ਵਰਤੋਂਕਾਰ:NavpreetButtar

ਰਾਣੀ ਰਾਮਪਾਲ

ਰਾਣੀ ਰਾਮਪਾਲ (ਜਨਮ 4 ਦਿਸੰਬਰ 1994) ਹਰਿਆਣਾ ਤੋਂ ਇਕ ਇੰਡੀਅਨ ਫੀਲਡ ਹਾਕੀ ਖਿਡਾਰੀ ਅਤੇ ਰਾਸ਼ਟਰੀ ਟੀਮ ਦੀ ਕਪਤਾਨ ਹੈ। ਉਸਨੇ 14 ਸਾਲ ਦੀ ਉਮਰ ਵਿਚ ਸੀਨੀਅਰ ਅੰਤਰਰਾਸ਼ਟਰੀ ਸ਼ੁਰੁਆਤ ਕੀਤੀ ਜਿਸਨੇ ਉਸਨੂੰ ਭਾਰਤ ਦੀ ਪ੍ਰਤੀਨਿਧਤਾ ਕਰਨ ਵਾਲੀ ਹੁਣ ਤੱਕ ਦੀ ਸਭ ਤੋਂ ਘੱਟ ਉਮਰ ਦੀ ਹਾਕੀ ਖਿਡਾਰੀ ਬਣਾ ਦਿੱਤਾ। ਉਹ 2010 ਵਿਚ 15 ਸਾਲ ਦੀ ਉਮਰ ਵਿੱਚ ਵਿਸ਼ਵ ਕਪ ਖੇਡਣ ਵਾਲੀ ਹੁਣ ਤੱਕ ਦੀ ਸਭ ਤੋਂ ਛੋਟੀ ਭਾਰਤੀ ਵੀ ਸੀ। ^[1]

ਇੱਕ ਸਟ੍ਰਾਈਕਰ ਅਤੇ ਇੱਕ ਮਿਡ ਫੀਲਡਰ ਦੀ ਦੋਹਰੀ ਭੂਮਿਕਾ ਨਿਭਾਉਣ ਵਾਲੀ ਰਾਮਪਾਲ ਨੇ 212 ਮੈਚਾਂ ਵਿੱਚ 134 ਅੰਤਰਰਾਸ਼ਟਰੀ ਗੋਲ ਕੀਤੇ ਹਨ। ^[2] ਉਹ ਭਾਰਤੀ ਟੀਮਾਂ ਦਾ ਹਿੱਸਾ ਸੀ ਜਿਸਨੇ ਕ੍ਰਮਵਾਰ 2018 ਅਤੇ 2014 ਏਸ਼ੀਅਨ ਖੇਡਾਂ ਵਿੱਚ ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ।^[3] 2018 ਦੇ ਏਸ਼ੀਅਨ ਖੇਡਾਂ ਵਿਚ ਹਰਿਆਣਾ ਦੀ ਕੁੜੀ ਨੇ ਭਾਰਤ ਦਾ ਝੰਡਾ ਚਕਿਆ। ^[4]

ਰਾਮਪਾਲ ਵਿਸ਼ਵ ਹਾਕੀ ਅਥਲੀਟ ਦੀ ਸਾਲ 2019 ਪੁਰਸਕਾਰ ਜਿੱਤਣ ਵਾਲੀ ਪਹਿਲੀ ਹਾਕੀ ਖਿਡਾਰੀ ਬਣੀ।^[5] ਸਪੋਰਟਸ ਅਥਾਰਟੀ ਆਫ ਇੰਡੀਆ (ਸਾਈ) ਦੇ ਨਾਲ ਇਕ 10 ਵੇਂ ਪੱਧਰ ਦੇ ਕੋਚ, ਉਸ ਨੂੰ 2020 ਵਿਚ ਦੇਸ਼ ਦਾ ਸਰਵਉਚ ਖੇਡ ਸਨਮਾਨ ਰਾਜੀਵ ਗਾਂਧੀ ਖੇਲ ਰਤਨ ਪੁਰਸਕਾਰ ਨਾਲ ਨਿਵਾਜਿਆ ਗਿਆ ਸੀ। ਉਸਨੇ ਪਹਿਲਾਂ ਹੀ ਸਾਲ 2016 ਵਿਚ ਅਰਜੁਨ ਪੁਰਸਕਾਰ ਨਾਲ ਸਨਮਾਨਤ ਕੀਤਾ ਸੀ। 2020 ਵਿਚ ਭਾਰਤ ਸਰਕਾਰ ਨੇ ਉਸ ਨੂੰ ਪਦਮ ਸ਼੍ਰੀ, ਭਾਰਤ ਦਾ ਚੌਥਾ ਸਰਵਉਚ ਨਾਗਰਿਕ ਪੁਰਸਕਾਰ ਨਾਲ ਨਿਵਾਜਿਆ। ^[6]^[7]^[8]

