ਵਿਕੀਪੀਡੀਆ:ਚੁਣਿਆ ਹੋਇਆ ਲੇਖ/8 ਫ਼ਰਵਰੀ
.jpg)
ਜਗਜੀਤ ਸਿੰਘ (8 ਫ਼ਰਵਰੀ 1941–10 ਅਕਤੂਬਰ 2011) ਇੱਕ ਉੱਘਾ ਗ਼ਜ਼ਲ ਗਾਇਕ ਸੀ। ਉਨ੍ਹਾਂ ਦਾ ਸੰਗੀਤ ਅੰਤਿਅੰਤ ਮਧੁਰ ਹੈ, ਅਤੇ ਉਨ੍ਹਾਂ ਦੀ ਅਵਾਜ ਸੰਗੀਤ ਦੇ ਨਾਲ ਖੂਬਸੂਰਤੀ ਨਾਲ ਘੁਲ-ਮਿਲ ਜਾਂਦੀ ਹੈ। ਖ਼ਾਲਸ ਉਰਦੂ ਜਾਣਨ ਵਾਲਿਆਂ ਦੀ ਮਲਕੀਅਤ ਸਮਝੀ ਜਾਣ ਵਾਲੀ, ਨਵਾਬਾਂ-ਨਰਕਤੀਆਂ ਦੀ ਦੁਨੀਆ ਵਿੱਚ ਝਨਕਦੀ ਅਤੇ ਸ਼ਾਇਰਾਂ ਦੀਆਂ ਮਹਫਿਲਾਂ ਵਿੱਚ ਵਾਹ-ਵਾਹ ਦੀ ਦਾਦ ਉੱਤੇ ਇਤਰਾਉਂਦੀਆਂ ਗ਼ਜ਼ਲਾਂ ਨੂੰ ਆਮ ਆਦਮੀ ਤੱਕ ਪਹੁੰਚਾਣ ਦਾ ਪੁੰਨ ਜੇਕਰ ਕਿਸੇ ਨੂੰ ਪਹਿਲਾਂ ਪਹਿਲ ਦਿੱਤਾ ਜਾਣਾ ਹੋਵੇ ਤਾਂ ਜਗਜੀਤ ਸਿੰਘ ਦਾ ਹੀ ਨਾਮ ਜੁਬਾਂ ਉੱਤੇ ਆਉਂਦਾ ਹੈ। ਉਨ੍ਹਾਂ ਦੀ ਗ਼ਜ਼ਲਾਂ ਨੇ ਨਹੀਂ ਸਿਰਫ ਉਰਦੂ ਦੇ ਘੱਟ ਜਾਣਕਾਰਾਂ ਦੇ ਵਿੱਚ ਸ਼ੇਅਰੋ-ਸ਼ਾਇਰੀ ਦੀ ਸਮਝ ਵਿੱਚ ਇਜਾਫਾ ਕੀਤਾ ਸਗੋਂ ਗਾਲਿਬ, ਮੀਰ, ਮਜਾਜ, ਜੋਸ਼ ਅਤੇ ਫਿਰਾਕ ਵਰਗੇ ਸ਼ਾਇਰਾਂ ਨਾਲ ਵੀ ਉਨ੍ਹਾਂ ਦਾ ਤੁਆਰਫ਼ ਕਰਾਇਆ। ਜਗਜੀਤ ਸਿੰਘ ਨੂੰ ਸੰਨ 2003 ਵਿੱਚ ਭਾਰਤ ਸਰਕਾਰ ਦੁਆਰਾ ਕਲਾ ਦੇ ਖੇਤਰ ਵਿੱਚ ਪਦਮ ਭੂਸ਼ਣ ਨਾਲ ਸਨਮਾਨਿਤ ਕੀਤਾ ਗਿਆ। 08 ਫ਼ਰਵਰੀ, 1942 ਨੂੰ ਸ੍ਰੀ ਗੰਗਾਨਗਰ, ਰਾਜਸਥਾਨ ਵਿੱਚ ਜਨਮੇ ਜਗਜੀਤ ਸਿੰਘ ਭਾਰਤ ਦੇ ਬਹੁਤ ਮਕਬੂਲ ਗ਼ਜ਼ਲ ਗਾਇਕ ਹਨ। ਗ਼ਜ਼ਲ ਸਮਰਾਟ ਜਗਜੀਤ ਸਿੰਘ ਦੀ ਦੋ ਸ਼ਾਇਰਾਂ ਨਾਲ ਸਾਂਝ ਕੁਝ ਜ਼ਿਆਦਾ ਸੀ। ਇਹ ਸਨ : ਸੁਦਰਸ਼ਨ ਫ਼ਾਕਿਰ ਤੇ ਨਿਦਾ ਫ਼ਾਜ਼ਲੀ। ਫ਼ਾਕਿਰ ਦੀਆਂ 26 ਗ਼ਜ਼ਲਾਂ ਤੇ ਨਜ਼ਮਾਂ ਜਗਜੀਤ ਨੇ ਸੁਰਬੰਦ ਕੀਤੀਆਂ। ਨਿਦਾ ਫ਼ਾਜ਼ਲੀ ਦੀਆਂ 19 ਗ਼ਜ਼ਲਾਂ ਤੇ ਨਜ਼ਮਾਂ ਨੂੰ ਇਹ ਐਜਾਜ਼ ਹਾਸਿਲ ਹੋਇਆ।