ਕਹਾਨੀ ਸੁਨੋ

ਕਹਾਨੀ ਸੁਨੋ, ਜਿਸ ਨੂੰ ਕਹਾਣੀ ਸੁਨੋ 2.0 ਵੀ ਕਿਹਾ ਜਾਂਦਾ ਹੈ, ਕੈਫ਼ੀ ਖ਼ਲੀਲ ਦਾ ਗਾਇਆ ਇੱਕ ਪਾਕਿਸਤਾਨੀ ਉਰਦੂ-ਭਾਸ਼ਾ ਦਾ ਗੀਤ ਹੈ। ਇਹ 31 ਮਈ, 2022 ਨੂੰ ਜਾਰੀ ਕੀਤਾ ਗਿਆ ਸੀ। ਗਾਣੇ ਦਾ ਮੌਲਿਕ ਵਰਜ਼ਨ 2021 ਵਿੱਚ ਰਿਲੀਜ਼ ਕੀਤਾ ਗਿਆ ਸੀ। ਫਿਰ ਇਸਨੂੰ ਦੁਬਾਰਾ ਬਣਾਇਆ ਗਿਆ ਅਤੇ ਅਗਲੇ ਸਾਲ ਰਿਲੀਜ਼ ਕੀਤਾ ਗਿਆ, ਵਿਆਪਕ ਪ੍ਰਸਿੱਧੀ ਅਤੇ ਮਾਨਤਾ ਪ੍ਰਾਪਤ ਕੀਤੀ।

ਬੈਕਗ੍ਰਾਊਂਡ ਅਤੇ ਰਿਲੀਜ਼

ਇਹ ਗੀਤ ਮੌਲਿਕ ਰੂਪ ਵਿੱਚ ਜਨਵਰੀ 2021 ਵਿੱਚ ਵੱਖ-ਵੱਖ ਸਟ੍ਰੀਮਿੰਗ ਪਲੇਟਫਾਰਮਾਂ ਤੋਂ ਰਿਲੀਜ਼ ਕੀਤਾ ਗਿਆ ਸੀ। ਖ਼ਲੀਲ ਨੇ ਉਸ ਦੇ ਉਰਦੂ ਸਰੋਤਿਆਂ ਦੀ ਮੰਗ ਕਰਨ ਤੋਂ ਬਾਅਦ ਗੀਤ ਨੂੰ ਦੁਬਾਰਾ ਬਣਾਉਣ ਦਾ ਫ਼ੈਸਲਾ ਕੀਤਾ। ਉਸਨੇ ਦੱਸਿਆ ਕਿ ਉਸਨੇ ਇਸ ਗੀਤ ਨੂੰ ਕਾਫੀ ਸਮਾਂ ਪਹਿਲਾਂ ਕੰਪੋਜ਼ ਕੀਤਾ ਸੀ ਅਤੇ ਪਹਿਲਾ ਵਰਜ਼ਨ ਰਿਲੀਜ਼ ਹੋਣ ਤੋਂ ਕੁਝ ਸਮੇਂ ਬਾਅਦ ਉਸਨੂੰ ਅਹਿਸਾਸ ਹੋਇਆ ਕਿ ਗੀਤ ਨੂੰ ਦੁਬਾਰਾ ਬਣਾਉਣ ਦੀ ਲੋੜ ਹੈ। ਬਾਅਦ ਦੀਆਂ ਇੰਟਰਵਿਊਆਂ ਵਿੱਚ ਇਸ ਬਾਰੇ ਵਿਸਥਾਰ ਵਿੱਚ ਦੱਸਦੇ ਹੋਏ, ਉਹ ਕਹਿੰਦਾ ਹੈ, "ਕਹਾਨੀ ਸੁਣੋ ਇੱਕ ਪੁਰਾਣਾ ਗੀਤ ਸੀ ਅਤੇ ਮੈਂ ਇਸਨੂੰ ਦੁਬਾਰਾ ਲਿਖਣ ਅਤੇ ਉਸ ਟਰੈਕ ਨਾਲ ਇਨਸਾਫ ਕਰਨ ਦਾ ਫੈਸਲਾ ਕੀਤਾ। ਮੈਂ ਚਾਹੁੰਦਾ ਸੀ ਕਿ ਲੋਕ ਗੀਤ ਨਾਲ ਇਸ ਤਰ੍ਹਾਂ ਜੁੜਨ ਜਿਵੇਂ ਉਹ ਕਿਸੇ ਦੀ ਕਹਾਣੀ ਸੁਣ ਰਹੇ ਹੋਣ।''

"ਕਹਾਨੀ ਸੁਣੋ 2.0" 31 ਮਈ, 2022 ਨੂੰ ਰਿਲੀਜ਼ ਹੋਇਆ ਸੀ ਇਸਦੀ ਪਾਕਿਸਤਾਨ ਅਤੇ ਦੁਨੀਆ ਭਰ ਵਿੱਚ ਵਿਆਪਕ ਪ੍ਰਸ਼ੰਸਾ ਹੋਈ। ਇਹ ਗੀਤ ਵਿਸ਼ਵ ਪੱਧਰ 'ਤੇ ਪ੍ਰਚਲਿਤ ਸੀ ਅਤੇ 114 ਮਿਲੀਅਨ ਵਿਯੂਜ਼ ਦੇ ਨਾਲ, ਯੂਟਿਊਬ 'ਤੇ ਗਲੋਬਲ ਸੰਗੀਤ ਵੀਡੀਓ ਸੂਚੀ ਵਿੱਚ 8ਵੇਂ ਨੰਬਰ 'ਤੇ ਸੀ।