ਬਿਨੀਤਾ ਟੋਪੋ

ਬਨੀਤਾ ਟੋਪੋ (ਜਨਮ 21 ਨਵੰਬਰ 1980) ਭਾਰਤ ਦੀ ਮਹਿਲਾ ਕੌਮੀ ਹਾਕੀ ਟੀਮ ਦੀ ਮੈਂਬਰ ਹੈ। 2004 ਮਹਿਲਾ ਹਾਕੀ ਏਸ਼ੀਆ ਕੱਪ ਵਿੱਚ ਗੋਲਡ ਜਿੱਤਣ ਵਾਲੀ ਉਹ ਟੀਮ ਨਾਲ ਖੇਡੀ। ਟੋਪੋ ਨੂੰ ਇਸ ਸਮੇਂ ਪੱਛਮੀ ਰੇਲਵੇ  ਵਿਭਾਗ ਵਿੱਚ ਨਿਯੁਕਤ ਕੀਤਾ ਗਿਆ ਹੈ।

ਮੁੱਢਲਾ ਜੀਵਨ

ਟੋਪੋ ਦਾ ਜਨਮ ਉੜੀਸਾ ਦੇ ਸੁੰਦਰਗੜ ਜ਼ਿਲੇ ਦੇ ਲੂਲਕੀਦੀਹੀ ਵਿਖੇ ਹੋਇਆ ਸੀ।ਉਹ ਇੱਕ ਬਹੁਤ ਹੀ ਛੋਟੀ ਉਮਰ ਵਿੱਚ ਸੀ ਜਦੋਂ ਉਸ ਦੇ ਪਿਤਾ ਦੀ ਮੌਤ ਹੋ ਗਈ ਸੀ  ਅਤੇ ਉਸਦੀ ਮਾਂ  ਇੱਕ ਸਕੂਲ ਵਿੱਚ ਇੱਕ ਕਲੀਨਰ ਵਜੋਂ ਕੰਮ ਕਰਦੀ ਸੀ।

ਸਿੱਖਿਆ

ਟੋਪੋ ਨੇ ਰਾਂਚੀ ਦੇ ਮਹਿੰਦਰਾ ਕਾਲਜ ਤੋਂ ਪੜ੍ਹਾਈ ਕੀਤੀ। ਉਸ ਨੇ ਪਨਪੋਸ਼ ਸਪੋਰਟਸ ਹੋਸਟਲ, ਰੁੜਕੇਲਾ ਵਿਖੇ ਸਿਖਲਾਈ ਪ੍ਰਾਪਤ ਕੀਤੀ। ਟੋਪੋ ਨੇ ਟਾਟਾ ਫੁੱਟਬਾਲ ਅਕੈਡਮੀ, ਜਮਸ਼ੇਦਪੁਰ ਅਤੇ ਬਾਈਚੁੰਗ ਭੂਟੀਆ ਫੁੱਟਬਾਲ ਸਕੂਲ, ਦਿੱਲੀ ਵਿਖੇ ਕੋਚਾਂ ਦੇ ਸਿਖਲਾਈ ਪ੍ਰੋਗਰਾਮ ਪੂਰੇ ਕੀਤੇ।

ਕਰੀਅਰ ਅਤੇ ਸਿਖਲਾਈ

ਟੋਪੋ ਨੇ 2004 ਵਿੱਚ ਭਾਰਤੀ ਰਾਸ਼ਟਰੀ ਟੀਮ ਵਿੱਚ ਜਗ੍ਹਾ ਬਣਾਈ। ਇਸ ਤੋਂ ਪਹਿਲਾਂ, ਉਸਨੇ ਰਾਜ ਵਿੱਚ ਕਈ ਸਥਾਨਕ ਟੂਰਨਾਮੈਂਟ ਜਿੱਤੇ ਸਨ। ਉਸ ਨੇ 2007 ਦੇ ਮਹਿਲਾ ਏਸ਼ੀਆ ਕੱਪ ਵਿੱਚ ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਅਗਵਾਈ ਕੀਤੀ। ਉਸ ਨੇ ਸਕੂਲ ਵਿੱਚ ਪੜ੍ਹਾਈ ਦੇ ਨਾਲ-ਨਾਲ ਅੰਡਰ-16 ਝਾਰਖੰਡ ਰਾਜ ਟੀਮ ਦੀ ਅਗਵਾਈ ਕੀਤੀ।[3] ਉਸਨੇ ਸਾਲ 2010 ਵਿੱਚ ਕਾਮਨ ਵੈਲਥ ਸਪੋਰਟ ਵਿੱਚ 5ਵਾਂ ਸਥਾਨ ਪ੍ਰਾਪਤ ਕੀਤਾ।

ਟੋਪੋ ਘਰੇਲੂ ਸਰਕਟ ਵਿੱਚ ਭਾਰਤੀ ਮਹਿਲਾ ਹਾਕੀ ਟੀਮ ਵਿੱਚ ਪੂਰੀ ਬੈਕ ਪੋਜੀਸ਼ਨ 'ਤੇ ਖੇਡੀ।

ਅੰਤਰਰਾਸ਼ਟਰੀ ਸਰਕਟ 'ਚ ਟੋਪੋ ਖੇਡੀ:

• ਦਸੰਬਰ 2006 ਵਿੱਚ ਦੋਹਾ ਵਿੱਚ ਏਸ਼ੀਆਈ ਖੇਡਾਂ
• ਫਰਵਰੀ 2004 ਵਿੱਚ ਦਿੱਲੀ ਵਿੱਚ ਏਸ਼ੀਆ ਕੱਪ
• ਅਕਤੂਬਰ 2005 ਵਿੱਚ ਦਿੱਲੀ ਵਿੱਚ ਇੰਦਰਾ ਗਾਂਧੀ ਗੋਲਡ ਕੱਪ
• ਏਸ਼ੀਅਨ ਟੂਰ, ਅਗਸਤ 2004 ਵਿੱਚ ਸਿੰਗਾਪੁਰ ਵਿੱਚ ਇੱਕ ਚਾਰ ਦੇਸ਼ਾਂ ਦਾ ਟੂਰਨਾਮੈਂਟ।
• ਆਸਟ੍ਰੇਲੀਆ ਟੂਰ, ਅਪ੍ਰੈਲ 2004 ਵਿੱਚ 3 ਦੇਸ਼ਾਂ ਦੀ ਲੜੀ[6]

ਟੋਪੋ ਨੇ ਮੈਡਰਿਡ ਵਿੱਚ 2006 ਵਿਸ਼ਵ ਕੱਪ ਵਿੱਚ ਵੀ ਭਾਰਤ ਦੀ ਨੁਮਾਇੰਦਗੀ ਕੀਤੀ ਸੀ।

ਮਾਨਤਾ

ਮਈ 2011 ਵਿੱਚ, ਟੋਪੋ ਨੂੰ ਉਸ ਸਮੇਂ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ਦੁਆਰਾ ਜੈਦੇਵ ਭਵਨ, ਭੁਵਨੇਸ਼ਵਰ ਵਿੱਚ ਭਾਰਤੀ ਹਾਕੀ ਵਿੱਚ ਉਸਦੇ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ ਸੀ।