ਕ੍ਰਿਸ਼ਨ ਨਗਰ
ਕ੍ਰਿਸ਼ਨ ਨਗਰ ਲਾਹੌਰ, ਪੰਜਾਬ, ਪਾਕਿਸਤਾਨ ਦੇ ਇਸਲਾਮਪੁਰਾ ਇਲਾਕੇ ਦਾ ਹਿੱਸਾ ਹੈ।
ਬ੍ਰਿਟਿਸ਼ ਰਾਜ ਦੇ ਦੌਰਾਨ, 1930 ਦੇ ਦਹਾਕੇ ਵਿੱਚ ਲਾਹੌਰ ਵਿੱਚ ਮੱਧ ਵਰਗ ਦੇ ਇਲਾਕਿਆਂ ਦੇ ਵਿਕਾਸ ਵਿੱਚ ਇੱਕ ਤਬਦੀਲੀ ਆਈ ਅਤੇ ਕ੍ਰਿਸ਼ਨ ਨਗਰ ਅਤੇ ਸੰਤ ਨਗਰ ਵਰਗੇ ਖੇਤਰ ਵਸਾਏ ਗਏ। ਉਹ ਯੋਜਨਾਬੱਧ, ਲੇਆਉਟ ਪੱਖੋਂ ਜਿਓਮੈਟ੍ਰਿਕਲ ਸਨ ਅਤੇ ਪਾਰਕ, ਸੀਵਰੇਜ ਅਤੇ ਪੀਣ ਵਾਲੇ ਪਾਣੀ ਦੀਆਂ ਸਹੂਲਤਾਂ ਸਨ। ਇਨ੍ਹਾਂ ਇਲਾਕਿਆਂ ਦੇ ਘਰਾਂ ਵਿੱਚ ਕਮਰਿਆਂ ਦੀਆਂ ਛੱਤਾਂ ਅੰਗਰੇਜ਼ਾਂ ਦੇ ਬੰਗਲਿਆਂ ਵਾਂਗ ਉੱਚੀਆਂ ਸਨ। ਇਹ ਰਿਹਾਇਸ਼ੀ ਖੇਤਰ ਲਾਹੌਰ ਦੇ ਪੁਰਾਣੇ ਆਰਕੀਟੈਕਚਰ ਦਾ ਸੁਧਰਿਆ ਰੂਪ ਸਨ। [1]
1947 ਵਿਚ ਪਾਕਿਸਤਾਨ ਦੀ ਆਜ਼ਾਦੀ ਤੋਂ ਬਾਅਦ, ਹਿੰਦੂ ਨਿਵਾਸੀ ਭਾਰਤ ਚਲੇ ਗਏ। ਇਹ ਇਲਾਕਾ ਮੁੱਖ ਤੌਰ 'ਤੇ ਇੱਕ ਰਿਹਾਇਸ਼ੀ ਕੁਆਰਟਰ ਬਣ ਗਿਆ, ਮੁਸਲਮਾਨਾਂ ਦੀ ਬਹੁਤ ਜ਼ਿਆਦਾ ਆਬਾਦੀ ਵਾਲਾ। 1992 ਵਿੱਚ, ਮੁਸਲਮਾਨਾਂ ਦੇ ਵਾਰ-ਵਾਰ ਰੋਸ-ਪ੍ਰਦਰਸ਼ਨਾਂ ਤੋਂ ਬਾਅਦ, ਕ੍ਰਿਸ਼ਨ ਨਗਰ ਅਤੇ ਸੰਤ ਨਗਰ ਨੂੰ ਮਿਲਾ ਦਿੱਤਾ ਗਿਆ ਅਤੇ ਇਸਦੀ ਜਨਸੰਖਿਆ ਰਚਨਾ ਨੂੰ ਸਹੀ ਰੂਪ ਵਿੱਚ ਦਰਸਾਉਣ ਲਈ ਨਾਮ ਬਦਲ ਕੇ ਇਸਲਾਮਪੁਰਾ ਕਰ ਦਿੱਤਾ ਗਿਆ। ਪਰ ਇਹ ਅਜੇ ਵੀ ਵੱਡੇ ਪੱਧਰ 'ਤੇ ਇਸਦੇ ਪੁਰਾਣੇ ਨਾਮ ਨਾਲ ਜਾਣਿਆ ਜਾਂਦਾ ਹੈ, ਜਿਵੇਂ ਕਿ ਲਾਹੌਰ ਦੇ ਹੋਰ ਬਹੁਤ ਸਾਰੇ ਇਲਾਕਿਆਂ ਨਾਲ਼ ਹੋਇਆ ਜਿਵੇਂ ਧਰਮਪੁਰਾ (ਬਦਲਿਆ ਨਾਮ ਮੁਸਤਫਾ-ਆਬਾਦ), ਭੱਲਾ ਸਟਾਪ (ਬਦਲ ਕੇ ਜ਼ੈਬੁਨੀਸਾ ਸਟਾਪ)।
ਹਵਾਲੇ
[ਸੋਧੋ]- ↑ "Shifting Lahore | Pakistan Politics & Current Affairs | Chowrangi". Archived from the original on 2010-09-01. Retrieved 2010-08-27.