ਦਿ ਬਲੈਕ ਪ੍ਰਿੰਸ(ਫ਼ਿਲਮ)

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਦਿ ਬਲੈਕ ਪ੍ਰਿੰਸ(ਫ਼ਿਲਮ)
ਨਿਰਦੇਸ਼ਕਕਵੀ ਰਾਜ
ਸਿਤਾਰੇ
  • ਸਤਿੰਦਰ ਸਰਤਾਜ਼
  • ਅਾਮੰਡਾ ਰੂਟ
  • ਜੈਸਨ ਫਲੈਮਿੰਗ
  • ਅਤੁਲ ਸ਼ਰਮਾ
  • ਰੂਪ ਮੈਗਨ
ਸੰਗੀਤਕਾਰਜਾੱਰਜ ਕੇਲਿਸ
ਸਿਨੇਮਾਕਾਰਅਰਾਨ ਸੀ. ਸਮਿੱਥ
ਦੇਸ਼ਭਾਰਤ, ਇੰਗਲੈਂਡ ਅਤੇ ਅਮਰੀਕਾ
ਭਾਸ਼ਾਪੰਜਾਬੀ, ਹਿੰਦੀ ਤੇ ਅੰਗਰੇਜ਼ੀ
ਬਜਟ5 ਮਿਲੀਅਨ ਡਾੱਲਰ

ਦਿ ਬਲੈਕ ਪ੍ਰਿੰਸ(ਫ਼ਿਲਮ) ਮਹਾਰਾਜਾ ਦਲੀਪ ਸਿੰਘ ਦੀ ਜੀਵਨ 'ਤੇ ਅਧਾਰਿਤ ਹੈ । ਇਹ ਫ਼ਿਲਮ ਹਾੱਲੀਵੁੱਡ ਪੱਧਰ ਦੀ ਫ਼ਿਲਮ ਹੈ, ਜਿਸਦਾ ਨਿਰਦੇਸ਼ਨ ਹਾੱਲੀਵੁੱਡ ਦੇ ਪ੍ਰਸਿੱਧ ਨਿਰਦੇਸ਼ਕ ਕਵੀ ਰਾਜ ਨੇ ਕੀਤਾ ਹੈ। ਫ਼ਿਲਮ ਵਿੱਚ ਮਹਾਰਾਜਾ ਦਲੀਪ ਸਿੰਘ ਅਤੇ ਮਹਾਰਾਣੀ ਵਿਕਟੋਰੀਆ ਦੀ ਜ਼ਿੰਦਗੀ ਦੇ ਨਾਲ-ਨਾਲ 'ਮਹਾਰਾਜਾ ਦਲੀਪ ਸਿੰਘ' ਦੇ ਸੰਘਰਸ਼ ਨੂੰ ਦਿਖਾਇਆ ਹੈ। ਅਸਲ ਵਿੱਚ ਇਹ ਫਿਲਮ ਪੰਜਾਬ ਦੇ ਆਖਰੀ ਬਾਦਸ਼ਾਹ ਮਹਾਰਾਜਾ ਦਲੀਪ ਸਿੰਘ ਦੇ ਜੀਵਨ ਉਪਰ ਅਧਾਰਿਤ ਸੱਚੀ ਕਹਾਣੀ ਨਾਲ ਸਬੰਧਤ ਹੈ ਜਿਨ੍ਹਾਂ ਜਨਮ ਸੰਨ 1838 ਵਿਚ ਹੋਇਆ ਸੀ ਅਤੇ ਬਚਪਨ ਵਿਚ ਹੀ ਉਸ ਦੇ ਪਿਤਾ ਮਹਾਰਾਜਾ ਰਣਜੀਤ ਸਿੰਘ ਦਾ ਦੇਹਾਂਤ ਹੋ ਗਿਆ। ਉਸ ਨੂੰ ਬਚਪਨ ਵਿਚ ਹੀ ਤਖ਼ਤ ਤੋਂ ਲਾਹ ਦਿੱਤਾ ਗਿਆ ਅਤੇ ਉਸ ਦੀ ਮਾਂ ਮਹਾਰਾਣੀ ਜਿੰਦ ਕੌਰ ਤੋਂ ਵੀ ਵੱਖ ਕਰ ਦਿੱਤਾ ਗਿਆ ਅਤੇ ਉਸ ਨੂੰ ਰਾਜ ਤੋਂ ਵਾਂਝਾ ਕਰਕੇ ਪੰਜਾਬ ਨੂੰ ਬਰਤਾਨਵੀ ਸਾਮਰਾਜ ਵਿਚ ਮਿਲਾ ਲਿਆ ਗਿਆ। ਸਿਆਸੀ ਉਥਲ ਪੁਥਲ ਅਤੇ ਖਾਨਾਜੰਗੀ ਵਿਚ ਉਸ ਦੇ ਸਾਹਮਣੇ ਉਸ ਦੇ ਭਰਾਵਾਂ ਦਾ ਕਤਲ ਕਰ ਦਿੱਤਾ ਗਿਆ ਅਤੇ ਉਸ ਨੂੰ ਨਾਬਾਲਗ ਉਮਰੇ ਹੀ ਇੰਗਲੈਂਡ ਭੇਜ ਦਿੱਤਾ ਗਿਆ ਤੇ ਉਸ ਦਾ ਭਵਿੱਖ ਬਾਰੇ ਉਸ ਨੂੰ ਕੋਈ ਖਾਹਿਸ਼ ਨਹੀਂ ਪੁੱਛੀ ਗਈ। ਮਹਾਰਾਜਾ ਦਲੀਪ ਸਿੰਘ ਭਾਵੇਂ ਕੁਝ ਗੱਲਾਂ ਅਤੇ ਹਲਾਤਾਂ ਤੋਂ ਹਾਰ ਗਿਅਾ ਪਰ ੳੁਹ ਅਾਪਣੀ ਪਛਾਣ ਲਈ ਲੜਿਅਾ। ਮਹਾਰਾਜਾ ਦਲੀਪ ਦਿੰਘ ਦੀ ਮੌਤ ਪੈਰਿਸ(ਫ਼ਰਾਂਸ) ਦੇ ਇੱਕ ਹੋਟਲ 'ਚ ਜ਼ਿੰਦਗੀ ਨਾਲ ਲੜਦੇ ਹੋਏ ਹੋਈ।[1][2]

