ਡੋਰੇਮੌਨ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
ਇਸ ਉੱਤੇ ਜਾਓ: ਨੇਵੀਗੇਸ਼ਨ, ਖੋਜ
Doraemon.jpg

ਡੋਰੇਮੌਨ (ਜਪਾਨੀ:ドラえもん)ੲਿੱਕ ਜਪਾਨੀ ਮੰਗਾ ਲੜੀ ਹੈ ਜਿਸ ਨੂੰ ਫ਼ੁਜੀਕੋ ਫ਼ੁਜੀਓ ਦੀ ਮੰਗਾ ਟੋਲੀ ਦੁਆਰਾ ਲਿਖਿਆ ਅਤੇ ਬਣਾਇਅਾ ਗਿਆ ਹੈ। ਇਸ ਲੜੀ ਦੇ ਪ੍ਰਸਿੱਧ ਐਨੀਮੇਸ਼ਨ ਕਾਰਟੂਨ ਵੀ ਪ੍ਰਦਰਸ਼ਿਤ ਹੋ ਚੁੱਕੇ ਹਨ। ਇਸਦੀ ਕਹਾਣੀ ਇੱਕ ਰੋਬੋਟ ਬਿੱਲੀ ਡੋਰੇਮਔਨ ਦੁਅਾਲੇ ਘੁੰਮਦੀ ਹੈ ਜੋ ਕਿ 22ਵੀਂ ਸਦੀ 'ਚੋਂ ਨੋਬਿਤਾ ਨੋਬੀ ਦੀ ਮਦਦ ਕਰਨ ਲਈ ਆਇਆ ਹੈ।

ਡੋਰੇਮੌਨ ਮੰਗਾ ਲੜੀ ਦਸੰਬਰ 1869 ਵਿੱਚ ਛੇ ਮੈਗਜ਼ੀਨਾਂ ਵਿੱਚ ਛਾਪੀ ਗਈ।ਅਸਲ ਲੜੀ ਵਿੱਚ ਕੁੱਲ 1,345 ਕਹਾਣੀਆਂ ਬਣਾਈਆਂ ਗਈਆਂ ਹਨ ਜਿਨ੍ਹਾਂ ਨੂੰ ਸ਼ੋਗਾਕਕੁਨ ਦੁਆਰਾ ਟੈਂਟੋਮੁਸ਼ੀ ਮੰਗਾ 'ਤੇ ਛਾਪਿਆ ਗਿਆ ਹੈ। ਡੋਰੇਮੌਨ ਦੀਆਂ ਕਿਸ਼ਤਾਂ ਨੂੰ ਅੰਗਰੇਜ਼ੀ ਵਿੱਚ ਰਿਲੀਜ਼ ਕਰਨ ਲਈ 1980 ਦੇ ਮੱਧ ਵਿੱਚ [[ਟਰਨਰ ਬ੍ਰੌਡਕਾਸਟਿੰਗ ਸਿਸਟਮ ਨੇ ਹੱਕ ਖਰੀਦ ਲਏ ਸਨ ਪਰ ਬਾਅਦ ਵਿੱਚ ਬਿਨ੍ਹਾਂ ਕੋਈ ਕਾਰਨ ਦੱਸੇ ਰੱਦ ਕਰ ਦਿੱਤੇ। ਜੁਲਾਈ 2013 ਵਿੱਚ ਇਸ ਮੰਗਾ ਲੜੀ ਨੂੰ ਐਮਾਜ਼ੌਨ ਕਿੰਡਲ ਈ-ਬੁੱਕ ਵਿੱਚ ਅੰਗਰੇਜ਼ੀ ਵਿੱਚ ਉਪਲਬਧ ਕਰਵਾਇਆ ਗਿਆ। ਇਹ ਹੁਣ ਤੱਕ ਦੀ ਸਭ ਤੋਂ ਵੱਧ ਵਿਕਣ ਵਾਲੀ ਮੰਗਾ ਲੜੀ ਹੈ ਜਿਸ ਦੀਆਂ ਹੁਣ ਤੱਕ 10 ਲੱਖ ਤੋਂ ਵੱਧ ਨਕਲਾਂ ਵਿਕ ਚੁੱਕੀਆਂ ਹਨ। ਡੋਰੇਮੌਨ ਮੰਗਾ ਲੜੀ ਨੂੰ 1973 ਵਿੱਚ ਜਪਾਨ ਕਾਰਟੂਨਿਸਟ ਅਸੋਸੀਏਸ਼ਨ ਅਵਾਰਡ 1982 ਵਿੱਚ ਸ਼ੋਗਕੁਕਨ ਮੰਗਾ ਅਵਾਰਡ ਅਤੇ 1997 ਵਿੱਚ ਓਸਾਮੂ ਟੇਜ਼ੂਕਾ ਕਲਚਰ ਅਵਾਰਡ ਮਿਲਿਆ। ਮਾਰਚ 2008 ਵਿੱਚ ਜਪਾਨ ਦੇ ਵਿਦੇਸ਼ ਮੰਤਰੀ ਨੇ ਡੋਰੇਮੌਨ ਨੂੰ ਰਾਸ਼ਟਰ ਦਾ ਪਹਿਲਾ ਐਨੀਮੇ ਅੰਬੈਸਡਰ ਐਲਾਨਿਆ। ਭਾਰਤ ਵਿੱਚ ਇਸ ਪ੍ਰਸਾਰਣ ਹਿੰਦੀ, ਤੈਲਗੂ ਅਤੇ ਤਾਮਿਲ ਭਾਸ਼ਾ ਵਿੱਚ ਕੀਤਾ ਗਿਆ ਹੈ ਅਤੇ ਇੱਥੇ ਇਸ ਐਨੀਮੇ ਲੜੀ ਨੂੰ ਬੱਚਿਆਂ ਦੁਆਰਾ ਕਾਫੀ ਪਸੰਦ ਕੀਤਾ ਗਿਆ। ਇਸ ਤਰ੍ਹਾਂ ਡੋਰੇਮੌਨ ਐਨੀਮੇ ਨੇ ਨਿਕਲੋਡੀਅਨ ਕਿੱਡਜ਼ ਚੌਇਜ਼ ਅਵਾਰਡ ਇੰਡੀਆ ਪ੍ਰਾਪਤ ਕੀਤਾ। 2002 ਵਿੱਚ ਟਾਈਮ ਏਸ਼ੀਆ ਮੈਗਜ਼ੀਨ ਦੁਆਰਾ ਕੀਤੇ ਸਰਵੇਖਣ ਵਿੱਚ ਇਸਨੂੰ "ਏਸ਼ੀਆਈ ਨਾਇਕ" ਕਿਹਾ ਗਿਆ। ਟੀ.ਵੀ ਆਸ਼ੀ ਦੁਆਰਾ ਕੀਤਾ ਗਿਆ ਅੰਗਰੇਜ਼ੀ ਉਲੱਥਾ ਡਿਜ਼ਨੀ ਐਕਸ.ਡੀ ਦੁਆਰਾ 7 ਜੁਲਾਈ 2014 ਤੋਂ ਯੂ.ਐਸ ਵਿੱਚ ਦਿਖਾਉਣਾ ਸ਼ੁਰੂ ਕੀਤਾ ਗਿਆ। 17 ਅਗਸਤ 2015 ਨੂੰ ਬੂਮਰੈਂਗ ਯੂ.ਕੇ 'ਤੇ ਵੀ ਇਸਦਾ ਪ੍ਰਸਾਰਣ ਸ਼ੁਰੂ ਹੋਇਆ।

