ਐਮਿਲੀ ਬਰੌਂਟੀ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
(ਐਮਿਲੀ ਬਰੋਂਟੀ ਤੋਂ ਰੀਡਿਰੈਕਟ)
ਐਮਿਲੀ ਬਰੌਂਟੀ
ਐਮਿਲੀ ਬਰੌਂਟੀ ਦਾ ਪੋਰਟਰੇਟ ਉਸ ਦੇ ਭਰਾ, ਬਰਾਨਵੈੱਲ ਬਰੌਂਟੀ ਦਾ ਬਣਾਇਆ।
ਐਮਿਲੀ ਬਰੌਂਟੀ ਦਾ ਪੋਰਟਰੇਟ ਉਸ ਦੇ ਭਰਾ, ਬਰਾਨਵੈੱਲ ਬਰੌਂਟੀ ਦਾ ਬਣਾਇਆ।
ਜਨਮਐਮਿਲੀ ਜੇਨ ਬਰੌਂਟੀ
(1818-07-30)30 ਜੁਲਾਈ 1818
ਥੋਰਨਟਨ, ਵੈਸਟ ਰਾਈਡਿੰਗ ਆਫ਼ ਯਾਰਕਸ਼ਾਇਰ, ਇੰਗਲੈਂਡ
ਮੌਤ19 ਦਸੰਬਰ 1848(1848-12-19) (ਉਮਰ 30)
ਹਾਵਰਥ, ਯਾਰਕਸ਼ਾਇਰ, ਇੰਗਲੈਂਡ
ਕਲਮ ਨਾਮਐਲਿਸ ਬੈਲ
ਕਿੱਤਾਕਵੀ, ਨਾਵਲਕਾਰ, ਗਵਰਨੈਸ
ਰਾਸ਼ਟਰੀਅਤਾਇੰਗਲਿਸ਼
ਸ਼ੈਲੀਗਲਪ, ਕਵਿਤਾ
ਸਾਹਿਤਕ ਲਹਿਰਰੋਮਾਂਸਵਾਦ
ਪ੍ਰਮੁੱਖ ਕੰਮਵੁਦਰਿੰਗ ਹਾਈਟਸ
ਰਿਸ਼ਤੇਦਾਰਬਰੌਂਟੀ ਪਰਵਾਰ

ਐਮਿਲੀ ਜੇਨ ਬਰੌਂਟੀ (/ˈbrɒnti/;[1][2] 30 ਜਲਾਈ 1818 – 19 ਦਸੰਬਰ 1848)[3] ਅੰਗਰੇਜ਼ੀ ਕਵੀ ਅਤੇ ਨਾਵਲਕਾਰ ਸੀ, ਅਤੇ ਆਪਣੇ ਇੱਕਲੌਤੇ ਨਾਵਲ, ਵੁਦਰਿੰਗ ਹਾਈਟਸ ਕਰ ਕੇ ਖਾਸਕਰ ਚਰਚਿਤ ਹੈ, ਜਿਸ ਨੂੰ ਹੁਣ ਅੰਗਰੇਜ਼ੀ ਸਾਹਿਤ ਦੀ ਕਲਾਸਕੀ ਰਚਨਾ ਦਾ ਦਰਜਾ ਪ੍ਰਾਪਤ ਹੈ। ਐਮਿਲੀ ਬਰੌਂਟੀ ਪਰਵਾਰ ਦੇ ਚਾਰ ਭੈਣ ਭਰਾਵਾਂ ਵਿੱਚੋਂ ਤੀਜੇ ਨੰਬਰ ਤੇ ਸੀ। ਸਭ ਤੋਂ ਛੋਟੀ ਐਨੀ ਬਰੌਂਟੀ ਸੀ ਅਤੇ ਉਸ ਦਾ ਭਰਾ ਬਰਾਨਵੈੱਲ ਬਰੌਂਟੀ ਐਮਿਲੀ ਤੋਂ ਵੱਡਾ ਸੀ। ਉਸਨੇ ਗੁਪਤ ਨਾਮ ਐਲਿਸ ਬੈੱਲ ਹੇਠ ਰਚਨਾ ਕੀਤੀ।

