ਸਾਰਾ ਅਲੀ ਖਾਨ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਸਾਰਾ ਅਲੀ ਖਾਨ
Sara Ali Khan promoting Kedarnath.jpg
2018 ਵਿੱਚ ਕੇਦਾਰਨਾਥ ਫਿਲਮ ਦੀ ਪ੍ਰਮੋਸ਼ਨ ਸਮੇਂ ਸਾਰਾ
ਜਨਮ (1995-08-12) 12 ਅਗਸਤ 1995 (ਉਮਰ 24)[1]
ਮੁੰਬਈ, ਮਹਾਰਾਸ਼ਟਰ, ਭਾਰਤ[2]
ਅਲਮਾ ਮਾਤਰਕੋਲੰਬੀਆ ਯੂਨੀਵਰਸਿਟੀ
ਪੇਸ਼ਾਅਦਾਕਾਰਾ
ਸਰਗਰਮੀ ਦੇ ਸਾਲ2018–ਹੁਣ ਤੱਕ
ਮਾਤਾ-ਪਿਤਾ(s)ਸੈਫ ਅਲੀ ਖਾਨ
ਅਮ੍ਰਿਤਾ ਸਿੰਘ

ਸਾਰਾ ਅਲੀ ਖਾਨ (ਜਨਮ 12 ਅਗਸਤ 1995) ਇੱਕ ਭਾਰਤੀ ਅਦਾਕਾਰਾ ਹੈ ਜੋ ਕਿ ਹਿੰਦੀ ਫਿਮਲਾਂ ਵਿੱਚ ਕੰਮ ਕਰਦੀ ਹੈ। ਉਹ ਪਟੌਦੀ ਪਰਿਵਾਰ ਦੀ ਮੈਂਬਰ ਅਤੇ ਸੈਫ਼ ਅਲੀ ਖ਼ਾਨ ਅਤੇ ਅਮ੍ਰਿਤਾ ਸਿੰਘ ਦੀ ਪੁੱਤਰੀ ਹੈ। ਉਹ ਮਨਸੂਰ ਅਲੀ ਖਾਨ ਅਤੇ ਸ਼ਰਮੀਲਾ ਟੈਗੋਰ ਦੀ ਪੋਤੀ ਹੈ। ਕੋਲੰਬੀਆ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕਰਨ ਤੋਂ ਬਾਅਦ ਸਾਰਾ ਨੇ ਕੇਦਾਰਨਾਥ (2018) ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ, ਇਸ ਫਿਲਮ ਵਿੱਚ ਉਹ ਸੁਸ਼ਾਂਤ ਸਿੰਘ ਰਾਜਪੂਤ ਨਾਲ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਈ।

ਮੁੱਢਲਾ ਜੀਵਨ[ਸੋਧੋ]

ਸਾਰਾ ਅਲੀ ਖਾਨ ਦਾ ਜਨਮ 12 ਅਗਸਤ 1995 ਨੂੰ ਸੈਫ਼ ਅਲੀ ਖ਼ਾਨ ਅਤੇ ਅਮ੍ਰਿਤਾ ਸਿੰਘ ਦੇ ਘਰ ਹੋਇਆ ਸੀ, ਦੋਨੋਂ ਹਿੰਦੀ ਫਿਲਮ ਉਦਯੋਗ ਦੇ ਕਲਾਕਾਰ ਹਨ।[3][4] ਉਹ ਪਟੌਦੀ ਪਰਿਵਾਰ ਦੀ ਮੈਂਬਰ ਹੈ।[5] ਉਸਦੇ ਭਰਾ ਇਬਰਾਹਿਮ ਅਲੀ ਖਾਨ, ਨੇ ਟਸ਼ਨ (2008) ਵਿੱਚ ਬਾਲ ਭੂਮਿਕਾ ਨਿਭਾਈ ਸੀ।[6] ਉਸਦਾ ਸੌਤੇਲਾ ਭਰਾ ਤੈਮੂਰ ਅਲੀ ਖਾਨ, ਸੈਫ ਦੀ ਦੂਜੇ ਦੂਜੇ ਵਿਆਹ ਤੋਂ ਕਰੀਨਾ ਕਪੂਰ ਦਾ ਪੁੱਤਰ ਹੈ।[7] ਉਹ ਮੁੱਖ ਤੌਰ 'ਤੇ ਪਿਤਾ ਦੇ ਪੱਖ ਤੋਂ ਬੰਗਾਲੀ ਅਤੇ ਪਠਾਣ ਅਤੇ ਆਪਣੀ ਮਾਂ ਦੇ ਪਾਸੇ ਤੇ ਪੰਜਾਬੀ ਮੂਲ ਦੀ ਹੈ।[8][9]

