ਸਾਹਿਤ ਵਿਚ ਨਵਾਂ ਅਕੈਡਮੀ ਪੁਰਸਕਾਰ
ਸਾਹਿਤ ਵਿੱਚ ਨਵਾਂ ਅਕੈਡਮੀ ਪੁਰਸਕਾਰ 2018 ਵਿੱਚ ਸਾਹਿਤ ਦੇ ਨੋਬਲ ਪੁਰਸਕਾਰ ਦੀ ਬਜਾਏ ਸਥਾਪਿਤ ਕੀਤਾ ਗਿਆ ਸੀ, ਜਿਸ ਨੂੰ 2018 ਵਿੱਚ ਮੁਲਤਵੀ ਕਰ ਦਿੱਤਾ ਗਿਆ ਸੀ।[1] ਜੇਤੂ ਦੀ ਘੋਸ਼ਣਾ 12 ਅਕਤੂਬਰ 2018 ਨੂੰ ਕੀਤੀ ਗਈ ਸੀ।[2] ਨਵੀਂ ਅਕੈਡਮੀ ਦਸੰਬਰ 2018 ਵਿੱਚ ਭੰਗ ਕਰ ਦਿੱਤੀ ਗਈ ਸੀ।[3]
ਮਈ 2018 ਵਿਚ, ਇਹ ਘੋਸ਼ਣਾ ਕੀਤੀ ਗਈ ਸੀ ਕਿ ਇਸ ਚੈਪਟਰ ਮੈਂਬਰ, ਕੈਟਾਰੀਨਾ ਫਰਾਸਟਨਸਨ ਦੇ ਪਤੀ ਜੀਨ-ਕਲਾਉਡ ਅਰਨੌਲਟ ਵਿਰੁੱਧ ਜਿਨਸੀ ਛੇੜਛਾੜ ਦੇ ਦੋਸ਼ਾਂ ਕਾਰਨ ਸਾਹਿਤ ਵਿੱਚ ਨੋਬਲ ਪੁਰਸਕਾਰ ਇਸ ਸਾਲ ਲਈ ਦਿੱਤਾ ਨਹੀਂ ਜਾ ਸਕਣਾ। ਜੂਨ ਵਿੱਚ ਉਸ ਦੀ ਗ੍ਰਿਫਤਾਰੀ ਇੱਕ ਘੁਟਾਲੇ ਦਾ ਸਬੱਬ ਬਣ ਗਈ ਜਿਸ ਨੇ ਚੈਪਟਰ ਦੇ ਪੁਰਖ-ਪ੍ਰਧਾਨ ਚਰਿੱਤਰ ਬਾਰੇ ਬਹਿਸ ਛੇੜ ਦਿੱਤੀ ਅਤੇ ਇਸ ਦੇ ਬਾਅਦ ਇਸ ਸੰਸਥਾ ਦੇ ਮੈਂਬਰਾਂ ਵਿੱਚਕਾਰ ਵਿਵਾਦ ਪੈਦਾ ਹੋ ਗਿਆ। ਇਨ੍ਹਾਂ ਝਗੜਿਆਂ ਦੇ ਕਾਰਨ ਚੈਪਟਰ ਵਿੱਚ ਕਈ ਤਰਾਂ ਦੇ ਅਸਤੀਫ਼ੇ ਦਿੱਤੇ ਜਾਣ ਲੱਗ ਪਏ ਸਨ, ਜਿਸ ਦੇ ਨਤੀਜੇ ਵਜੋਂ ਕੋਰਮ ਦੀ ਕਮੀ ਹੋ ਗਈ ਸੀ।
ਨਵੀਂ ਅਕੈਡਮੀ ਦੀ ਸਥਾਪਨਾ 2018 ਵਿੱਚ ਕੀਤੀ ਗਈ ਸੀ। ਨਵੀਂ ਅਕੈਡਮੀ ਵਿੱਚ ਸਵੀਡਿਸ਼ ਸੰਸਕ੍ਰਿਤੀ ਦੇ ਪ੍ਰਤੀਨਿਧ, ਕੁਲ 100 ਤੋਂ ਵੱਧ ਲੋਕ ਸ਼ਾਮਲ ਸਨ। ਇੱਕ ਨਵਾਂ, ਇਕ-ਵਾਰ ਦਾ ਪੁਰਸਕਾਰ ਦੇਣ ਦਾ ਉਦੇਸ਼ 2018 ਵਿੱਚ ਸਾਹਿਤ ਵਿੱਚ ਨੋਬਲ ਪੁਰਸਕਾਰ ਨਾ ਦਿੱਤੇ ਜਾਣ ਦੇ ਸੰਬੰਧ ਵਿੱਚ ਪਏ ਪਾੜੇ ਨੂੰ ਪੂਰਾ ਕਰਨਾ ਸੀ, ਇਸ ਲਈ ਇਸ ਪਹਿਲੇ ਅਵਾਰਡ ਦੇ ਜੇਤੂ ਐਲਾਨ ਕਰਨ ਦੇ ਸਮੇਂ ਦੇ ਅੰਦਰ ਇਹ ਪੁਰਸਕਾਰ ਦੇਣ ਦਾ ਫੈਸਲਾ ਕੀਤਾ ਗਿਆ ਸੀ। ਪੁਰਸਕਾਰ ਇੱਕ ਆਦਰਸ਼ਵਾਦੀ ਭਾਵਨਾ ਵਿੱਚ ਲਿਖੀਆਂ ਅਤੇ ਪੂਰੀ ਦੁਨੀਆ ਲਈ ਸਰਬਵਿਆਪਕ ਕਹਾਣੀਆਂ ਪਾਉਣ ਵਾਲੀਆਂ ਸਭ ਤੋਂ ਉੱਤਮ ਰਚਨਾਵਾਂ ਲਈ ਦਿੱਤੇ ਜਾਣ ਦਾ ਮਨਸ਼ਾ ਸੀ।
ਸਵੀਡਿਸ਼ ਲਾਇਬ੍ਰੇਰੀਅਨਾਂ ਦੇ ਨਾਮਜ਼ਦ ਕੀਤੇ 47 ਉਮੀਦਵਾਰਾਂ ਲਈ ਦੁਨੀਆ ਭਰ ਨੂੰ ਇੱਕ ਖੁੱਲੇ ਸੱਦੇ ਦੇ ਅਧਾਰ ਤੇ ਜਨਤਕ ਵੋਟਾਂ ਦੀ ਮੰਗ ਕੀਤੀ ਗਈ ਸੀ ਅਤੇ ਉਸਦੇ ਬਾਦ ਅਕੈਡਮੀ ਨੇ ਐਲਾਨ ਕੀਤਾ ਕਿ ਨਵੇਂ ਇਨਾਮ ਲਈ ਚਾਰ ਅੰਤਿਮ ਲੇਖਕ ਮੈਰੀਸੇ ਕੌਂਡੇ, ਨੀਲ ਗੈਮਨ, ਹਾਰੂਕੀ ਮੁਰਾਕਾਮੀ ਅਤੇ ਕਿਮ ਥਈ ਚੁਣੇ ਗਏ ਸਨ।[4]
17 ਸਤੰਬਰ 2018 ਨੂੰ ਮੁਰਾਕਾਮੀ ਨੇ ਬੇਨਤੀ ਕੀਤੀ ਕਿ ਉਸ ਦੀ ਨਾਮਜ਼ਦਗੀ ਵਾਪਸ ਲੈ ਲਈ ਜਾਵੇ। ਉਸਦਾ ਕਹਿਣਾ ਸੀ ਕਿ ਉਹ "ਮੀਡੀਆ ਦੇ ਧਿਆਨ ਤੋਂ ਦੂਰ, ਲਿਖਣ ਉੱਤੇ ਆਪਣਾ ਧਿਆਨ ਕੇਂਦ੍ਰਤ ਕਰਨਾ ਚਾਹੁੰਦੇ ਹਨ।"[5]
