ਲੀਜ਼ਾ ਗੋਰਨਿਕ

ਲੀਜ਼ਾ ਗੋਰਨਿਕ
ਜਨਮ	1970 ਲੰਡਨ, ਇੰਗਲੈਂਡ, ਯੂ.ਕੇ.
ਰਾਸ਼ਟਰੀਅਤਾ	ਬ੍ਰਿਟਿਸ਼
ਪੇਸ਼ਾ	ਫ਼ਿਲਮ ਨਿਰਮਾਤਾ ਫ਼ਿਲਮ ਨਿਰਦੇਸ਼ਕ ਪਟਕਥਾ ਲੇਖਕ ਅਦਾਕਾਰਾ
ਸਰਗਰਮੀ ਦੇ ਸਾਲ	2002–ਮੌਜੂਦਾ

ਲੀਜ਼ਾ ਗੋਰਨਿਕ (ਜਨਮ 1970) ਇੱਕ ਬ੍ਰਿਟਿਸ਼ ਅਭਿਨੇਤਰੀ, ਪਟਕਥਾ ਲੇਖਕ, ਫ਼ਿਲਮ ਨਿਰਦੇਸ਼ਕ ਅਤੇ ਨਿਰਮਾਤਾ ਹੈ। ਉਹ ਇੱਕ ਕਲਾਕਾਰ ਹੈ ਜੋ ਫ਼ਿਲਮ, ਪ੍ਰਦਰਸ਼ਨ, ਟੀਵੀ ਅਤੇ ਡਰਾਇੰਗ ਵਿੱਚ ਕੰਮ ਕਰਦੀ ਹੈ।

ਕੰਮ

ਗੋਰਨਿਕ ਦੀ ਪਹਿਲੀ ਫੀਚਰ ਫ਼ਿਲਮ ਡੂ ਆਈ ਲਵ ਯੂ? ਸੀ। ਇਹ ਲੰਡਨ ਵਿੱਚ ਸੈੱਟ ਕੀਤੀ ਗਈ, ਜੋ ਮਰੀਨਾ (ਗੋਰਨਿਕ) ਅਤੇ ਰੋਮੀ (ਰਾਕੇਲ ਕੈਸੀਡੀ) ਦਰਮਿਆਨ ਸਬੰਧਾਂ ਆਲੇ-ਦੁਆਲੇ ਘੁੰਮਦੀ ਹੈ। 2014 ਵਿੱਚ ਬ੍ਰਿਟਿਸ਼ ਫ਼ਿਲਮ ਇੰਸਟੀਚਿਊਟ ਨੇ ਇਸ ਫ਼ਿਲਮ ਨੂੰ ਲੈਸਬੀਅਨਾਂ ਬਾਰੇ ਆਪਣੀਆਂ ਸਿਖਰ ਦੀਆਂ 10 ਮਹਾਨ ਫ਼ਿਲਮਾਂ ਵਿੱਚ ਸ਼ਾਮਲ ਕੀਤਾ ਸੀ। ਉਸਦੀ ਦੂਜੀ ਫੀਚਰ ਫ਼ਿਲਮ, ਟਿਕ ਟੋਕ ਲੂਲਬੀ ਇੱਕ ਮਾਤਾ-ਪਿਤਾ ਬਣਨ ਦੇ ਆਲੇ-ਦੁਆਲੇ ਦੀ ਦੁਬਿਧਾ ਬਾਰੇ ਇੱਕ ਕਾਮੇਡੀ ਹੈ। 2007 ਵਿੱਚ ਇਹ ਸੈਨ ਫਰਾਂਸਿਸਕੋ ਇੰਟਰਨੈਸ਼ਨਲ ਐਲ.ਜੀ.ਬੀ.ਟੀ. ਫੈਸਟੀਵਲ ਅਤੇ ਸਿਨੇਕੁਏਸਟ ਫ਼ਿਲਮ ਫੈਸਟੀਵਲ ਵਿੱਚ ਦਿਖਾਈ ਗਈ। ਗੋਰਨਿਕ ਦੀ ਤੀਜੀ ਫੀਚਰ ਫ਼ਿਲਮ, ਦ ਬੁੱਕ ਔਫ ਗੈਬਰੀਏਲ, ਇੱਕ ਕਰਾਸ-ਪਲੇਟਫਾਰਮ ਉਤਪਾਦਨ ਦੇ ਹਿੱਸੇ ਵਜੋਂ ਬਣਾਈ ਗਈ ਸੀ, ਜਿਸ ਵਿੱਚ ਇੱਕ ਕਿਤਾਬ, ਇੱਕ ਵੈੱਬ ਸੀਰੀਜ਼ ਅਤੇ ਇੱਕ ਲਾਈਵ ਡਰਾਇੰਗ ਸ਼ੋਅ ਵੀ ਸ਼ਾਮਲ ਸੀ।

