ਜੋਸਿਫ ਡਿਸੂਜ਼ਾ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਜੋਸਿਫ ਡਿਸੂਜ਼ਾ
ਰਾਸ਼ਟਰੀਅਤਾਭਾਰਤੀ
ਪੇਸ਼ਾਮਾਡਰੇਟਰ ਬਿਸ਼ਪ ਆਫ਼ ਗੁਡ ਸ਼ੇਫਰਡ ਚਰਚ ਆਫ ਇੰਡੀਆ
ਪ੍ਰਸਿੱਧੀ ਦਲਿਤ ਫਰੀਡਮ ਨੈਟਵਰਕ (ਡੀ ਐੱਫ ਐਨ) ਦਾ ਪ੍ਰਧਾਨ,
ਅਕਤੂਬਰ 2006 ਵਿੱਚ ਅਮਰੀਕੀ ਕਾਂਗਰਸ ਵਿੱਚ ਭਾਰਤ ਸਰਕਾਰ ਦੇ ਵਿਰੁੱਧ ਤਜਵੀਜ਼
ਬੱਚੇਬੇਰੀਲ ਡਿਸੂਜ਼ਾ
ਵੈੱਬਸਾਈਟwww.josephdsouza.com

ਜੋਸਿਫ ਡਿਸੂਜ਼ਾ ਦਲਿਤ ਹੱਕਾਂ ਲਈ ਇਕ ਭਾਰਤੀ ਕਾਰਕੁਨ ਹੈ। 2012 ਨੂੰ, ਉਹ ਦਲਿਤ ਆਜ਼ਾਦੀ ਨੈਟਵਰਕ (ਡੀ ਐੱਫ ਐਨ) ਦਾ ਅੰਤਰਰਾਸ਼ਟਰੀ ਪ੍ਰਧਾਨ ਅਤੇ ਆਲ ਇੰਡੀਆ ਕ੍ਰਿਸ਼ਚੀਅਨ ਕੌਂਸਲ ਦਾ ਪ੍ਰਧਾਨ ਸੀ। [1]30 ਅਗਸਤ 2014 ਨੂੰ, ਉਸ ਨੂੰ ਗੁਡ ਸ਼ੇਫਰਡ ਚਰਚ ਆਫ ਇੰਡੀਆ ਦੇ ਮਾਡਰੇਟਰ ਬਿਸ਼ਪ ਵਜੋਂ ਸਨਮਾਨਿਤ ਕੀਤਾ ਗਿਆ ਸੀ।

ਕੈਰੀਅਰ[ਸੋਧੋ]