ਨਾਂ[ਸੋਧੋ]

ਡੋਰੇਮੌਨ ਦਾ ਨਾਂ ਦੋ ਸ਼ਬਦਾਂ - ਡੋਰਾ ਅਤੇ ਏਮੌਨ ਦਾ ਸੁਮੇਲ ਹੈ। ਇਹਨਾਂ ਵਿੱਚੋਂ ਡੋਰਾ ਸ਼ਬਦ ਕਾਟਕਾਨਾ ਜਦਕਿ ਏਮੌਨ ਹਿਰਾਗਾਨਾ ਵਿੱਚੋਂ ਲੈ ਕੇ ਵਰਤਿਆ ਗਿਆ ਹੈ।

ਕਹਾਣੀ[ਸੋਧੋ]

ਡੋਰੇਮੌਨ ਦੀ ਪਹਿਲੀ ਝਲਕ.jpg

ਡੋਰੇਮੌਨ ਨੂੰ ਸਵਾਸ਼ੀ ਨੋਬੀ ਨਾਂ ਦਾ ਇੱਕ ਮੁੰਡਾ ਸਮੇਂ ਵਿੱਚ ਪਿੱਛੇ ਭੇਜ ਦਿੰਦਾ ਹੈ ਤਾਂ ਜੋ ਆਪਣੇ ਪਿਤਾ ਦੇ ਦਾਦੇ ਨੋਬੀਤਾ ਦੇ ਹਾਲਾਤਾਂ ਨੂੰ ਸੁਧਾਰ ਸਕੇ ਅਤੇ ਇਸ ਤਰ੍ਹਾਂ ਉਸਦੀਆਂ ਅਗਲੀਆਂ ਪੀੜ੍ਹੀਆਂ ਚੰਗਾ ਜੀਵਨ ਜੀਅ ਸਕਦੀਆਂ ਹਨ। ਉਂਝ ਤਾਂ ਨੋਬੀਤਾ ਨੂੰ ਕੋਈ ਦਿੱਕਤ ਨਹੀਂ ਹੁੰਦੀ ਪਰ ਉਸਦੇ ਜਮਾਤ ਵਿਚੋਂ ਘੱਟ ਅੰਕ ਆਉਣ ਅਤੇ ਉਸਦੀ ਸੁਸਤੀ ਹੀ ਜ਼ਿਆਦਾ ਵੱਡੀ ਸਮੱਸਿਆ ਹੈ ਜਿਸ ਕਰਕੇ ਉਸਦੇ ਮਿੱਤਰ ਉਸਨੂੰ ਚਿੜ੍ਹਾਉਂਦੇ ਰਹਿੰਦੇ ਹਨ। ਉਸਦੀਆਂ ਇਹਨਾਂ ਖਾਮੀਆਂ ਕਾਰਨ ਉਸਦੇ ਪਰਿਵਾਰ ਨੂੰ ਭਵਿੱਖ ਵਿੱਚ ਪੈਸੇ ਸਬੰਧੀ ਦਿੱਕਤਾਂ ਪੇਸ਼ ਆਉਂਦੀਆਂ ਹਨ। ਨੋਬੀ ਪਰਿਵਾਰ ਨੂੰ ਧਨ ਪੱਖੋਂ ਮਜ਼ਬੂਤ ਕਰਨ ਲਈ ਸਵਾਸ਼ੀ ਪਹਿਲਾਂ ਤਾਂ ਇੱਕ ਤਾਕਤਵਰ ਰੋਬਟ ਭੇਜਣਾ ਚਾਹੁੰਦਾ ਹੈ ਤਾਂ ਜੋ ਉਹ ਨੋਬੀਤਾ ਦੀ ਰੱਖਿਆ ਕਰ ਸਕੇ ਪਰ ਬਾਅਦ ਵਿੱਚ ਕਿਸੇ ਦੀ ਸਲਾਹ ਲੈ ਕੇ ਉਹ ਰੋਬੋ-ਬਿੱਲੀ ਡੋਰੇਮੌਨ ਨੂੰ ਭੇਜਣ ਦਾ ਨਿਰਣਾ ਲੈਂਦਾ ਹੈ।

ਡੋਰੇਮੌਨ ਕੋਲ ਇੱਕ ਜੇਬ ਹੁੰਦੀ ਹੈ ਜਿਸ ਵਿੱਚ ਉਹ ਆਪਣੇ ਖਿਡੌਣੇ, ਦਵਾਈਆਂ, ਅਤੇ ਸੰਦ , ਜੋ ਕਿ ਉਸਨੇ ਭਵਿੱਖ 'ਚੋਂ ਮੰਗਵਾਏ ਹਨ, ਉਨ੍ਹਾਂ ਨੂੰ ਸੰਭਾਲ ਕੇ ਰੱਖਦਾ ਹੈ ਅਤੇ ਇਹਨਾਂ ਨੂੰ 'ਗੈਜਟ' ਕਹਿ ਕੇ ਸੰਬੋਧਿਤ ਕਰਦਾ ਹੈ। ਇਹਨਾਂ ਵਿਚੋਂ ਅੱਧੇ ਕੁ ਗੈਜਟ ਤਾਂ ਘਰੇਲੂ ਜਪਾਨੀ ਵਸਤਾਂ ਹੀ ਹੁੰਦੀਆਂ ਹਨ ਪਰ ਜ਼ਿਆਦਾਤਰ ਕਲਪਿਤ ਵਿਗਿਆਨਕ ਸੰਦ ਹੁੰਦੇ ਹਨ। ਇਸ ਲੜੀ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਗੈਜਟ ਦਿਖਾਏ ਗਏ ਹਨ ਅਤੇ ਸਭ ਤੋਂ ਆਮ ਗੈਜਟ ਬੈਂਬੂ ਕੌਪਟਰ ਅਤੇ "ਐਨੀਵੇਅਰ ਡੋਰ" ਭਾੜ ਕਿਤੇ ਵੀ ਪਹੁੰਚਣ ਵਾਲਾ ਦਰਵਾਜ਼ਾ ਹਨ।

ਨੋਬੀਤਾ ਦੀ ਸਭ ਤੋਂ ਕਰੀਬੀ ਦੋਸਤ ਸ਼ਿਜ਼ੂਕਾ ਮਿਨਾਮੋਟੋ ਹੁੰਦੀ ਹੈ। ਨੋਬੀਤਾ ਨੂੰ ਹਮੇਸ਼ਾ ਤਕੇਸ਼ੀ ਗੋਡੋ ਉਰਫ਼ ਜਿਆਨ ਅਤੇ ਉਸਦੇ ਦੋਸਤ ਸੁਨਿਓ ਹੋਨੇਕਾਵਾ ਦੁਆਰਾ ਤੰਗ ਕੀਤਾ ਜਾਂਦਾ ਹੈ। ਡੋਰੇਮੌਨ ਦੀ ਕਹਾਣੀ ਵਿੱਚ ਨੋਬੀਤਾ ਦੀ ਹਰ ਮੁਸ਼ਕਿਲ ਦੇ ਹੱਲ ਲਈ ਡੋਰੇਮੌਨ ਦੁਆਰਾ ਉਸਨੂੰ ਇੱਕ ਗੈਜਟ ਦਿੱਤਾ ਜਾਂਦਾ ਹੈ।