ਨੌਨਿਹਾਲ(ਹਿੰਦੀ ਫਿਲਮ)

ਨੌਨਿਹਾਲ 1967 ਦੀ ਇੱਕ ਭਾਰਤੀ ਹਿੰਦੀ ਭਾਸ਼ਾ ਦੀ ਡਰਾਮਾ ਫਿਲਮ ਹੈ ਜਿਸ ਦਾ ਨਿਰਦੇਸ਼ਨ ਰਾਜ ਮਾਰਬਰੋਸ ਨੇ ਕੀਤਾ ਸੀ ਅਤੇ ਇਸ ਵਿੱਚ ਸੰਜੀਵ ਕੁਮਾਰ, ਬਲਰਾਜ ਸਾਹਨੀ ਅਤੇ ਇੰਦਰਾਣੀ ਮੁਖਰਜੀ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ। ਫਿਲਮ ਦਾ ਸੰਗੀਤ ਮਦਨ ਮੋਹਨ ਦੁਆਰਾ ਤਿਆਰ ਕੀਤਾ ਗਿਆ ਸੀ, ਜਿਸ ਦੇ ਬੋਲ ਕੈਫੀ ਆਜ਼ਮੀ ਨੇ ਲਿਖੇ ਸਨ, ਜਿਸ ਵਿੱਚ ਮੁਹੰਮਦ ਰਫੀ ਦੁਆਰਾ ਗਾਇਆ ਗੀਤ "ਮੇਰੀ ਆਵਾਜ਼ ਸੁਨੋ ਪਿਆਰ ਕਾ ਰਾਜ਼ ਸੁਨੋ" ਸ਼ਾਮਲ ਹੈ। ਫਿਲਮ ਅਤੇ ਸੰਗੀਤ ਮਾਹਰ ਰਾਜੇਸ਼ ਸੁਬਰਾਮਣੀਅਮ ਦੇ ਅਨੁਸਾਰ ਗਾਇਕ ਮੁਹੰਮਦ ਰਫੀ ਨੇ ਗੀਤ 'ਮੇਰੀ ਆਵਾਜ਼ ਸੁਨੋ' ਲਈ ਸਿਰਫ ਤਿੰਨ ਸੌ ਰੁਪਏ ਦਾ ਟੋਕਨ ਲਿਆ। ਗੀਤ ਨੂੰ ਭਾਰਤ ਦੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਦੇ ਅੰਤਿਮ ਸੰਸਕਾਰ ਦੇ ਉੱਪਰ ਦਰਸਾਇਆ ਗਿਆ ਹੈ।

ਕਹਾਣੀ

ਇਹ ਫਿਲਮ ਅਨਾਥ ਰਾਜੂ ਬਾਰੇ ਹੈ, ਜਿਸ ਨੂੰ ਪੰਚਗਨੀ ਦੇ ਨਿਊ ਏਰਾ ਹਾਈ ਸਕੂਲ ਦੇ ਪ੍ਰਿੰਸੀਪਲ ਨੇ ਗੋਦ ਲਿਆ ਹੈ। ਬਾਅਦ ਵਿੱਚ, ਜਦੋਂ ਵਧ ਰਹੇ ਬੱਚੇ ਨੂੰ ਪਤਾ ਲੱਗਦਾ ਹੈ ਕਿ ਉਸ ਦਾ ਕੋਈ ਰਿਸ਼ਤੇਦਾਰ ਨਹੀਂ ਹੈ, ਤਾਂ ਉਸ ਨੂੰ ਇਹ ਕਹਿ ਕੇ ਦਿਲਾਸਾ ਦਿੱਤਾ ਜਾਂਦਾ ਹੈ ਕਿ ਚਾਚਾ ਨਹਿਰੂ ਉਸ ਦਾ ਇੱਕ ਰਿਸ਼ਤੇਦਾਰ ਹੈ, ਜੋ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਹੈ, ਇਸ ਤਰ੍ਹਾਂ ਨਹਿਰੂ ਨਾਲ ਉਸ ਦਾ ਰਿਸ਼ਤਾ ਸ਼ੁਰੂ ਹੁੰਦਾ ਹੈ ਅਤੇ ਅਨਾਥ ਰਾਜੂ ਚਾਚਾ ਨਹਿਰੂ ਨੂੰ ਮਿਲਣ ਲਈ ਦਿੱਲੀ ਜਾਣਦਾ ਹੈ ਅਤੇ ਮਿਲਣ ਦੇ ਬਹੁਤ ਯਤਨ ਕਰਦਾ ਹੈ। ਇਸ ਫਿਲਮ ਵਿੱਚ ਪੰਡਿਤ ਜਵਾਹਰ ਲਾਲ ਨਹਿਰੂ ਦੀ ਅੰਤਿਮ ਯਾਤਰਾ ਦਿਖਾਈ ਗਈ ਹੈ ਜਿਸ ਦੌਰਾਣ ਮੁੰਹਮਦ ਰਫੀ ਦਾ ਗਈਆਂ ਗੀਤ"ਮੇਰੀ ਆਵਾਜ਼ ਸੁਣੋ"ਚਲਦਾ ਹੈ।

