ਜਹਾਂਗੀਰ

ਨੂਰੁੱਦੀਨ ਸਲੀਮ ਜਹਾਂਗੀਰ
ਚੌਥਾ ਮੁਗ਼ਲ ਸਮਰਾਟ
ਸ਼ਾਸਨ ਕਾਲ	15 ਅਕਤੂਬਰ 1605 - 7 ਨਵੰਬਰ 1627 (22 ਸਾਲ, 24 ਦਿਨ)
ਤਾਜਪੋਸ਼ੀ	24 ਅਕ੍ਟੂਬਰ 1605, ਆਗਰਾ
ਪੂਰਵ-ਅਧਿਕਾਰੀ	ਅਕਬਰ
ਵਾਰਸ	ਸ਼ਾਹ ਜਹਾੰ
ਜਨਮ	ਸਲੀਮ 20 ਸਤੰਬਰ 1569 ਫ਼ਤੇਹਪੁਰ ਸੀਕਰੀ
ਮੌਤ	8 ਨਵੰਬਰ 1627(1627-11-08) (ਉਮਰ 58) ਚਿੰਗਾਰੀ ਸਿਰੀ
ਦਫ਼ਨ	ਜਹਾਂਗੀਰ ਦਾ ਮਕਬਰਾ
ਜੀਵਨ-ਸਾਥੀ	ਮਨਭਾਵਤੀ ਬਾਈ ਤਾਜ ਬੀਬੀ ਬਿਲਕ਼ਿਸ ਮਕਾਨੀ ਨੂਰ ਜਹਾਂ
ਔਲਾਦ	ਨਿਸਾਰ ਬੇਗਮ ਖੁਸਰੌ ਮਿਰਜ਼ਾ ਪਰਵੇਜ਼ ਬਹਾਰ ਬਨੂ ਬਗੁਮ ਸ਼ਾਹ ਜਹਾਂ ਸ਼ਹਿਰਯਾਰ ਜਹਾਂਦਾਰ
ਘਰਾਣਾ	ਤੈਮੂਰ
ਰਾਜਵੰਸ਼	ਮੁਗਲ
ਪਿਤਾ	ਅਕਬਰ
ਮਾਤਾ	ਮਰਿਯਮ ਉਜ਼-ਜ਼ਮਾਨੀ
ਧਰਮ	ਇਸਲਾਮ Sufism

ਨੂਰੁੱਦੀਨ ਸਲੀਮ ਜਹਾਂਗੀਰ, ਸ਼ਾਹੀ ਦਾ ਨਾਮ ਜਹਾਂਗੀਰ (30 ਅਗਸਤ 1569 - 7 ਨਵੰਬਰ 1627), ਚੌਥਾ ਮੁਗ਼ਲ ਸਮਰਾਟ ਸੀ, ਜਿਸ ਨੇ 1605 ਤੋਂ 1627 ਵਿਚ ਆਪਣੀ ਮੌਤ ਤੱਕ ਰਾਜ ਕੀਤਾ।