ਗੋਂਦ(ਪਲਾਟ)[ਸੋਧੋ]

'ਦਿ ਬਲੈਕ ਪ੍ਰਿੰਸ' ਉਸ ਨਾਬਾਲਗ ਬੱਚੇ ਦੀ ਕਹਾਣੀ ਹੈ ਜਿਸ ਨੂੰ ਬਚਪਨ ਵਿਚ ਉਸ ਦੀ ਮਾਂ ਤੋਂ ਵੱਖ ਕਰਕੇ ਦੇਸ਼ ਨਿਕਾਲਾ ਦਿੱਤਾ ਗਿਆ ਅਤੇ ਜਬਰਦਸਤੀ ਉਸ ਨੂੰ ਇੰਗਲੈਂਡ ਭੇਜਿਆ ਗਿਆ। ਸੰਨ 1854 ਵਿਚ ਦਲੀਪ ਸਿੰਘ ਦੇ ਲੰਡਨ ਵਿਚ ਪਹੁੰਚਣ ਤੇ ਇਹ ਕਹਾਣੀ ਸ਼ੁਰੂ ਹੁੰਦੀ ਹੈ ਜਦ ਉਹ ਇਕ ਇਸਾਈ ਦੇ ਤੌਰ ਤੇ ਸਾਹਮਣੇ ਆਉਂਦਾ ਹੈ। ਮਹਾਰਾਣੀ ਵਿਕਟੋਰੀਆ ਅਤੇ ਉਸ ਦੇ ਸਾਥੀ ਪ੍ਰਿੰਸ ਐਲਬਰਟ ਦੇ ਨੇੜੇ ਹੁੰਦਿਆਂ ਉਸ ਕੋਲ ਸਾਰੀਆਂ ਸੁਖ ਸਹੂਲਤਾਂ ਹਨ, ਪਰ ਦਲੀਪ ਸਿੰਘ ਨਾ ਹੀ ਖੁਸ਼ ਹੈ ਤੇ ਨਾ ਉਸ ਨੂੰ ਤਸੱਲੀ ਹੈ। ਇੰਗਲੈਂਡ ਇਸ ਨੌਜਵਾਨ ਦਾ ਅਸਲੀ ਘਰ ਨਹੀਂ ਹੈ। ਆਪਣੇ ਅਤੀਤ ਅਤੇ ਬਚਪਨ ਦੀਆਂ ਯਾਦਾਂ ਵਿਚ ਖੋਇਆ ਉਹ ਆਪਣੀ ਅਸਲੀ ਪਛਾਣ ਦੀ ਖੋਜ ਵਿਚ ਭਟਕ ਰਿਹਾ ਹੈ। ਇੱਥੋਂ ਤੱਕ ਕਿ ਉਸ ਦਾ ਵਿਆਹ ਹੋਣ ਅਤੇ ਪਰਿਵਾਰਕ ਜੀਵਨ ਵਿਚ ਰੁੱਝ ਜਾਣ ਦੇ ਬਾਵਜੂਦ ਉਹ ਆਪਣਾ ਖੁੱਸਿਆ ਰਾਜ ਭਾਗ ਮੁੜ ਹਾਸਲ ਕਰਨ ਮੁੜ ਆਪਣੇ ਲੋਕਾਂ ਵਿਚ ਜਾਂਦਾ ਹੈ। ਜਿਉਂ ਜਿਉਂ ਕਹਾਣੀ ਦੀਆਂ ਪਰਤਾਂ ਖੁਲ੍ਹਦੀਆਂ ਹਨ, ਸਾਨੂੰ ਪਤਾ ਲਗਦਾ ਹੈ ਕਿਵੇਂ ਉਹ ਦੁਬਾਰਾ ਆਪਣੀ ਮਾਂ ਮਹਾਰਾਣੀ ਜਿੰਦਾਂ ਨੂੰ ਮਿਲਦਾ ਹੈ। ਉਹ ਉਸ ਨੂੰ ਉਸ ਦੇ ਅਤੀਤ ਬਾਰੇ ਦਸਦੀ ਹੈ ਅਤੇ ਮੁੜ ਆਪਣੀ ਸਲਤਨਤ ਹਾਸਲ ਕਰਨ ਲਈ ਪ੍ਰੇਰਦੀ ਹੈ। ਦਲੀਪ ਸਿੰਘ ਇਕ ਖਤਰਨਾਕ ਯਾਤਰਾ, ਜੋ ਕਿ ਬਿਲਕੁਲ ਨਾਮੁਮਕਿਨ ਲਗਦੀ ਹੈ, ਤੈਅ ਕਰਨ ਲਈ ਦ੍ਰਿੜ੍ਹ ਹੌਂਸਲਾ ਵਿਖਾਉਂਦਾ, ਉਮੀਦ ਛੱਡਣ ਤੋਂ ਇਨਕਾਰ ਕਰ ਦਿੰਦਾ ਹੈ। ਇਹ ਉਹ ਵਿਅਕਤੀ ਹੈ ਜਿਸ ਨੇ ਆਪਣੇ ਇਤਿਹਾਸ ਵਿਚ ਬਹੁਤ ਹੀ ਔਖੀ ਭੂਮਿਕਾ ਨਿਭਾਈ ਹੈ ਪਰ ਉਸ ਦੀ ਕਹਾਣੀ ਭੂਗੋਲਿਕ ਹੱਦ ਬੰਨੇ ਪਾਰ ਕਰ ਜਾਂਦੀ ਹੈ। ਅਖ਼ੀਰ ਉਹ ਆਪਣੀ ਤਾਕਤ ਨਾਲ ਆਪਣੀ ਜੜ੍ਹਾਂ ਅਤੇ ਹੋਣੀ ਨਾਲ ਜਾ ਮਿਲਿਆ। ਆਪਣੀ ਸਲਤਨਤ ਅਤੇ ਵਿਰਾਸਤ ਮੁੜ ਹਾਸਲ ਕਰਨ ਲਈ ਲੜਦੇ ਹੋਏ ਦਲੀਪ ਸਿੰਘ ਨੇ ਬਰਤਾਨਵੀ ਸਾਮਰਾਜ ਦੀ ਵੱਡੀ ਤਾਕਤ ਦਾ ਸਾਹਮਣਾ ਕੀਤਾ। ਮਹਾਰਾਜਾ ਦਲੀਪ ਸਿੰਘ ਭਾਵੇਂ ਕੁਝ ਗੱਲਾਂ ਅਤੇ ਹਲਾਤਾਂ ਤੋਂ ਹਾਰ ਗਿਅਾ ਪਰ ੳੁਹ ਅਾਪਣੀ ਪਛਾਣ ਲਈ ਲੜਿਅਾ। ਮਹਾਰਾਜਾ ਦਲੀਪ ਦਿੰਘ ਦੀ ਮੌਤ ਪੈਰਿਸ(ਫਰਾਂਸ) ਦੇ ਇੱਕ ਹੋਟਲ 'ਚ ਜ਼ਿੰਦਗੀ ਨਾਲ ਲੜਦੇ ਹੋਏ ਹੋਈ।[3][4]ਅਸਲ ਵਿੱਚ ਇਹ ਫ਼ਿਲਮ ਮਹਾਰਾਜਾ ਦਲੀਪ ਦਿੰਘ ਦੀ ਦੁਖਾਂਤ ਭਰੀ ਜ਼ਿੰਦਗੀ ਨੂੰ ਪੇਸ਼ ਕਰਦੀ ਹੈ, ਜਿਸ ਤੋਂ ਬਹੁਤ ਲੋਕਾਂ ਨੂੰ ਪ੍ਰੇਰਣਾ ਮਿਲੀ।[5][6] ਦਲੀਪ ਸਿੰਘ ਦੀ ਇਹ ਕਹਾਣੀ 1947 ਈ: ਤੱਕ ਦੇਸ਼ ਦੀ ਅਜ਼ਾਦੀ ਲਈ ਲੋਕਾਂ ਨੂੰ ਪ੍ਰੇਰਣਾ ਦਿੰਦੀ ਰਹੀ ਹੈ।[7]

