ਛੋਟਾ ਭੀਮ
| ਛੋਟਾ ਭੀਮ | |
|---|---|
 | |
| ਸ਼ੈਲੀ |
|
| ਲੇਖਕ | ਰਾਹੁਲ ਸ਼ੁਕਲਾ (ਸੀਜ਼ਨ 1–4) |
| ਓਪਨਿੰਗ ਥੀਮ | "ਛੋਟਾ ਭੀਮ" |
| ਸਮਾਪਤੀ ਥੀਮ | "ਛੋਟਾ ਭੀਮ" (ਕੈਰੀਓਕੇ) |
| ਮੂਲ ਦੇਸ਼ | ਭਾਰਤ |
| ਮੂਲ ਭਾਸ਼ਾ |
|
| ਸੀਜ਼ਨ ਸੰਖਿਆ | 16 |
| No. of episodes | 663 |
| ਨਿਰਮਾਤਾ ਟੀਮ | |
| ਲੰਬਾਈ (ਸਮਾਂ) | 11 ਮਿੰਟ |
| Production company | ਗਰੀਨ ਗੋਲਡ ਐਨੀਮੇਸ਼ਨ |
| Distributor | ਗਰੀਨ ਗੋਲਡ ਐਨੀਮੇਸ਼ਨ |
| ਰਿਲੀਜ਼ | |
| Original network | ਪੋਗੋ ਟੀਵੀ |
| Original release | 2008 – ਵਰਤਮਾਨ |
ਛੋਟਾ ਭੀਮ ਪੋਗੋ ਦੁਆਰਾ ਪ੍ਰਦਰਸ਼ਿਤ ਕੀਤੇ ਜਾਣ ਵਾਲੇ ਕਾਰਟੂਨ ਹਨ। ਭਾਰਤ 'ਚ ਇਹ ਬੱਚਿਆਂ ਦੁਆਰਾ ਬਹੁਤ ਪਸੰਦ ਕੀਤੇ ਜਾਂਦੇ ਹਨ। ਇਸਦੇ ਕਿਰਦਾਰ ਭੀਮ, ਰਾਜੂ, ਚੁਟਕੀ, ਜੱਗੂ ਬਾਂਦਰ, ਕਾਲੀਆ, ਢੋਲੂ, ਭੋਲੂ ਮੁੱਖ ਹਨ ਜੋ ਕਿ ਹਰ ਐਪੀਸੋਡ ਵਿੱਚ ਹੁੰਦੇ ਹਨ। ਇਹਨਾਂ ਤੋਂ ਇਲਾਵਾ ਕਈ ਹੋਰ ਕਿਰਦਾਰ ਮਹਾਰਾਜਾ ਇੰਦਰਵਰਮਨ, ਟੁਨ-ਟੁਨ ਮਾਸੀ, ਰਾਜਕੁਮਾਰੀ ਇੰਦਰਵਤੀ ਆਦਿ ਹਨ।[1]
ਕਹਾਣੀ
[ਸੋਧੋ]ਇਸ ਐਨੀਮੇ ਦੀ ਕਹਾਣੀ ਢੋਲਕਪੁਰ ਨਾਂ ਦੇ ਰਾਜ ਦੀ ਹੈ ਜੋ ਕਿ ਭਾਰਤ ਦਾ ਇੱਕ ਛੋਟਾ ਜਿਹਾ ਰਾਜ ਹੈ। ਇਸ ਰਾਜ ਦਾ ਰਾਜਾ ਇੰਦਰਵਰਮਾ ਹੈ। ਇਸ ਰਾਜ ਵਿੱਚ ਸਭ ਲੋਕ ਖੁਸ਼ੀ-ਖੁਸ਼ੀ ਰਹਿੰਦੇ ਹਨ। ਕਹਾਣੀ ਇੱਥੋਂ ਦੇ ਬੱਚਿਆਂ ਦੀ ਢਾਣੀ ਦੁਆਲੇ ਘੁੰਮਦੀ ਹੈ ਜਿੰਨਾ ਵਿੱਚ ਭੀਮ, ਰਾਜੂ, ਚੁਟਕੀ, ਜੱਗੂ, ਕਾਲੀਆ ਅਤੇ ਢੋਲੂ-ਭੋਲੂ ਸ਼ਾਮਿਲ ਹਨ। ਰਾਜ ਵਿੱਚ ਹੋਣ ਵਾਲੀਆਂ ਵੱਖ-ਵੱਖ ਖੇਡ ਪ੍ਰਤੀਯੋਗਿਤਾਵਾਂ ਵਿੱਚ ਇਹ ਸਭ ਬੱਚੇ ਭਾਗ ਲੈਂਦੇ ਹਨ। ਢੋਲਕਪੁਰ ਤੋਂ ਇਲਾਵਾ ਨਾਲ ਦੇ ਪਿੰਡਾਂ ਦੇ ਬੱਚੇ ਵੀ ਇਹਨਾਂ ਪ੍ਰਤੀਯੋਗਿਤਾਵਾਂ ਵਿੱਚ ਹਿੱਸਾ ਲੈਂਦੇ ਹਨ। ਇਹਨਾਂ ਤੋਂ ਇਲਾਵਾ ਰਾਜ 'ਤੇ ਕਈ ਤਰ੍ਹਾਂ ਦੀਆਂ ਮੁਸੀਬਤਾਂ ਵੀ ਆਉਂਦੀਆਂ ਹਨ ਜੋ ਕੀ ਭੀਮ ਦੀ ਢਾਣੀ ਮਿਲ ਕੇ ਹੱਲ ਕੇ ਦਿੰਦੀ ਹੈ। ਰਾਜ ਵੀ ਅਰਾਜਕਤਾ ਫਿਲਾਉਣ ਲਈ ਕਈ ਤਰ੍ਹਾਂ ਦੀਆਂ ਕੋਸ਼ਿਸ਼ਾਂ ਹੁੰਦੀਆਂ ਹਨ ਪਰ ਭੀਮ ਹਰ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿੰਦਾ ਹੈ।
ਪਾਤਰ
[ਸੋਧੋ]ਛੋਟਾ ਭੀਮ
[ਸੋਧੋ]ਭੀਮ 9 ਸਾਲ ਦੀ ਉਮਰ ਦਾ ਤਾਕਤਵਰ, ਹੌਸਲੇ ਵਾਲਾ ਸਮਝਦਾਰ ਬੱਚਾ ਹੈ। ਇਸਨੂੰ ਲੱਡੂ ਬਹੁਤ ਪਸੰਦ ਹਨ| ਇਹ ਢੋਲਕਪੁਰ ਨੂੰ ਵੱਖ-ਵੱਖ ਤਰ੍ਹਾਂ ਦੀਆਂ ਸਮੱਸਿਆਵਾਂ ਵਿਚੋਂ ਬਾਹਰ ਕੱਢਦਾ ਰਹਿੰਦਾ ਹੈ। ਇਸਨੇ ਕੇਸਰੀ ਰੰਗ ਦੀ ਧੋਤੀ ਪਹਿਨੀ ਹੁੰਦੀ ਹੈ ਪਰ ਕਿਸੇ ਤਿਉਹਾਰ ਜਾਂ ਖਾਸ ਸਮਾਗਮ ਦੌਰਾਨ ਕਰੀਮ ਰੰਗ ਦਾ ਕੁੜਤਾ-ਪਜਾਮਾ ਪਾਉਂਦਾ ਹੈ। ਕੀਚਕ ਅਤੇ ਮੰਨੂ ਇਸਦੇ ਮੁੱਖ ਵਿਰੋਧੀ ਹਨ। ਉਹ ਇਸਦੀ ਪ੍ਰਸਿੱਧੀ ਦੇਖ ਹਰ ਪਲ ਸੜਦੇ ਰਹਿੰਦੇ ਹਨ ਅਤੇ ਇਸਨੂੰ ਨੀਚਾ ਦਿਖਾਉਣ ਲਈ ਕੋਸ਼ਿਸ਼ਾਂ ਕਰਦੈ ਰਹਿੰਦੇ ਹਨ ਪਰ ਭੀਮ ਉਹਨਾਂ ਦੀ ਹਰ ਕੋਸ਼ਿਸ਼ ਨਾਕਾਮ ਕਰ ਦਿੰਦਾ ਹੈ। ਭੀਮ ਕ੍ਰਿਕਟ, ਹਾਕੀ ਦੌੜਾਂ ਅਤੇ ਹੋਰ ਵੀ ਕਈ ਤਰ੍ਹਾਂ ਦੀਆਂ ਖੇਡਾਂ ਖੇਡਦਾ ਹੈ। ਬਹਾਦਰ ਅਤੇ ਸਮਝਦਾਰ ਹੋਣ ਕਾਰਨ ਇਹ ਢੋਲਕਪੁਰ ਵਾਸੀਆਂ ਨੂੰ ਸਮੇਂ-ਸਮੇਂ 'ਤੇ ਡਾਕੂਆਂ, ਚੋਰਾਂ, ਪਖੰਡੀ ਸਾਧਾਂ, ਚਲਾਕ ਜਾਦੂਗਰਾਂ, ਆਦਿ ਸ਼ਰਾਰਤੀ ਅਨਸਰਾਂ ਕੋਲੋ ਬਚਾਉਂਦਾ ਹੈ।
