ਫ਼ਰਾਹ ਖ਼ਾਨ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
ਇਸ ਉੱਤੇ ਜਾਓ: ਨੇਵੀਗੇਸ਼ਨ, ਖੋਜ
ਫਰਾਹ ਖਾਨ
4ps-008-farah-khans.JPG
ਫਰਾਹ ਖਾਨ ਇੰਡੀਆ ਗਾਟ ਟੇਲੈਂਟ ਦੇ ਸੀਜ਼ਨ 4 (2012) ਵਿੱਚ
ਜਨਮ ਫਰਾਹ ਖਾਨ
ਪੇਸ਼ਾ ਨਾਚ ਨਿਰਦੇਸ਼ਿਕਾ, ਫਿਲਮ ਨਿਰਦੇਸ਼ਿਕਾ
ਸਾਥੀ ਸ਼ਿਰੀਸ਼ ਕੁੰਦਰ
ਬੱਚੇ 3 (ਇਕ ਪੁੱਤਰ ਅਤੇ ਦੋ ਧੀਆਂ)

ਫਰਾਹ ਖਾਨ ਬਾਲੀਵੁਡ ਦੀ ਇੱਕ ਪ੍ਰਸਿੱਧ ਨਾਚ ਨਿਰਦੇਸ਼ਿਕਾ ਅਤੇ ਫਿਲਮ ਨਿਰਦੇਸ਼ਿਕਾ ਹੈ। ਫਰਾਹ ਨੇ ਅੱਜ ਤੱਕ 80 ਤੋਂ ਜਿਆਦਾ ਫਿਲਮਾਂ ਵਿੱਚ ਨਾਚ ਨਿਰਦੇਸ਼ਨ ਕੀਤਾ ਹੈ। ਉਸ ਨੇ ਮੈਂ ਹੂੰ ਨਾ ਅਤੇ ਓਮ ਸ਼ਾਂਤੀ ਓਮ ਵਰਗੀਆਂ ਵੱਡੀ ਫਿਲਮਾਂ ਦਾ ਨਿਰਦੇਸ਼ਨ ਵੀ ਕੀਤਾ ਹੈ। ਉਸਦਾ ਵਿਆਹ ਸ਼ਿਰੀਸ਼ ਕੁੰਦਰ ਦੇ ਨਾਲ ਹੋਇਆ ਹੈ। ਫਰਾਹ ਨੇ 11 ਫਰਵਰੀ 2008 ਨੂੰ ਇਕੱਠੇ ਤਿੰਨ ਬੱਚਿਆਂ ਨੂੰ ਜਨਮ ਦਿੱਤਾ ਸੀ ਜਿਨ੍ਹਾਂ ਵਿਚੋਂ ਇੱਕ ਮੁੰਡਾ ਅਤੇ ਦੋ ਕੁੜੀਆਂ ਹਨ।

ਕੈਰੀਅਰ[ਸੋਧੋ]

ਇੱਕ ਕੋਰਿਓਗ੍ਰਾਫ਼ਰ ਵਜੋਂ[ਸੋਧੋ]

ਹਿੰਦੀ ਫਿ਼ਲਮ ‘ਕੋਈ ਮਿਲ ਗਯਾ’ ਤੋਂ ਬਤੌਰ ਕੋਰੀਓਗ੍ਰਾਫਰ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਫਰਹਾ ਖ਼ਾਨ ਨੂੰ ਇਸ ਫ਼ਿਲਮ ਦੇ ਗੀਤ ‘ਇਧਰ ਚਲਾ ਮੈਂ ਉਧਰ ਚਲਾ’ ਲਈ ਰਾਸ਼ਟਰੀ ਪੁਰਸਕਾਰ ਮਿਲਿਆ। 2001 ਤੋਂ 2005 ਤਕ ਲਗਾਤਾਰ ਸਰਵੋਤਮ ਕੋਰੀਓਗ੍ਰਾਫਰ 2009 ਤੇ 2011 ਦਾ ਸਰਵੋਤਮ ਕੋਰੀਓਗ੍ਰਾਫਰ ਪੁਰਸਕਾਰ ਲੈਣ ਵਾਲੀ ਫਰਹਾ ਖ਼ਾਨ ਦੇ ਯਾਦਗਾਰੀ ਗੀਤਾਂ ਵਿੱਚ ‘ਏਕ ਪਲ ਕਾ ਜੀਨਾ’, ‘ਵੋ ਲੜਕੀ ਹੈ ਕਹਾਂ’, ‘ਦੀਵਾਨਗੀ ਦੀਵਾਨਗੀ’, ‘ਮੁੰਨੀ ਬਦਨਾਮ ਹੂਈ’ ਤੇ ‘ਸ਼ੀਲਾ ਕੀ ਜਵਾਨੀ’ ਆਦਿ ਪ੍ਰਮੁੱਖ ਹਨ।

