ਰਸਿਕਾ ਜੋਸ਼ੀ

ਰਸਿਕਾ ਜੋਸ਼ੀ
ਤਸਵੀਰ:Actress Rasika Joshi.jpg ਰਸਿਕਾ ਜੋਸ਼ੀ ਬਿਲੂ (2009) ਵਿਚ।
ਜਨਮ	12 September 1972 ਬੰਬੇ, ਮਹਾਰਾਸ਼ਟਰ, ਭਾਰਤ
ਮੌਤ	7 ਜੁਲਾਈ 2011(2011-07-07) (ਉਮਰ 38) ਮੰਬਈ, ਮਹਾਰਾਸ਼ਟਰ, ਭਾਰਤ

ਰਸਿਕਾ ਜੋਸ਼ੀ (12 ਸਤੰਬਰ 1972 - 7 ਜੁਲਾਈ 2011) ਇੱਕ ਮਰਾਠੀ ਅਤੇ ਹਿੰਦੀ ਫ਼ਿਲਮ ਅਦਾਕਾਰਾ ਸੀ। ਇੱਕ ਮਰਾਠੀ ਥੀਏਟਰ ਅਤੇ ਭਾਰਤੀ ਟੈਲੀਵਿਜ਼ਨ ਅਭਿਨੇਤਰੀ, ਉਹ ਬਾਲੀਵੁੱਡ ਫ਼ਿਲਮਾਂ ਵਿੱਚ ਮਹਾਰਾਸ਼ਟਰੀਅਨ ਭੂਮਿਕਾਵਾਂ ਲਈ ਜਾਣੀ ਜਾਂਦੀ ਸੀ।

ਨਿੱਜੀ ਜ਼ਿੰਦਗੀ

ਰਸਿਕਾ ਦਾ ਜਨਮ ਇੱਕ ਮਰਾਠੀ ਬ੍ਰਾਹਮਣ ਪਰਿਵਾਰ ਵਿੱਚ ਹੋਇਆ ਸੀ ਅਤੇ ਉਸਦਾ ਵਿਆਹ ਨਿਰਦੇਸ਼ਕ ਅਤੇ ਅਦਾਕਾਰ ਗਿਰੀਸ਼ ਜੋਸ਼ੀ ਨਾਲ ਹੋਇਆ ਸੀ।

ਕਰੀਅਰ

ਉਸਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਲਤਾ ਨਾਰਵੇਕਰ ਦੇ ਇੱਕ ਮਰਾਠੀ ਨਾਟਕ ਨਾਲ ਕੀਤੀ ਜਿਸਨੂੰ ਊਂਚਾ ਮਾਝਾ ਜ਼ੋਕਾ ਕਿਹਾ ਜਾਂਦਾ ਸੀ, ਜਿਸ ਵਿੱਚ ਅਵਿਨਾਸ਼ ਮਸੁਰੇਕਰ ਅਤੇ ਸਮਿਤਾ ਤਲਵਲਕਰ ਅਭਿਨੇਤਾ ਸਨ। ਉਸਦੀ ਆਖਰੀ ਫ਼ਿਲਮ ਰਾਮ ਗੋਪਾਲ ਵਰਮਾ ਦੀ ਫ਼ਿਲਮ ਨੋਟ ਏ ਲਵ ਸਟੋਰੀ ਸੀ। ਉਸਨੇ ਵ੍ਹਾਈਟ ਲਿਲੀ ਐਂਡ ਨਾਈਟ ਰਾਈਡਰ ਨਾਟਕ ਵਿੱਚ ਲੇਖਕ, ਨਿਰਦੇਸ਼ਕ ਅਤੇ ਅਦਾਕਾਰ ਵਜੋਂ ਕੰਮ ਕੀਤਾ।

ਫ਼ਿਲਮੋਗ੍ਰਾਫੀ

ਹਿੰਦੀ

ਉਸ ਨੂੰ ਪਹਿਲੀ ਵਾਰ ਏਕ ਹਸੀਨਾ ਥੀ ਵਿੱਚ ਦੇਖਿਆ ਗਿਆ ਅਤੇ ਸ਼ਲਾਘਾ ਕੀਤੀ ਗਈ। ਉਹ ਆਰਜੀਵੀ ਅਤੇ ਪ੍ਰਿਯਦਰਸ਼ਨ ਦੀ ਬਹੁਤ ਪਸੰਦੀਦਾ ਬਣ ਗਈ। ਉਸ ਦੀਆਂ ਕੁਝ ਹਿੰਦੀ ਫ਼ਿਲਮਾਂ ਇਸ ਤਰ੍ਹਾਂ ਹਨ:

