ਚੁੱਘੇ ਖੁਰਦ

ਚੁੱਘੇ ਖੁਰਦ
ਪਿੰਡ
ਦੇਸ਼	ਭਾਰਤ
ਰਾਜ	ਪੰਜਾਬ
ਜ਼ਿਲ੍ਹਾ	ਬਠਿੰਡਾ
ਭਾਸ਼ਾਵਾਂ
• ਸਰਕਾਰੀ	ਪੰਜਾਬੀ
ਸਮਾਂ ਖੇਤਰ	ਯੂਟੀਸੀ+5:30 (ਭਾਰਤੀ ਮਿਆਰੀ ਸਮਾਂ)
ਵਾਹਨ ਰਜਿਸਟ੍ਰੇਸ਼ਨ	PB 03, PB 40
ਨੇੜੇ ਦਾ ਸ਼ਹਿਰ	ਬਠਿੰਡਾ

ਚੁੱਘੇ ਖੁਰਦ, ਪੰਜਾਬ ਵਿੱਚ ਬਠਿੰਡੇ ਜ਼ਿਲ੍ਹੇ ਦਾ ਇੱਕ ਪਿੰਡ ਹੈ। ਇਹ ਤਹਿਸੀਲ ਬਠਿੰਡਾ ਦੇ ਅਧੀਨ ਆਉਂਦਾ ਹੈ। ਚੁੱਘੇ ਖੁਰਦ ਦਾ ਮੁੱਢ ਕਰੀਬ 180 ਵਰ੍ਹੇ ਪਹਿਲਾਂ ਪਿੰਡ ਚੁੱਘੇ ਕਲਾਂ ਤੋਂ ਬੱਝਿਆ ਸੀ।

ਚੁੱਘੇ ਕਲਾਂ ਵਿੱਚੋਂ ਬਾਬੇ ਚੁੱਘੇ ਮਾਨ ਦੀ ਪੰਜਵੀਂ ਪੀੜ੍ਹੀ ਦੇ ਸਰਦਾਰ ਮੇਘ ਸਿੰਘ ਮਾਨ ਦੇ ਦੋ ਪੁਤਰਾਂ, ਭਾਗਾ ਸਿੰਘ ਤੇ ਰਾਮਾ ਸਿੰਘ ਨੇ 1845 ਦੇ ਨੇੜੇ ਇਹ ਪਿੰਡ ਬੰਨਿਆ। ਪਿੰਡ ਬੱਝਣ ਮਗਰੋਂ ਚੁੱਘੇ ਕਲਾਂ ਤੋਂ ਹੀ ਬਾਬੇ ਬੂਟੇ ਸਿੰਘ, ਮੱਖਣ ਸਿੰਘ, ਦਵਾਨੇ ਸਿੰਘ ਅਤੇ ਗਿਆਨੇ ਸਿੰਘ ਨੂੰ ਪੈਲੀ ਦੇ ਕੇ ਇਥੇ ਵਸਾਇਆ ਗਿਆ।

ਥੋੜੇ ਚਿਰ ਮਗਰੋਂ ਬਾਬੇ ਭਾਗੇ ਅਤੇ ਰਾਮੇ ਨੇ ਆਪਣੇ ਨਿੱਕੇ ਭਰਾ ਫੂਲੇ ਨੂੰ ਵੀ ਇਥੇ ਪੈਲੀ ਦੇ ਕੇ ਵਸਾਇਆ।

ਪਿੰਡ ਵਿੱਚ ਚਾਰ ਪੱਤੀਆਂ ਇਹਨਾਂ ਬਾਬਿਆਂ ਦੇ ਨਾਂ ਤੇ ਹਨ : ਭਾਗਾ ਪੱਤੀ, ਰਾਮਾ ਪੱਤੀ, ਬੂਟਾ ਪੱਤੀ ਤੇ ਮੱਖਣ ਪੱਤੀ।

ਪਿੰਡ ਦੇ ਜ਼ਿਆਦਾਤਰ ਲੋਕ ਖੇਤੀ ਕਰਦੇ ਹਨ। ਪਿੰਡ ਬੱਝਣ ਵੇਲੇ ਦੀ ਇੱਕ ਬੇਰੀ, ਦੋ ਵਣ ਅੱਜ ਵੀ ਹਰੇ ਖੜ੍ਹੇ ਹਨ। ਪਿੰਡ ਦੇ ਵਿਚਕਾਰ ਪੁਰਾਤਨ ਦਰਵਾਜ਼ਾ ਹੈ। ਇਸ ਦੀਆਂ ਕੰਧਾਂ, ਛੱਤ, ਕੰਧਾਂ ਦੀ ਮੀਨਾਕਾਰੀ, ਬੱਤੇ ਟੈਲਾਂ ਹਰ ਚੀਜ਼ ਵਿਰਾਸਤੀ ਹੈ।

