ਵਨੀਤਾ (ਮੈਗਜ਼ੀਨ)

'

ਤਸਵੀਰ:Vanitha April 01, 2016 (cover - Sai Pallavi).jpg Sai Pallavi on the 1 April 2016 cover of Vanitha
ਮੁੱਖ ਸੰਪਾਦਕ	ਪ੍ਰੇਮਾ ਮੈਮੇਨ ਮੈਥਿਊ
ਸ਼੍ਰੇਣੀਆਂ	ਔਰਤਾਂ ਦਾ ਰਸਾਲਾ
ਆਵਿਰਤੀ	ਪੰਦਰਵਾੜੇ
ਸਰਕੂਲੇਸ਼ਨ	687,915 (ਦਸੰਬਰ 2013 ਦੇ ਅਨੁਸਾਰ)
ਸਥਾਪਨਾ	1975 (1975)
ਕੰਪਨੀ	ਮਲਿਆਲਾ ਮਨੋਰਮਾ ਕੰਪਨੀ ਲਿਮਿਟਡ
ਦੇਸ਼	ਭਾਰਤ
ਅਧਾਰ-ਸਥਾਨ	ਕੋੱਟਯਮ
ਭਾਸ਼ਾ	ਮਲਿਆਲਮ
ਵੈੱਬਸਾਈਟ	www.vanitha.in
OCLC number	416870983

ਵਨੀਤਾ ਮਲਿਆਲਾ ਮਨੋਰਮਾ ਸਮੂਹ ਦੁਆਰਾ ਹਰ ਪੰਦਰਵਾੜੇ ਪ੍ਰਕਾਸ਼ਿਤ ਹੋਣ ਵਾਲਾ ਭਾਰਤੀ ਰਸਾਲਾ ਹੈ। ਆਡਿਟ ਬਿਊਰੋ ਆਫ਼ ਸਰਕੂਲੇਸ਼ਨ ਦੇ ਅਨੁਸਾਰ ਇਹ ਭਾਰਤ ਦਾ ਸਭ ਤੋਂ ਵੱਡਾ ਮੈਗਜ਼ੀਨ ਹੈ। ਇਸ ਮੈਗਜ਼ੀਨ ਦੀਆਂ ਔਸਤਨ 687,915 ਕਾਪੀਆਂ ਦਸੰਬਰ 2013 ਤੱਕ ਵਿਕੀਆਂ ਹਨ। ਇਹ 2017 ਵਿੱਚ ਵੀ ਸਰਕੂਲੇਸ਼ਨ ਦੇ ਹਿਸਾਬ ਨਾਲ ਸਭ ਤੋਂ ਵੱਡਾ ਰਿਹਾ।

