ਪਰਵੇਜ਼ ਮਹਿਦੀ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ

ਪਰਵੇਜ਼ ਮਹਿਦੀ ਕਲਾਸੀਕਲ ਸ਼ੈਲੀ ਵਿੱਚ ਇੱਕ ਗਾਇਕ, ਮੇਹਦੀ ਹਸਨ ਦਾ ਸ਼ਾਗਿਰਦ ਸੀ।[1]

ਜ਼ਿੰਦਗੀ[ਸੋਧੋ]

ਪਰਵੇਜ਼ ਮਹਿਦੀ ਦਾ ਅਸਲ ਨਾਮ ਪਰਵੇਜ਼ ਹਸਨ ਸੀ ਲੇਕਿਨ ਆਪਣੇ ਉਸਤਾਦ ਮਹਿਦੀ ਹਸਨ ਨਾਲ ਅਕੀਦਤ ਦੀ ਬਿਨਾ ਤੇ ਬਦਲ ਕੇ ਪਰਵੇਜ਼ ਮਹਿਦੀ ਰੱਖ ਲਿਆ ਅਤੇ ਇਸੇ ਨਾਮ ਨਾਲ ਜਾਣਿਆ ਜਾਣ ਲੱਗਿਆ। ਉਸਦਾ ਜਨਮ 1947 ਵਿੱਚ ਇੱਕ ਸੰਗੀਤਕ ਪਰਵਾਰ ਵਿੱਚ ਹੋਇਆ ਸੀ। ਉਨ੍ਹਾਂ ਨੇ ਆਪਣੇ ਪਿਤਾ, ਬਸ਼ੀਰ ਹੁਸੈਨ ਰਾਣੀ ਕੋਲੋਂ ਹਿੰਦੁਸਤਾਨੀ ਸ਼ਾਸਤਰੀ ਸੰਗੀਤ ਸਿੱਖਣ ਦੀ ਸ਼ੁਰੂਆਤ ਕੀਤੀ ਸੀ। ਉਸ ਦੀ ਪਹਿਲੀ ਪੇਸ਼ਕਾਰੀ 1968 ਵਿੱਚ ਰੇਡੀਓ ਪਾਕਿਸਤਾਨ ਰਾਹੀਂ ਹੋਈ ਸੀ। ਆਪਣੇ ਉਸਤਾਦ ਵਾਂਗ, ਉਹ ਆਪਣੇ ਆਪ ਆਪਣੇ ਗਾਣੇ ਕੰਪੋਜ਼ ਕਰਿਆ ਕਰਦਾ ਸੀ। ਉਸ ਦੀਆਂ ਕੰਪੋਜ਼ੀਸ਼ਨਾਂ ਅਤੇ ਰੈਂਡਰਿੰਗ ਉੱਤੇ ਮਹਿਦੀ ਹਸਨ ਦਾ ਪ੍ਰਭਾਵ ਕਾਫੀ ਸੀ। ਪਰਵੇਜ਼ ਮੇਹਦੀ ਨੇ ਪਾਕਿਸਤਾਨ ਅਤੇ ਭਾਰਤ ਵਿੱਚ ਫ਼ਿਲਮਾਂ ਦੀਆਂ ਕੁਝ ਐਲਬਮਾਂ ਰਿਲੀਜ਼ ਕੀਤੀਆਂ। ਏਪੀਪੀ ਦੇ ਮੁਤਾਬਕ, ਪਰਵੇਜ਼ ਮੇਹਦੀ ਨੇ ਇੱਕ ਲੋਕ ਗੀਤ, ਗੋਰੀਏ ਮੈਂ ਜਾਣਾਂ ਪਰਦੇਸ ਰੇਸ਼ਮਾਂ ਦੇ ਨਾਲ ਗਾਇਆ ਜਿਸ ਨਾਲ ਉਸ ਦੀ ਮਸ਼ਹੂਰੀ ਹੋ ਗਈ। ਉਸਨੇ 30 ਤੋਂ ਵੱਧ ਸਾਲਾਂ ਲਈ ਕੰਮ ਕੀਤਾ ਅਤੇ ਫਿਲਮ, ਰੇਡੀਓ, ਟੀਵੀ ਅਤੇ ਨਿੱਜੀ ਸੰਗਤ ਦੀਆਂ ਬੈਠਕਾਂ ਲਈ ਲੋਕ, ਗੀਤ ਅਤੇ ਗ਼ਜ਼ਲ ਸਮੇਤ ਸੈਂਕੜੇ ਗਾਣੇ ਗਾਏ। ਪਾਕਿਸਤਾਨ ਸਰਕਾਰ ਨੇ ਉਸਨੂੰ ਸਿਤਾਰਾ-ਇ-ਇਮਤਿਆਜ਼' ਨਾਲ ਸਨਮਾਨਿਤ ਕੀਤਾ ਸੀ। ਲਾਹੌਰ ਵਿੱਚ ਦਿਲ ਦੀ ਗਤੀ ਰੁਕ ਜਾਣ ਨਾਲ 58 ਸਾਲ ਦੀ ਉਮਰ ਵਿੱਚ ਉਸਦੀ ਮੌਤ ਹੋ ਗਈ।

ਹਵਾਲੇ[ਸੋਧੋ]