ਵਿਸ਼ਵ ਭੋਜਨ ਦਿਵਸ
| ਵਿਸ਼ਵ ਭੋਜਨ ਦਿਵਸ | |
|---|---|
| ਤਸਵੀਰ:Worldfoodday2009logo.gif ਵਿਸ਼ਵ ਫੂਡ ਦਿਵਸ 2009 | |
| ਮਨਾਉਣ ਦਾ ਸਥਾਨ | ਸੰਯੁਕਤ ਰਾਸ਼ਟਰ ਦੇ ਸਦੱਸ ਰਾਜ |
| ਤਾਰੀਖ਼ | 16 ਅਕਤੂਬਰ |
| ਸਮਾਂ | 1 ਦਿਨ |
ਵਿਸ਼ਵ ਭੋਜਨ ਦਿਵਸ (ਅੰਗਰੇਜ਼ੀ ਵਿੱਚ: ਵਰਲਡ ਫੂਡ ਡੇ), 16 ਅਕਤੂਬਰ 1945 ਵਿੱਚ ਸੰਯੁਕਤ ਰਾਸ਼ਟਰ ਦੀ ਫੂਡ ਐਂਡ ਐਗਰੀਕਲਚਰ ਔਰਗਨਾਈਜ਼ੇਸ਼ਨ ਦੀ ਸਥਾਪਨਾ ਤਰੀਕ ਦੇ ਸਨਮਾਨ ਵਿੱਚ ਸਾਰੀ ਦੁਨੀਆ ਭਰ ਵਿੱਚ ਹਰ ਸਾਲ ਮਨਾਇਆ ਜਾਂਦਾ ਹੈ। ਇਸ ਦਿਨ ਨੂੰ ਵਿਸ਼ਵ ਖੁਰਾਕ ਪ੍ਰੋਗਰਾਮ ਅਤੇ ਖੇਤੀਬਾੜੀ ਵਿਕਾਸ ਲਈ ਅੰਤਰਰਾਸ਼ਟਰੀ ਫੰਡ ਸਮੇਤ ਖਾਧ ਸੁਰੱਖਿਆ ਨਾਲ ਜੁੜੇ ਕਈ ਹੋਰ ਸੰਗਠਨਾਂ ਵਲੋਂ ਵਿਆਪਕ ਪਧਰ ਮਨਾਇਆ ਜਾਂਦਾ ਹੈ।
2014 ਲਈ ਵਿਸ਼ਵ ਭੋਜਨ ਦਿਵਸ ਦਾ ਥੀਮ ਫੈਮਲੀ ਫਾਰਮਿੰਗ: "ਸੰਸਾਰ ਨੂੰ ਭੋਜਨ, ਧਰਤੀ ਦੀ ਦੇਖਭਾਲ"; 2015 ਵਿਚ ਇਹ "ਸੋਸ਼ਲ ਪ੍ਰੋਟੈਕਸ਼ਨ ਐਂਡ ਐਗਰੀਕਲਚਰ: ਪੇਂਡੂ ਗਰੀਬੀ ਦਾ ਚੱਕਰ ਤੋੜਨਾ" ਸੀ; 2016 ਵਿਚ ਇਹ ਜਲਵਾਯੂ ਤਬਦੀਲੀ ਉੱਪਰ ਸੀ: "ਮੌਸਮ ਬਦਲ ਰਿਹਾ ਹੈ, ਫੂਡ ਅਤੇ ਖੇਤੀਬਾੜੀ ਨੂੰ ਵੀ ਬਦਲਣਾ ਚਾਹੀਦਾ ਹੈ।",[1]
ਮੂਲ[ਸੋਧੋ]
ਵਿਸ਼ਵ ਭੋਜਨ ਦਿਵਸ (ਡਬਲਯੂ.ਐੱਫ.ਡੀ) ਦੀ ਸਥਾਪਨਾ ਐਫ.ਈ.ਓ. ਦੇ ਮੈਂਬਰ ਦੇਸ਼ਾਂ ਨੇ ਸੰਸਥਾ ਦੀ 20ਵੀਂ ਜਨਰਲ ਕਾਨਫਰੰਸ ਵਿਚ ਨਵੰਬਰ 1979 ਵਿਚ ਕੀਤੀ ਸੀ। ਹੰਗੇਰੀਅਨ ਵਫਦ, ਜੋ ਕਿ ਹੰਗਰੀ ਦੇ ਸਾਬਕਾ ਖੇਤੀਬਾੜੀ ਅਤੇ ਭੋਜਨ ਮੰਤਰੀ ਡਾ. ਪਾਲ ਰੋਮੇਨੀ ਦੀ ਅਗਵਾਈ ਵਿੱਚ ਹੋਇਆ ਸੀ, ਉਸ ਨੇ ਐਫ.ਏ.ਓ. ਕਾਨਫਰੰਸ ਦੇ 20 ਵੇਂ ਸੈਸ਼ਨ ਵਿੱਚ ਇੱਕ ਸਰਗਰਮ ਭੂਮਿਕਾ ਨਿਭਾਈ ਅਤੇ ਸੰਸਾਰ ਭਰ ਵਿਚ ਡਬਲਯੂ ਐੱਫ ਡੀ ਨੂੰ ਮਨਾਉਣ ਦੇ ਵਿਚਾਰ ਦਾ ਸੁਝਾਅ ਦਿੱਤਾ।