ਟੈਲੀਵਿਜ਼ਨ ਲਈ ਗੋਰਨਿਕ ਦੇ ਕੰਮ ਵਿੱਚ 2010 ਦੀ ਲਘੂ ਫ਼ਿਲਮ ਡਿਪ ਸ਼ਾਮਲ ਹੈ, ਜੋ ਬੀ.ਬੀ.ਸੀ ਚੈਨਲ 4 ਦੇ ਕਮਿੰਗ ਅੱਪ ਸੀਜ਼ਨ ਲਈ ਬਣਾਈ ਗਈ ਸੀ ਅਤੇ ਓਬਰਹਾਉਸਨ ਫ਼ਿਲਮ ਫੈਸਟੀਵਲ 2011 ਵਿੱਚ ਸਰਵੋਤਮ ਫ਼ਿਲਮ ਲਈ ਯੂਥ ਜਿਊਰੀ ਅਵਾਰਡ ਜਿੱਤਿਆ ਗਿਆ ਸੀ। ਗੋਰਨਿਕ ਨੇ ਫ਼ਿਲਮਦ ਆਊਲਜ਼ ( ਚੈਰਲ ਡੁਨੀ, 2010) ਵਿੱਚ ਸਹਿ-ਅਭਿਨੈ ਕੀਤਾ। ਉਸਨੇ ਪ੍ਰੋਡਕਸ਼ਨ ਕੰਪਨੀ ਵੈਲੀਐਂਟ ਡੌਲ ਦੀ ਸਥਾਪਨਾ ਕੀਤੀ, ਜੋ ਮਾਈਕ੍ਰੋ ਬਜਟ ਫੀਚਰ ਫ਼ਿਲਮਾਂ ਬਣਾਉਂਦੀ ਹੈ।

ਫ਼ਿਲਮੋਗ੍ਰਾਫੀ

ਅਦਾਕਾਰਾ

ਸਾਲ	ਸਿਰਲੇਖ	ਭੂਮਿਕਾ	ਨੋਟਸ
2002	ਡੂ ਆਈ ਲਵ ਯੂ?	ਮਰੀਨਾ
2007	ਟਿਕ ਟੋਕ ਲੂਲਬੀ	ਸਾਸ਼ਾ
2010	ਦ ਆਉਲਜ਼	ਲਿਲੀ
2015	ਵੀਮਨ ਇਨ ਗੋਲਡ	ਫਰਾਉ ਨਿਊਮੈਨ
2016	ਦ ਬੁੱਕ ਆਫ ਗੈਬਰੀਏਲ	ਗੈਬਰੀਏਲ

ਲੇਖਕ / ਨਿਰਦੇਸ਼ਕ

ਸਾਲ	ਸਿਰਲੇਖ	ਭੂਮਿਕਾ	ਨੋਟਸ
2002	ਡੂ ਆਈ ਲਵ ਯੂ?	ਨਿਰਦੇਸ਼ਕ, ਲੇਖਕ, ਨਿਰਮਾਤਾ	ਪੈਰਿਸ ਲੈਸਬੀਅਨ ਅਤੇ ਨਾਰੀਵਾਦੀ ਫ਼ਿਲਮ ਫੈਸਟੀਵਲ ਵਿੱਚ ਸਰਵੋਤਮ ਫੀਚਰ ਫ਼ਿਲਮ ਅਵਾਰਡ
2005	ਬੇੱਡ ਆਫ ਦ ਫੀਅਰ	ਲਘੁ, ਨਿਰਦੇਸ਼ਕ
2007	ਟਿਕ ਟੋਕ ਲੂਲਬੀ	ਲੇਖਕ, ਨਿਰਮਾਤਾ
2009	140	ਦਸਤਾਵੇਜ਼ੀ, ਸੇਜਮੈਂਟ ਨਿਰਦੇਸ਼ਕ
2010	ਕਮਿੰਗ ਅਪ	ਨਿਰਦੇਸ਼ਕ, "ਡਿਗ"
2016	ਦ ਬੁੱਕ ਆਫ ਗੈਬਰੀਏਲ	ਨਿਰਦੇਸ਼ਕ, ਲੇਖਕ, ਨਿਰਮਾਤਾ

ਬਾਹਰੀ ਲਿੰਕ

• ਲੀਜ਼ਾ ਗੋਰਨਿਕ, ਇੰਟਰਨੈੱਟ ਮੂਵੀ ਡੈਟਾਬੇਸ 'ਤੇ