ਕਾਸਟ

• ਸੰਜੀਵ ਕੁਮਾਰ-ਰਾਕੇਸ਼
• ਬਲਰਾਜ ਸਾਹਨੀ ਪ੍ਰਿੰਸੀਪਲ ਵਜੋਂ
• ਉਮਾ ਦੇ ਰੂਪ ਵਿੱਚ ਇੰਦਰਾਣੀ ਮੁਖਰਜੀ
• ਬੰਬਈ ਵਿੱਚ ਗੁੰਮਰਾਹ ਮਰਦ ਦੇ ਰੂਪ ਵਿੱਚ ਹਰਿੰਦਰਨਾਥ ਚਟੋਪਾਧਿਆਏ
• ਕਵੀ ਦੇ ਰੂਪ ਵਿੱਚ ਜਗਦੀਪ
• ਸਕੂਲ ਅਧਿਆਪਕ ਵਜੋਂ ਅਸਿਤ ਸੇਨ
• ਕਵਿਤਾ ਦੇ ਰੂਪ ਵਿੱਚ ਮਾਧਵੀ
• ਮਾਸਟਰ ਬਬਲੂ ਰਾਜੂ/ਭਿੱਖੂ ਵਜੋਂ
• ਬ੍ਰਹਮਾ ਭਾਰਦਵਾਜ-ਰਾਕੇਸ਼ ਦੇ ਪਿਤਾ
• ਦਿਆਲੂ ਦਿੱਲੀ ਵਾਸੀ ਵਜੋਂ ਅਭਿ ਭੱਟਾਚਾਰੀਆ
• ਗੋਪਾਲ ਰਾਜ ਭੂਟਾਨੀ
• ਲਕਸ਼ਮੀ ਛਾਇਆ ਡਾਂਸਰ/ਗਾਇਕਾ ਵਜੋਂ
• ਮਨਮੋਹਨ ਉਸਤਾਦ ਮਨਸ਼ਰਾਮ ਦੇ ਰੂਪ ਵਿੱਚ
• ਬਿਲੂ ਦੇ ਰੂਪ ਵਿੱਚ ਮਹਿਮੂਦ ਜੂਨੀਅਰ

ਸਾਊਂਡਟ੍ਰੈਕ

ਫ਼ਿਲਮ ਦਾ ਸਾਊਂਡਟ੍ਰੈਕ ਮਦਨ ਮੋਹਨ ਦੁਆਰਾ ਤਿਆਰ ਕੀਤਾ ਗਿਆ ਸੀ ਅਤੇ ਬੋਲ ਕੈਫ਼ੀ ਆਜ਼ਮੀ ਦੁਆਰਾ ਲਿਖੇ ਗਏ ਸਨ।

• "ਮੇਰੀ ਆਵਾਜ਼ ਸੁਨੋ ਪਿਆਰ ਕਾ ਰਾਜ਼ ਸੁਨੋ"-ਮੁਹੰਮਦ ਰਫੀ
• "ਤੁਮ੍ਹਾਰੀ ਜ਼ੁਲਫ ਕੇ ਸਾਯੇ ਮੇ ਸ਼ਾਮ ਕਰ ਲੁੰਗਾ"-ਮੁਹੰਮਦ ਰਫੀ
• "ਪੱਥਰ ਕੇ ਭਗਵਾਨ ਪਿਘਲ ਜਾ ਆਜ ਪਿਘਲਣਾ ਹੋਗਾ"-ਲਤਾ ਮੰਗੇਸ਼ਕਰ
• "ਹਾ ਹਾ ਹਾ ਛੁੱਟੀ ਆ ਗਈ"-ਕਮਲ ਬਰੋਟ, ਕ੍ਰਿਸ਼ਨਾ ਕਾਲੇ
• "ਨਾ ਰੇ ਨਾ ਰੇ ਬਾਬੂ, ਨਾ ਰੇ ਨਾ ਰੇ ਬਾਬਾ"-ਊਸ਼ਾ ਮੰਗੇਸ਼ਕਰ, ਲਤਾ ਮੰਗੇਸ਼ਕਰ
• "ਗੋਰੇ ਗਾਲੋਂ ਕੀ ਭੀ ਲੇ ਲੋ"-ਊਸ਼ਾ ਮੰਗੇਸ਼ਕਰ, ਆਸ਼ਾ ਭੋਸਲੇ
• "ਰਿਨ ਰਿਨ ਟਿਨ ਟਿਨ, ਕਿਤਨਾ ਪ੍ਯਾਰਾ ਪ੍ਯਾਰਾ ਮੌਸਮ ਕਿਤਨਾ ਪ੍ਯਾਰਾ ਦਿਨ"-ਕ੍ਰਿਸ਼ਨਾ ਕਾਲੇ
• "ਰੂਪ ਕੇ ਪੂਜਾਰੀਓ, ਹੁਸਨ ਕੇ ਭਿੱਖਾਰੀਓ"-ਊਸ਼ਾ ਮੰਗੇਸ਼ਕਰ, ਲਤਾ ਮੰਗੇਸ਼ਵਰ