ਨਿੱਜੀ ਜ਼ਿੰਦਗੀ ਅਤੇ ਪਿਛੋਕੜ

ਰਾਮਪਾਲ ਦਾ ਜਨਮ ਗਰੀਬੀ ਵਿੱਚ ਸ਼ਾਹਬਾਦ ਮਾਰਕੰਡਾ, ਹਰਿਆਣਾ ਵਿੱਚ ਹੋਇਆ ਸੀ। ਉਸ ਦਾ ਪਿਤਾ ਇਕ ਕਾਰਟ ਚਲਾਉਣ ਵਾਲਾ ਸੀ ਅਤੇ ਆਪਣੀ ਸੀਮਤ ਆਮਦਨੀ ਨਾਲ ਮੁਸ਼ਕਿਲ ਨਾਲ ਗੁਜ਼ਾਰਾ ਕਰਦੇ ਸੀ। ਉਸਨੇ ਸੱਤ ਸਾਲਾਂ ਦੀ ਉਮਰ ਵਿੱਚ ਖੇਡਣਾ ਸ਼ੁਰੂ ਕੀਤਾ, ਪਰ ਉਸਨੂੰ ਪਰਿਵਾਰ ਦੀ ਵਿੱਤੀ ਸਥਿਤੀ ਵਿੱਚ ਸੁਧਾਰ ਬਾਰੇ ਵਧੇਰੇ ਸੋਚਣਾ ਪਿਆ. ਰਾਮਪਾਲ ਨੂੰ ਆਪਣੇ ਮਾਪਿਆਂ ਨੂੰ ਵੀ ਯਕੀਨ ਦਿਵਾਉਣਾ ਪਿਆ ਕਿਉਂਕਿ ਸਮਾਜਿਕ ਦਬਾਅ ਉਨ੍ਹਾਂ ਨੂੰ ਉਸ ਨੂੰ ਖੇਡ ਨਹੀਂ ਖੇਡਣ ਦਿੰਦਾ। ਸ਼ਾਹਾਬਾਦ ਮਹਿਲਾ ਹਾਕੀ ਦੇ ਸਰਬੋਤਮ ਕੋਚਿੰਗ ਸੈਂਟਰਾਂ ਵਿਚੋਂ ਇਕ ਹੋਣ ਕਰਕੇ ਉਸ ਵਿਚ ਮਦਦ ਮਿਲੀ ਅਤੇ ਉਸਨੇ ਸ਼ਾਹਬਾਦ ਹਾਕੀ ਅਕੈਡਮੀ ਵਿਚ ਦ੍ਰੋਣਾਚਾਰੀਆ ਪੁਰਸਕਾਰ ਪ੍ਰਾਪਤ ਕਰਨ ਵਾਲੇ ਕੋਚ ਸਰਦਾਰ ਬਲਦੇਵ ਸਿੰਘ ਦੇ ਅਧੀਨ ਸਿਖਲਾਈ ਲਈ। ^[9]^[10] 2005 ਵਿਚ, ਰਾਮਪਾਲ ਨੂੰ ਰਾਸ਼ਟਰੀ ਉਪ-ਜੂਨੀਅਰ ਕੈਂਪ ਲਈ ਚੁਣਿਆ ਗਿਆ ਜਿੱਥੇ ਉਸ ਨੂੰ ਪਿੱਠ ਦੀ ਇਕ ਵੱਡੀ ਸੱਟ ਲੱਗੀ ਜਿਸ ਕਾਰਨ ਉਸ ਨੂੰ ਇਕ ਸਾਲ ਲਈ ਖੇਡ ਤੋਂ ਦੂਰ ਰੱਖਿਆ ਗਿਆ। ਤੀਬਰ ਫਿਜ਼ੀਓਥੈਰੇਪੀ ਦੇ ਬਾਅਦ, ਹਰਿਆਣਾ ਦੀ ਕੁੜੀ ਠੀਕ ਹੋ ਗਈ ਅਤੇ 2007 ਵਿੱਚ ਦੁਬਾਰਾ ਖੇਡਣਾ ਸ਼ੁਰੂ ਕਰ ਦਿੱਤੀ। ਉਸਨੇ ਅਸਾਮ ਦੇ ਗੁਹਾਟੀ ਵਿਚ ਨਗਰਿਕਾਂ ਵਿਚ ਚੋਣਕਾਰਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਅਗਲੇ ਸਾਲ ਉਸ ਨੇ ਰਾਸ਼ਟਰੀ ਟੀਮ ਵਿਚ ਪੈਰ ਰੱਖਿਆ।^[11] ਜਿਵੇਂ ਹੀ ਉਸਦਾ ਪੇਸ਼ੇਵਰ ਕਰੀਅਰ ਸ਼ੁਰੂ ਹੋਇਆ, ਗੈਰ-ਮੁਨਾਫਾ ਸੰਗਠਨ ਗੋ

