ਗੁਣਕਰੀ

ਰਾਗ ਗੁਣਕਰੀ/ਗੁਣਕਲੀ ਭੈਰਵ ਥਾਟ ਦਾ ਰਾਗ ਹੈ।

ਰਾਗ ਗੁਣਕਰੀ/ਗੁਣਕਲੀ ਦਾ ਪਰਿਚੈ

ਸੁਰ	ਗੰਧਾਰ ਤੇ ਨਿਸ਼ਾਦ ਵਰਜਿਤ ਰਿਸ਼ਭ ਤੇ ਧੈਵਤ ਕੋਮਲ ਬਾਕੀ ਸਾਰੇ ਸੁਰ ਸ਼ੁੱਧ
ਜਾਤੀ	ਔਡਵ-ਔਡਵ
ਥਾਟ	ਭੈਰਵ
ਵਾਦੀ	ਧੈਵਤ
ਸੰਵਾਦੀ	ਰਿਸ਼ਭ
ਸਮਾਂ	ਦਿਨ ਦਾ ਪਹਿਲਾ ਪਹਿਰ
ਠੇਹਿਰਾਵ ਦੇ ਸੁਰ	ਸ ਰੇ ਧ -ਧ ਰੇ ਸ
ਮੁੱਖ ਅੰਗ	ਸ ਰੇ ਮ ਪ ਧ ;ਪ ਧ ਮ ਰੇ ; ਰੇ ਸ ਧ(ਮੰਦਰ) ਸ ਮ ਪ ਧ ਧ ਸੰ ਧ ਪ ਧ ਮ;ਪ ਮ ਰੇ ਸ
ਆਰੋਹ	ਸ ਰੇ ਮ ਪ ਧ ਸੰ
ਅਵਰੋਹ	ਸੰ ਧ ਪ ਮ ਰੇ ਸ
ਮਿਲਦਾ ਜੁਲਦਾ ਰਾਗ	ਜੋਗਿਆ

ਰਾਗ ਗੁਣਕਰੀ/ਗੁਣਕਲੀ ਦੀ ਵਿਸ਼ੇਸ਼ਤਾ

• ਇਸ ਰਾਗ ਨੂੰ ਗੁਣਕਰੀ ਜਾਂ ਗੁਣਕਲੀ ਨਾਮ ਨਾਲ ਜਾਣਿਆ ਜਾਂਦਾ ਹੈ।
• ਰਾਗ ਗੁਣਕਰੀ/ਗੁਣਕਲੀ ਹਿੰਦੁਸਤਾਨੀ ਸ਼ਾਸਤਰੀ ਸੰਗੀਤ ਦਾ ਬਹੁਤ ਹੀ ਪ੍ਰਚਲਿਤ ਤੇ ਮਧੁਰ ਰਾਗ ਹੈ।
• ਰਾਗ ਗੁਣਕਰੀ/ਗੁਣਕਲੀ ਕਰੁਣਾ ਅਤੇ ਭਗਤੀ ਰਸ ਦਾ ਅਸਰ ਛਡਣ ਵਾਲਾ ਰਾਗ ਹੈ ਤੇ ਸੁਣਨ ਵਾਲੀਆਂ ਨੂੰ ਅਧਿਆਤਮਕਤਾ ਵੱਲ ਲੈ ਕੇ ਜਾਣ ਦੀ ਕਾਬਲੀਅਤ ਰਖਦਾ ਹੈ।
• ਧੈਵਤ ਸੁਰ ਇਸ ਰਾਗ ਦੀ ਜਾਨ ਹੈ ਤੇ ਇਸ ਦੀ ਵਾਰ-ਵਾਰ ਵਰਤੋਂ ਕਰਣ ਤੇ ਇਸ ਰਾਗ ਦਾ ਰੂਪ ਖਿੜਦਾ ਹੈ।
• ਰਾਗ ਗੁਣਕਰੀ/ਗੁਣਕਲੀ ਇੱਕ ਮੀੰਡ ਪ੍ਰਧਾਨ ਰਾਗ ਹੈ।
• ਰਾਗ ਗੁਣਕਰੀ/ਗੁਣਕਲੀ ਦਾ ਵਿਸਤਾਰ ਤਿੰਨਾਂ ਸਪਤਕਾਂ 'ਚ ਕੀਤਾ ਜਾਂਦਾ ਹੈ।

ਹੇਠਾਂ ਦਿੱਤੀਆਂ ਸੁਰ ਸੰਗਤੀਆਂ ਰਾਗ ਗੁਣਕਲੀ/ਗੁਣਕਰੀ 'ਚ ਲੱਗਣ ਵਾਲੀਆਂ ਖਾਸ ਸੁਰ ਸੰਗਤੀਆਂ ਹਨ -

• ਧ(ਮੰਦਰ) ਧ(ਮੰਦਰ) ਸ ;ਰੇ ਰੇ ਸ ;
• ਰੇ ਮ;ਮ ਮ ਪ ਮ ; ਪ ਪ ਧ ਮ
• ਪ ਮ ਰੇ ;ਰੇ ਸ ਧ(ਮੰਦਰ) ਧ(ਮੰਦਰ)ਸ ;
• ਮ ਪ ਧ ਸੰ ;ਸੰ ਰੇੰ ਸੰ ਧ ਪ ;
• ਰੇੰ ਸੰ ਧ ਪ ;ਧ ਮ ਪ ਧ
• ਮ ਰੇ ਸ ;