• ਬਿਲੂ (2009)
• ਜੌਨੀ ਗਦਾਰ (2007)
• ਢੋਲ (2007)
• ਭੂਲ ਭੁਲਈਆ (2007)
• ਗਾਇਬ (2004)
• ਏਕ ਹਸੀਨਾ ਥੀ (2004)
• ਵਾਸਤੂ ਸ਼ਾਸਤਰ (2004)
• ਡਾਰਲਿੰਗ (2007)
• ਡੀ ਤਾਲੀ (2008)
• ਡਰਨਾ ਜ਼ਰੂਰੀ ਹੈ (2006)
• ਮਾਲਾਮਾਲ ਵੀਕਲੀ (2006)
• ਨੋਟ ਏ ਲਵ ਸਟੋਰੀ (2011)

ਟੈਲੀਵਿਜ਼ਨ

ਉਹ ਮਰਾਠੀ ਸੀਰੀਅਲ ਪ੍ਰਪੰਚ, ਘਡਲੇ ਬਿਘਡਲੇ, ਬੁਆ ਆਲਾ ਅਤੇ ਯੇ ਦੁਨੀਆ ਹੈ ਰੰਗੀਨ (1999) ਨਾਲ ਇੱਕ ਘਰੇਲੂ ਨਾਮ ਬਣ ਗਈ। ਉਸਦੀ ਬੰਦਨੀ ਵਿਚ ਤੇਰੁਲਤਾ ਦੀ ਭੂਮਿਕਾ ਨੂੰ ਬਹੁਤ ਸਲਾਹਿਆ ਗਿਆ ਸੀ।

ਮਰਾਠੀ

ਰਸਿਕਾ ਜੋਸ਼ੀ ਇੱਕ ਪ੍ਰਤਿਭਾਸ਼ਾਲੀ ਅਭਿਨੇਤਰੀ ਸੀ, ਜਿਸਨੇ ਬਹੁਤ ਸਾਰੀਆਂ ਫ਼ਿਲਮਾਂ, ਥੀਏਟਰ ਦੇ ਨਾਲ ਨਾਲ ਟੈਲੀਵਿਜ਼ਨ ਸੀਰੀਅਲਾਂ ਵਿੱਚ ਕੰਮ ਕੀਤਾ ਸੀ। ਜਬਰਦਸਤ ਅਤੇ ਖ਼ਬਰਦਾਰ ਉਸ ਦੀਆਂ ਕੁਝ ਮਹੱਤਵਪੂਰਨ ਰਚਨਾਵਾਂ ਹਨ। ਘਡਲੇ ਬਿਘਡਲੇ ਅਤੇ ਪ੍ਰਪੰਚ ਵਰਗੇ ਟੀਵੀ ਸ਼ੋਆਂ ਨੇ ਉਸਨੂੰ ਪ੍ਰਸਿੱਧ ਬਣਾਇਆ। ਉਸਨੇ ਮਰਾਠੀ ਫ਼ਿਲਮ ਯਾਂਦਾ ਕਰਤਵਿਆ ਆਹੇ ਦਾ ਲੇਖਨ ਵੀ ਕੀਤਾ ਹੈ। ਉਸ ਦੇ ਸਵੈ -ਲਿਖੇ, ਨਿਰਦੇਸ਼ਤ, ਨਿਬੰਧਿਤ ਨਾਟਕ, ਵ੍ਹਾਈਟ ਲਿਲੀ ਐਂਡ ਨਾਈਟ ਰਾਈਡਰ ਨੇ ਮਿਲਿੰਦ ਫਟਕ ਦੇ ਨਾਲ ਮਿਲ ਕੇ ਬਹੁਤ ਸਾਰੇ ਪੁਰਸਕਾਰ, ਪ੍ਰਸਿਧੀ ਦੇ ਨਾਲ ਨਾਲ ਪ੍ਰਸ਼ੰਸਾ ਵੀ ਹਾਸਿਲ ਕੀਤੀ।

ਮੌਤ

ਉਸਦੀ 7 ਜੁਲਾਈ 2011 ਨੂੰ 38 ਸਾਲ ਦੀ ਉਮਰ ਵਿੱਚ ਮੁੰਬਈ ਦੇ ਇੱਕ ਨਰਸਿੰਗ ਹੋਮ ਵਿੱਚ ਲੂਕੀਮੀਆ ਨਾਲ ਮੌਤ ਹੋ ਗਈ ਸੀ ਅਤੇ ਉਸਦੇ ਪਤੀ ਗਿਰੀਸ਼ ਜੋਸ਼ੀ ਅਤੇ ਪਰਿਵਾਰ ਨੇ ਉਸ ਦਾ ਖ਼ਿਆਲ ਰੱਖਿਆ ਸੀ।