ਪਾਤਰ-ਜਗਤ/ਅਦਾਕਾਰ[ਸੋਧੋ]

ਫ਼ਿਲਮ ਵਿੱਚ ਹਾੱਲੀਵੁੱਡ, ਬਾੱਲੀਵੁੱਡ, ਅਤੇ ਪਾਲੀਵੁੱਡ ਸਿਨਮਿਅਾਂ ਦੇ ਹੇਠ ਲਿਖੇ ਕਲਾਕਾਰਾਂ ਨੇ ਕੰਮ ਕੀਤਾ ਹੈ।

  1. ਸਤਿੰਦਰ ਸਰਤਾਜ-ਮਹਾਰਾਜਾ ਦਲੀਪ ਸਿੰਘ
  2. ਅਮੰਡਾ ਰੂਟ-ਮਹਾਰਾਣੀ ਵਿਕਟੋਰੀਅਾ
  3. ਸ਼ਬਾਨਾ ਆਜ਼ਮੀ-ਮਹਾਰਾਣੀ ਜ਼ਿੰਦਾ
  4. ਜੈਸਨ ਫਲੈਮਿੰਗ-ਡਾ. ਲੌਗਿਨ
  5. ਕੀਥ ਡਫੀ-ਕੇਸੀ
  6. ਡੇਵਿਡ ਐਸੈਕਸ- ਕੋਲੋਨੀਅਲ ਹਰਬਨ
  7. ਰੂਪ ਮੈਗਨ-ਅਰੂਰ ਸਿੰਘ
  8. ਅਮੀਤ ਚਨਾ-ਅਜਿਜ਼-ੳੁਦ-ਦੀਨ
  9. ਜੋਅ ਇਗਨ -ਇਸ਼ਾਰਸ ਰਿਬਲ
  10. ਮਧੂਰਿਮਾ ਤੁਲੀ-ਨੌਜਵਾਨ ਮਹਾਰਾਣੀ ਜ਼ਿੰਦਾ
  11. ਅਤੁਲ ਸ਼ਰਮਾ-ਹੋਟਲ ਮਨੈਜਰ
  12. ਰਣਜੀਤ ਸਿੰਘ ਸ਼ੌਬ-ਠਾਕੁਰ ਸਿੰਘ
  13. ਜੋਬਨਪ੍ਰੀਤ ਸਿੰਘ-ਹੀਰਾ ਸਿੰਘ
  14. ਅੈਮਾ ਕੈਨੀ-ਲੇਡੀ ਲੌਗਿਨ
  15. ਅਨਾ ਡਾਵਸਨ-ਲੇਡੀ ਇਨ ਵੇਟਿੰਗ
  16. ਡੇਵਿਡ ਮੈਸੀ-ਅਸ਼ਾਸਿਨ ਸੋਲਡਰ(ਕਾਤਲ ਫੌਜੀ)
  17. ਹਰਮੀਤ ਸਿੰਘ ਹੇਅਰ-ਸਿੱਖ ਫੌਜੀ
  18. ਜੌਨ ਨੇਵੀਲ- ਸ਼ਾਹੀ ਮਹਿਮਾਨ
  19. ਲਿੳੁਡੋਨ ਓਗਬੋਰਨ-ਸਰ ਓ'ਬੂਟਨ

