ਨਾਦੌਣ

ਨਾਦੌਣ
ਕਸਬਾ
ਦੇਸ਼	ਭਾਰਤ
ਸੂਬਾ	ਹਿਮਾਚਲ ਪ੍ਰਦੇਸ਼
ਜ਼ਿਲ੍ਹਾ	ਹਮੀਰਪੁਰ
ਉੱਚਾਈ	508 m (1,667 ft)
ਆਬਾਦੀ  (2001)
• ਕੁੱਲ	4,405
ਭਾਸ਼ਾ
• ਸਰਕਾਰੀ	ਹਿੰਦੀ

ਨਾਦੌਣ ਹਿਮਾਚਲ ਪ੍ਰਦੇਸ਼ ਦੇ ਹਮੀਰਪੁਰ ਜ਼ਿਲ੍ਹੇ ਵਿੱਚ ਇੱਕ ਕਸਬਾ ਅਤੇ ਨਗਰ ਪੰਚਾਇਤ ਹੈ। ਇਹ ਕਾਂਗੜੇ ਤੋਂ 42 ਕੀ.ਮੀ ਪੂਰਬ ਵੱਲ ਬਿਆਸ ਦਰਿਆ ਦੇ ਕੰਢੇ ਉੱਤੇ ਸਥਿਤ ਹੈ। ਗੁਰੂ ਗੋਬਿੰਦ ਸਿੰਘ ਨਾਲ ਸਬੰਧਤ ਨਾਦੌਣ ਦੀ ਲੜਾਈ ਇਸੇ ਅਸਥਾਨ ਉੱਤੇ ਹੋਈ ਸੀ, ਹੁਣ ਇੱਥੇ ਇੱਕ ਗੁਰਦੁਆਰਾ ਬਿਰਾਜਮਾਨ ਹੈ ਜਿਸਦੀ ਉਸਾਰੀ ਮਹਾਰਾਜਾ ਰਣਜੀਤ ਸਿੰਘ ਨੇ ਕਰਵਾਈ ਸੀ।

ਬੁੱਲ੍ਹੇ ਸ਼ਾਹ ਨੇ ਨਾਦੌਣ ਬਾਰੇ ਲਿਖਿਆ ਹੈ 'ਆਏ ਨਾਦੌਣ, ਜਾਏ ਕੌਣ' (ਭਾਵ ਨਾਦੌਣ ਆਇਆ ਇਨਸਾਨ ਵਾਪਸ ਨਹੀਂ ਜਾਣਾ ਚਾਹੁੰਦਾ)। ਆਪਣੀ ਮਸ਼ਹੂਰ ਕਵਿਤਾ 'ਬੁੱਲ੍ਹਾ ਕੀ ਜਾਣਾ ਮੈਂ ਕੌਣ' ਵਿੱਚ ਉਹ ਨਾਦੌਣ ਦਾ ਜ਼ਿਕਰ ਕਰਦੇ ਹੋਏ ਲਿਖਦਾ ਹੈ 'ਨਾ ਮੈਂ ਰਹਿੰਦਾ ਵਿੱਚ ਨਾਦੌਣ'।