ਇੱਕ ਫਿਲਮ ਨਿਰਦੇਸ਼ਕ ਵਜੋਂ[ਸੋਧੋ]

ਫਰਹਾ ਖ਼ਾਨ ਨੂੰ ਫ਼ਿਲਮ ਨਿਰਦੇਸ਼ਕਾ ਬਣਾਉਣ ਦਾ ਮੌਕਾ ਸ਼ਾਹਰੁਖ ਖ਼ਾਨ ਨੇ ਆਪਣੇ ਨਿੱਜੀ ਬੈਨਰ ‘ਰੈਡ ਚਿਲੀਜ਼ ਇੰਟਰਟੇਨਮੈਂਟਸ’ ਦੁਆਰਾ ਨਿਰਮਿਤ ਫਿ਼ਲਮ ‘ਮੈਂ ਹੂੰ ਨਾ’ ਰਾਹੀਂ ਦਿੱਤਾ। ਇਸ ਫ਼ਿਲਮ ਦੀ ਸਫ਼ਲਤਾ ਨੇ ਫਰਹਾ ਲਈ ਨਿਰਦੇਸ਼ਨ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ। ਇੱਕ ਨਿਰਦੇਸ਼ਕਾ ਵਜੋਂ ਉਸ ਦੀ ਦੂਜੀ ਫ਼ਿਲਮ ‘ਓਮ ਸ਼ਾਂਤੀ ਓਮ’ ਜ਼ਿਆਦਾ ਕਮਾਈ ਵਾਲੀ ਫ਼ਿਲਮ ਸੀ। ‘ਤੀਸ ਮਾਰ ਖਾਂ’ ਉਸ ਤੋਂ ਅਗਲੀ ਫ਼ਿਲਮ ਸੀ।

ਫਿਲਮਾਂ ਅਤੇ ਟੈਲੀਵਿਜ਼ਨ ਵਿਚ ਅਦਾਕਾਰੀ[ਸੋਧੋ]

ਫਰਹਾ ਖ਼ਾਨ ਦੀ ਬਤੌਰ ਅਭਿਨੇਤਰੀ ਪਹਿਲੀ ਫ਼ਿਲਮ ਬੋਮਨ ਇਰਾਨੀ ਨਾਲ ‘ਸ਼ੀਰੀ ਫਰਹਾਦ ਕੀ ਤੋ ਨਿਕਲ ਪੜੀ’ ਆਲੋਚਕਾਂ ਵੱਲੋਂ ਕਾਫੀ਼ ਸਲਾਹੀ ਗਈ ਸੀ। ਫਰਹਾ ਖ਼ਾਨ ਛੋਟੇ ਪਰਦੇ ’ਤੇ ‘ਤੇਰੇ ਮੇਰੇ ਬੀਚ ਮੇਂ’ ਸ਼ੋਅ ਤੋਂ ਇਲਾਵਾ ‘ਇੰਡੀਅਨ ਆਈਡਲ’, ‘ਜੋ ਜੀਤਾ ਵਹੀ ਸੁਪਰਸਟਾਰ’, ‘ਮਨੋਰੰਜਨ ਕੇ ਲੀਏ ਕੁਛ ਭੀ ਕਰੇਗਾ’, ‘ਡਾਂਸ ਇੰਡੀਆ ਲਿਟਲ ਚੈਂਪੀਅਨ’ ਅਤੇ ‘ਜਸਟ ਡਾਂਸ’ ਵਿੱਚ ਵੀ ਹਾਜ਼ਰੀ ਲਵਾ ਚੁੱਕੀ ਹੈ। ੳੁਸ ਦਾ ਸ਼ੋਅ ‘ਫਰਹਾ ਕੀ ਦਾਅਵਤ’ ਕਾਫੀ਼ ਚਰਚਾ ’ਚ ਰਿਹਾ।

  1. Thomas, Anjali (7 October 2007). "Farah Khan latest chant is 'Mom Shanti MOM'". DNA. Retrieved 17 ਨਵੰਬਰ 2008.  Check date values in: |access-date= (help)