ਰਵਾਨਗੀ (ਨਿੱਕੀ ਕਹਾਣੀ)

"ਰਵਾਨਗੀ" (ਜਰਮਨ: "Der Aufbruch") ਫ਼ਰਾਂਜ਼ ਕਾਫ਼ਕਾ ਦੀ ਇੱਕ ਨਿੱਕੀ ਕਹਾਣੀ ਹੈ। ਇਹ ਕਦੋਂ ਲਿਖੀ ਗਈ ਸੀ, ਇਹ ਅਗਿਆਤ ਹੈ, ਪਰ ਸ਼ਾਇਦ ਇਹ ਫ਼ਰਵਰੀ 1920 ਅਤੇ ਫਰਵਰੀ 1921 ਦੇ ਵਿਚਕਾਰ ਦਾ ਸਮਾਂ ਸੀ। ਇਹ ਮਰਨ ਉਪਰੰਤ 1936 ਵਿੱਚ ਬੇਸਚਰੀਬੰਗ ਈਨੇਸ ਕੈਮਫੇਸ: ਨੋਵੇਲਨ, ਸਕਿੱਜ਼ੇਨ, ਐਫੋਰਿਸਮੈਨ ਔਸ ਡੈਮ ਨਚਲਾਸ ਵਿੱਚ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਮੈਕਸ ਬ੍ਰੌਡ ਨੇ ਕਿਤਾਬ ਸੰਪਾਦਿਤ ਕੀਤੀ, ਅਤੇ ਇਸ ਟੁਕੜੇ ਨੂੰ ਇਸਦਾ ਨਾਮ ਦੇਣ ਦਾ ਸਿਹਰਾ ਉਸੇ ਨੂੰ ਜਾਂਦਾ ਹੈ।

ਇਹ ਟੁਕੜਾ ਇੱਕ ਨੌਕਰ ਅਤੇ ਉਸਦੇ ਮਾਲਕ ਵਿਚਕਾਰ ਗੱਲਬਾਤ ਦਾ ਰੂਪ ਲੈਂਦਾ ਹੈ। ਮਾਲਕ ਆਪਣੇ ਨੌਕਰ ਨੂੰ ਆਪਣੇ ਘੋੜੇ 'ਤੇ ਕਾਠੀ ਪਾਉਣ ਦਾ ਹੁਕਮ ਦਿੰਦਾ ਹੈ, ਪਰ ਨੌਕਰ ਨੂੰ ਸਮਝ ਨਹੀਂ ਆਉਂਦਾ। ਮਾਲਕ ਫਿਰ ਤੁਰ੍ਹੀ ਦੀ ਅਵਾਜ਼ ਸੁਣਦਾ ਹੈ, ਜੋ ਉਸਦੇ ਨੌਕਰ ਨੂੰ ਸੁਣਾਈ ਨਹੀਂ ਦਿੰਦੀ। ਮਾਲਕ ਜਾਣ ਲਈ ਤਿਆਰ ਹੈ, ਅਤੇ ਨੌਕਰ ਪੁੱਛਦਾ ਹੈ ਕਿ ਉਹ ਕਿੱਥੇ ਜਾ ਰਿਹਾ ਹੈ। ਆਦਮੀ ਦਾ ਇੱਕੋ ਇੱਕ ਜਵਾਬ ਹੁੰਦਾ ਹੈ ਕਿ ਉਸਦਾ ਟੀਚਾ ਕਿਸੇ ਖਾਸ ਮੰਜ਼ਿਲ ਦੀ ਤਲਾਸ਼ ਕਰਨ ਦੀ ਬਜਾਏ ਆਪਣੇ ਮੌਜੂਦਾ ਸਥਾਨ ਤੋਂ ਦੂਰ ਹੋ ਜਾਣਾ ਹੈ।