ਸਿਲਾ ਚੁਗਣਾ

ਪਹਿਲੇ ਸਮਿਆਂ ਵਿਚ ਫ਼ਸਲਾਂ ਦੀ ਵਾਢੀ ਹੱਥਾਂ ਨਾਲ ਕੀਤੀ ਜਾਂਦੀ ਸੀ। ਹਾੜੀ ਦੀ ਵਾਢੀ ਕਰਦੇ ਸਮੇਂ ਕਣਕ, ਜੌਂ ਦੀ ਫਸਲ ਦੀਆਂ ਬੱਲੀਆਂ ਟੁੱਟ ਕੇ ਖੇਤ ਵਿਚ ਡਿੱਗਦੀਆਂ ਰਹਿੰਦੀਆਂ ਸਨ। ਇਨ੍ਹਾਂ ਡਿੱਗੀਆਂ ਬੱਲੀਆਂ ਨੂੰ ਚਿੜੀ ਚੁੜੰਗਾ ਕਹਿੰਦੇ ਸਨ। ਬੱਲੀਆਂ ਚੁਗਣ ਨੂੰ ਸਿਲਾ ਚੁਗਣਾ ਕਹਿੰਦੇ ਸਨ/ਹਨ। ਗਰੀਬ-ਗੁਰਬੇ ਸਿਲਾ ਚੁਗ ਕੇ ਕਈ ਮਹੀਨਿਆਂ ਦੇ ਦਾਣੇ ਇਕੱਠੇ ਕਰ ਲੈਂਦੇ ਸਨ। ਹੁਣ ਕਣਕ, ਜੌਂ ਦੀ ਵਾਢੀ ਹੱਥਾਂ ਨਾਲ ਘੱਟ ਹੀ ਕੀਤੀ ਜਾਂਦੀ ਹੈ। ਫਸਲਾਂ ਹੁਣ ਕੰਬਾਈਨਾਂ ਨਾਲ ਕੱਢੀਆਂ ਜਾਂਦੀਆਂ ਹਨ। ਇਸ ਲਈ ਕਣਕ, ਜੌਂ ਦੀਆਂ ਬੱਲੀਆਂ ਜੋ ਖੇਤਾਂ ਵਿਚ ਡਿੱਗਦੀਆਂ ਵੀ ਹਨ, ਉਹ ਕੰਬਾਈਨਾਂ ਦੇ ਟਾਇਰਾਂ ਥੱਲੇ ਅਤੇ ਟ੍ਰੈਕਟਰ ਟਰਾਲੀ ਦੇ ਟਾਇਰਾਂ ਥੱਲੇ ਆ ਕੇ ਮਸਲੀਆਂ ਜਾਂਦੀਆਂ ਹਨ। ਇਸ ਲਈ ਜਦ ਖੇਤਾਂ ਵਿਚ ਬੱਲੀਆਂ ਹੀ ਨਹੀਂ ਰਹਿੰਦੀਆਂ ਤਾਂ ਸਿਲਾ ਚੁੱਗਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ।

ਹਵਾਲੇ

ਬਾਹਰੀ ਲਿੰਕ

• ਵਿਕਸ਼ਨਰੀ ਤੇ ਦੇਖੋ ਸਿਲਾ ਚੁਗਣਾ