ਸੰਗੀਤ[ਸੋਧੋ]

ਜੌਰਿਜ ਕੇਲਿਸ ਨੇ ਫ਼ਿਲਮ ਦਾ ਓਰਿਜਨਲ ਸੰਗੀਤ ਦਿੱਤਾ। ੳੁਹ ਸਾਈਪ੍ਰਸ ਵਿੱਚ ਅਮੀਰ ਸੰਗੀਤਕ ਵਾਤਾਵਰਨ 'ਚ ਵੱਡਾ ਹੋਇਆ। ੳੁਸ ਦੀ ਮਾਂ ਨੇ ਖੁਦ ਨੂੰ ਪਿਅਾਨੋਵਾਦਕ ਅਤੇ ਓਪੇਰਾ ਗਾਇਕਾ ਦੇ ਤੌਰ 'ਤੇ ਪ੍ਰਪੱਕ ਕੀਤਾ ਅਤੇ ਖੁਦ ਨੂੰ ਰਿਕਾਰਡਿੰਗ ਅਾਰਟਿਸਟ ਦੇ ਕਈ ਪੱਖਾਂ 'ਚ ਮਾਹਿਰ ਕੀਤਾ। ਕੇਲਿਸ ਦੇ ਦਾਦਾ ਨੇ ੳੁਸ ਨੂੰ ਵਾਇਲਨ ਦਾ ਪਹਿਲਾਂ ਪਾਠ ਪੜ੍ਹਾਇਆ। ਜਾੱਰਜ ਕੇਲਿਸ ਨੇ ਅੱਠ ਸਾਲ ਦੀ ੳੁਮਰ ਤੋਂ ਪਿਅਾਨੋ ਵਜਾੳੁਣਾ ਸਿੱਖਿਅਾ ਅਤੇ ਪਹਿਲੇ ਦਸ ਸਾਲ ਇਸ ਸਭ ਤੋਂ ਭੱਜਣ ਰਹਿਣ ੳੁਪਰੰਤ ੳੁਸ ਨੇ ਅਾਪਣਾ ਧਿਅਾਨ ਸੁਤੰਤਰ-ਸੰਗੀਤ ਵੱਲ ਮੋੜਿਅਾ, ਜਿਸ 'ਚ ਵਜਾੳੁਣ ਲਈ ਭਾਰੀ ਬੈਂਡ ਅਤੇ ਜੈਜ਼ ਸੈਕਸੋਫ਼ੋਨ ਸਨ।

ਨਿਦੇਸ਼ਸ਼ਨ ਅਤੇ ਨਿਰਮਾਤਾ[ਸੋਧੋ]

ਇਸ ਫ਼ਿਲਮ ਦਾ ਨਿਰਦੇਸ਼ਨ ਪ੍ਰਸਿੱਧ ਨਿਰਦੇਸ਼ਕ ਕਵੀ ਰਾਜ ਨੇ ਕੀਤਾ ਹੈ ਅਤੇ ਫ਼ਿਲਮ ਦੇ ਪ੍ਰੋਡਿਊਸਰ "ਕਵੀ ਰਾਜ" ਅਤੇ "ਜੈ ਖੰਨਾ" ਹਨ। "ਜਸਜੀਤ ਸਿੰਘ" ਅਤੇ "ਸ਼ੈਰੀ ਹੁੰਦਲ" ਫਿਲਮ ਦੇ ਐਗਜੈਕਟਿਵ ਪ੍ਰੋਡਿਊਸਰ ਹਨ।

ਗੀਤ[ਸੋਧੋ]