ਧਾਰਮਿਕ ਸਥਾਨ

ਪਿੰਡ ਵਿੱਚ ਦੋ ਗੁਰਦੁਆਰਾ ਸਾਹਿਬ, ਬਾਬਾ ਵੀਰ ਚੰਦ ਦਾ ਡੇਰਾ, ਬਾਲਮੀਕੀ ਮੰਦਰ, ਮਾਤਾ ਦਾ ਮੰਦਰ, ਪੀਰਖਾਨਾ ਅਤੇ ਡੇਰਾ ਬਾਬਾ ਬਿਕਰਮ ਦਾਸ ਸ਼ਰਧਾ ਦੇ ਕੇਂਦਰ ਹਨ।

ਸਹੁਲਤਾਂ

ਪਿੰਡ ਆਪਣੇ ਨੇੜੇ ਦੇ ਪਿੰਡਾਂ ਨਾਲ ਪੱਕੀਆਂ ਸੜਕਾਂ ਰਾਹੀਂ ਜੁੜਿਆ ਹੋਇਆ ਹੈ। ਪੱਕੀ ਅਨਾਜ ਮੰਡੀ, ਤਿੰਨ ਧਰਮਸ਼ਾਲਾਵਾਂ, ਪੰਚਾਇਤ ਘਰ, ਦੋ ਆਂਗਨਵਾੜੀ ਸੈਂਟਰ, ਪਟਵਾਰ ਖਾਨਾ, ਸਹਿਕਾਰੀ ਸੁਸਾਇਟੀ ਸਹੂਲਤਾਂ ਹਨ। ਪਿੰਡ ਵਿੱਚ ਪ੍ਰਾਇਮਰੀ ਸਕੂਲ ਦਾ ਨੀਂਹ ਪੱਥਰ 1956 ’ਚ ਰੱਖਿਆ ਗਿਆ ਜੋ ਬਾਅਦ ਵਿੱਚ 1995 ਵਿੱਚ ਮਿਡਲ ਤੇ 2001 ਵਿੱਚ ਹਾਈ ਸਕੂਲ ਬਣਿਆ। ਪਿੰਡ ਵਿੱਚ ਬਾਬਾ ਵੀਰ ਚੰਦ ਕਲੱਬ ਅਤੇ ਸ਼ਹੀਦ ਭਗਤ ਸਿੰਘ ਸਪੋਰਟਸ ਕਲੱਬ ਸਥਾਪਿਤ ਹਨ।

ਸਨਮਾਨਯੋਗ ਵਿਅਕਤੀ

ਪੰਜਾਬੀ ਦੇ ਪ੍ਰਸਿੱਧ ਹਾਸਰਸ ਕਲਾਕਾਰ ਮੇਹਰ ਮਿੱਤਲ, ਲੇਖਕ ਡਾ. ਰਾਜਿੰਦਰ ਸਿੰਘ ਸੇਖੋਂ, ਸਮਾਜ ਸੇਵਾ ਨੂੰ ਸਮਰਪਿਤ ਅਤੇ 1990 ਤੋਂ ਟੀਕਾਕਰਨ ਮਿਸ਼ਨ ਆਪਣੇ ਪੱਧਰ ’ਤੇ ਚਲਾਣ ਵਾਲੇ ਲਾਲ ਚੰਦ ਸਿੰਘ, ਸੰਤ ਬਿਕਰਮਦਾਸ ਜੀ ਫੱਕਰ, ਦਰਵਾਰਾ ਸਿੰਘ ਅਤੇ ਅਨੂਪ ਸਿੰਘ ਆਜ਼ਾਦ ਹਿੰਦ ਫੌਜ ਦੇ ਸਿਪਾਹੀ ਰਹੇ ਹਨ। ਆਜ਼ਾਦੀ ਘੁਲਾਟੀਏ ਦੇ ਤੌਰ ਤੇ ਸਰਦਾਰ ਦਰਬਾਰਾ ਸਿੰਘ ਨੂੰ ਦੇਸ਼ ਦੀ ਆਜ਼ਾਦੀ 25 ਵੀਂ ਵਰੇ ਗੰਢ ਤੇ ਦੇਸ਼ ਦੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਵੱਲੋਂ ਪੱਤਰ ਦੇਕੇ ਸਨਮਾਨਿਤ ਕੀਤਾ ਗਿਆ ਸੀ। ਨੌਜਵਾਨ ਲੇਖਕ ਤੇ ਪੱਤਰਕਾਰ ਗੁਰਸੇਵਕ ਚੁੱਘੇ ਖੁਰਦ ਜਿਥੇ ਪੱਤਰਕਾਰਤਾ ਵਿਚ ਨਾਮ ਰੱਖਦੇ ਹਨ ਉਥੇ ਹੀ ਉਹ ਪੰਜਾਬੀ ਵਿਚ ਤਿੰਨ ਕਿਤਾਬਾਂ ਲਿਖ ਕੇ ਪੰਜਾਬੀ ਸਾਹਿਤ ਦੀ ਸੇਵਾ ਕਰ ਰਹੇ ਹਨ