ਜੱਗੂ ਬਾਂਦਰ
[ਸੋਧੋ]ਇਹ ਇੱਕ ਨੀਲੇ ਰੰਗ ਦਾ ਬਾਂਦਰ ਹੈ ਜੋ ਕਿ ਜੰਗਲ 'ਚ ਰਹਿੰਦਾ ਹੈ। ਇਹ ਇਨਸਾਨਾਂ ਦੀ ਤਰ੍ਹਾਂ ਬੋਲ ਵੀ ਸਕਦਾ ਹੈ। ਸਭ ਤੋਂ ਪਹਿਲਾਂ ਇਸਦੀ ਮੁਲਾਕਾਤ ਭੀਮ ਅਤੇ ਰਾਜੂ ਨਾਲ ਹੁੰਦੀ ਹੈ ਜੋ ਕਿ ਇੱਕ ਕਥਾ ਵਿੱਚ ਬਾਅਦ ਵਿੱਚ ਜ਼ੁਬਾਨੀ ਕਹਾਣੀ ਵਿੱਚ ਦੱਸਿਆ ਜਾਂਦਾ ਹੈ।
ਰਾਜੂ
[ਸੋਧੋ]ਰਾਜੂ 4 ਸਾਲ ਦੀ ਉਮਰ ਦਾਇੱਕ ਛੋਟਾ ਬੱਚਾ ਹੁੰਦਾ ਹੈ। ਇਹ ਥੋੜ੍ਹੇ ਜਿਹੇ ਨਟਖਟ ਸੁਭਾਅ ਦਾ ਹੈ। ਇਸਦੇ ਸਿਰ 'ਤੇ ਸਿਰਫ਼ ਇੱਕ-ਦੋ ਵਾਲ ਹੋਣ ਕਾਰਨ ਇਹ ਕਈ ਵਾਰ ਕਾਲੀਆ ਦੇ ਮਜ਼ਾਕ ਦਾ ਹਿੱਸਾ ਵੀ ਬਣਦਾ ਹੈ। ਇਸਦਾ ਪਿਤਾ ਢੋਲਕਪੁਰ ਦੀ ਫ਼ੌਜ ਵਿੱਚ ਹੋਣ ਕਾਰਨ ਇਹ ਵੀ ਮਹਾਭਾਰਤ ਦੇ ਅਰਜੁਨ ਵਾਂਗ ਬਿਹਤਰੀਨ ਤੀਰਅੰਦਾਜ਼ ਬਣਨਾ ਚਾਹੁੰਦਾ ਹੈ। ਰੋਜ਼ਾਨਾ ਇਹ ਨੀਲੇ ਰੰਗ ਦੀ ਨਿੱਕਰ ਪਾਈ ਰੱਖਦਾ ਹੈ ਪਰ ਕਿਸੇ ਸਮਾਗਮ ਜਾਂ ਤਿਉਹਾਰ ਦੌਰਾਨ ਇਹ ਵੀ ਕੁੜਤਾ-ਪਜਾਮਾ ਪਹਿਨਦਾ ਹੈ।
ਚੁਟਕੀ
[ਸੋਧੋ]ਇਹ 7 ਸਾਲ ਦੀ ਉਮਰ ਦੀ ਸਿਆਣੀ ਕੁੜੀ ਹੈ। 'ਟੁਨਟੁਨ ਮਾਸੀ' ਇਸਦੀ ਮਾਂ ਹੈ। ਇਸਦਾ ਰੰਗ ਗੋਰਾ, ਦੋ ਗੁੱਤਾਂ ਕੀਤੀਆਂ ਹੁੰਦੀਆਂ ਹਨ ਅਤੇ ਇਸਦੀਆਂ ਗੱਲਾਂ 'ਤੇ ਲਾਲੀ ਹੁੰਦੀ ਹੈ।
ਕਾਲੀਆ
[ਸੋਧੋ]ਕਾਲੀਆ ਜਾਂ ਕਾਲੀਆ ਪਹਿਲਵਾਨ 10 ਸਾਲ ਦੀ ਉਮਰ ਦਾ ਇੱਕ ਬੱਚਾ ਹੈ। ਇਹ ਹਰ ਪਲ ਆਪਣੇ ਆਪ ਨੂੰ ਭੀਮ ਤੋਂ ਬਿਹਤਰ ਦਿਖਾਉਣ ਦੀ ਕੋਸ਼ਿਸ਼ ਕਰਦਾ ਰਹਿੰਦਾ ਹੈ। ਢੋਲੂ ਤੇ ਭੋਲੂ ਹਰ ਪਲ ਇਸਦੇ ਨਾਲ ਰਹਿੰਦੇ ਹਨ। ਇਹ ਭੀਮ ਵਿਰੁੱਧ ਕਈ ਤਰ੍ਹਾਂ ਦੀਆਂ ਚਾਲਾਂ ਚਲਦਾ ਰਹਿੰਦਾ ਹੈ ਜਿਸ ਵਿੱਚ ਕਦੇ ਢੋਲੂ-ਭੋਲੂ ਇਸਦਾ ਸਾਥ ਦਿੰਦੇ ਹਨ ਤੇ ਕਦੇ ਨਹੀਂ।
