ਸੋਹੇਲ ਤਨਵੀਰ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search

ਸੋਹੇਲ ਤਨਵੀਰ ( ਅੰਗਰੇਜ਼ੀ : Sohail Tanvir / ਉਰਦੂ : سہیل تنویر ) ( ਜਨਮ 12 ਦਿਸੰਬਰ 1984, ਰਾਵਲਪਿੰਡੀ, ਪੰਜਾਬ, ਪਾਕਿਸਤਾਨ) ਇੱਕ ਪਾਕਿਸਤਾਨੀ ਕ੍ਰਿਕੇਟ ਖਿਡਾਰੀ ਹੈ ਜੋ ਇੱਕ-ਦਿਨਾ, ਟੈਸਟ ਕ੍ਰਿਕੇਟ ਅਤੇ ਟਵੰਟੀ-ਟਵੰਟੀ ਵਿੱਚ ਖੇਡਦਾ ਹੈ।

ਤਨਵੀਰ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ ਹੈ ਜਦੋਂ ਕਿ ਬੱਲੇਬਾਜੀ ਵਿੱਚ ਵੀ ਚੰਗੀ ਕਰਦਾ ਹੈ। ਇਸ ਲਈ ਇਹ ਹਰਫਨਮੌਲਾ ਖਿਡਾਰੀਆਂ ਦੀ ਸ਼੍ਰੇਣੀ ਵਿੱਚ ਆਉਂਦਾ ਹੈ।

ਅੰਤਰਰਾਸ਼ਟਰੀ ਕਰੀਅਰ[ਸੋਧੋ]

ਤਨਵੀਰ ਜੋ ਕਿ ਕੈਰਾ ਗੁੱਜਰ ਵਰਗ ਦੇ ਰਾਵਲਪਿੰਡੀ , ਪੰਜਾਬ , ਪਾਕਿਸਤਾਨ ਤੋਂ ਹੈ । ਇਹ ਇੱਕ ਹਰਫਨਮੌਲਾ ਖਿਡਾਰੀ ਹੈ ਜੋ ਕਿ ਖੱਬੇ ਹੱਥ ਨਾਲ ਬੱਲੇਬਾਜੀ ਅਤੇ ਮੱਧ ਰਫ਼ਤਾਰ ਤੋਂ ਗੇਂਦਬਾਜੀ ਕਰਦਾ ਹੈ । ਸੋਹੇਲ ਤਨਵੀਰ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ 2007 ਵਿੱਚ ਆਈਸੀਸੀ ਵਿਸ਼ਵ ਟਵੰਟੀ-20 ਵਿਸ਼ਵ ਕੱਪ ਦੇ ਦੌਰਾਨ ਕੀਤੀ ਸੀ ਅਤੇ ਛੇ ਮੈਚਾਂ ਵਿੱਚ ਕੁੱਲ ਛੇ ਵਿਕਟਾਂ ਲਈਆਂ ਸਨ। ਜਿਸ ਵਿੱਚ ਆਸਟਰੇਲੀਆ ਦੇ ਖਿਲਾਫ ਖੇਡੇ ਗਏ ਮੈਚ ਵਿੱਚ 4 ਓਵਰਾਂ ਵਿੱਚ 31 ਰਨ ਦੇ ਕੇ 3 ਵਿਕਟਾਂ ਲਈਆਂ ਸਨ ।

ਤਨਵੀਰ ਹੈ ਤਾਂ ਇੱਕ ਹਰਫਨਮੌਲਾ ਖਿਡਾਰੀ ਪ੍ਰੰਤੂ 2007 ਆਈਸੀਸੀ ਵਿਸ਼ਵ ਟਵੰਟੀ-20- ਦੇ ਫਾਇਨਲ ਤੱਕ ਇਸ ਨੂੰ ਬੱਲੇਬਾਜੀ ਕਰਨ ਦਾ ਇੱਕ ਮੈਚ ਵਿੱਚ ਵੀ ਮੌਕਾ ਨਹੀਂ ਮਿਲਿਆ ਸੀ। ਇਸ ਨੇ ਆਪਣੇ ਅੰਤਰਰਾਸ਼ਟਰੀ ਕੈਰੀਅਰ ਦਾ ਪਹਿਲਾ ਰਨ ਪਾਕਿਸਤਾਨ ਲਈ ਛੱਕੇ ਦੀ ਸਹਾਇਤਾ ਨਾਲ ਲਿਆ ਸੀ।

ਸੋਹੇਲ ਤਨਵੀਰ ਨੇ 2007 ਆਈਸੀਸੀ ਵਿਸ਼ਵ ਟਵੰਟੀ-20 ਵਿੱਚ ਕਾਫ਼ੀ ਪ੍ਰਭਾਵਿਤ ਕੀਤਾ ਸੀ ਇਸ ਲਈ ਇਸ ਦੀ ਨੁਮਾਇਸ਼ ਨੂੰ ਵੇਖਦੇ ਹੋਏ ਪਾਕਿਸਤਾਨ ਕ੍ਰਿਕੇਟ ਬੋਰਡ ਨੇ ਇਹ ਫੈਸਲਾ ਕੀਤਾ ਕਿ ਤਨਵੀਰ ਨੂੰ ਅਕਤੂਬਰ 2007 ਵਿੱਚ ਦੱਖਣ ਅਫਰੀਕਾ ਦੇ ਖਿਲਾਫ ਇੱਕ-ਦਿਨਾਂ ਵਿੱਚ ਖਿਡਾਇਆ ਜਾਵੇਗਾ ਅਤੇ ਫਿਰ ਚੋਣਕਰਤਿਆਂ ਨੇ ਟੀਮ ਵਿੱਚ ਸ਼ਾਮਿਲ ਕਰ ਦਿੱਤਾ।

