ਅਨੀਤਾ ਆਰੀਆ
ਅਨੀਤਾ ਆਰੀਆ ਲੋਕ ਸਭਾ ਦੀ ਸਾਬਕਾ ਮੈਂਬਰ ਹੈ। ਉਹ ਭਾਰਤੀ ਜਨਤਾ ਪਾਰਟੀਦੀ ਨੇਤਾ ਹੈ। ਉਸ ਨੇ 13ਵੀਂ ਲੋਕ ਸਭਾ ਵਿੱਚ ਕਰੋਲ ਬਾਗ਼, ਦਿੱਲੀ ਦੀ ਨੁਮਾਇੰਦਗੀ ਕੀਤੀ। ਉਹ 1999 ਵਿੱਚ ਦਿੱਲੀ ਦੀ ਮੇਅਰ ਸੀ।
ਸ਼ੁਰੂਆਤੀ ਜ਼ਿੰਦਗੀ ਅਤੇ ਸਿੱਖਿਆ[ਸੋਧੋ]
ਅਨੀਤਾ ਆਰੀਆ ਦਾ ਜਨਮ 26 ਜਨਵਰੀ, 1963 ਨੂੰ ਉੱਤਰ ਪ੍ਰਦੇਸ਼ ਦੇ ਆਗਰਾ ਵਿੱਚ ਹੋਇਆ ਸੀ। ਉਸ ਦੇ ਪਿਤਾ ਕੁੰਦਨ ਲਾਲ ਨਿੰਮ ਅਤੇ ਮਾਤਾ ਪ੍ਰੇਮਵਤੀ ਸੀ।[1] ਉਹ ਅਨੁਸੂਚਿਤ ਜਾਤੀ ਤੋਂ ਹੈ।[1]
ਉਸ ਨੇ ਆਗਰਾ ਕਾਲਜ, ਆਗਰਾ (ਉੱਤਰ ਪ੍ਰਦੇਸ਼) ਤੋਂ ਪੀਐਚ.ਏ., ਐਮ.ਏ. ਅਤੇ ਬੀ.ਏ ਦੀ ਡਿਗਰੀ ਪ੍ਰਾਪਤ ਕੀਤੀ। ਉਸ ਨੇ ਮਹਾਰਿਸ਼ੀ ਦਯਾਨੰਦ ਯੂਨੀਵਰਸਿਟੀ, ਰੋਹਤਕ (ਹਰਿਆਣਾ) ਤੋਂ ਬੀ.ਐਡ ਕੀਤੀ।[2] ਉਸ ਦੇ ਪੀਐਚ.ਡੀ. ਥੀਸਿਸ ਦਾ ਸਿਰਲੇਖ "ਸਰ ਜਾਦੂਨਾਥ ਸਰਕਾਰ - ਉਸ ਦੀ ਜੀਵਨੀ ਅਤੇ ਮੱਧਕਾਲੀਨ ਭਾਰਤੀ ਇਤਿਹਾਸ ਵਿੱਚ ਯੋਗਦਾਨ" ਸੀ।[1]
ਰਾਜਨੀਤਿਕ ਕੈਰੀਅਰ[ਸੋਧੋ]
ਦਿੱਲੀ[ਸੋਧੋ]
ਫਰਵਰੀ 1997 ਤੋਂ ਅਕਤੂਬਰ 1999 ਤੱਕ ਉਸ ਨੇ ਨਵੀਂ ਦਿੱਲੀ ਵਿੱਚ ਇੱਕ ਮਿਊਂਸੀਪਲ ਕੌਂਸਲਰ ਵਜੋਂ ਸੇਵਾ ਨਿਭਾਈ।[1] ਉਸ ਨੇ ਅਪ੍ਰੈਲ ਤੋਂ ਅਕਤੂਬਰ 1999 'ਚ ਥੋੜ੍ਹੇ ਸਮੇਂ ਲਈ ਦਿੱਲੀ ਦੀ ਮੇਅਰ ਵਜੋਂ ਵੀ ਸੇਵਾ ਨਿਭਾਈ, ਜਿੱਥੇ ਉਹ ਸਿੱਖਿਆ ਕਮੇਟੀ ਦੀ ਡਿਪਟੀ ਚੇਅਰਪਰਸਨ ਵਜੋਂ ਵੀ ਨਗਰ ਨਿਗਮ ਵਿੱਚ ਜਾਰੀ ਰਹੀ।[1]
ਮੇਅਰ ਦੇ ਅਹੁਦੇ 'ਤੇ ਸੇਵਾ ਨਿਭਾਉਂਦਿਆਂ, ਉਸ ਨੇ ਬਿਹਤਰ ਸਿਹਤ ਸਥਿਤੀਆਂ ਪੈਦਾ ਕਰਨ ਅਤੇ ਪ੍ਰਦੂਸ਼ਣ ਨੂੰ ਘਟਾਉਣ 'ਤੇ ਕੰਮ ਕੀਤਾ। ਉਸ ਨੇ ਸਰਕਾਰੀ ਸਕੂਲਾਂ ਵਿੱਚ ਵਧੀਆ ਵਿਦਿਅਕ ਸਹੂਲਤਾਂ ਵੀ ਬਣਾਈਆਂ। ਉਸ ਨੇ ਔਰਤਾਂ ਅਤੇ ਬੱਚਿਆਂ ਲਈ ਵਿਸ਼ੇਸ਼ ਸਿਹਤ ਸੰਭਾਲ ਪ੍ਰੋਗਰਾਮ ਵੀ ਬਣਾਏ।[1]