ਯੂਸੁਫ਼ ਡਿਸੂਜ਼ਾ ਦਾ ਜਨਮ ਇਕ ਈਸਾਈ ਪਰਿਵਾਰ ਵਿਚ ਹੋਇਆ ਸੀ। ਉਸਦਾ ਪਰਿਵਾਰ ਇੱਕ ਤਰ੍ਹਾਂ ਦੇ "ਈਸਾਈ ਵਿਹੜੇ" ਵਿਚ ਰਹਿੰਦਾ ਸੀ ਜੋ ਨੀਵੀਂ ਜਾਤੀ ਅਤੇ ਦਲਿਤ ਲੋਕਾਂ ਨਾਲ ਘਿਰਿਆ ਹੋਇਆ ਸੀ। [2] ਉਹ ਕਰਨਾਟਕ ਯੂਨੀਵਰਸਿਟੀ ਵਿਚ ਦਾਖ਼ਲ ਹੋਇਆ ਜਿੱਥੇ ਉਸ ਨੇ ਬੀ ਐਸਸੀ ਕੈਮਿਸਟਰੀ ਵਿਚ ਅਤੇ ਫਿਲੀਪੀਨਜ਼ ਵਿਚ ਏਸ਼ੀਆਈ ਥੀਓਲਾਜੀਕਲ ਸੈਮੀਨਰੀ ਵਿਚ ਉਸ ਨੇ ਕਮਿਊਨੀਕੇਸ਼ਨਜ਼ ਵਿੱਚ ਐਮ.ਏ. ਕੀਤੀ। ਉਸ ਨੇ ਸੇਰਾਮਪੋਰ ਯੂਨੀਵਰਸਿਟੀ ਦੇ ਨਾਲ ਅਫਿੱਲੀਏਟ ਇੰਜੀਲ ਆਫ਼ ਏਸ਼ੀਆ ਬਾਈਬਲ ਸੈਮੀਨਰੀ ਵਿਚ ਵੀ ਪੜ੍ਹਾਈ ਕੀਤੀ, ਜਿਥੇ ਉਸ ਨੂੰ ਡਵਿਨਟੀ ਵਿਚ ਡਾਕਟਰ ਡਿਗਰੀ ਹਾਸਲ ਕੀਤੀ।[3]  ਡਿਸੂਜ਼ਾ ਨੇ ਆਪਣੇ ਭਵਿੱਖ ਦੀ ਪਤਨੀ ਮਰੀਅਮ ਨੂੰ ਵਿਆਹ ਕਰਾਉਣ ਦਾ ਪ੍ਰਸਤਾਵ ਰੱਖਿਆ, ਹਾਲਾਂਕਿ ਉਹ ਇੱਕ ਆਦਿਵਾਸੀ ਕਬਾਇਲੀ ਸਮੂਹ ਤੋਂ ਸੀ। ਡਿਸੂਜ਼ਾ ਦਾ ਪਰਿਵਾਰ ਅਤੇ ਉਸ ਦੇ ਕੁਝ ਮਿੱਤਰ ਸ਼ਾਦੀ ਦੇ ਖਿਲਾਫ਼ ਸਨ, ਪਰ ਉਨ੍ਹਾਂ ਨੇ ਪਰਵਾਹ ਨਹੀਂ ਕੀਤੀ ਅਤੇ ਸ਼ਾਦੀ ਕਰਵਾ ਲਈ। [2]

ਡਿਸੂਜ਼ਾ ਦੇ ਈਸਾਈਆਂ ਅਤੇ ਦਲਿਤਾਂ ਦੇ ਕਾਜ ਨੂੰ ਹਥ ਲੈਣ ਦੇ ਫੈਸਲੇ ਪਿਛੇ ਇਕ ਕਾਰਨ ਇਹ ਸੀ ਕਿ 1990 ਦੇ ਦਹਾਕੇ ਦੇ ਅੱਧ ਵਿਚ ਭਾਰਤ ਵਿੱਚ ਮਸੀਹੀਆਂ ਉੱਤੇ ਹਮਲਿਆਂ ਦੀ ਸ਼ੁਰੂਆਤ ਕੀਤੀ ਗਈ ਸੀ, ਜਿਸ ਵਿਚ 1999 ਵਿਚ ਉੜੀਸਾ ਵਿਚ ਮਿਸ਼ਨਰੀ ਗ੍ਰਾਹਮ ਸਟੇਨਜ਼ ਅਤੇ ਉਸ ਦੇ ਦੋ ਛੋਟੇ ਬੇਟਿਆਂ ਨੂੰ ਜ਼ਿੰਦਾ ਸਾੜ ਦੇਣਾ ਸ਼ਾਮਲ ਸੀ।[2] ਡਿਸੂਜ਼ਾ ਜਾਰਜ ਵਰਵਰ ਦੇ ਇਵੈਂਂਜਲਿਸਟ ਆਪਰੇਸ਼ਨ ਮੋਬਲਾਈਜੇਸ਼ਨ ਦੀ ਭਾਰਤੀ ਸ਼ਾਖਾ ਵਿਚ ਸ਼ਾਮਲ ਹੋ ਗਿਆ ਅਤੇ ਹੁਣ ਇਸਦਾਇਕ ਅੰਤਰਰਾਸ਼ਟਰੀ ਉਪ-ਪ੍ਰਧਾਨ ਹੈ। [2] ਉਸਨੇ ਅਪ੍ਰੇਸ਼ਨ ਮੋਬਲਾਈਜੇਸ਼ਨ ਦੇ ਨਾਲ ਕੰਮ ਕਰਨ ਵਾਲੇ ਤਕਰੀਬਨ 25,000 ਦਲਿਤ ਬੱਚਿਆਂ ਦੀ ਸੇਵਾ ਲਈ 107 ਦਲਿਤ ਸਿੱਖਿਆ ਕੇਂਦਰ ਸਥਾਪਤ ਕੀਤੇ ਹਨ। [4]