ਢੋਲੂ-ਭੋਲੂ
[ਸੋਧੋ]ਢੋਲੂ-ਭੋਲੂ ਦੋਵੇਂ ਕਿਸ਼ੋਰ ਬੱਚੇ ਹਨ ਜੋ ਕਿ ਸੂਖ਼ਮ ਬੁੱਧੀ ਵਾਲੇ ਹਨ। ਇਹ ਦੋਵੇਂ ਹਰ ਪਲ ਕਾਲੀਆ ਨਾਲ ਹੀ ਰਹਿੰਦੇ ਹਨ। ਇਹ ਦੋਵੇਂ ਭਰਾ ਹਮਸ਼ਕਲ ਹਨ।
ਟੁਨਟੁਨ ਮਾਸੀ
[ਸੋਧੋ]ਇਹ ਚੁਟਕੀ ਦੀ ਮਾਂ ਹੈ ਜੋ ਕਿ ਸੁਆਦ ਲੱਡੂ ਬਣਾਉਣ ਕਾਰਨ ਪੂਰੇ ਢੋਲਕਪੁਰ 'ਚ ਪ੍ਰਸਿੱਧ ਹੈ। ਇਸਦੇ ਘਰ ਦੇ ਨਾਲ ਹੀ ਇਸਦੀ ਲੱਡੂਆਂ ਦੀ ਦੁਕਾਨ ਹੈ। ਭੀਮ ਅਤੇ ਉਸਦੇ ਸਾਰੇ ਦੋਸਤ ਇਸਦੇ ਬਣਾਏ ਲੱਡੂਆਂ ਨੂੰ ਬਹੁਤ ਪਸੰਦ ਕਰਦੇ ਹਨ। ਇਹ ਭੀਮ ਅਤੇ ਉਸਦੇ ਸਾਥੀਆਂ ਦੁਆਰਾ ਲੱਡੂ ਚੋਰੀ ਕਰਨ 'ਤੇ ਉਹਨਾਂ ਨੂੰ ਵੇਲਣੇ ਨਾਲ ਡਰਾਵਾ ਦਿੰਦੀ ਹੈ।
ਰਾਜਾ ਇੰਦਰਵਰਮਾ
[ਸੋਧੋ]ਇਹ ਢੋਲਕਪੁਰ ਦਾ ਰਾਜਾ ਹੈ ਅਤੇ ਰਾਜਕੁਮਾਰੀ ਇੰਦੂਮਤੀ ਇਸਦੀ ਧੀ ਹੈ। ਇਸਦੀ ਉਮਰ 35 ਸਾਲ ਹੈ। ਇਸਦਾ ਦੁਸ਼ਮਣ ਰਾਜਾ ਚੰਦਰਵਰਮਾ ਹੈ। ਇਹ ਬਹਾਦਰ ਯੋਧਾ ਹੈ ਪਰ ਰਾਜ ਦੇ ਹਰ ਮਸਲੇ ਨੂੰ ਸੁਲਝਾਉਣ ਲਈ ਇਹ ਹਰ ਵਾਰ ਭੀਮ ਨੂੰ ਅੱਗੇ ਕਰਦਾ ਹੈ। ਇਸ ਤੋਂ ਇਲਾਵਾ ਇਹ ਹਾਕੀ ਦਾ ਵੀ ਚੰਗਾ ਖਿਡਾਰੀ ਹੈ ਅਤੇ ਇਹ ਭੀਮ ਨੂੰ ਹਾਕੀ ਖੇਡਣਾ ਵੀ ਸਿਖਾਉਂਦਾ ਹੈ।
ਰਾਜਕੁਮਾਰੀ ਇੰਦੂਮਤੀ
[ਸੋਧੋ]ਇਹ ਢੋਲਕਪੁਰ ਦੇ ਰਾਜੇ ਇੰਦਰਵਰਮਨ ਦੀ ਧੀ ਹੈ। ਇਸਨੂੰ ਪਿਆਰ ਨਾਲ ਸਭ 'ਇੰਦੂ' ਵੀ ਬੁਲਾਉਂਦੇ ਹਨ।
ਅਵੀ ਚਾਚਾ