ਸਪੋਰਟਸ ਫਾਉਂਡੇਸ਼ਨ ਨੇ ਉਸ ਨੂੰ ਵਿੱਤੀ ਅਤੇ ਗੈਰ-ਮੁਦਰਾ ਸਹਾਇਤਾ ਪ੍ਰਦਾਨ ਕੀਤੀ.^[12] ਉੱਘੇ ਵਿੱਤੀ ਸੰਗਠਿਤ ਐਡਲਵਿਸ ਸਮੂਹ ਨੇ ਖੇਡਾਂ ਨਾਲ ਇੱਕ ਮਜ਼ਬੂਤ ਸਾਂਝ ਬਣਾਉਣ ਅਤੇ ਨੌਜਵਾਨ ਕੁੜੀਆਂ ਨੂੰ ਖੇਡਾਂ ਲਈ ਉਤਸ਼ਾਹਤ ਕਰਨ ਲਈ ਇੱਕ ਕਦਮ ਦੇ ਤੌਰ ਤੇ 2018 ਵਿੱਚ ਰਾਮਪਾਲ ਅਤੇ ਓਲੰਪੀਅਨ ਜਿਮਨਾਸਟ ਦੀਪਾ ਕਰਮਾਕਰ ਨੂੰ ਪ੍ਰਮੋਟਰ ਬਣਾਇਆ ^[13]

ਕਰੀਅਰ

ਰੂਸ ਵਿੱਚ ਜੂਨ, 2009 ਦੇ ਚੈਂਪੀਅਨਜ਼ ਚੈਲੇਂਜ ਟੂਰਨਾਮੈਂਟ ਵਿੱਚ, ਰਾਮਪਾਲ ਨੇ ਫਾਈਨਲ ਵਿੱਚ ਚਾਰ ਗੋਲ ਕੀਤੇ ਅਤੇ ‘ਟੌਪ ਗੋਲ ਸਕੋਰਰ’ ਅਤੇ ‘ਯੁਵਾ ਪਲੇਅਰ ਆਫ ਦਿ ਟੂਰਨਾਮੈਂਟ’ ਪੁਰਸਕਾਰ ਜਿੱਤੇ।^[14]

ਰਾਮਪਾਲ ਭਾਰਤ ਲਈ ਹੁਣ ਤੱਕ ਦੀ ਸਭ ਤੋਂ ਛੋਟੀ ਹਾਕੀ ਖਿਡਾਰੀ ਸੀ ਜਦੋਂ ਉਸ ਨੂੰ 14 ਸਾਲ ਦੀ ਉਮਰ ਵਿਚ ਓਲੰਪਿਕ ਕੁਆਲੀਫਾਇਰ ਲਈ ਰਾਸ਼ਟਰੀ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਸੀ।^[15]

ਉਸ ਨੂੰ ਐਫਆਈਐਚ (ਫੈਡਰੇਸ਼ਨ ਇੰਟਰਨੈਸ਼ਨੇਲ ਡੀ ਹਾਕੀ) ਦੇ '2010 ਦੀਆਂ ਕਾਮਨਵੈਲਥ ਖੇਡਾਂ ਵਿਚ "ਯੰਗ ਵੂਮੈਨ ਪਲੇਅਰ ਆਫ ਦਿ ਈਅਰ" ਅਵਾਰਡ ਲਈ ਨਾਮਜ਼ਦ ਕੀਤਾ ਗਿਆ ਸੀ। ਰਾਮਪਾਲ ਨੂੰ ਏਸ਼ੀਅਨ ਹਾਕੀ ਫੈਡਰੇਸ਼ਨ ਦੀ ਆਲ-ਸਟਾਰ ਟੀਮ ਵਿਚ 2010 ਦੀਆਂ ਏਸ਼ੀਅਨ ਖੇਡਾਂ ਵਿਚ ਉਸ ਦੇ ਪ੍ਰਦਰਸ਼ਨ ਲਈ ਚੁਣਿਆ ਗਿਆ ਸੀ।^[16]

