ਬਲਦੇਵ ਸਬਰ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search

6ਵੇਂ ਦਹਾਕੇ ਵਿਚ ਪੰਜਾਬੀ ਗੀਤਕਾਰ ਬਲਦੇਵ ਸਬਰ ਦੇ ਗੀਤ ਮਕਬੂਲ ਹੋਏ। ਉਸਦਾ ਮਸ਼ਹੂਰ ਗੀਤ 'ਸੜਕਾਂ ਤੇ ਅੱਗ ਲਾਉਂਦਾ ਜਾਵੇ ਲਾਲ ਦੁਪੱਟਾ ਗੋਰੀ ਦਾ' ਮਸ਼ਹੂਰ ਗਾਇਕ ਗੁਰਪਾਲ ਸਿੰਘ 'ਪਾਲ' ਨੇ ਮੋਗੇ ਦੀ 'ਵਰਮਾ ਰਿਕਾਰਡਿੰਗ ਕੰਪਨੀ' ਵਿੱਚ ਰਿਕਾਰਡ ਕਰਵਾਇਆ। ਇਸ ਤੋਂ ਇਲਾਵਾ ਉਸਦੇ ਗੀਤ ਜਸਮੇਰ ਸਿੰਘ ਕੋਮਲ, ਬੱਗਾ ਸਿੰਘ ਅਮਰ ਅਤੇ ਮਦਨ ਰਾਹੀ ਆਦਿ ਗਾਇਕਾਂ ਨੇ ਰਿਕਾਰਡ ਕਰਵਾਏ। ਬਲਦੇਵ ਸਬਰ ਦੇ ਗੀਤਾਂ ਦੀ ਕਿਤਾਬ "ਨਸ਼ਾ ਜੁਆਨੀ ਦਾ" ਭਾਈ ਜਵਾਹਰ ਸਿੰਘ ਕਿਰਪਾਲ ਸਿੰਘ ਐਂਡ ਕੰ. ਬਜ਼ਾਰ ਮਾਈ ਸੇਵਾਂ, ਅੰਮਿਰਤਸਰ ਵਾਲਿਆਂ ਨੇ ਛਾਪੀ ਸੀ। ਜਿਸ ਵਿੱਚ ਉਸਦੇ ਲਿਖੇ 59 ਗੀਤ ਹਨ। ਕਿਤਾਬ ਦੇ ਸੰਪਾਦਕ ਨਾਮੀ ਗੀਤਕਾਰ ਚਮਨ ਲਾਲ ਸ਼ੁਗਲ ਹਨ ਤੇ ਕਿਤਾਬ ਦਾ ਮੁੱਖਬੰਦ 2-12-1967 ਨੂੰ ਬਿਸ਼ਨ ਸਿੰਘ 'ਉਪਾਸ਼ਕ' ਨੇ ਲਿਖਿਆ। ਬਲਦੇਵ ਸਬਰ ਉਦੋਂ ਡਾਕ ਵਿਭਾਗ ਵਿਚ ਮੋਗੇ ਮੁਲਾਜ਼ਮ ਸੀ।