ਜੋਇਤਾ ਮੋਂਡਲ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ

ਜੋਇਤਾ ਮੋਂਡਲ ਲੋਕ ਅਦਾਲਤ ਦੇ ਪਹਿਲੇ ਟਰਾਂਸਜੈਂਡਰ ਜੱਜ ਅਤੇ ਭਾਰਤ ਦੇ ਪੱਛਮੀ ਬੰਗਾਲ ਦੇ ਸਮਾਜਿਕ ਵਰਕਰ ਹਨ।[1][2][3]

ਮੁੱਢਲਾ ਜੀਵਨ[ਸੋਧੋ]

ਮੋਂਡਲ ਦਾ ਜਨਮ ਹਿੰਦੂ ਪਰਿਵਾਰ ਦੀ ਵਿਰਾਸਤ ਵਿੱਚ ਹੋਇਆ ਅਤੇ ਉਸਨੂੰ ਬਚਪਨ ਵਿੱਚ ਹੀ ਆਪਣੀ ਇਸ ਲਿੰਗ ਪਛਾਣ ਕਾਰਨ ਕਾਫੀ ਮੁਸ਼ਕਿਲਾਂ ਅਤੇ ਵਿਤਕਰੇ ਦਾ ਸਾਹਮਣਾ ਕਰਨਾ ਪਿਆ। 10 ਵੀਂ ਕਲਾਸ ਤੋਂ ਬਾਅਦ ਉਹ ਸਕੂਲ ਤੋਂ ਬਾਹਰ ਹੋ ਗਈ, ਉਸਨੂੰ ਬੱਸ ਸਟੈਂਡ 'ਤੇ ਸੌਣਾ ਪਿਆ ਅਤੇ ਭੀਖ ਵੀ ਮੰਗਣੀ ਪਈ।[2][3][4]

ਉਹ ਉੱਤਰ ਦਿਨਾਜਪੁਰ ਜ਼ਿਲ੍ਹੇ ਦੇ ਇਸਲਾਮਪੁਰ ਚਲੀ ਗਈ ਅਤੇ ਉਸਨੇ ਟਰਾਂਸਜੈਂਡਰ ਕਮਿਊਨਟੀ ਨੂੰ ਉਭਾਰਨ ਲਈ ਕੰਮ ਕੀਤਾ। ਇਸ ਦੇ ਨਾਲ ਹੀ ਉਸਨੇ ਸੀ.ਸੀ. ਰਾਹੀਂ ਆਪਣੀ ਪੜ੍ਹਾਈ ਪੂਰੀ ਕੀਤੀ ਅਤੇ ਕਾਨੂੰਨ ਵਿੱਚ ਡਿਗਰੀ ਪ੍ਰਾਪਤ ਕੀਤੀ। 2010 ਵਿੱਚ ਆਪਣੇ ਜ਼ਿਲ੍ਹੇ ਵਿੱਚੋਂ ਵੋਟਰ ਆਈਡੀ ਪ੍ਰਾਪਤ ਕਰਨ ਵਾਲੀ ਉਹ ਪਹਿਲੀ ਟਰਾਂਸਜੈਂਡਰ ਵਿਅਕਤੀ ਬਣੀ।[2]

ਮੋਂਡਲ ਨੇ ਆਪਣੀ ਖੁਦ ਦੀ ਸੰਸਥਾ ਦਿਨਾਜਪੁਰ ਨੌਟਨ ਅਲੋ (ਦਿਨਾਜਪੁਰ ਨਿਊ ਲਾਈਟ) ਵੀ ਸ਼ੁਰੂ ਕੀਤੀ, ਜੋ ਇਸ ਵੇਲੇ ਆਪਣੇ ਜ਼ਿਲ੍ਹੇ ਦੇ ਹਜ਼ਾਰਾਂ ਲੋਕਾਂ ਦੀ ਮਦਦ ਕਰ ਰਹੀ ਹੈ।[5]

ਕੈਰੀਅਰ[ਸੋਧੋ]

ਮੋਂਡਲ ਟਰਾਂਸਜੈਂਡਰ ਕਮਿਊਨਟੀ ਦੀ ਮੈਂਬਰ ਹੈ, ਜੋ ਕਮਿਊਨਿਟੀ ਦੇ ਕਲਿਆਣ ਅਤੇ ਵਿਕਾਸ ਲਈ ਕੰਮ ਕਰਦੀ ਹੈ। 2015 ਵਿੱਚ ਮੋਂਡਲ ਹੋਰਨਾਂ ਲੋਕਾਂ ਨਾਲ ਜੁੜੀ, ਜਿਨ੍ਹਾਂ ਨੇ ਐਚ.ਆਈ.ਵੀ/ਏਡਜ਼ ਅਤੇ ਮਰੀਜ਼ਾਂ ਦੀ ਭਲਾਈ ਲਈ ਕਮੇਟੀਆਂ ਬਣਾਈਆਂ ਹੋਈਆਂ ਸਨ।[1][2][6]

8 ਜੁਲਾਈ 2017 ਨੂੰ 29 ਸਾਲਾ ਮੋਂਡਲ ਪੱਛਮੀ ਬੰਗਾਲ, ਭਾਰਤ ਤੋਂ ਲੋਕ ਅਦਾਲਤ ਦੀ ਪਹਿਲੀ ਟਰਾਂਸਜੈਂਡਰ ਜੱਜ ਬਣ ਗਈ। ਉਹ ਉੱਤਰ ਦਿਨਾਜਪੁਰ ਦੇ ਇਸਲਾਮਪੁਰ ਵਿੱਚ ਲੋਕ ਅਦਾਲਤ ਦੇ ਜੱਜ ਵਜੋਂ ਦਫਤਰ ਜਾਣ ਲੱਗੀ ਜਿੱਥੇ ਉਸ ਦੇ ਪਹਿਲੇ ਕੇਸਾਂ ਵਿੱਚ ਬੈਂਕਾਂ ਦੁਆਰਾ ਕਰਜ਼ੇ ਦੀ ਵਸੂਲੀ ਸ਼ਾਮਲ ਸੀ।[1][6][7]

ਹਵਾਲੇ[ਸੋਧੋ]

  1. 1.0 1.1 1.2 "In another first, Bengal gets a transgender Lok Adalat judge" (in ਅੰਗਰੇਜ਼ੀ). Hindustan Times. 2017-07-17. Retrieved 2018-04-21.
  2. 2.0 2.1 2.2 2.3 "Meet the First Transgender Judge in India". Women's eNews (in ਅੰਗਰੇਜ਼ੀ (ਅਮਰੀਕੀ)). Retrieved 2018-04-21.
  3. 3.0 3.1 "Joyita Mondal, India's First Transgender Judge appointed". www.shethepeople.tv (in ਅੰਗਰੇਜ਼ੀ (ਅਮਰੀਕੀ)). Retrieved 2018-04-21.
  4. "Joyita Mondal: India`s first transgender judge – Some facts about her". Zee News (in ਅੰਗਰੇਜ਼ੀ). 2017-10-20. Retrieved 2018-04-21.
  5. "Meet India's first transgender judge Joyita Mondal". SBS Your Language (in ਅੰਗਰੇਜ਼ੀ). Retrieved 2018-04-21.
  6. 6.0 6.1 "Meet the woman who became the first transgender judge in India". Metro (in ਅੰਗਰੇਜ਼ੀ (ਬਰਤਾਨਵੀ)). 2017-10-16. Retrieved 2018-04-21.
  7. "India's first transgender judge Joyita Mondal wants jobs for her community". The New Indian Express. Archived from the original on 2019-02-13. Retrieved 2018-04-21.