1998 ਵਿਚ, ਉਸਨੇ ਆਲ ਇੰਡੀਆ ਕ੍ਰਿਸ਼ਚਨ ਕੌਂਸਲ (ਏ.ਆਈ.ਸੀ.ਸੀ) ਦੀ ਸਥਾਪਨਾ ਕੀਤੀ। [3]ਏ ਆਈ ਸੀ ਸੀ ਮਨੁੱਖੀ ਅਧਿਕਾਰਾਂ ਦੇ ਮਸਲਿਆਂ ਅਤੇ ਰਾਸ਼ਟਰੀ ਚਿੰਤਾਵਾਂ ਨਾਲ ਨਜਿੱਠਣ ਲਈ ਬਣਾਏ ਗਏ ਸਭ ਤੋਂ ਵੱਡੀ ਇੰਟਰਡੀਨੋਮੀਨੇਸ਼ਨਲ ਈਸਾਈ ਗਠਜੋੜਾਂ ਵਿਚੋਂ ਇਕ ਹੈ। [5]

ਡਿਸੂਜ਼ਾ ਨੇ 2002 ਵਿੱਚ ਦਲਿਤ ਆਜ਼ਾਦੀ ਨੈਟਵਰਕ (ਡੀਐੱਫਐਨ) ਦੀ ਸਥਾਪਨਾ ਕੀਤੀ, ਪਹਿਲਾਂ ਅਮਰੀਕਾ ਵਿੱਚ ਅਤੇ ਬਾਅਦ ਵਿੱਚ ਦੂਜੇ ਦੇਸ਼ਾਂ ਵਿੱਚ ਇਸਨੂੰ ਫੈਲਾਇਆ।[2] ਹੁਣ ਡੀਐਫਐਨ ਦੇ ਕਈ ਹੋਰ ਦੇਸ਼ਾਂ ਵਿੱਚ ਦਫ਼ਤਰ ਹਨ।[1] ਡੀਸੂਜ਼ਾ ਸਮਾਜ ਵਿਚ ਹਾਸ਼ੀਏ ਉੱਤਲੇ ਅਤੇ ਦੱਬੇ-ਕੁਚਲੇ, ਖ਼ਾਸ ਕਰਕੇ ਪੱਛੜੀਆਂ ਜਾਤਾਂ ਵਿਚਲੇ ਲੋਕਾਂ ਦੇ ਮਨੁੱਖੀ ਅਧਿਕਾਰਾਂ ਲਈ ਪ੍ਰਚਾਰ ਮੁਹਿੰਮ ਵਿਚ ਖਾਸ ਤੌਰ ਤੇ ਯਾਤਰਾਵਾਂ ਕਰਦਾ ਹੈ।[5]  ਡਿਸੂਜਾ ਨੇ ਸਵਿਟਜ਼ਰਲੈਂਡ, ਜਰਮਨੀ, ਯੂਨਾਈਟਿਡ ਕਿੰਗਡਮ ਅਤੇ ਯੁਨਾਈਟਿਡ ਸਟੇਟਸ ਵਿੱਚ ਸਿਆਸਤਦਾਨਾਂ ਅਤੇ ਮਨੁੱਖੀ ਅਧਿਕਾਰ ਕਮਿਸ਼ਨ ਦੀਆਂ ਬੈਠਕਾਂ ਵਿੱਚ ਮਨੁੱਖੀ ਅਧਿਕਾਰਾਂ ਬਾਰੇ ਮੁੱਦਿਆਂ 'ਤੇ ਚਰਚਾ ਕੀਤੀ।ਬੀਬੀਸੀ, ਇੰਡੋ-ਏਸ਼ੀਅਨ ਨਿਊਜ਼ ਸਰਵਿਸ, ਨਿਊਯਾਰਕ ਟਾਈਮਜ਼ ਅਤੇ ਵਾਲ ਸਟਰੀਟ ਜਰਨਲ ਦੁਆਰਾ ਦਲਿਤ ਆਜ਼ਾਦੀ ਦੀਆਂ ਚਿੰਤਾਵਾਂ ਬਾਰੇ ਉਸ ਦੇ ਵਿਚਾਰ ਦੀ ਰੀਪੋਰਟ ਕੀਤੀ ਗਈ ਹੈ। [1] ਡੀਸੂਜ਼ਾ ਦੀ ਧੀ ਬੇਰੀਲ ਦਲਿਤ ਆਜ਼ਾਦੀ ਨੈਟਵਰਕ ਦੀ ਡਾਕਟਰੀ ਡਾਇਰੈਕਟਰ ਅਤੇ ਮਨੁੱਖੀ ਤਸਕਰੀ ਦੇ ਵਿਰੋਧੀ ਮੁਹਿੰਮ ਦੀ ਡਾਇਰੈਕਟਰ ਹੈ।[4]

