ਬਹੋਲਾ

ਬਹੋਲਾ (ਐਡਜ਼ /ædz/) ਜਾਂ ਤੇਸ਼ਾ ਇੱਕ ਖੋਦਣ ਵਾਲਾ ਉਪਕਰਣ ਹੈ ਜੋ ਇੱਕ ਕੁਹਾੜੇ ਦੀ ਤਰ੍ਹਾਂ ਹੁੰਦਾ ਹੈ ਪਰ ਇਸ ਦਾ ਖੋਦਣ ਵਾਲਾ ਪੱਤਾ ਹੱਥੇ ਦੇ ਸਮਾਂਤਰ ਹੋਣ ਦੀ ਬਜਾਏ ਲੰਬਕਾਰੀ ਹੁੰਦਾ ਹੈ। ਇਨ੍ਹਾਂ ਦੀ ਪੱਥਰ ਯੁੱਗ ਦੇ ਜ਼ਮਾਨੇ ਤੋਂ ਵਰਤੋਂ ਹੁੰਦੀ ਆ ਰਹੀ ਹੈ। ਬਹੋਲੇ ਦੀ ਵਰਤੋਂ ਹੱਥੀਂ ਲੱਕੜ ਦੇ ਕੰਮ ਵਿੱਚ ਲੱਕੜ ਨੂੰ ਘੜਨ ਜਾਂ ਤਰਾਸਣ ਲਈ ਕੀਤੀ ਜਾਂਦੀ ਹੈ। ਐਡਜ਼ ਦੇ ਦੋ ਮੁਢਲੇ ਰੂਪ ਹਨ- ਇੱਕ ਹੱਥ ਨਾਲ ਚਲਾਉਣ ਵਾਲਾ ਇੱਕ ਛੋਟੇ ਹੈਂਡਲ ਵਾਲਾ ਸੰਦ - ਅਤੇ ਦੂਜਾ ਦੋਹਾਂ ਹਥਾਂ ਨਾਲ ਵਰਤਣ ਵਾਲਾ ਇੱਕ ਲੰਬੀ ਹੱਥੀ ਵਾਲਾ ਸੰਦ। ਕਠੋਰ ਜ਼ਮੀਨ ਵਿੱਚ ਖੁਦਾਈ ਕਰਨ ਲਈ ਵਰਤੇ ਜਾਂਦੇ ਇਹੋ ਜਿਹੇ ਇੱਕ ਸੰਦ ਨੂੰ ਕੁਦਾਲੀ ਕਿਹਾ ਜਾਂਦਾ ਹੈ।