ਪੰਡੋਰਾ ਦਾ ਡੱਬਾ
ਪੰਡੋਰਾ ਦਾ ਡੱਬਾ ਯੂਨਾਨੀ ਮਿਥਿਹਾਸ ਦੀ ਇੱਕ ਅਨੋਖੀ ਕਹਾਣੀ ਹੈ, ਹੇਸੀਓਡ ਦੀ ਕਾਵਿ-ਰਚਨਾ ਕੰਮ ਅਤੇ ਦਿਨ (Works and Days) ਵਿੱਚ ਪੰਡੋਰਾ ਦੀ ਸ੍ਰਿਸ਼ਟੀ ਦੀ ਮਿਥ ਵਿੱਚੋਂ ਲਈ ਗਈ ਹੈ।[1] "ਡੱਬਾ" ਅਸਲ ਵਿੱਚ ਪੰਡੋਰਾ (Πανδώρα) ਨੂੰ ਉਪਹਾਰ ਵਜੋਂ ਮਿਲਿਆ ਇੱਕ ਵੱਡਾ ਮਰਤਬਾਨ (πίθος ਪਿਥੋਸ)[2][3] ਸੀ, ਜਿਸ ਵਿੱਚ ਦੁਨੀਆ ਦੀਆਂ ਸਾਰੀਆਂ ਬੁਰਾਈਆਂ ਰੱਖੀਆਂ ਹੋਈਆਂ ਸਨ।
ਮਿਥਿਹਾਸ ਵਿੱਚ
[ਸੋਧੋ]ਕਲਾਸੀਕਲ ਯੂਨਾਨੀ ਮਿਥਿਹਾਸ ਵਿੱਚ, ਪੰਡੋਰਾ ਧਰਤੀ ਉੱਤੇ ਪਹਿਲੀ ਔਰਤ ਸੀ। ਜ਼ਿਊਸ ਨੇ ਉਸ ਨੂੰ ਬਣਾਉਣ ਲਈ ਹੇਫ਼ੇਸਟਸ ਨੂੰ ਹੁਕਮ ਦਿੱਤਾ। ਇਸ ਲਈ ਉਸ ਨੇ ਪਾਣੀ ਅਤੇ ਧਰਤੀ ਨੂੰ ਵਰਤ ਕੇ ਇਹ ਕਾਰਜ ਕੀਤਾ।[4] ਦੇਵਤਿਆਂ ਨੇ ਕਈ ਦਾਤਾਂ ਨਾਲ ਉਸ ਨੂੰ ਨਿਵਾਜਿਆ:. ਅਥੀਨਾ ਨੇ ਉਸ ਨੂੰ ਕੱਪੜੇ ਪਹਿਨਾ ਦਿੱਤੇ, ਐਫਰੋਡਾਇਟੀ ਨੇ ਉਸ ਨੂੰ ਸੁੰਦਰਤਾ ਦੇ ਦਿੱਤੀ ਹੈ, ਉਸ ਨੂੰ ਅਪੋਲੋ ਨੇ ਸੰਗੀਤ ਦੀ ਪ੍ਰਤਿਭਾ, ਅਤੇ ਹਰਮੇਸ ਨੇ ਬੋਲੀ ਦੇ ਦਿੱਤੀ।[5] ਹੇਸੀਓਡ ਅਨੁਸਾਰ, ਜਦੋਂ ਪ੍ਰੋਮੀਥੀਅਸ ਨੇ ਸੁਰਗ ਵਿੱਚੋਂ ਅੱਗ ਚੁਰਾ ਕੇ ਲੈ ਆਂਦੀ, ਜ਼ਿਊਸ ਨੇ ਪ੍ਰੋਮੀਥੀਅਸ ਦੇ ਭਰਾ ਐਪੀਮੀਥੀਅਸ ਨੂੰ ਪੰਡੋਰਾ ਭੇਟ ਕਰ ਕੇ ਬਦਲਾ ਲਿਆ। ਪੰਡੋਰਾ ਉਹ ਮਰਤਬਾਨ ਖੋਲ੍ਹ ਲੈਂਦੀ ਹੈ ਜਿਸ ਵਿੱਚ ਮੌਤ ਅਤੇ ਸੰਸਾਰ ਦੀਆਂ ਕੁੱਲ ਬੁਰਾਈਆਂ ਬੰਦ ਸਨ। ਉਹ ਕੰਟੇਨਰ ਨੂੰ ਜਲਦੀ ਨਾਲ ਬੰਦ ਕਰਨ ਲੱਗਦੀ ਹੈ, ਪਰ ਇੱਕ ਨੂੰ ਛੱਡ ਕੇ ਸਭ ਚੀਜ਼ਾਂ, ਸਾਰੀਆਂ ਬੁਰਾਈਆਂ ਫਰਾਰ ਹੋ ਚੁੱਕੀਆਂ ਸੀ – ਬੱਸ ਥੱਲੇ ਪਈ ਐਲਪਿਸ (ਆਮ ਤੌਰ 'ਤੇ, ਇਸ ਦਾ ਅਨੁਵਾਦ ਆਸ ਕੀਤਾ ਜਾਂਦਾ ਹੈ ਪਰ "ਉਮੀਦ" ਵੀ ਕਿਹਾ ਜਾਂਦਾ ਹੈ) ਬਾਕੀ ਰਹਿ ਗਈ ਸੀ।[6]