ਸਾਹਿਤ ਵਿੱਚ ਨਵਾਂ ਅਕਾਦਮੀ ਪੁਰਸਕਾਰ ਮੈਰੀਸੇ ਕੌਂਡੇ ਨੂੰ ਦਿੱਤਾ ਗਿਆ।[6]
ਸਾਹਿਤ ਵਿੱਚ 2018 ਦੇ ਨੋਬਲ ਪੁਰਸਕਾਰ ਦੇ ਮੁਲਤਵੀ ਹੋਣ ਤੋਂ ਬਾਅਦ, ਨਵੀਂ ਅਕੈਡਮੀ ਨੂੰ ਗੈਰ-ਮੁਨਾਫਾ ਸੰਗਠਨ ਦੇ ਰੂਪ ਵਿੱਚ, 2018 ਵਿੱਚ ਬਣਾਇਆ ਗਿਆ ਸੀ, ਜੋ ਨੋਬਲ ਫਾਉਂਡੇਸ਼ਨ ਜਾਂ ਸਵੀਡਿਸ਼ ਅਕੈਡਮੀ[7] ਨਾਲ ਸਬੰਧਤ ਨਹੀਂ ਸੀ।
ਹਵਾਲੇ
[ਸੋਧੋ]- ↑ Marshall, Alex (July 13, 2018). "An Alternative to the Nobel Prize in Literature, Judged by You". The New York Times. Retrieved September 18, 2018.
- ↑ Schaub, Michael (September 17, 2018). "Haruki Murakami takes his name out of the running for alternative literature Nobel". Los Angeles Times. Retrieved September 18, 2018.
- ↑ Flood, Alison (July 2, 2018). "Alternative Nobel literature prize planned in Sweden". The Guardian. Retrieved September 18, 2018.
- ↑ "The finalists: The New Academy Prize in Literature 2018". Den Nya Akademien (The New Academy). Archived from the original on ਅਕਤੂਬਰ 22, 2018. Retrieved September 18, 2018.
{{cite web}}: Unknown parameter|dead-url=ignored (|url-status=suggested) (help) - ↑ "Japan's Haruki Murakami withdraws from consideration for alternative Nobel award". The Japan Times. September 16, 2018. Retrieved September 18, 2018.
- ↑ Maryse Condé Wins an Alternative to the Literature Nobel in a Scandal-Plagued Year, nytimes.com. Retrieved October 12, 2018.
- ↑ Erika H. Kern (Aug 29, 2018). "The alternative Nobel Prize in Literature". bookriot.com (in ਅੰਗਰੇਜ਼ੀ). Archived from the original on Dec 30, 2018.
ਬਾਹਰੀ ਲਿੰਕ
[ਸੋਧੋ]- ਨਵੀਂ ਅਕੈਡਮੀ Archived 2018-10-14 at the Wayback Machine.