ਦਲਿਤ ਹੱਕ [ਸੋਧੋ]

ਇਕ ਅਮਰੀਕੀ ਕਾਂਗਰੇਸ਼ਨਲ ਸੁਣਵਾਈ ਤੋਂ ਪਹਿਲਾਂ ਅਕਤੂਬਰ 2006 ਵਿਚ ਬੋਲਦਿਆਂ ਡੀਸੂਜ਼ਾ ਨੇ ਕਿਹਾ ਕਿ "ਭਾਰਤ ਦੀ ਤ੍ਰਾਸਦੀ ਇਹ ਹੈ "ਭਾਰਤ ਦੀ ਤ੍ਰਾਸਦੀ ਇਹ ਹੈ ਕਿ ਜਦੋਂ ਦਲਿਤਾਂ ਦੇ ਨਾਲ ਭੇਦਭਾਵ ਕੀਤਾ ਜਾ ਰਿਹਾ ਹੁੰਦਾ ਹੈ ਸਮਾਜ ਜਾਤ ਪ੍ਰਣਾਲੀ ਦਾ ਅਭਿਆਸ ਜਾਰੀ ਰੱਖਦਾ ਹੈ, ਉਦੋਂ ਕਾਨੂੰਨ ਦਾ ਰਾਜ ਨੂੰ ਲਾਗੂ ਨਹੀਂ ਕੀਤਾ ਜਾਂਦਾ, ਹਾਲਾਂਕਿ ਕਿ ਸੰਵਿਧਾਨ ਦੁਆਰਾ ਛੂਤ-ਛਾਤ ਦੇ ਅਭਿਆਸ ਨੂੰ ਖਤਮ ਕਰ ਦਿੱਤਾ ਗਿਆ ਹੈ"।[5]ਉਸ ਨੇ ਇਹ ਵੀ ਨੋਟ ਕੀਤਾ ਕਿ "ਈਸਾਈ ਦਲਿਤਾਂ ਨੂੰ ਈਸਾਈ ਧਰਮ ਨਾਲ ਉਨ੍ਹਾਂ ਦੇ ਸੰਬੰਧਾਂ ਲਈ ਦੁੱਖ ਝੱਲਣਾ ਪੈਂਦਾ ਹੈ। ਉਨ੍ਹਾਂ ਨਾਲ ਚਰਚ ਦੇ ਅੰਦਰ ਅਤੇ ਚਰਚ ਦੇ ਬਾਹਰ ਦੋਨੋਂ ਥਾਈਂ ਵਿਤਕਰਾ ਕੀਤਾ ਜਾਂਦਾ ਹੈ। ਉਨ੍ਹਾਂ ਦੇ ਅਧਿਕਾਰਾਂ ਨੂੰ ਕੁਚਲਿਆ ਜਾਂਦਾ ਹੈ।"[5] ਪਰ "ਅਛੂਤਤਾ" ਦੇ ਕਲੰਕ ਤੋਂ ਬਚਣ ਲਈ ਦਲਿਤਾਂ ਨੇ ਇਸਲਾਮ, ਈਸਾਈ ਧਰਮ ਜਾਂ ਬੁੱਧ ਧਰਮ ਨੂੰ ਅਪਣਾਉਣਾ ਜਾਰੀ ਰੱਖਿਆ ਹੋਇਆ ਹੈ।

ਹਵਾਲੇ[ਸੋਧੋ]