[ਸੋਧੋ]ਇਹ ਇੱਕ ਖੋਜੀ ਹੈ। ਇਹ ਕੁਝ ਕੁ ਕਿਸ਼ਤਾਂ ਵਿੱਚ ਦਿਖਾਈ ਦਿੰਦਾ ਹੈ ਪਰ ਬਾਅਦ ਵਿੱਚ ਇਸਦੀ ਜਗ੍ਹਾ ਪ੍ਰੋਃ ਧੂਮਕੇਤੂ ਆ ਜਾਂਦਾ ਹੈ।
ਸ਼ਿਵਾਨੀ
[ਸੋਧੋ]ਇਹ ਭੀਮ ਦੀ ਮੂੰਹ-ਬੋਲੀ ਭੈਣ ਹੈ। ਇਹ ਪਹਿਲਵਾਨਪੁਰ ਵਿੱਚ ਰਹਿੰਦੀ ਹੈ ਅਤੇ ਉੱਥੇ ਆਪਣਾ ਢਾਬਾ ਚਲਾਉਂਦੀ ਹੈ ਜਿਸਦਾ ਨਾਂ 'ਸ਼ਿਵਾਨੀ ਦਾ ਢਾਬਾ' ਹੈ।
ਕੀਚਕ
[ਸੋਧੋ]ਇਹ 16 ਸਾਲ ਦੀ ਉਮਰ ਦਾ ਇੱਕ ਪਹਿਲਵਾਨ ਹੈ ਜੋ ਕਇ ਪਹਿਲਵਾਨਪੁਰ ਵਿੱਚ ਰਹਿੰਦਾ ਹੈ। ਇਹ ਵੀ ਕਾਲੀਆ ਵਾਂਗ ਭੀਮ ਨੂੰ ਹਰਾਉਣ ਦੀਆਂ ਨਾਕਾਮ ਕੋਸ਼ਿਸ਼ਾਂ ਕਰਦਾ ਰਹਿੰਦਾ ਹੈ। ਇਹ ਭੀਮ ਨੂੰ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਯੋਗਿਤਾਵਾਂ ਵਿੱਚ ਲਲਕਾਰਦਾ ਰਹਿੰਦਾ ਹੈ। ਇਹ ਆਪਣੇ ਕੁਝ ਕੁ ਸਾਥੀਆਂ, ਚਿਪਰੂ, ਮੰਨਾ, ਬਿਰਜੂ, ਮੋਟੂ, ਆਦਿ, ਨਾਲ ਦਿਖਾਈ ਦਿੰਦਾ ਹੈ।
ਛੋਟਾ ਮੱਨੂ
[ਸੋਧੋ]ਇਹ ਇੱਕ 5 ਸਾਲ ਦਾ ਚੁਸਤ-ਚਲਾਕ ਬੱਚਾ ਹੈ। ਇਹ ਇੱਕ ਮੁੱਕੇਬਾਜ ਹੈ ਅਤੇ ਪਹਿਲਵਾਨਪੁਰ ਤੋਂ ਹੀ ਹੈ। ਇਹ ਰਾਜੂ ਦਾ ਵਿਰੋਧੀ ਹੈ ਪਰ ਕਦੇ ਉਸਨੂੰ ਹਰਾ ਨਹੀਂ ਸਕਿਆ। ਇਹ ਕੀਚਕ ਦਾ ਦੋਸਤ ਹੈ ਅਤੇ ਕੀਚਕ ਇਸਨੂੰ 'ਪੱਠਾ' ਕਹਿ ਕੇ ਪੁਕਾਰਦਾ ਹੈ।
ਡਾਕੂ ਮੰਗਲ ਸਿੰਘ
[ਸੋਧੋ]ਇਹ ਜੰਗਲਾਂ ਵਿੱਚ ਰਹਿਣ ਵਾਲਾ ਡਾਕੂ ਹੈ ਜੋ ਕਿ ਆਪਣੇ ਸਾਥੀਆਂ ਸਮੇਤ ਢੋਲਕਪੁਰ 'ਤੇ ਹਮਲਾ ਕਰਨ, ਰਾਹਗੀਰਾਂ ਨੂੰ ਲੁੱਟਣ ਅਤੇ ਹੋਰ ਗ਼ੈਰ ਕਾਨੂੰਨੀ ਯੋਜਨਾਵਾਂ ਬਣਾਉਂਦਾ ਰਹਿੰਦਾ ਹੈ ਪਰ ਹਰ ਵਾਰ ਭੀਮ ਇਸਦੀ ਘਟੀਆ ਯੋਜਨਾ ਨੂੰ ਬੇਕਾਰ ਕਰ ਦਿੰਦਾ ਹੈ।
ਧੁੱਨੀ ਬਾਬਾ