"ਦਿ ਬਲੈਕ ਪ੍ਰਿੰਸ" ਫ਼ਿਲਮ ਵਿੱਚ ਹੇਠ ਲਿਖੇ ਗੀਤ ਮਕਬੂਲ ਹਨ।

  1. ਚੰਨਾ-ਇਹ ਮਹਾਰਾਜਾ ਦਲੀਪ ਸਿੰਘ ਦੇ ਦੁਖਾਂਤ ਦੀ ਪੇਸ਼ਕਾਰੀ ਕਰਦਾ ਗੀਤ ਹੈ।
  2. ਵਾਰ-ਹਰੀ ਸਿੰਘ ਨਲੂਆ-ਇਹ ਪ੍ਰੇਰਣਾ ਦੇਣ ਵਾਲਾ ਗੀਤ(ਅਸਲ 'ਚ ਵਾਰ) ਹੈ। ਇਸ ਦੇ ਗਾੳੁਣ ਦੇ ਢੰਗ ਨਾਲ ਸਰਤਾਜ਼ ਨੇ ਨਵਾਂ ਤਜ਼ਰਬਾ ਕੀਤਾ ਹੈ।
  3. ਮਿੱਤਰ ਪਿਅਾਰੇ ਨੂੰ-ਲਿਖਾਰੀ-ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ, ਗਾਇਕ-ਸਤਿੰਦਰ ਸਰਤਾਜ਼, ਸੰਗੀਤ-"ਸਾਗਾ ਮਿੳੁਜ਼ਿਕ।"
  4. ਬੀਤ ਜਾਣੀਆਂ-ਗਾਇਕ-ਸਤਿੰਦਰ ਸਰਤਾਜ਼ ਅਤੇ ਡੀ ਅਜੈਈ।
  5. ਦਰਦਾਂ ਦਾ ਦੇਸ਼-ਗਾਇਕ ਸਤਿੰਦਰ ਸਰਤਾਜ਼, ਸੰਗੀਤ-ਸਾਗਾ ਮਿੳੁਜ਼ਿਕ।

ਕੌਸਟਿੳੁਮ-ਕਾਸਟ(ਪੋਸ਼ਾਕ ਨਿਰਮਾਣਕਾਰ)[ਸੋਧੋ]

ਦਿ ਬਲੈਕ ਪ੍ਰਿੰਸ ਫ਼ਿਲਮ ਦੀਆਂ ਪੁਸ਼ਾਕਾਂ ਵੱਖ-ਵੱਖ ਮਾਹਿਰਾਂ ਵੱਲੋਂ ਤਿਅਾਰ ਕੀਤੀਆਂ ਗਈਅਾਂ ਹਨ। ਇਸ ਵਿੱਚ ਲੈਸਟਰ ਦੀ "ਅਰਿੰਦਰ ਕੌਰ ਭੁੱਲਰ" ਖ਼ਾਸ ਤੌਰ ਤੇ ਸ਼ਾਮਿਲ ਹੈ, ਜੋ ਮੂਲ ਰੂਪ 'ਚ ਪੰਜਾਬੀ ਹੈ। ਅਰਿੰਦਰ ਕੌਰ ਦਾ ਲੈਸਟਰ(ਇੰਗਲੈਂਡ ਵਿੱਚ 'ਸੋਅਰ' ਨਦੀ ਦੇ ਕੰਢੇ ਵਸਿਅਾ ਸ਼ਹਿਰ) ਦੇ ਇੱਕ ਮਸ਼ਹੂਰ ਬਜ਼ਾਰ "ਬੈਲਗਰੇਵ ਰੋਡ" 'ਤੇ ਅਾਪਣੀ ਦੁਕਾਨ ਹੈ। ਅਰਿੰਦਰ ਕੌਰ ਭੁੱਲਰ ਅਨੁਸਾਰ, 'ੳੁਸਨੂੰ ਫ਼ਿਲਮ ਦੀ ਸਟਾਰ-ਕਾਸਟ ਨਾਲ ਨੇੜਿੳੁਂ ਮਿਲਣ ਦਾ ਮੌਕਾ ਮਿਲਿਅਾ। ਪੁਸ਼ਾਕਾਂ ਲਈ ੳੁਸਨੇ ਭਾਰਤ ਜਾ ਕੇ ਖੋਜ ੳੁਪਰੰਤ ਪੁਸ਼ਾਕਾਂ ਤਿਅਾਰ ਕਰਨ ਲਈ ਕੱਪੜੇ ਦੀ ਭਾਲ ਕੀਤੀ। " ਅਰਿੰਦਰ ਕੌਰ ਨੇ ਦੱਸਿਅਾ ਕਿ ੳੁਸਨੂੰ ਖੁਸ਼ੀ ਹੈ ਕਿ ੳੁਸਦਾ ਨਾਂ ਵੀ ਫਿਲ਼ਮ ਦੀ ਕਾਸਟਿੰਗ ਵਿੱਚ ਸ਼ਾਮਿਲ ਕੀਤਾ ਗਿਅਾ। [8]

ਪਰਦਾਪੇਸ਼ੀ(ਰਿਲੀਜ਼)[ਸੋਧੋ]