ਜਦ ਖਾਨ ਚਾਰ ਸਾਲ ਦੀ ਸੀ ਤਾਂ ਉਸ ਨੇ ਪਹਿਲੀ ਵਾਰ ਇੱਕ ਇਸ਼ਤਿਹਾਰ ਵਿੱਚ ਅਭਿਨੈ ਕੀਤਾ।[10] ਸੈਫ ਅਨੁਸਾਰ, ਅਦਾਕਾਰਾ ਐਸ਼ਵਰਿਆ ਰਾਏ ਫ਼ਿਲਮ ਜਗਤ ਵਿਚ ਕੈਰੀਅਰ ਬਣਾਉਣ ਲਈ ਉਸ ਦੀ ਪ੍ਰੇਰਨਾ ਸਾਬਤ ਹੋਈ।[10][11] 2004 ਵਿੱਚ, ਜਦ ਖਾਨ ਨੌਂ ਸਾਲ ਦੀ ਸੀ ਤਾਂ, ਉਸ ਦੇ ਮਾਤਾ-ਪਿਤਾ ਦਾ ਤਲਾਕ ਹੋ ਗਿਆ ਅਤੇ ਸਿੰਘ ਨੁੰ ਉਸ ਦੇ ਬੱਚੇ ਦੀ ਕਾਨੂੰਨੀ ਗਾਰਡੀਅਨਸ਼ਿਪ ਦੇ ਦਿੱਤੀ ਗਈ ਸੀ।[12] ਸੈਫ ਨੂੰ ਸ਼ੁਰੂ ਵਿੱਚ ਉਸ ਨੂੰ ਅਤੇ ਉਸ ਦੇ ਭਰਾ ਨੂੰ ਮਿਲਣ ਦੀ ਇਜਾਜ਼ਤ ਨਹੀ ਸੀ[12] ਉਨ੍ਹਾਂ ਨੇ ਬਾਅਦ ਵਿਚ ਸੁਲ੍ਹਾ ਕੀਤੀ ਹੈ ਅਤੇ, ਸੈਫ਼ ਦੇ ਮੁਤਾਬਕ,ਉਹ "ਪਿਤਾ ਅਤੇ ਧੀ ਘੱਟ ਅਤੇ ਦੋਸਤ ਜ਼ਿਆਦਾ ਹਨ।"[13]

