ਪੁਨੀਤਾ ਅਰੋੜਾ

ਲੈਫਟੀਨੈਂਟ ਜਰਨੈਲ ਉਪ ਐਡਮੀਰਲ ਪੁਨੀਤਾ ਅਰੋੜਾ ਪਰਮ ਵਿਸ਼ਿਸ਼ਟ ਸੇਵਾ ਮੈਡਲ, ਵਿਸ਼ਿਸ਼ਟ ਸੇਵਾ ਮੈਡਲ, ਸੇਨਾ ਮੈਡਲ
ਜਨਮ	(1932-10-13) ਅਕਤੂਬਰ 13, 1932
ਵਫ਼ਾਦਾਰੀ	ਭਾਰਤ
ਸੇਵਾ/ਬ੍ਰਾਂਚ	ਭਾਰਤੀ ਫ਼ੌਜ ਭਾਰਤੀ ਜਲ ਸੇਨਾ
ਰੈਂਕ	ਲੈਫਟੀਨੈਂਟ ਜਰਨੈ ਉੱਪ-ਐਡਮਿਰਲ
Commands held	ਕਮਾਂਡੈਂਟ ਆਰਮਡ ਫੋਰਸਿਜ਼ ਮੈਡੀਕਲ ਕਾਲਜ
ਇਨਾਮ	ਪਰਮ ਵਿਸ਼ਿਸ਼ਟ ਸੇਵਾ ਮੈਡਲl ਵਿਸ਼ਿਸ਼ਟ ਸੇਵਾ ਮੈਡਲ ਸੇਨਾ ਮੈਡਲ

ਪੁਨੀਤਾ ਅਰੋੜਾ ਭਾਰਤ ਦੀ ਪਹਿਲੀ ਔਰਤ ਹੈ ਜਿਸਨੂੰ ਭਾਰਤੀ ਫੌਜ ਵਿੱਚ ਲੈਫਟੀਨੈਂਟ ਜਰਨੈਲ ਦਾ ਦਰਜਾ ਮਿਲਿਆ ਜੋ ਭਾਰਤੀ ਫੌਜ ਵਿੱਚ ਦੂਜਾ ਸਭ ਤੋਂ ਵੱਡਾ ਦਰਜਾ ਹੈ। ਇਹ ਭਾਰਤੀ ਜਲ ਸੇਨਾ ਦੀ ਪਹਿਲੀ ਉਪ ਐਡਮਿਰਲ ਬਣੀ।

ਮੁੱਢਲਾ ਜੀਵਨ

ਇਸਦਾ ਜਨਮ ਲਾਹੌਰ ਵਿਖੇ ਇੱਕ ਪੰਜਾਬੀ ਪਰਿਵਾਰ ਵਿੱਚ ਹੋਇਆ। ਜਦ ਉਹ 12 ਸਾਲ ਦੀ ਉਮਰ ਦੀ ਸੀ ਤਾਂ ਵੰਡ ਸਮੇਂ ਇਹ ਆਪਣੇ ਪਰਿਵਾਰ ਨਾਲ ਭਾਰਤ ਆ ਗਈ ਅਤੇ ਇਸਦਾ ਪਰਿਵਾਰ ਸਹਾਰਨਪੁਰ, ਉੱਤਰ ਪ੍ਰਦੇਸ਼ ਵਿੱਚ ਰਹਿਣ ਲੱਗਿਆ।

ਸਿੱਖਿਆ

ਉਸਨੇ 8ਵੀਂ ਤੱਕ ਦੀ ਪੜ੍ਹਾਈ ਸੋਫੀਆ ਸਕੂਲ, ਸਹਾਰਨਪੁਰ ਤੋਂ ਕੀਤੀ। ਇਸ ਤੋਂ ਬਾਅਦ ਇਹ ਗੁਰੂ ਨਾਨਕ ਗਰਲਜ਼ ਇੰਟਰ-ਕਾਲਜ ਵਿੱਚ ਪੜ੍ਹਨ ਲੱਗੀ। 11ਵੀਂ ਜਮਾਤ ਇਸਨੇ ਵਿਗਿਆਨ ਦੀ ਪੜ੍ਹਾਈ ਸ਼ੁਰੂ ਕੀਤੀ। 1963 ਵਿੱਚ ਇਹ ਆਰਮਡ ਫੋਰਸਿਜ਼ ਮੈਡੀਕਲ ਕਾਲਜ, ਪੂਣੇ ਦਾਖਲ ਹੋਈ। ਇਹ ਉਸ ਕਾਲਜ ਦਾ ਦੂਜਾ ਬੈਚ ਸੀ ਅਤੇ ਇਹ ਉਸ ਬੈਚ ਦੀ ਟੌਪਰ ਬਣੀ।

ਕੈਰੀਅਰ

ਜਨਵਰੀ 1968 ਵਿੱਚ ਇਸਦੀ ਨੌਕਰੀ ਸ਼ੁਰੂ ਹੋਈ। ਭਾਰਤੀ ਜਲ ਸੇਨਾ ਦੀ ਉਪ ਐਡਮਿਰਲ ਬਣਨ ਤੋਂ ਪਹਿਲਾਂ ਇਹ ਆਰਮਡ ਫੋਰਸਿਜ਼ ਮੈਡੀਕਲ ਕਾਲਜ ਦੀ ਕਮਾਂਡੈਂਟ ਸੀ। ਇਸ ਕਾਲਜ ਦੀ ਕਮਾਂਡੈਂਟ ਇਹ 2004 ਵਿੱਚ ਵਿੱਚ ਬਣੀ ਅਤੇ ਇਸ ਤਰ੍ਹਾਂ ਕਿਸੇ ਮੈਡੀਕਲ ਕਾਲਜ ਦੀ ਕਮਾਂਡੈਂਟ ਬਣਨ ਵਾਲੀ ਇਹ ਪਹਿਲੀ ਮਹਿਲਾ ਅਫ਼ਸਰ ਸੀ।

ਅਵਾਰਡ ਅਤੇ ਮੈਡਲ

ਭਾਰਤੀ ਫੌਜ ਵਿੱਚ ਇਸਦੇ 36 ਸਾਲ ਦੇ ਕੈਰੀਅਰ ਵਿੱਚ ਇਸ ਨੂੰ 15 ਮੈਡਲਾਂ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।

ਪਰਮ ਵਿਸ਼ਿਸ਼ਟ ਸੇਵਾ ਮੈਡਲ	ਵਿਸ਼ਿਸ਼ਟ ਸੇਵਾ ਮੈਡਲ(2002)	ਸੇਨਾ ਮੈਡਲ(2006)
30 ਸਾਲ ਦੀ ਸਰਵਿਸ ਮੈਡਲ	20 ਸਾਲ ਦੀ ਸਰਵਿਸ ਮੈਡਲ	9 ਸਾਲ ਦੀ ਸਰਵਿਸ ਮੈਡਲ