ਦਿ ਬਲੈਕ ਪ੍ਰਿੰਸ ਫ਼ਿਲਮ ਇੰਗਲੈਂਡ ਦੇ ਕਾਨ ਫ਼ਿਲਮ ਫੈਸਟੀਵਲ ਵਿੱਚ 3 ਮਾਰਚ, 2017 ਨੂੰ ਪਰਦੇ 'ਤੇ ਦਿਖਾਈ ਅਤੇ ਬਾਕੀ ਦੁਨੀਆ ਭਰ ਵਿੱਚ 21 ਜੁਲਾਈ 2017 ਨੂੰ ਪਰਦਾਪੇਸ਼ੀ ਕੀਤੀ ਗਈ।[9] "ਦਿ ਬਲੈਕ ਪ੍ਰਿੰਸ" ਫ਼ਿਲਮ ਦੋ ਪ੍ਰਮੁੱਖ ਭਾਸ਼ਾਵਾਂ ਹਿੰਦੀ ਅਤੇ ਪੰਜਾਬੀ ਵਿੱਚ ਖ਼ਾਸ ਤੌਰ 'ਤੇ 'ਡੱਬ' ਕੀਤੀ। ਇਹ ਫ਼ਿਲਮ ਸੰਸਾਰ ਭਰ ਵਿੱਚ ਹੇਠ ਲਿਖੀਅਾਂ ਸਕਰੀਨਾਂ(ਪਰਦੇ) 'ਤੇ ਰਿਲੀਜ਼ ਕੀਤੀ ਗਈ। ਜਿਵੇਂ,

  1. ਭਾਰਤ-250-300
  2. ਯੂ.ਅੈਸ.ਏ.-62
  3. ਕੈਨੇਡਾ-22
  4. ਯੂਨਾਈਟਡ ਕਿੰਗਡਮ-42
  5. ਆਸਟਰੇਲੀਆ-30
  6. ਨਿਊਜ਼ੀਲੈਂਡ-6
  7. ਹੋਰ (30 ਸਕਰੀਨਜ਼)

ਪੁਰਸਕਾਰ[ਸੋਧੋ]