[ਸੋਧੋ]ਧੁੱਨੀ ਬਾਬਾ ਇੱਕ ਸੰਤ ਹੈ ਜੋ ਕੀ ਗੁਫ਼ਾ ਵਿੱਚ ਰਹਿੰਦਾ ਹੈ। ਇਹ ਕਿੱਲਾਂ ਉੱਪਰ ਬੈਠ ਕੇ ਭਗਤੀ ਕਰਦਾ ਹੈ। ਇਹ ਜਾਣੀ-ਜਾਣ ਸਾਧੂ ਹੈ ਜਿਸਨੂੰ ਸਭ ਕੁਝ ਪਤਾ ਹੈ। ਇਹ ਭੀਮ ਦੇ ਪ੍ਰਸ਼ਨਾਂ ਦੇ ਉੱਤਰ ਅਤੇ ਉਸਨੂੰ ਸਲਾਹਾਂ ਵੀ ਦਿੰਦਾ ਹੈ।
ਪ੍ਰੋਃ ਸ਼ਾਸਤਰੀ ਧੂਮਕੇਤੂ
[ਸੋਧੋ]ਪ੍ਰੋਃ ਧੂਮਕੇਤੂ ਇੱਕ ਖੋਜੀ ਹੈ ਜੋ ਕਿ ਗਿਆਨਪੁਰ ਵਿੱਚ ਰਹਿੰਦਾ ਹੈ। ਇਸਦੀ ਅਹਿਮ ਖੋਜਾਂ ਵਿੱਚ ਟਾਈਮ ਮਸ਼ੀਨ, ਉੱਡਣ ਵਾਲਾ ਗੁਬਾਰਾ, ਤੇਜ਼ ਤਰਾਰ ਸਾਇਕਲ ਆਦਿ ਹਨ। ਇਸਦੀਆਂ ਜ਼ਿਆਦਾਤਰ ਖੋਜਾਂ ਦੀ ਦੁਰਵਰਤੋਂ ਰਾਜੂ ਦੁਆਰਾ ਕੀਤੀ ਜਾਂਦੀ ਹੈ।
ਫ਼ਿਲਮਾਂ
[ਸੋਧੋ]ਸਿਨੇਮਾ ਵਿੱਚ ਰਿਲੀਜ਼ ਹੋਣ ਵਾਲੀਆਂ ਫ਼ਿਲਮਾਂ
[ਸੋਧੋ]- ਛੋਟਾ ਭੀਮ ਅਤੇ ਦਾਮਿਆਨ ਦਾ ਸਰਾਪ (18 ਮਈ 2012)[2]
- ਛੋਟਾ ਭੀਮ ਅਤੇ ਬਾਲੀ ਦਾ ਸਿੰਘਾਸਣ (3 ਮਈ 2013)[3]
- ਛੋਟਾ ਭੀਮ ਹਿਮਾਲਿਆ ਅਡਵੈਂਚਰ (8 ਜਨਵਰੀ 2016)[4]
- ਛੋਟਾ ਭੀਮ: ਕੁੰਗ ਫ਼ੂ ਧਮਾਕਾ (10 ਮਈ 2019)[5]
ਟੀ.ਵੀ 'ਤੇ ਰਿਲੀਜ਼ ਹੋਣ ਵਾਲੀਆਂ ਫ਼ਿਲਮਾਂ
[ਸੋਧੋ]- ਛੋਟਾ ਭੀਮ ਔਰ ਕ੍ਰਿਸ਼ਨ
- ਪਾਟਲੀਪੁਤਰ ਵਿੱਚ ਛੋਟਾ ਭੀਮ ਔਰ ਕ੍ਰਿਸ਼ਨ
- ਛੋਟਾ ਭੀਮ ਅਤੇ ਕ੍ਰਿਸ਼ਨ: ਮਾਇਆਨਗਰੀ
- ਛੋਟਾ ਭੀਮ: ਪੈਟਰਾ ਦੀ ਯਾਤਰਾ
- ਸ਼ਾਓਲਿਨ ਦਾ ਛੋਟਾ ਭੀਮ ਮਾਸਟਰ
- ਅਮੇਜ਼ਿੰਗ ਓਡੀਸੀ ਵਿੱਚ ਛੋਟਾ ਭੀਮ ਅਤੇ ਗਣੇਸ਼
- ਛੋਟਾ ਭੀਮ: ਢੋਲਕਪੁਰ ਤੋਂ ਕਾਠਮੰਡੂ
- ਛੋਟਾ ਭੀਮ ਔਰ ਹਨੂੰਮਾਨ
- ਛੋਟਾ ਭੀਮ ਅਤੇ ਕਿਰਮਦਾ ਦਾ ਉਭਾਰ
- ਛੋਟਾ ਭੀਮ ਔਰ ਕ੍ਰਿਸ਼ਨ ਬਨਾਮ ਜ਼ਿੰਬਰਾ
- ਛੋਟਾ ਭੀਮ ਅਤੇ ਸ਼ਿਨੋਬੀ ਸੀਕਰੇਟ