ਲੋਕ ਸਭਾ[ਸੋਧੋ]
1999 ਵਿੱਚ, ਉਹ ਕਰੋਲ ਬਾਗ ਲੋਕ ਸਭਾ ਹਲਕੇ ਤੋਂ 13ਵੀਂ ਲੋਕ ਸਭਾ ਲਈ ਚੁਣੀ ਗਈ।[1] ਕਰੋਲ ਬਾਗ ਦਿੱਲੀ ਦਾ ਇਕਲੌਤਾ ਰਾਖਵਾਂ ਹਲਕਾ ਹੈ, ਉਹ ਦੂਸਰੀ ਦਲਿਤ ਔਰਤ ਮੀਰਾ ਕੁਮਾਰ ਦੇ ਵਿਰੁੱਧ ਸੀ, ਜਿਸ ਨੇ ਪਹਿਲਾਂ ਇਸ ਹਲਕੇ ਵਿਚ ਜਿੱਤ ਹਾਸਲ ਕੀਤੀ ਸੀ।
ਕਿਹਾ ਜਾਂਦਾ ਹੈ ਕਿ ਉਸਦੀ ਮੁਹਿੰਮ ਦੌਰਾਨ, ਉਸ ਦੇ ਸਮਰਥਕਾਂ ਨੇ ਇਹ ਨਾਅਰੇ ਲਗਾਏ ਸਨ, "ਇੱਥੇ ਦਲਿਤਾਂ ਦੀ ਧੀ ਆਉਂਦੀ ਹੈ!"[3]
ਕਮੇਟੀਆਂ[ਸੋਧੋ]
1999 ਤੋਂ 2000 ਤੱਕ ਉਸ ਨੇ ਰੇਲਵੇ ਦੀ ਕਮੇਟੀ ਵਿੱਚ ਸੇਵਾ ਨਿਭਾਈ। 2000 ਤੋਂ 2001 ਤੱਕ ਉਸ ਨੇ ਔਰਤ ਦੇ ਸਸ਼ਕਤੀਕਰਣ ਦੀ ਕਮੇਟੀ ਵਿੱਚ ਸੇਵਾ ਨਿਭਾਈ। 2000 ਤੋਂ 2004 ਤੱਕ ਉਹ ਖਾਣ ਅਤੇ ਖਣਿਜ ਮੰਤਰਾਲੇ ਦੀ ਸਲਾਹਕਾਰ ਕਮੇਟੀ ਦੀ ਮੈਂਬਰ ਰਹੀ।[1]
ਵਿਵਾਦ[ਸੋਧੋ]
2001 ਵਿੱਚ ਕੇਂਦਰੀ ਮੰਤਰੀ ਸ਼ਾਂਤਾ ਕੁਮਾਰ ਨੇ ਸਾਬਕਾ ਰਾਸ਼ਟਰਪਤੀ ਬੰਗਾਰੂ ਲਕਸ਼ਮਣ ਖਿਲਾਫ਼ ਜਾਤੀਵਾਦੀ ਟਿੱਪਣੀਆਂ ਕੀਤੀਆਂ ਸਨ। ਅਨੀਤਾ ਆਰੀਆ ਨੇ ਰਾਮਨਾਥ ਕੋਵਿੰਦ ਅਤੇ ਅਸ਼ੋਕ ਪ੍ਰਧਾਨ ਨਾਲ ਭਾਰਤੀ ਜਨਤਾ ਪਾਰਟੀ ਦੇ ਪ੍ਰਧਾਨ ਕੇ. ਜਨ ਕ੍ਰਿਸ਼ਣਾਮੂਰਤੀ ਨਾਲ ਮੁਲਾਕਾਤ ਕੀਤੀ ਸੀ ਤਾਂ ਜੋ ਉਹ ਕੁਮਾਰ ਖਿਲਾਫ਼ ਕਾਰਵਾਈ ਕਰਨ, ਦਲਿਤ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਅਤੇ ਸੰਭਾਵੀ ਤੌਰ 'ਤੇ ਦਲਿਤ ਵੋਟਾਂ ਦਾ ਘਾਟਾ ਗੁਆਉਣ ਦੇ ਲਈ ਕਾਰਜ ਕਰਨ ਦੀ ਮੰਗ ਕਰ ਸਕੇ।[4]
ਨਿੱਜੀ ਜੀਵਨ[ਸੋਧੋ]