ਭੜੋਲੇ ਦੀ ਵਿਉਤਪਤੀ
[ਸੋਧੋ]ਮੂਲ ਗਰੀਕ ਸ਼ਬਦ ਜਿਸਦੀ ਵਰਤੋਂ ਕੀਤੀ ਗਈ ਉਹ ਸੀ - ਪਿਥੋਸ (pithos) ਹੈ, ਜੋ ਇੱਕ ਵੱਡਾ ਜਾਰ ਹੁੰਦਾ ਹੈ, ਕਦੇ ਕਦੇ ਇੰਨਾ ਵੱਡਾ ਜਿੰਨਾ ਕਿ ਇੱਕ ਛੋਟਾ ਮਨੁੱਖ (ਦੱਸਿਆ ਜਾਂਦਾ ਹੈ ਕਿ 'ਸਿਨੋਪ ਦਾ ਦਾਔਜੀਨ'- Diogenes of Sinope ਇਸ ਵਿੱਚ ਇੱਕ ਵਾਰ ਸੁੱਤਾ ਸੀ)। ਇਸਦੀ ਵਰਤੋ ਵਾਇਨ, ਤੇਲ, ਅਨਾਜ, ਜਾਂ ਹੋਰ ਸਾਮਗਰੀ ਦੇ ਭੰਡਾਰਣ ਦੇ ਲਈ, ਜਾਂ, ਧਾਰਮਿਕ ਤੌਰ 'ਤੇ ਮਨੁੱਖੀ ਸਰੀਰ ਨੂੰ ਦਫਨਾਣ ਵਾਲੇ ਇੱਕ ਪਾਤਰ ਦੇ ਰੂਪ ਵਿੱਚ ਕੀਤੀ ਜਾਂਦੀ ਸੀ।
ਹਵਾਲੇ
[ਸੋਧੋ]- ↑ Hesiod, Works and Days 47ff..
- ↑ Hesiod, Works and Days 94.
- ↑ Evelyn-White, note to Hesiod, Works and Days 81.; Schlegel and Weinfield, "Introduction to Hesiod" p. 6; Meagher, p. 148; Samuel Tobias Lachs, "The Pandora-Eve Motif in Rabbinic Literature", The Harvard Theological Review, Vol. 67, No. 3 (Jul., 1974), pp. 341-345.
- ↑ Hesiod, Works and Days 61–64.
- ↑ Hesiod, Works and Days 62–82.
- ↑ Hesiod, Works and Days 83–108; Gantz, pp 156–157.