ਗੰਗਾ ਭੋਗਪੁਰ
ਗੰਗਾ ਭੋਗਪੁਰ, ਜਿਸਨੂੰ "ਕੋਡੀਆ" ਵੀ ਕਿਹਾ ਜਾਂਦਾ ਹੈ, ਭਾਰਤ ਦੇ ਉੱਤਰਾਖੰਡ ਰਾਜ ਵਿੱਚ ਪੌੜੀ ਗੜ੍ਹਵਾਲ ਜ਼ਿਲ੍ਹੇ ਵਿੱਚ ਯਮਕੇਸ਼ਵਰ ਬਲਾਕ ਦਾ ਇੱਕ ਪਿੰਡ ਹੈ।
ਇਤਿਹਾਸ[ਸੋਧੋ]
ਪਿੰਡ ਸ਼ੁਰੂ ਕਰਨ ਵਾਲ਼ੇ ਪੰਜ ਬੰਦੇ ਸਨ। ਇਨ੍ਹਾਂ ਦੇ ਨਾਂ ਆਤਮਾ ਰਾਮ ਰਿੰਗੋਲਾ, ਲਖਾਂਸ ਸਿੰਘ ਕੋਹਲੀ, ਬੁੱਧੀਰਾਮ ਰਣਕੋਟੀ, ਕੁਟਲ ਸਿੰਘ ਬਗੋਦਾ ਅਤੇ ਕ੍ਰਿਪਾਲ ਸਿੰਘ ਭੰਡਾਰੀ ਸਨ। 1962 ਵਿੱਚ, ਲੋਕ ਭੋਗਪੁਰ (ਬੰਸਖੋਲੀ, ਹਾਥੀਥਮ, ਉਮਰਥਮ, ਬਡਕਟਾਲ) ਤੋਂ ਪਰਵਾਸ ਕਰ ਗਏ ਸਨ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੀ ਜੱਦੀ ਜ਼ਮੀਨ ਜਿੰਨੀ ਜ਼ਮੀਨ ਦਿੱਤੀ ਗਈ ਸੀ। ਲੋਕਾਂ ਨੇ ਆਪਣੇ ਹੀ ਦਰੱਖਤ ਲਗਾਏ ਹੋਏ ਸਨ ਅਤੇ ਸਰਕਾਰ ਨੇ ਉਨ੍ਹਾਂ ਨੂੰ ਪਿੰਡ ਗੰਗਾ ਭੋਗਪੁਰ ਵਿੱਚ ਨਹਿਰ ਦਾ ਪਾਣੀ ਦਿੱਤਾ ਸੀ। ਜੰਗਲਾਤ ਵਿਭਾਗ ਵੱਲੋਂ ਉਸ ਸਮੇਂ ਲੋਕਾਂ ਨੂੰ ਆਪਣੀਆਂ ਲੋੜੀਂਦੀਆਂ ਚੀਜ਼ਾਂ ਲਈ ਜੰਗਲ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਸੀ। 1962 ਵਿੱਚ ਇਸ ਪਿੰਡ ਵਿੱਚ ਸਿਰਫ਼ 5 ਪਰਿਵਾਰ ਹੀ ਆਏ ਸਨ ਅਤੇ ਬਾਅਦ ਵਿੱਚ 1966 ਵਿੱਚ ਸਾਰੇ ਲੋਕ ਉਪਰੋਕਤ ਪਿੰਡ ਤੋਂ ਹਿਜਰਤ ਕਰ ਕੇ ਆ ਗਏ ਸਨ।
ਭੂਗੋਲ[ਸੋਧੋ]
ਗੰਗਾ ਭੋਗਪੁਰ ਗੰਗਾ ਨਦੀ ਦੇ ਕਿਨਾਰੇ ਦੋ ਹਰਿਦੁਆਰ ਅਤੇ ਰਿਸ਼ੀਕੇਸ਼ ਦੇ ਵਿਚਕਾਰ ਸਥਿਤ ਹੈ। ਗੰਗਾ ਭੋਗਪੁਰ ਰਾਜਾਜੀ ਨੈਸ਼ਨਲ ਪਾਰਕ ਦਾ ਪ੍ਰਵੇਸ਼ ਸਥਾਨ ਹੈ।
ਨੇੜੇ ਦਾ ਪਿੰਡ ਚਿੱਲਾ ਪਾਰਕ ਦਾ ਇੱਕ ਹੋਰ ਪ੍ਰਵੇਸ਼ ਸਥਾਨ ਹੈ। ਇਹ ਇਲਾਕਾ ਜੰਗਲਾਂ ਅਤੇ ਪਹਾੜਾਂ ਨਾਲ ਢੱਕਿਆ ਹੋਇਆ ਹੈ। ਹਾਥੀ, ਬਾਘ, ਹਿਰਨ ਅਤੇ ਸ਼ੇਰ ਵਰਗੇ ਜਾਨਵਰ ਇਸ ਖੇਤਰ ਵਿੱਚ ਰਹਿੰਦੇ ਹਨ।