ਮੱਲ

ਮੱਲ, ਪਹਿਲਵਾਨ ਨੂੰ ਵੀ ਕਹਿੰਦੇ ਹਨ। ਪਰ ਜਿਸ ਮੱਲ ਬਾਰੇ ਮੈਂ ਤੁਹਾਨੂੰ ਦੱਸਣ ਲੱਗਿਆਂ ਹਾਂ ਇਹ ਮੱਲ ਮੰਜੇ ਦੀ ਪੈਂਦ ਵੱਲ ਸੇਰਵੇ ਤੋਂ ਡੇਢ ਕੁ ਫੁੱਟ ਦੀ ਦੂਰੀ 'ਤੇ ਬਾਹੀਆਂ ਵਾਲੇ ਪਾਸੇ ਪਾਏ 12/14 ਰੱਸੀਆਂ ਦੇ ਸਮੂਹ ਨੂੰ ਕਹਿੰਦੇ ਹਨ। ਮੱਲ ਦਾ ਜੋ ਹਿੱਸਾ ਬਾਹੀਆਂ ਉਪਰ ਹੁੰਦਾ ਹੈ, ਉਹ ਰੱਸੀ ਨਾਲ ਗੁੰਦਿਆ ਹੁੰਦਾ ਹੈ। ਮੱਲ ਦੀਆਂ ਰੱਸੀਆਂ ਦੇ ਵਿਚਾਲੇ ਡੰਡਾ ਪਾ ਕੇ ਮੱਲ ਨੂੰ ਵੱਟ ਦਿੱਤਾ ਜਾਂਦਾ ਹੈ। ਫੇਰ ਡੰਡੇ ਨੂੰ ਸੇਰਵੇ ਉਪਰ ਰੱਖ ਦਿੱਤਾ ਜਾਂਦਾ ਹੈ। ਫੇਰ ਮੱਲ ਦੇ ਸਹਾਰੇ ਨਾਲ ਮੰਜਾ ਬੁਣਨਾ ਸ਼ੁਰੂ ਕੀਤਾ ਜਾਂਦਾ ਹੈ। ਜਦ ਮੰਜਾ ਪੂਰਾ ਬੁਣਾ ਜਾਂਦਾ ਹੈ ਤਾਂ ਮੱਲ ਵਿਚ ਦੌਣ ਪਾ ਕੇ ਮੰਜਾ ਕਸ ਦਿੱਤਾ ਜਾਂਦਾ ਹੈ ਤੇ ਡੰਡੇ ਨੂੰ ਮੱਲ ਵਿਚੋਂ ਕੱਢ ਦਿੱਤਾ ਜਾਂਦਾ ਹੈ। ਇਹ ਹੈ ਮੱਲ ਦੀ ਬਣਤਰ