ਨੂਰੁੱਦੀਨ ਸਲੀਮ ਜਹਾਂਗੀਰ ਦਾ ਜਨਮ ਫਤੇਹਪੁਰ ਸੀਕਰੀ ਵਿੱਚ ਸਥਿਤ ‘ਸ਼ੇਖ ਸਲੀਮ ਚਿਸ਼ਤੀ’ ਦੀ ਕੁਟੀਆ ਵਿੱਚ ਰਾਜਾ ਭਾਰਮਲ ਦੀ ਧੀ ‘ਮਰਿਅਮ ਜਮਾਨੀ’ ਦੀ ਕੁੱਖ ਤੋਂ 30 ਅਗਸਤ 1569 ਨੂੰ ਹੋਇਆ ਸੀ। ਅਕਬਰ ਦੇ ਤਿੰਨ ਮੁੰਡੇ ਸਨ। ਸਲੀਮ, ਮੁਰਾਦ ਅਤੇ ਦਾਨਯਾਲ (ਮੁਗ਼ਲ ਖ਼ਾਨਦਾਨ)। ਮੁਰਾਦ ਅਤੇ ਦਾਨਯਾਲ ਬਾਪ ਦੀ ਜਿੰਦਗੀ ਹੀ ਵਿੱਚ ਸ਼ਰਾਬਨੋਸ਼ੀ ਦੀ ਵਜ੍ਹਾ ਨਾਲ ਮਰ ਚੁੱਕੇ ਸਨ, ਇਕੱਲਾ ਸਲੀਮ ਹੀ ਬਚਿਆ। ਅਕਬਰ ਸਲੀਮ ਨੂੰ ‘ਸ਼ੇਖੂ ਬਾਬਾ’ ਕਿਹਾ ਕਰਦਾ ਸੀ। ਸਲੀਮ ਦਾ ਮੁੱਖ ਉਸਤਾਦ ਅਬਦੁੱਰਹੀਮ ਖਾਨਖਾਨਾ ਸੀ। ਆਪਣੇ ਆਰੰਭਕ ਜੀਵਨ ਵਿੱਚ ਜਹਾਂਗੀਰ ਸ਼ਰਾਬੀ ਅਤੇ ਅਵਾਰਾ ਸ਼ਾਹਜਾਦੇ ਵਜੋਂ ਬਦਨਾਮ ਸੀ। ਉਸਦੇ ਪਿਤਾ ਸਮਰਾਟ ਅਕਬਰ ਨੇ ਉਸਦੀਆਂ ਬੁਰੀਆਂ ਆਦਤਾਂ ਛਡਾਉਣ ਦੀ ਬੜੀ ਕੋਸ਼ਸ਼ ਕੀਤੀ, ਪਰ ਉਸਨੂੰ ਸਫਲਤਾ ਨਹੀਂ ਮਿਲੀ। ਇਸ ਲਈ ਕੁਲ ਸੁੱਖਾਂ ਦੇ ਹੁੰਦੇ ਹੋਏ ਵੀ ਉਹ ਆਪਣੇ ਵਿਗੜੇ ਹੋਏ ਬੇਟੇ ਦੇ ਕਾਰਨ ਜੀਵਨਭਰ ਦੁਖੀ ਰਿਹਾ। ਅੰਤ ਵੇਲੇ ਅਕਬਰ ਦੀ ਮੌਤ ਦੇ ਬਾਦ ਜਹਾਂਗੀਰ ਹੀ ਮੁਗ਼ਲ ਸਮਰਾਟ ਬਣਿਆ। ਉਸ ਸਮੇਂ ਉਸਦੀ ਉਮਰ 36 ਸਾਲ ਦੀ ਸੀ। ਅਜਿਹੇ ਬਦਨਾਮ ਵਿਅਕਤੀ ਦੇ ਗੱਦੀਨਸ਼ੀਂ ਹੋਣ ਤੇ ਜਨਤਾ ਵਿੱਚ ਅਸੰਤੋਸ਼ ਅਤੇ ਬੇਚੈਨੀ ਸੀ। ਮਲਿਕਾ ਨੂਰ ਜਹਾਂ ਜਹਾਂਗੀਰ ਦੀ ਬੇਗਮ ਸੀ।1 ਜਹਾਂਗੀਰ ਦੇ ਰਾਜ ਸਮੇ ਹੀ 1613 ਵਿਚ ਬ੍ਰਿਟਿਸ਼ ਈਸਟ ਇੰਡੀਆ ਕੰਪਨੀ ਸੂਰਤ ਦੇ ਸ਼ਹਿਰ ਵਿੱਚ, ਇੱਕ ਵਪਾਰ ਪੋਸਟ ਸਥਾਪਤ ਕਰਨ ਲਈ ਇਜਾਜ਼ਤ ਦੇ ਦਿੱਤੀ. ਗਈ ਸੀ ।