ਇਤਿਹਾਸ ਅਤੇ ਪ੍ਰੋਫਾਈਲ

ਵਨੀਤਾ 1975 ਵਿੱਚ ਮਾਸਿਕ ਮੈਗਜ਼ੀਨ ਦੇ ਰੂਪ ਵਿੱਚ ਸ਼ੁਰੂ ਕੀਤੀ ਗਿਆ ਸੀ ਅਤੇ 1987 ਵਿੱਚ ਇੱਕ ਪੰਦਰਵਾੜਾ ਬਣ ਗਿਆ। ਇਸ ਮੈਗਜ਼ੀਨ ਦੀ ਸਥਾਪਨਾ ਕੇ.ਐਮ. ਮੈਥਿਊ ਦੀ ਪਤਨੀ ਅੰਨਾਮਾ ਮੈਥਿਊ ਦੁਆਰਾ ਕੀਤੀ ਗਈ ਸੀ ਅਤੇ ਇਹ ਸਮਾਜ ਸੇਵਾ, ਖਾਣਾ ਪਕਾਉਣ, ਪੱਤਰਕਾਰੀ ਅਤੇ ਸਾਹਿਤ ਵਿੱਚ ਆਪਣੇ ਯੋਗਦਾਨ ਲਈ ਜਾਣਿਆ ਜਾਂਦਾ ਹੈ। ਵਨੀਤਾ ਮਲਿਆਲਮ ਵਿੱਚ ਪ੍ਰਕਾਸ਼ਿਤ ਹੋਇਆ ਹੈ ਅਤੇ 1997 ਵਿੱਚ ਇਸਦਾ ਹਿੰਦੀ ਐਡੀਸ਼ਨ ਪੇਸ਼ ਕੀਤਾ ਗਿਆ ਸੀ। ਭਾਵੇਂ ਇਸਦਾ ਨਾਮ ਸੰਸਕ੍ਰਿਤ ਵਿੱਚ "ਔਰਤ" ਵਜੋਂ ਅਨੁਵਾਦ ਕੀਤਾ ਗਿਆ ਹੈ ਪਰ ਇਸ ਵਿੱਚ ਵੱਖ-ਵੱਖ ਵਿਸ਼ਿਆਂ 'ਤੇ ਖ਼ਬਰਾਂ ਅਤੇ ਵਿਚਾਰ ਅਤੇ ਹੋਰ ਲੇਖ ਸ਼ਾਮਲ ਹਨ ਅਤੇ ਇਹ ਸਿਰਫ਼ ਔਰਤਾਂ ਦਾ ਰਸਾਲਾ ਨਹੀਂ ਹੈ।

ਵਨੀਤਾ ਕੋਟਾਯਮ ਵਿੱਚ ਐਮਐਮ ਪਬਲੀਕੇਸ਼ਨਜ਼ ਲਿਮਟਿਡ ਦੀ ਮਲਕੀਅਤ ਅਤੇ ਪ੍ਰਕਾਸ਼ਿਤ ਹੈ। ਐਮਐਮ ਪਬਲੀਕੇਸ਼ਨਜ਼ ਲਿਮਟਿਡ, ਮਲਿਆਲਾ ਮਨੋਰਮਾ ਗਰੁੱਪ ਦਾ ਹਿੱਸਾ ਹੈ। ਮਹੀਨੇ ਵਿੱਚ ਦੋ ਵਾਰ ਰਿਲੀਜ਼ ਹੋਣ ਤੋਂ ਇਲਾਵਾ ਵਨੀਤਾ ਵਿੱਚ ਓਨਮ, ਈਸਟਰ, ਨਵੇਂ ਸਾਲ ਦੇ ਦਿਨ ਅਤੇ ਕ੍ਰਿਸਮਸ ਲਈ ਵਿਸ਼ੇਸ਼ ਦੋਹਰੇ ਅੰਕ ਵੀ ਸ਼ਾਮਲ ਹਨ।

ਜੁਲਾਈ ਅਤੇ ਦਸੰਬਰ 2000 ਦੇ ਵਿਚਕਾਰ ਵਨੀਤਾ ਭਾਰਤ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲਾ ਮੈਗਜ਼ੀਨ ਸੀ, ਜਿਸਦੀਆਂ 3,82,027 ਕਾਪੀਆਂ ਸਰਕੂਲੇਸ਼ਨ ਸਨ। 2012 ਵਿੱਚ ਮੈਗਜ਼ੀਨ ਦੇ ਮਲਿਆਲਮ ਐਡੀਸ਼ਨ ਦੇ ਪਾਠਕਾਂ ਦੀ ਗਿਣਤੀ 2.27 ਮਿਲੀਅਨ ਤੋਂ ਵੱਧ ਸੀ। ਜਿਸ ਨਾਲ ਇਹ ਭਾਰਤ ਵਿੱਚ ਸਭ ਤੋਂ ਵੱਧ ਪੜ੍ਹਿਆ ਜਾਣ ਵਾਲਾ ਮੈਗਜ਼ੀਨ ਬਣ ਗਿਆ।

ਇਹ ਵੀ ਵੇਖੋ

• ਮਲਿਆਲਾ ਮਨੋਰਮਾ