ਇਸਦੇ ਬਾਅਦ ਇਸ ਦੀ ਚੋਣ ਭਾਰਤੀ ਕ੍ਰਿਕੇਟ ਟੀਮ ਦੇ ਖਿਲਾਫ ਇੱਕ-ਦਿਨਾ ਲੜੀ ਲਈ ਵੀ ਕੀਤਾ ਗਿਆ ਅਤੇ ਉਸ ਲੜੀ ਵਿੱਚ ਸ਼ਾਨਦਾਰ ਗੇਂਦਬਾਜੀ ਕਰਦੇ ਹੋਏ 8 ਵਿਕਟਾਂ ਹਾਸਲ ਕੀਤੀਆਂ ਸਨ। ਨਾਲ ਹੀ ਉਸ ਦੌਰੇ ਵਿੱਚ ਪਾਕਿਸਤਾਨੀ ਤੇਜ ਗੇਂਦਬਾਜ ਉਮਰ ਗੁੱਲ ਦੇ ਘਾਇਲ ਹੋਣ ਦੀ ਵਜ੍ਹਾ ਨਾਲ ਟੈਸਟ ਮੈਚ ਖੇਡਣ ਦਾ ਮੌਕਾ ਵੀ ਮਿਲਿਆ ਅਤੇ ਆਪਣਾ ਪਹਿਲਾ ਟੈਸਟ ਮੈਚ ਦਿੱਲੀ ਦੇ ਫਿਰੋਜ ਸ਼ਾਹ ਕੋਟਲਾ ਗਰਾਉਂਡ ਉੱਤੇ ਖੇਡਿਆ ਜਿਸ ਵਿੱਚ ਰਾਹੁਲ ਦ੍ਰਵਿੜ ਅਤੇ ਸੌਰਵ ਗਾਂਗੁਲੀ ਸਮੇਤ 3 ਵਿਕਟਾਂ ਲਈਆਂ ਸਨ।

ਜੂਨ 2008 ਵਿੱਚ ਪਾਕਿਸਤਾਨ ਨੇ ਵੀ 2008 ਏਸ਼ੀਆ ਕੱਪ ਵਿੱਚ ਹਿੱਸਾ ਲਿਆ ਅਤੇ ਕਰਾਚੀ, ਪਾਕਿਸਤਾਨ ਵਿੱਚ ਪਹਿਲੀ ਵਾਰ ਹਾਂਗਕਾਂਗ ਦੇ ਖਿਲਾਫ ਇੱਕ-ਦਿਨਾ ਮੈਚ ਖੇਡਿਆ ਪਰ ਉਸ ਮੈਚ ਵਿੱਚ ਪਾਕਿਸਤਾਨ ਦੇ ਉੱਪਰੀ-ਕ੍ਰਮ ਦੇ ਬੱਲੇਬਾਜਾਂ ਨੇ ਕਾਫ਼ੀ ਨਿਰਾਸ਼ ਕੀਤਾ ਸੀ ਤੇ ਬਾਅਦ ਵਿੱਚ ਸੋਹੇਲ ਤਨਵੀਰ ਨੇ ਫਵਾਦ ਆਲਮ ਦੇ ਨਾਲ ਮਿਲਕੇ 8ਵੀਂ ਵਿਕਟ ਲਈ ਕੁੱਲ 100 ਰਨ ਜੋੜੇ ਸਨ ਅਤੇ ਉਸ ਮੈਚ ਵਿੱਚ ਤਨਵੀਰ ਨੇ 55 ਗੇਂਦਾਂ ਉੱਤੇ 59 ਰਨਾਂ ਦੀ ਪਾਰੀ ਖੇਡੀ ਸੀ ਅਤੇ ਨਾਲ ਹੀ ਇਹ ਉਸ ਦਾ ਪਹਿਲਾ ਇੱਕ-ਦਿਨਾ ਅੱਧਸੈਂਕੜਾ (ਅਰਧਸੈਂਕੜਾ) ਸੀ। ਤਨਵੀਰ ਦੀ ਜ਼ਬਰਦਸਤ ਅੱਧਸੈਂਕੜੇ ਦੀ ਪਾਰੀ ਦੀ ਬਦੌਲਤ ਪਾਕਿਸਤਾਨ ਇੱਕ ਸਨਮਾਨਜਨਕ ਸਕੋਰ ਤੱਕ ਪਹੁੰਚ ਗਿਆ ਅਤੇ ਪਾਕ ਨੇ ਕੁੱਲ 288 ਰਨ ਬਣਾਏ।

ਇਸਦੇ ਬਾਅਦ ਉਸ ਨੇ ਸ਼੍ਰੀਲੰਕਾ ਦੇ ਖਿਲਾਫ ਇੱਕ-ਦਿਨਾ ਮੈਚ ਖੇਡਿਆ ਅਤੇ ਪਹਿਲੀ ਵਾਰ ਇੱਕ-ਦਿਨਾ ਮੈਚ ਵਿੱਚ 5 ਵਿਕਟਾਂ ਲਈਆਂ, ਇਸ ਨੇ ਮੈਚ ਵਿੱਚ 10 ਓਵਰ ਕਰਦੇ ਹੋਏ 48 ਰਨ ਦੇ ਕੇ 5 ਵਿਕਟਾਂ ਲਈਆਂ ਸਨ, ਜੋ ਕਿ 2009 ਆਈਸੀਸੀ ਵਿਸ਼ਵ ਟਵੰਟੀ-20 ਦੇ ਬਾਅਦ ਖੇਡਿਆ ਗਿਆ ਸੀ ।