ਕਿਸ਼ੋਰ ਉਮਰ ਵਿੱਚ ਹੋਣ 'ਤੇ, ਖਾਨ ਆਪਣੇ ਭਾਰ ਨਾਲ ਬਹੁਤ ਸੰਘਰਸ਼ ਕਰਿਆ ਕਰਦੀ ਸੀ ਅਤੇ ਫਿੱਟ ਹੋਣ ਲਈ ਇੱਕ ਸਖ਼ਤ ਸਮਾਂ-ਸੀਮਾ ਤਹਿਤ ਰੋਜ਼ਾਨਾ ਕਸਰਤ ਕਰਦੀ ਸੀ।[14] ਉਹ ਪੌਲੀਸੀਸਟਿਕ ਓਵਰੀ ਸਿੰਡਰੋਮ ਸੀ ਸ਼ਿਕਾਰ ਵੀ ਸੀ ਜਿਸਨੂੰ ਉਹ ਆਪਣੇ ਭਾਰ ਵਧਣ ਦਾ ਕਾਰਨ ਦੱਸਦੀ ਹੈ।[15] ਨਿਊਯਾਰਕ ਵਿੱਚ ਕੋਲੰਬੀਆ ਯੂਨੀਵਰਸਿਟੀ ਵਿੱਚ ਕਾਨੂੰਨ ਅਤੇ ਰਾਜਨੀਤੀ ਵਿਗਿਆਨ ਵਿੱਚ ਚਾਰ ਸਾਲ ਦਾ ਕੋਰਸ ਕਰਦੇ ਸਮੇਂ ਖਾਨ ਦਾ ਵਜ਼ਨ ਵਧ ਗਿਆ ਸੀ।[16][17] 2016 ਵਿੱਚ, ਉਸਨੇ ਤਿੰਨ ਸਾਲਾਂ ਦੇ ਅੰਦਰ, ਆਪਣੇ ਗ੍ਰੈਜੂਏਸ਼ਨ ਪੂਰੀ ਕੀਤੀ, ਅਤੇ ਭਾਰ ਦੀ ਸਿਖਲਾਈ ਲਈ ਤੋਂ ਬਾਅਦ ਉਹ ਭਾਰਤ ਪਰਤ ਆਈ।[17][18]

ਕਰੀਅਰ[ਸੋਧੋ]

2018 'ਚ ਸਿੰਬਾ ਦੇ ਟ੍ਰੇਲਰ ਲਾਂਚ 'ਤੇ ਖਾਨ

ਖਾਨ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਫਿਲਮ ਕੇਦਾਰਨਾਥ (2018) ਨਾਲ ਕੀਤੀ। ਜਿਸ ਵਿੱਚ ਉਸਨੇ ਹਿੰਦੂ ਕੁੜੀ ਦਾ ਕਿਰਦਾਰ ਨਿਭਾਇਆ ਹੈ ਜੋ ਮੁਸਲਿਮ ਮੁੰਡੇ ਨਾਲ ਪਿਆਰ ਵਿੱਚ ਪੈ ਜਾਂਦੀ ਹੈ।[19] ਉਸਦੀ ਭੂਮਿਕਾ ਦੀ ਤਿਆਰੀ ਲਈ, ਖਾਨ ਨੇ ਰਾਜਪੂਤ ਦੀ ਮਦਦ ਨਾਲ ਹਿੰਦੀ ਸ਼ਬਦਾਵਲੀ ਦਾ ਗਿਆਨ ਬਿਹਤਰ ਕੀਤਾ।[20]

ਖਾਨ ਦੀ ਅਗਲੀ ਫਿਲਮ ਰੋਹਿਤ ਸ਼ੈੱਟੀ ਵੱਲੋਂ ਨਿਰਦੇਸ਼ਿਤ ਸਿੰਭਾ (2018) ਹੈ, ਜਿਸ ਵਿੱਚ ਉਹ ਰਣਵੀਰ ਸਿੰਘ ਨਾਲ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਇਹ ਫਿਲਮ ਤੇਲਗੂ ਭਾਸ਼ਾ ਦੀ ਫਿਲਮ 'ਟੈਂਪਰ' (2015) ਤੋਂ ਪ੍ਰੇਰਿਤ ਹੈ।

ਫਿਲਮਾਂ[ਸੋਧੋ]

ਕੁੰਜੀ
Films that have not yet been released ਜੋ ਫਿਲਮਾਂ ਅਜੇ ਰਿਲੀਜ਼ ਨਹੀਂ ਹੋਈਆਂ
ਸਾਲ ਫਿਲਮ ਭੂਮਿਕਾ ਨੋਟਸ
2018 ਕੇਦਾਰਨਾਥ ਮੰਦਾਕਨੀ "ਮੱਕੂ" ਮਿਸ਼ਰਾ
2018 ਸਿੰਭਾ ਸ਼ਗੁਨ ਸਾਥੇ

ਬਾਹਰੀ ਕੜੀਆਂ[ਸੋਧੋ]