- ਛੋਟਾ ਭੀਮ ਅਤੇ ਇੰਕਨ ਐਡਵੈਂਚਰ
- ਛੋਟਾ ਭੀਮ ਅਤੇ ਟੁੱਟੀ ਹੋਈ ਤਾਜ਼ੀ
- ਛੋਟਾ ਭੀਮ ਨੀਲੀ ਪਹਾੜੀ
- ਛੋਟਾ ਭੀਮ ਕੀ ਬਾਜ਼ੀ
- ਛੋਟਾ ਭੀਮ ਔਰ ਪੰਚ ਅਜੂਬੇ
- ਛੋਟਾ ਭੀਮ ਔਰ ਛਲਛਾਇਆ
- ਛੋਟਾ ਭੀਮ: ਮਾਯਾਵੀ ਗੋਰਗਨ
- ਛੋਟਾ ਭੀਮ ਬੰਜਾਰਾ ਮਸਤੀ
- ਛੋਟਾ ਭੀਮ: ਡਾਇਨਾਸੌਰ ਵਰਲਡ
- ਛੋਟਾ ਭੀਮ ਅਤੇ ਸਕਾਈ ਡਰੈਗਨ
- ਛੋਟਾ ਭੀਮ: ਮਿਸ਼ਨ ਮੰਗਲਯਾਨ
- ਅਫਰੀਕਨ ਸਫਾਰੀ ਵਿੱਚ ਛੋਟਾ ਭੀਮ
- ਛੋਟਾ ਭੀਮ ਸਿੰਗਾਪੁਰਾ ਕਾ ਰਹਸਿਆ
- ਛੋਟਾ ਭੀਮ ਕਾ ਟ੍ਰੋਲ ਸੇ ਟੱਕਰ
- ਛੋਟਾ ਭੀਮ ਔਰ ਕਾਲਾ ਯੋਧਾ
- ਛੋਟਾ ਭੀਮ ਕਾ ਰੋਮਾਨੀ ਐਡਵੈਂਚਰ
- ਭੀਮਾਯਨ
- ਛੋਟਾ ਭੀਮ ਦਸ ਪੇ ਦਸ
- ਛੋਟਾ ਭੀਮ ਵੱਲਹਲਾ ਦਾ ਤਾਜ
- ਭੀਮ ਬਨਾਮ ਏਲੀਅਨ
- ਛੋਟਾ ਭੀਮ ਔਰ ਨਵਾਦਿਰ ਕੇ ਸ਼ਹਿਜ਼ਾਦੇ
- ਛੋਟਾ ਭੀਮ ਕਾ ਰੋਜ਼ੀ ਰੋਮਾਂਚ
- ਛੋਟਾ ਭੀਮ ਐਂਡ ਦ ਰਾਈਜ਼ ਆਫ ਦਮਯਾਨ
- ਛੋਟਾ ਭੀਮ ਔਰ ਕਾਲਸੁਰਾ ਕਾ ਜਾਦੁਈ ਜਲ
- ਛੋਟਾ ਭੀਮ ਔਰ ਅਰਾਜ਼ਿਮ ਕਾ ਰਾਜ਼
- ਭੀਮ ਬਨ ਗਿਆ ਸੁਪਰ ਸਟਾਰ
- ਸ਼ਹਿਰ ਵਿੱਚ ਭੀਮ
- ਛੋਟਾ ਭੀਮ ਔਰ ਮਲੌਂਘ ਕਾ ਰਾਜ਼
- ਛੋਟਾ ਭੀਮ ਕੀ ਸੀਟੀ ਪਿਟੀ ਗੁਲ
- ਛੋਟਾ ਭੀਮ ਔਰ ਚੰਦ ਪਰੀ ਕੀ ਦਾਸਤਾਨ
- ਵੀਰ ਬਹਾਦਰ ਭੀਮ
- ਛੋਟਾ ਭੀਮ ਅਤੇ ਐਲ ਮੈਗਨੀਫਿਕੋ ਦੀ ਦੰਤਕਥਾ
- ਛੋਟਾ ਭੀਮ ਔਰ ਮਹਾਵਿਨਾਸ਼ਿਨੀ ਕਾ ਵਿਨਾਸ਼
- ਛੋਟਾ ਭੀਮ ਯਮਲੋਕ ਕੀ ਖੋਜ
- ਛੋਟਾ ਭੀਮ ਔਰ ਰਜਿਸਟਰਾਨ ਕਾ ਸ਼ਹਿਨਸ਼ਾਹ
ਵਿਦੇਸ਼ਾਂ ਵਿੱਚ
[ਸੋਧੋ]ਇਹਨਾਂ ਕਾਰਟੂਨਾਂ ਦਾ ਸ਼ੀ ਲੰਕਾ ਵਿੱਚ ਪ੍ਰਸਾਰਣ ਸਿਰਾਸਾ ਟੀ.ਵੀ ਦੁਆਰਾ ਕੀਤਾ ਜਾਂਦਾ ਹੈ ਅਤੇ ਉੱਥੇ ਇਸਦਾ ਨਾਂ 'ਚੰਦੀ' ਹੈ।
ਪਾਕਿਸਤਾਨ ਵਿੱਚ ਇਹਨਾਂ ਕਾਰਟੂਨਾਂ ਦਾ ਪ੍ਰਸਾਰਣ ਕਾਰਟੂਨ ਨੈੱਟਵਰਕ, ਪਾਕਿਸਤਾਨ ਦੁਆਰਾ ਕੀਤਾ ਜਾਂਦਾ ਹੈ। ਹੋਰ ਕਾਰਟੂਨਾਂ ਦੇ ਮੁਕਾਬਲੇ ਇਹ ਕਾਰਟੂਨ ਪਾਕਿਸਤਾਨ ਵਿੱਚ ਬਹੁਤ ਪ੍ਰਸਿੱਧ ਹਨ।
ਹਵਾਲੇ
[ਸੋਧੋ]- ↑ Mohan, Varsha (9 May 2016). "Chotta Bheem's Bada Story". New Indian Express (in ਅੰਗਰੇਜ਼ੀ). Kochi. Retrieved 22 September 2023.
- ↑ "Chhota Bheem And The Curse Of Damyaan Is A Surprise Success" (in ਅੰਗਰੇਜ਼ੀ). Box Office India. Archived from the original on 26 June 2012. Retrieved 17 December 2012.
- ↑ "YRF to distribute 'Chhota Bheem – The Throne of Bali'". Business Standard (in ਅੰਗਰੇਜ਼ੀ). 13 April 2013. Archived from the original on 6 March 2014. Retrieved 4 June 2013.
- ↑ "Chhota Bheem to be unveiled in a new avatar" (in ਅੰਗਰੇਜ਼ੀ). 16 December 2015. Archived from the original on 21 October 2017. Retrieved 14 September 2023.
- ↑ "From Hyderabad to the world: Chhota Bheem is going international and how!" (in ਅੰਗਰੇਜ਼ੀ). Archived from the original on 19 April 2023. Retrieved May 6, 2018.