ਾਮਲ ਹਨ।
ਉਸ ਨੇ ਆਪਣੀ ਕਲਾ ਦੀ ਵਰਤੋਂ ਸਮਕਾਲੀ ਅਤੇ ਸਮਾਜਿਕ ਮੁੱਦਿਆਂ ਦੀ ਜਾਂਚ ਕਰਨ ਲਈ ਕੀਤੀ ਹੈ। ਨਾਰੀ ਵਿੱਚ, ਲਿੰਗਕ ਰੂਡ਼੍ਹੀਵਾਦੀ ਧਾਰਨਾਵਾਂ ਅਤੇ ਸਮਾਜ ਵਿੱਚ ਔਰਤਾਂ ਦੀ ਸਥਿਤੀ ਦੀ ਖੋਜ ਭਾਰਤੀ ਸਾਹਿਤ ਅਤੇ ਇਤਿਹਾਸ ਵਿੱਚ ਕਈ ਔਰਤਾਂ ਦੇ ਜੀਵਨ ਅਤੇ ਕਹਾਣੀਆਂ ਰਾਹੀਂ ਕੀਤੀ ਗਈ ਹੈ, ਜਿਵੇਂ ਕਿ ਸੀਤਾ, ਦ੍ਰੌਪਦੀ, ਮੰਦੋਦਰੀ ਅਤੇ ਨਿਰਭਯਾ[3]
ਉਸ ਨੇ ਨਾਚ ਉੱਤੇ ਖੋਜ ਕੀਤੀ ਹੈ, ਜਿਵੇਂ ਕਿ ਕਲਾਸੀਕਲ ਮੂਰਤੀਕਲਾ ਵਿੱਚ ਪੁਰਸ਼ ਡਾਂਸਰ ਦੀ ਨੁਮਾਇੰਦਗੀ ਅਤੇ ਆਜ਼ਾਦੀ ਤੋਂ ਬਾਅਦ ਦੇ ਯੁੱਗ ਵਿੱਚ ਓਡੀਸੀ ਦੇ ਵਿਕਾਸ ਵਰਗੇ ਵਿਸ਼ਿਆਂ ਉੱਤੇ ਧਿਆਨ ਕੇਂਦ੍ਰਿਤ ਕੀਤਾ ਹੈ।[4]
ਉਹ ਸੰਯੁਕਤ ਰਾਜ ਅਮਰੀਕਾ ਦੀਆਂ ਕਈ ਯੂਨੀਵਰਸਿਟੀਆਂ, ਜਿਵੇਂ ਕਿ ਕੈਲੀਫੋਰਨੀਆ ਯੂਨੀਵਰਸਿਟੀ, ਸਾਊਥ ਕੈਰੋਲੀਨਾ ਯੂਨੀਵਰਸਿਟੀ ਅਤੇ ਕਾਰਨੇਲ ਯੂਨੀਵਰਸਿਟੀ ਵਿੱਚ ਵਿਜ਼ਿਟਿੰਗ ਸਕਾਲਰ ਰਹੀ ਹੈ।[4]
ਪੁਰਸਕਾਰ
[ਸੋਧੋ]
- ਪਦਮਸ਼੍ਰੀ, ਭਾਰਤ ਸਰਕਾਰ, 2016-17[1]
- ਰਾਜ ਸੰਗੀਤ ਨਾਟਕ ਅਕਾਦਮੀ ਅਵਾਰਡ, ਓਡੀਸ਼ਾ ਸਰਕਾਰ, 2014 [ਹਵਾਲਾ ਲੋੜੀਂਦਾ]
- ਕੇਂਦਰੀ ਸੰਗੀਤ ਨਾਟਕ ਅਕਾਦਮੀ ਅਵਾਰਡ, ਭਾਰਤ ਸਰਕਾਰ, 2010[2]
- ਸੰਜੁਕਤਾ ਪਾਨੀਗ੍ਰਹੀ ਮੈਮੋਰੀਅਲ ਨੈਸ਼ਨਲ ਅਵਾਰਡ, 2001[3]
- ਮਹਾਰੀ ਅਵਾਰਡ, ਗੁਰੂ ਪੰਕਜ ਚਰਨ ਰਿਸਰਚ ਫਾਊਂਡੇਸ਼ਨ, 1997[3]
- ਭਾਰਤ ਭਵਨ ਅਵਾਰਡ, ਭਾਰਤ ਦੇ ਰਾਸ਼ਟਰਪਤੀ ਦੁਆਰਾ ਪ੍ਰਾਪਤਕਰਤਾ ਨੂੰ ਦਿੱਤਾ ਗਿਆ[3]
- ਜਗਨਨਾਥ ਸੰਸਕ੍ਰਿਤੀ ਵਿਕਾਸ ਪ੍ਰੀਸ਼ਦ ਅਵਾਰਡ
ਹਵਾਲੇ
[ਸੋਧੋ]- ↑ 1.0 1.1 "CUR_TITLE". sangeetnatak.gov.in (in ਅੰਗਰੇਜ਼ੀ). Retrieved 2018-08-29. ਹਵਾਲੇ ਵਿੱਚ ਗ਼ਲਤੀ:Invalid
<ref>tag; name ":0" defined multiple times with different content - ↑ "Aruna Mohanty". sangeetnatak.gov.in (in ਅੰਗਰੇਜ਼ੀ). Retrieved 2018-09-11.
- ↑ 3.0 3.1 "Interview - Aruna Mohanty: The thinking dancer - Sutapa Patnaik". www.narthaki.com. Retrieved 2018-09-11. ਹਵਾਲੇ ਵਿੱਚ ਗ਼ਲਤੀ:Invalid
<ref>tag; name "interview" defined multiple times with different content - ↑ 4.0 4.1 "Aruna Mohanty". sruti.com. Retrieved 2019-01-13. ਹਵਾਲੇ ਵਿੱਚ ਗ਼ਲਤੀ:Invalid
<ref>tag; name ":1" defined multiple times with different content