ਅਨੀਤਾ ਆਰੀਆ ਨੇ 1990 ਵਿੱਚ ਪਰਵੀਨ ਚੰਦਰ ਆਰੀਆ ਨਾਲ ਵਿਆਹ ਕਰਵਾਇਆ ਸੀ। ਉਨ੍ਹਾਂ ਦੇ ਦੋ ਬੱਚੇ ਹਨ।[1]
ਉਸ ਦੇ ਸ਼ੌਕ ਵਿੱਚ ਰਾਜਨੀਤੀ ਜਾਂ ਧਰਮ ਨਾਲ ਸੰਬੰਧਿਤ ਕਿਤਾਬਾਂ ਜਾਂ ਮੈਗਜ਼ੀਨਾਂ ਪੜ੍ਹਨੀਆਂ ਸ਼ਾਮਲ ਹਨ। ਉਸ ਨੂੰ ਖਾਣਾ ਪਕਾਉਣ, ਫਿਲਮਾਂ ਦੇਖਣ ਅਤੇ ਜਨਤਾ ਨੂੰ ਸੁਣਨਾ ਬਹੁਤ ਪਸੰਦ ਹੈ।[1]
ਹਾਲੀਆਂ ਭੂਮਿਕਾ[ਸੋਧੋ]
ਅਨੀਤਾ ਆਰੀਆ ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਕਾਰਜਕਾਰੀ ਮੈਂਬਰਾਂ ਵਿਚੋਂ ਅੱਠ ਔਰਤਾਂ ਵਿਚੋਂ ਇੱਕ ਹੈ।
ਉਸ ਨੇ ਤਿੰਨ ਕਿਤਾਬਾਂ ਦਾ ਇੱਕ ਭਾਗ ਵੀ ਲਿਖਿਆ ਹੈ ਜਿਸ ਦਾ ਸਿਰਲੇਖ "ਇੰਡੀਅਨ ਵੂਮੈਨ" ਹੈ, ਜਿਸ ਦੇ ਖੰਡ "ਸੋਸਾਇਟੀ ਐਂਡ ਲਾਅ", "ਐਜੂਕੇਸ਼ਨ ਐਂਡ ਇਮਪਾਵਰਮੈਂਟ", ਅਤੇ "ਵਰਕ ਐਂਡ ਡਵੈਲਪਮੈਂਟ" ਹਨ।
ਉਹ ਨਵੀਂ ਦਿੱਲੀ ਮਿਉਂਸਪਲ ਕੌਂਸਲ ਦੀ ਗੈਰ-ਸਰਕਾਰੀ ਮੈਂਬਰ ਵੀ ਹੈ।
ਹਵਾਲੇ[ਸੋਧੋ]
- ↑ 1.00 1.01 1.02 1.03 1.04 1.05 1.06 1.07 1.08 1.09 "Members : Lok Sabha". 164.100.47.194. Retrieved 2017-07-29.
- ↑ ADR. "ANITA ARYA(Bharatiya Janata Party(BJP)):Constituency- Karol Bagh(NATIONAL CAPITAL TERRITORY OF DELHI) - Affidavit Information of Candidate:". myneta.info. Retrieved 2017-07-29.
- ↑ "Elections 99: Even for politicians there is always the first time". Retrieved 29 July 2017.
- ↑ "rediff.com: BJP's dalit leaders demand action against Shanta Kumar". Rediff.com. Retrieved 29 July 2017.