  1. ਅਕੌਲੇਡ ਕੰਪੀਟੀਸ਼ਨ-2017 – ਜੇਤੂ
  2. ਅੈਕਸੀਲੈਂਸ ਫ਼ਿਲਮ ਦਾ ਪੁਰਸਕਾਰ-ਕਵੀ ਰਾਜ(ਨਿਰਦੇਸ਼ਕ/ਨਿਰਮਾਤਾ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼(ਪ੍ਰੋਡਕਸ਼ਨ ਕੰਪਨੀ) – ਜੇਤੂ
  3. ਮੈਰਿਟ ਲੀਡ ਦਾ ਪੁਰਸਕਾਰ – ਸਤਿੰਦਰ ਸਰਤਾਜ(ਅਦਾਕਾਰ), ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼(ਪ੍ਰੋਡਕਸ਼ਨ ਕੰਪਨੀ)- ਜੇਤੂ
  4. ਸਰਬੋਤਮ ਸ਼ੋਅ ਫ਼ੀਚਰ ਫ਼ਿਲਮ- ਕਵੀ ਰਾਜ (ਨਿਰਦੇਸ਼ਕ/ਨਿਰਮਾਤਾ)।
  5. ਲਾਸ ਏਂਜਲਸ ਫ਼ਿਲਮ ਪੁਰਸਕਾਰ 2017ਜੇਤੂ
  6. ਜਿੳੂਰੀ ਪੁਰਕਾਰ(ਸਰਬੋਤਮ ਓਰਿਜ਼ਨਲ ਸਟੋਰੀ) – ਕਵੀ ਰਾਜ(ਨਿਰਦੇਸ਼ਕ/ਨਿਰਮਾਤਾ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼(ਪ੍ਰੋਡਕਸ਼ਨ ਕੰਪਨੀ)।
  7. ਬੈਸਟ – ਕਵੀ ਰਾਜ(ਨਿਰਦੇਸ਼ਕ/ਨਿਰਮਾਤਾ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼(ਪ੍ਰੋਡਕਸ਼ਨ ਕੰਪਨੀ)।
  8. ਸਰਬੋਤਮ ਅਦਾਕਾਰਾ – ਸ਼ਬਾਨਾ ਆਜ਼ਮੀ (ਅਦਾਕਾਰਾ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼(ਪ੍ਰੋਡਕਸ਼ਨ ਕੰਪਨੀ)।
  9. ਸਰਬੋਤਮ ਸਿਨਮੈਟੌਗ੍ਰਾਫ਼ੀ – ਅਰਾਨ ਸੀ. ਸਮਿੱਥ (ਸਿਨਮੈਟੋਗ੍ਰਾਫ਼ਰ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼(ਪ੍ਰੋਡਕਸ਼ਨ ਕੰਪਨੀ)।
  10. ਮਾਨਚੈਸਟਰ ਅੰਤਰਰਾਸ਼ਟਰੀ ਫ਼ਿਲਮ ਫੈਸਟੀਵਲ (MANIFF) 2017 – ਜੇਤੂ
  11. ਫੈਸਟੀਵਲ ਪੁਰਸਕਾਰ– ਸਰਬੋਤਮ ਨਿਰਮਾਣ - ਕਵੀ ਰਾਜ (ਨਿਰਮਾਤਾ/ਨਿਰਦੇਸ਼ਕ) – ਜੇਤੂ
  12. ਜਿੳੂਰੀ(ਸਪੈਸ਼ਲ ਮੈਨਸ਼ਨ) ਅਾੳੂਟਸਟੈਂਡਿੰਗ ਪ੍ਰੋਡਕਸ਼ਨ ਡਿਜ਼ਾਇਨ– ੳੁਦੇਸ਼ ਦੀ ਪ੍ਰਾਪਤੀ ਲਈ ਨਾਟਾਲੇਅ ਓ' ਕਾਰਨਰ ਅਤੇ ਬੌਬੀ ਕਾਰਡੋਸੋ।
  13. ਨੋਅਾਇਡਾ ਅੰਤਰਰਾਸ਼ਟਰੀ ਫ਼ਿਲਮ ਫੈਸਟੀਵਲ-2017 – ਜੇਤੂ
  14. ਫੈਸਟੀਵਲ ਪੁਰਸਕਾਰ(ਸਰਬੋਤਮ ਸਿਨਮੈਟੋਗ੍ਰਾਫ਼ੀ)ਅਰਾਨ ਸੀ. ਸਮਿੱਥ (ਫੌਟੋਗ੍ਰਾਫ਼ੀ ਦਾ ਨਿਰਦੇਸ਼ਨ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼ (ਪ੍ਰੋਡਕਸ਼ਨ ਕੰਪਨੀ)।
  15. ਵਰਲਡਫੀਸਟ ਹਾਸਟਨ 2017 – ਜੇਤੂ'
  16. ਗੋਲਡ ਰੇਮੀ ਪੁਰਸਕਾਰ(ਸਰਬੋਤਮ ਪ੍ਰੋਡਕਸ਼ਨ ਡਿਜ਼ਾਇਨ) ਨਾਟਾਲੇਅ ਓ' ਕਾਰਨਰ (ਪ੍ਰੋਡਕਸ਼ਨ ਡਿਜਾਇਨਰ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼ (ਪ੍ਰੋਡਕਸ਼ਨ ਕੰਪਨੀ) – 'ਜੇਤੂ
  17. ਸ਼ਪੈਸ਼ਲ ਜਿੳੂਰੀ ਪੁਰਸਕਾਰ(ਸਰਬੋਤਮ ਫ਼ੀਚਰ ਫ਼ਿਲਮ) - ਕਵੀ ਰਾਜ(ਨਿਰਦੇਸ਼ਕ) ਬਰਿਲਸਟੈਨ ਅੈਟਰਟੇਨਮੈਂਟ ਪਾਟਨਰਸ਼ (ਪ੍ਰੋਡਕਸ਼ਨ ਕੰਪਨੀ) ।

[11]

ਇਹ ਵੀ ਦੇਖੋ[ਸੋਧੋ]

ਹਵਾਲੇ[ਸੋਧੋ]

  1. punjsbupfilms.com
  2. m.hindustantimes.com
  3. punjsbupfilms.in
  4. m.hindustantimes.com
  5. first Point-www.firstpoint.com
  6. punjsbupfilms.in
  7. first Point-www.firstpoint.com
  8. ਰੋਜ਼ਾਨਾ ਸਪੋਕਸਕਮੈਨ ਮਿਤੀ-24/07/2017,ਪੰਨਾ-10
  9. "The Black Prince on the Internet Movie Database". imdb.com. Retrieved 30 June 2017. 
  10. name="blackprince">http://www.theblackprince.com/theaters/
  11. 13 http://www.imdb.com/title/tt3962984/awards