ਉਸ ਦੇ ਵਿਸ਼ਵ ਕੱਪ ਦੀ ਸ਼ੁਰੂਆਤ ਸਾਲ 2010 ਵਿਚ, ਜਿਥੇ ਉਸਨੇ ਟੀਮ ਦੁਆਰਾ ਸੱਤ ਗੋਲ ਵਿਚੋਂ ਪੰਜ ਗੋਲ ਕੀਤੇ, ਉਥੇ ਇਸ ਕਰਕੇ ਉਸਨੂੰ ਨੂੰ "ਯੰਗ ਪਲੇਅਰ ਆਫ ਦਿ ਟੂਰਨਾਮੈਂਟ" ਪੁਰਸਕਾਰ ਵੀ ਮਿਲਿਆ। ਰਾਮਪਾਲ ਨੇ 2013 ਦੇ ਜੂਨੀਅਰ ਵਰਲਡ ਕੱਪ ਵਿਚ ਟੀਮ ਲਈ ਕਾਂਸੀ ਦੇ ਤਗਮੇ ਦੇ ਨਾਲ ਇਹੀ ਪੁਰਸਕਾਰ ਵੀ ਪ੍ਰਾਪਤ ਕੀਤਾ।

2014 ਵਿੱਚ, ਉਸਨੇ ਏਸ਼ੀਅਨ ਖੇਡਾਂ ਵਿੱਚ ਭਾਰਤ ਨੂੰ ਕਾਂਸੀ ਦਾ ਤਗਮਾ ਜਿੱਤਣ ਵਿੱਚ ਸਹਾਇਤਾ ਕੀਤੀ।

ਸਾਲ 2016 ਦੇ ਰੀਓ ਓਲੰਪਿਕ ਵਿੱਚ, ਜਿਥੇ ਭਾਰਤ 36 ਸਾਲਾਂ ਬਾਅਦ ਖੇਡ ਰਿਹਾ ਸੀ, ਰਾਮਪਾਲ ਨੇ ਸਾਰੇ ਪੰਜ ਸਮੂਹ ਖੇਡ ਖੇਡੇ ਅਤੇ ਦੋ ਵਾਰ ਜਾਪਾਨ ਦੇ ਖਿਲਾਫ ਉਦਘਾਟਨੀ ਖੇਡ ਵਿੱਚ ਗੋਲ ਕੀਤੇ।^[17]

ਰੀਓ ਤੋਂ ਪਰਤਣ ਤੋਂ ਬਾਅਦ ਉਸਨੂੰ ਭਾਰਤੀ ਟੀਮ ਦੀ ਕਪਤਾਨ ਬਣਾਇਆ ਗਿਆ ਸੀ। ਟੀਮ ਨੇ 2018 ਏਸ਼ੀਅਨ ਖੇਡਾਂ ਵਿਚ ਚਾਂਦੀ ਦਾ ਤਗਮਾ ਜਿੱਤਣ ਦੀ ਕੋਸ਼ਿਸ਼ ਕੀਤੀ, ਪਰ ਫਾਈਨਲ ਵਿਚ ਹਾਰ ਕੇ 2020 ਟੋਕਿਓ ਓਲੰਪਿਕ ਲਈ ਸਿੱਧੀ ਯੋਗਤਾ ਗੁਆ ਦਿੱਤੀ। ਹਾਲਾਂਕਿ, ਸੰਯੁਕਤ ਰਾਜ ਦੇ ਵਿਰੁੱਧ ਸਾਲ 2019 ਵਿੱਚ ਓਲੰਪਿਕ ਕੁਆਲੀਫਾਇਰ ਵਿੱਚ ਰਾਮਪਾਲ ਦਾ ਫੈਸਲਾਕੁੰਨ ਗੋਲ ਸੀ ਜਿਸ ਨੇ ਗਰਮੀ ਦੀਆਂ ਖੇਡਾਂ ਵਿੱਚ ਭਾਰਤ ਦਾ ਸਥਾਨ ਬੁੱਕ ਕੀਤਾ ਸੀ। ਭਾਰਤੀ ਟੀਮ 2018 ਵਿਸ਼ਵ ਕੱਪ ਵਿਚ ਕੁਆਰਟਰ ਫਾਈਨਲ ਵਿਚ ਪਹੁੰਚਣ ਵਿਚ ਕਾਮਯਾਬ ਰਹੀ ਅਤੇ ਉਸੇ ਸਾਲ ਉਸਦੀ ਅਗਵਾਈ ਵਿਚ ਰਾਸ਼ਟਰਮੰਡਲ ਖੇਡਾਂ ਵਿਚ ਚੌਥੇ ਸਥਾਨ 'ਤੇ ਰਹੀ। ^[18]^[19]