ਮੇਰਾ ਜੀਵਨ--ਫੀਡਲ ਕਾਸਟਰੋ

ਫੀਡਲ ਕਾਸਟਰੋ ਦੀ ਜਿੰਦਗੀ ਬਾਰੇ ਜਾਣਨ ਦੀ ਲੋਕਾਂ ਵਿੱਚ ਹਮੇਸ਼ਾ ਹੀ ਡੂੰਘੀ ਦਿਲਚਸਪੀ ਰਹੀ ਹੈ,ਪਰ ਕਿਊਬਾ ਦਾ ਇਹ ਇਨਕਲਾਬੀ ਆਗੂ ਹਮੇਸ਼ਾ ਹੀ ਚੁੱਪ ਰਿਹਾ|ਆਖਰ ਉਸ ਨੇ ਇਹ ਚੁੱਪ ਤੋੜੀ ਤੇ ਇਗ੍ਨਾਕਿਓ ਰਾਮੋਨੇਟ ਨਾਮੀ ਲੇਖਕ ਨਾਲ ਮੁਲਾਕਾਤਾਂ ਦਾ ਸਿਲਸਿਲਾ ਸ਼ੁਰੂ ਕੀਤਾ| ਇਗ੍ਨਾਕਿਓ ਵਲੋਂ ਕੀਤੇ ਸਵਾਲਾਂ ਦੇ ਫੀਡਲ ਕਾਸਟਰੋ ਵਲੋਂ ਦਿਤੇ ਜਵਾਬ,'ਮੇਰਾ ਜੀਵਣ-ਫੀਡਲ ਕਾਸਟਰੋ' ਇੱਕ ਪੁਸਤਕ ਦੇ ਰੂਪ ਵਿੱਚ ਛਪੇ ਹਨ|ਭਾਵੇਂ ਕਿਊਬਾ ਦੀ ਬਾਤਿਸਤਾ ਹਕੂਮਤ ਵਿਰੁਧ ਉਸ ਦਾ ਪਹਿਲਾ ਹੰਭਲਾ ਨਕਾਮ ਰਿਹਾ ਤੇ ਉਸ ਨੂੰ ਕੈਦੀ ਬਣਾ ਲਿਆ ਗਿਆ,ਪਰ ਉਹ ਛੇਤੀ ਹੀ ਫਰਾਰ ਹੋ ਗਿਆ ਤੇ ਮੇਕਸਿਕੋ ਭੱਜ ਗਿਆ|੧੯੫੯ ਵਿੱਚ ਉਸ ਨੇ ਹਕੂਮਤ ਦਾ ਤੱਖਤ ਉਲਟਾ ਦਿਤਾ ਤੇ ਕਿਊਬਾ ਦੀ ਰਾਜਧਾਨੀ ਹਵਾਨਾ ਵਿੱਚ ਇਨਕਲਾਬੀ ਝੰਡਾ ਲਹਿਰਾ ਦਿੱਤਾ| ਇਸ ਸਮੇਂ ਉਸ ਦੀ ਉਮਰ ਮਹਿਜ ੩੨ ਸਾਲ ਦੀ ਸੀ|ਉਹ ਲਮੇਂ ਸਮੇਂ ਤੀਕ ਦੇਸ਼ ਦਾ ਪਰਧਾਨ-ਮੰਤਰੀ ਬਣਿਆ ਰਿਹਾ ਤੇ ਅਖੀਰ ਆਪ ਹੀ ਇਸ ਅਹੁਦੇ ਤੋਂ ਤਿਆਗ ਪੱਤਰ ਦਿੱਤਾ|ਅਮਰੀਕਾ ਤੇ ਉਸਦੇ ਸਹਿਯੋਗੀਆਂ ਵਲੋਂ ਉਸ ਨੂੰ ਜਾਨੋਂ ਮਾਰਣ ਦੀਆਂ ਅਨੇਕਾਂ ਕੋਸ਼ਿਸ਼ਾਂ ਅਸਫਲ ਰਹੀਆਂ|ਇਸ ਕਿਤਾਬ ਵਿੱਚ ਉਹਦਾ ਬਚਪਣ,ਇਨਕਲਾਬ ਦਾ ਆਗਾਜ਼,ਚੀ-ਗਵੇਰਾ,ਪਿਗ੍ਸ ਦੀ ਖਾੜੀ(Bay of pigs)ਅਤੇ ਮਿਸਾਈਲ-ਸੰਕਟ ਵਰਗੇ ਅਹਿਮ ਮੁਦਿਆਂ ਤੇ ਫੀਡਲ ਕਾਸਟਰੋ ਨੇ ਖੁੱਲ ਕੇ ਵਿਚਾਰ ਰੱਖੇ ਹਨ|ਇਸ ਕਿਤਾਬ ਦਾ ਅੰਗ੍ਰੇਜੀ ਵਿੱਚ ਤਰਜਮਾਂ ਐਡਰਿਊ ਹਰਲੇ ਨੇ ਕੀਤਾ ਹੈ|Refrences-Mylife-Fiedel castro,cover,s inside