ਮੁੱਢਲਾ ਜੀਵਨ ਅਤੇ ਸਿੱਖਿਆ[ਸੋਧੋ]

ਬਰੌਂਟੀ ਭੈਣਾਂ ਦਾ ਪੋਰਟਰੇਟ ਉਸ ਦੇ ਭਰਾ, ਬਰਾਨਵੈੱਲ ਬਰੌਂਟੀ ਦਾ 1834 ਵਿੱਚ ਬਣਾਇਆ ਚਿੱਤਰ, ਖੱਬੇ ਤੋਂ ਸੱਜੇ, ਐਨ, ਐਮਿਲੀ ਅਤੇ ਸ਼ਾਰਲੋਟ। (ਬਰਾਨਵੈੱਲ, ਐਮਿਲੀ ਅਤੇ ਸ਼ਾਰਲੋਟ ਦੇ ਵਿੱਚਕਾਰ ਹੁੰਦਾ ਸੀ, ਪਰ ਬਾਅਦ ਵਿੱਚ ਉਸਨੇ ਆਪਣੇ ਨੂੰ ਚਿੱਤਰ ਵਿੱਚੋਂ ਖਾਰਜ ਕਰ ਲਿਆ)

ਐਮਿਲੀ ਬਰੌਂਟੀ ਦਾ ਜਨਮ 30 ਜੁਲਾਈ 1818 ਮਾਰਿਆ ਬਰਾਨਵੈੱਲ ਅਤੇ ਪੈਟਰਿਕ ਬਰੌਂਟੀ ਦੇ ਘਰ ਇੰਗਲੈਂਡ ਦੇ ਉੱਤਰ ਵਿੱਚ ਯਾਰਕਸ਼ਾਇਰ ਦੇ ਪਿੰਡ ਥਾਰਨਟਨ ਵਿੱਚ ਹੋਇਆ ਸੀ।[4] ਉਹ ਸ਼ਾਰਲੋਟ ਬਰਾਂਟੇ ਦੀ ਛੋਟੀ ਭੈਣ ਸੀ ਅਤੇ ਛੇ ਬੱਚਿਆਂ ਵਿੱਚੋਂ ਪੰਜਵੇਂ ਨੰਬਰ ਤੇ ਸੀ। ਉਸ ਦੀਆਂ ਦੋ ਵੱਡੀਆਂ ਭੈਣਾਂ ਦੀ ਬਚਪਨ ਵਿੱਚ ਹੀ ਮੌਤ ਹੋ ਗਈ ਸੀ।[5][6] 1820 ਵਿੱਚ, ਐਮਿਲੀ ਦੀ ਛੋਟੀ ਭੈਣ ਐਨੀ ਦੇ ਜਨਮ ਦੇ ਬਾਅਦ ਜਲਦੀ ਹੀ ਪਰਵਾਰ ਅੱਠ ਮੀਲ ਦੂਰ ਹਾਵਰਥ ਚਲੇ ਗਿਆ ਸੀ ਜਿਥੇ ਪੈਟਰਿਕ ਨੂੰ ਪੱਕੇ ਉਪ-ਪਾਦਰੀ ਵਜੋਂ ਨਿਯੁਕਤ ਕੀਤਾ ਗਿਆ ਸੀ; ਇੱਥੇ ਬੱਚੀਆਂ ਨੇ ਆਪਣੀ ਸਾਹਿਤਕ ਪ੍ਰਤਿਭਾ ਨੂੰ ਵਿਕਸਿਤ ਕੀਤਾ।[7][8] ਸਤੰਬਰ 1821 ਵਿੱਚ ਕੈੰਸਰ ਨਾਲ ਉਹਨਾਂ ਦੀ ਮਾਂ ਦੀ ਮੌਤ ਦੇ ਬਾਅਦ, ਜਦੋਂ ਐਮਿਲੀ ਤਿੰਨ ਸਾਲ ਦੀ ਸੀ,[9][10] ਵੱਡੀਆਂ ਭੈਣਾਂ ਮਾਰੀਆ, ਅਲਿਜਾਬੈਥ ਅਤੇ ਸ਼ਾਰਲੋਟ ਨੂੰ ਕੋਵਾਨ ਬ੍ਰਿਜ ਦੇ ਪਾਦਰੀ ਬੇਟੀਆਂ ਲਈ ਸਕੂਲ ਭੇਜ ਦਿੱਤਾ ਗਿਆ ਸੀ, ਜਿਥੇ ਉਹਨਾਂ ਨੂੰ ਸ਼ੋਸ਼ਣ ਦਾ ਸਾਹਮਣਾ ਕਰਨਾ ਪਿਆ ਜਿਸਦਾ ਵਰਣਨ ਬਾਅਦ ਨੂੰ ਸ਼ਾਰਲੋਟ ਨੇ ਆਪਣੇ ਨਾਵਲ ਜੇਨ ਆਇਰ ਵਿੱਚ ਕੀਤਾ ਹੈ। ਛੇ ਸਾਲ ਦੀ ਹੋਣ ਤੇ, ਐਮਿਲੀ ਵੀ ਸੰਖੇਪ ਜਿਹੇ ਅਰਸੇ ਲਈ ਉਸੇ ਸਕੂਲ ਵਿੱਚ ਆਪਣੀਆਂ ਭੈਣਾਂ ਵਿੱਚ ਸ਼ਾਮਿਲ ਹੋ ਗਈ। ਜਦੋਂ ਸਕੂਲ ਵਿੱਚ ਟਾਈਫਾਇਡ ਮਹਾਮਾਰੀ ਫੈਲ ਗਈ, ਮਾਰੀਆ ਅਤੇ ਅਲਿਜਾਬੈਥ ਉਸ ਦੀ ਲਪੇਟ ਵਿੱਚ ਆ ਗਈਆਂ। ਮਾਰੀਆ, ਜਿਸ ਨੂੰ ਤਪਦਿਕ ਦਾ ਅੰਦੇਸ਼ਾ ਸੀ ਘਰ ਭੇਜ ਦਿੱਤੀ ਗਈ, ਤੇ ਉਥੇ ਜਲਦ ਉਹਦੀ ਮੌਤ ਹੋ ਗਈ। ਐਮਿਲੀ ਨੂੰ ਵੀ ਜੂਨ 1825, ਅਲਿਜਾਬੈਥ ਅਤੇ ਸ਼ਾਰਲੋਟ ਦੇ ਨਾਲ ਹੀ ਸਕੂਲ ਤੋਂ ਹਟਾ ਲਿਆ ਅਤੇ ਘਰ ਵਾਪਸੀ ਦੇ ਜਲਦ ਬਾਅਦ ਅਲਿਜਾਬੈਥ ਦੀ ਵੀ ਮੌਤ ਹੋ ਗਈ।[10]

ਹਵਾਲੇ[ਸੋਧੋ]

  1. American Heritage and Collins dictionaries
  2. Columbia Encyclopedia
  3. The New Encyclopædia Britannica, Volume 2. Encyclopaedia Britannica, Inc. 1992. p. 546.
  4. The Houghton Mifflin Dictionary of Biography (2003), p. 224
  5. Hilda D. Spear, Wuthering Heights by Emily Brontë (1985), p. 1
  6. Catherine Brighton, The Brontës: Scenes from the Childhood of Charlotte, Branwell, Emily, and Anne (2004)
  7. Rod Mengham, Emily Brontë, Wuthering Heights (1988), p. 1
  8. "In 1824, the family moved to Haworth, where Emily's father was perpetual curate, and it was in these surroundings that their literary oddities flourished." — The Brontė Collection (2009)
  9. "A DETAILED GENEALOGY OF THE BRONTË FAMILY". Archived from the original on 2012-03-21. Retrieved 2013-11-15. {{cite web}}: Unknown parameter |dead-url= ignored (help)
  10. 10.0 10.1 Lyn Pykett, Emily Brontë (1989)