ਮੱਤੜ

ਮੱਤੜ
ਪਿੰਡ
ਮੱਤੜ ਹਰਿਆਣਾ ਵਿੱਚ ਸਥਿਤੀ
ਗੁਣਕ: 29.693299°N 75.184646°E / 29.693299; 75.184646
ਦੇਸ਼	ਭਾਰਤ
ਰਾਜ	ਹਰਿਆਣਾ
ਜ਼ਿਲ੍ਹਾ	ਸਿਰਸਾ
ਤਹਿਸੀਲ	ਬਾਰਗੁਡਾ
ਖੇਤਰ
• ਕੁੱਲ	1,860 ha (4,600 acres)
ਸਮਾਂ ਖੇਤਰ	ਯੂਟੀਸੀ+5:30 (ਭਾਰਤੀ ਮਿਆਰੀ ਸਮਾਂ)

ਮੱਤੜ ਸਿਰਸਾ ਜ਼ਿਲ੍ਹਾ ਦਾ ਪਿੰਡ ਹੈ। ਇਹ ਪਿੰਡ 450 ਸਾਲ ਪਹਿਲਾਂ ਮੱਤਾ ‘ਮੁਸਲਮਾਨ’ ਦੇ ਨਾਂ ’ਤੇ ਬੱਝਿਆ ਸੀ। ਪਿੰਡ ਦੇ ਕਰੀਬ 1600 ਵਸਨੀਕ 300 ਘਰਾਂ ਵਿੱਚ ਰਹਿੰਦੇ ਹਨ। ਅਨਪੜ੍ਹਤਾ ਕਾਰਨ ਨੌਕਰੀ ਕਰਨ ਦੀ ਬਜਾਇ ਬਹੁਗਿਣਤੀ ਪਿੰਡ ਵਾਸੀ ਇਥੋਂ ਦੇ 1860 ਏਕੜ ਰਕਬੇ ’ਤੇ ਖੇਤੀ ਉਪਰ ਨਿਰਭਰ ਹਨ। ਪਿੰਡ ਦੀ ਜ਼ਮੀਨ ਨੂੰ ਭਾਖੜਾ ਮੇਨ ਬ੍ਰਾਂਚ ਤੋਂ 15 ਦਿਨ ਹੀ ਪਾਣੀ ਮਿਲਦਾ ਹੈ। ਘੱਗਰ ਦੇ ਕੰਢੇ ’ਤੇ ਵਸਿਆ ਹੋਣ ਕਰਕੇ ਇਸ ਵਾਰ ਆਏ ਹੜ੍ਹਾਂ ਕਾਰਨ 40 ਸਰਕਾਰੀ ਕਲੋਨੀਆਂ, 500 ਏਕੜ ਰਕਬਾ ਤੇ 60 ਟਿਊਬਵੈੱਲ ਮੋਟਰਾਂ ਵੀ ਹੜ੍ਹ ਦੀ ਭੇਟ ਚੜ੍ਹ ਜਾਂਦੀਆਂ ਹਨ। ਪਿੰਡ ਨੂੰ ਹੜ੍ਹ ਤੋਂ ਬਚਾਉਣ ਲਈ ਪਿੰਡ ਵਾਸੀਆਂ ਨੇ ਇਸ ਦੇ ਚਾਰੇ ਪਾਸੇ 12 ਕਿਲੋਮੀਟਰ ਲੰਬਾਈ ਵਾਲਾ ਬੰਨ੍ਹ ਬਣਾਇਆ ਹੋਇਆ ਹੈ।

ਆਬਾਦੀ ਸੰਬੰਧੀ ਅੰਕੜੇ

ਵਿਸ਼ਾ	ਕੁੱਲ	ਮਰਦ	ਔਰਤਾਂ
ਘਰਾਂ ਦੀ ਗਿਣਤੀ	542
ਆਬਾਦੀ	1,552	840	712
ਬੱਚੇ (0-6)	196	109	87
ਅਨੁਸੂਚਿਤ ਜਾਤੀ	714	387	327
ਪਿਛੜੇ ਕਵੀਲੇ	0	0	0
ਸਾਖਰਤਾ	50.44 %	56.63 %	43.20 %
ਕੁਲ ਕਾਮੇ	664	456	208
ਮੁੱਖ ਕਾਮੇ	663	181	0
ਦਰਮਿਆਨੇ ਕਮਕਾਜੀ ਲੋਕ	1	1	0

