ਸੁਰੇਂਦਰ ਮੋਹੰਤੀ

ਸੁਰੇਂਦਰ ਮੋਹੰਤੀ
ਜਨਮ	1920 Cuttack, Odisha, India
ਮੌਤ	1992
ਕਿੱਤਾ	ਨਾਵਲਕਾਰ, ਲੇਖਕ
ਭਾਸ਼ਾ	ਓੜੀਆ
ਰਾਸ਼ਟਰੀਅਤਾ	ਭਾਰਤੀ
ਸ਼ੈਲੀ	ਨਾਵਲ, ਸਫਰਨਾਮਾ, ਆਲੋਚਨਾ, ਰੂਪਕ ਅਤੇ ਜੀਵਨੀਆਂ
ਵਿਸ਼ਾ	ਸਾਹਿਤ

ਸੁਰੇਂਦਰ ਮੋਹੰਤੀ ਓੜੀਆ ਦੇ ਅਜਿਹੇ ਕਥਾਕਾਰਾਂ ਵਿੱਚੋਂ ਹਨ ਜੋ ਭਾਰਤ ਦੀ ਅਜ਼ਾਦੀ ਦੇ ਬਾਅਦ ਤੇਜੀ ਨਾਲ ਸਾਹਮਣੇ ਆਏ। ਅਲੰਕਾਰਿਕ ਸ਼ੈਲੀ ਦੇ ਇਸ ਕਥਾਕਾਰ ਦੀਆਂ ਕਹਾਣੀਆਂ ਦੇ ਮਜ਼ਮੂਨਾਂ ਦਾ ਖੇਤਰ ਬਹੁਤ ਵੱਡਾ ਹੈ। ਉਨ੍ਹਾਂ ਦਾ ਜਨਮ 1920 ਵਿੱਚ ਹੋਇਆ ਅਤੇ ਦੇਹਾਂਤ 1992 ਵਿੱਚ। ਅਨੇਕ ਸਾਹਿਤਕ ਪੁਰਸਕਾਰਾਂ ਦੇ ਜੇਤੂ ਸੁਰੇਂਦਰ ਮੋਹੰਤੀ ਨੇ ਕਹਾਣੀਆਂ ਦੇ ਇਲਾਵਾਨਾਵਲ, ਸਫਰਨਾਮਾ, ਆਲੋਚਨਾ, ਰੂਪਕ ਅਤੇ ਜੀਵਨੀ ਸਾਹਿਤ ਦੀਆਂ 50 ਤੋਂ ਜਿਆਦਾ ਕਿਤਾਬਾਂ ਲਿਖੀਆਂ ਹਨ। ਮਹਾਨਗਰੀਰ ਰਾਤ (ਮਹਾਂਨਗਰ ਦੀ ਰਾਤ), ਮਾਲਾਰੇਰ ਮੌਤ (ਹੰਸ ਦੀ ਮੌਤ), ਅੰਧ ਦਿਗੰਤ (ਅੰਧਕਾਰ ਰੁਖ) ਅਤੇ ਮਹਾਨਿਬਾਨ (ਮੁਕਤੀ) ਉਨ੍ਹਾਂ ਦੀਆਂ ਪ੍ਰਸਿੱਧ ਰਚਨਾਵਾਂ ਹਨ। ਉਨ੍ਹਾਂ ਦੀ ਰਚਨਾ ਨੀਲਸ਼ਿਲਾ ਨਾਲ ਉਨ੍ਹਾਂ ਨੂੰ ਬਹੁਤ ਪ੍ਰਸਿੱਧੀ ਮਿਲੀ। ਉਨ੍ਹਾਂ ਦੇ ਪ੍ਰਸਿੱਧ ਕਹਾਣੀ ਸੰਗ੍ਰਿਹ ਹਨ ਯਦੁਬੰਸ਼ ਓਉ ਹੋਰ ਗਲਪ (ਯਦੁਵੰਸ਼ ਅਤੇ ਹੋਰ ਕਹਾਨੀਆਂ), ਰਾਜਧਾਨੀ ਓਉ ਹੋਰ ਗਲਪ (ਰਾਜਧਾਨੀ ਅਤੇ ਹੋਰ ਕਹਾਨੀਆਂ), ਕ੍ਰਿਸ਼ਨ ਚੂਡ (ਮਿਊਰਪੰਖ) ਅਤੇ ਰੂਟੀ ਓਊ ਚੰਦਰ। 4 ਅਕਤੂਬਰ 1984 ਵਿੱਚ ਵਿਜੈਦਸ਼ਮੀ ਦੇ ਦਿਨ ਸਥਾਪਤ ਸੰਬਾਦ ਨਾਮਕ ਉੜਿਆ ਦੇ ਸਭ ਤੋਂ ਲੋਕਪ੍ਰਿਯੇ ਸਮਾਚਰਪਤਰ ਦੇ ਪਹਿਲੇ ਸੰਪਾਦਕ ਸੁਰੇਂਦਰ ਮੋਹੰਤੀ ਹੀ ਸਨ। ਬਾਅਦ ਵਿੱਚ ਉਹ ਉਸਦੇ ਪ੍ਰਮੁੱਖ ਸੰਪਾਦਕ ਵੀ ਬਣੇ।