ਪਿੰਡ ਵਿੱਚ ਮੁੱਖ ਥਾਵਾਂ

ਇਸ ਪਿੰਡ ਵਿੱਚ ਪਿੱਪਲ ਵਾਲਾ ਖੂਹ, ਡੇਰੇ ਵਿੱਚ ਵਣ ਦੇ ਦਰੱਖਤ ਪਿੰਡ ਦੀ ਵਿਰਾਸਤੀ ਨਿਸ਼ਾਨੀ ਹਨ।

ਧਾਰਮਿਕ ਥਾਵਾਂ

ਪਿੰਡ ਵਿੱਚ ਬਾਲਮੀਕੀ ਮੰਦਰ, ਦੇਵੀ ਮੰਦਰ, ਪੀਰਖਾਨਾ ਤੇ ਡੇਰਾ ਬਾਬਾ ਪਰੇਮ ਗਿਰਜੀ ਹਨ।

ਸਹਿਕਾਰੀ ਥਾਵਾਂ

ਸਰਕਾਰੀ ਹਾਈ ਸਕੂਲ ਹੈ ਪਰ ਹਰਿਆਣੇ ਵਿੱਚ ਪੜ੍ਹਾਈ ਦਾ ਮਾਧਿਅਮ ਹਿੰਦੀ ਹੋਣ ਕਾਰਨ ਉਚੇਰੀ ਸਿੱਖਿਆ ਪ੍ਰਾਪਤ ਕਰਨ ਲਈ ਇਸ ਪਿੰਡ ਦੇ ਵਿਦਿਆਰਥੀਆਂ ਨੂੰ ਮਾਨਸਾ ਜਾਂ ਸਰਦੂਲਗੜ੍ਹ ਜ਼ਿਆਦਾ ਢੁੱਕਦਾ ਹੈ। ਪੰਜਾਬ ਵਿੱਚ ਸਿੱਖਿਆ ਦਾ ਮਾਧਿਅਮ ਪੰਜਾਬੀ ਹੋਣ ਕਾਰਨ ਇਨ੍ਹਾਂ (ਹਰਿਆਣੇ) ਵਿਦਿਆਰਥੀਆਂ ਨੂੰ ਪੰਜਾਬੀ ਪੜ੍ਹਨ ਵਿੱਚ ਕਾਫੀ ਦਿੱਕਤ ਆਉਂਦੀ ਹੈ। ਇਸ ਕਾਰਨ ਇਸ ਪਿੰਡ ਤੋਂ ਇਲਾਵਾ ਇਸ ਖੇਤਰ ਦੇ ਵਿਦਿਆਰਥੀਆਂ ਦਾ ਸਿੱਖਿਆ ਦਾ ਪੱਧਰ ਕਮਜ਼ੋਰ ਹੀ ਰਹਿੰਦਾ ਹੈ।

ਪਿੰਡ ਵਿੱਚ ਖੇਡ ਗਤੀਵਿਧੀਆਂ

ਪਿੰਡ ਵਾਸੀਆਂ ਵੱਲੋਂ ਉਕਤ ਡੇਰੇ ਵਿੱਚ 1 ਫੱਗਣ ਤੋਂ 5 ਫੱਗਣ ਤੱਕ ਬਾਬਾ ਪਰੇਮ ਗਿਰਜੀ ਦੀ ਯਾਦ ਵਿੱਚ ਹਰ ਸਾਲ ਮੇਲੇ ਦੌਰਾਨ ਕਬੱਡੀ ਟੂਰਨਾਮੈਂਟ ਕਰਵਾਏ ਜਾਂਦੇ ਹਨ।

ਪਹੁੰਚ

ਇਹ ਪਿੰਡ ਤਹਿਸੀਲ ਬਾਰਗੁਡਾ, ਹਿਸਾਰ ਡਵੀਜ਼ਨ ਵਿੱਚ ਹੈ। ਇਹ ਪਿੰਡ ਸਿਰਸਾ ਤੋਂ 26 ਕਿਲੋਮੀਟਰ, ਅਤੇ ਰਾਜਧਾਨੀ ਚੰਡੀਗੜ੍ਹ ਤੋਂ 223 ਦੀ ਦੂਰੀ ਤੇ ਹੈ। ਇਸ ਪਿੰਡ ਦੇ ਨੇੜੇ ਦੇ ਪਿੰਡ ਰੰਗਾ, ਰੋਹਨ, ਰੋੜੀ, ਅਲਕਾਂ, ਪਾਨੀਹਾਰੀ ਹਨ। ਇਹ ਪਿੰਡ ਬਠਿੰਡਾ ਰੇਲਵੇ ਸਟੇਸ਼ਨ ਤੋਂ 69 ਕਿਲੋਮੀਟਰ ਦੀ ਦੂਰੀ ਤੇ ਹਨ।