ਸੁਨੀਤੀ ਸੋਲੋਮੋਨ

ਸੁਨੀਤੀ ਸੋਲੋਮੋਨ (1938 ਜਾਂ 1939 -28 ਜੁਲਾਈ, 2015) ਇੱਕ ਭਾਰਤੀ ਡਾਕਟਰ ਅਤੇ ਅਣੁਜੀਵ ਵਿਗਿਆਨ ਸੀ ਜਿਸ ਨੂੰ ਭਾਰਤ ਵਿੱਚ ਏਡਜ਼ ਖੋਜ ਅਤੇ ਨਿਰੋਧ ਦੀ ਆਰਭੰਕ ਵਜੋਂ ਵੀ ਜਾਣਿਆ ਜਾਂਦਾ ਹੈ ਜਿਸ ਤੋਂ ਬਾਅਦ ਇਸ ਨੇ 1985 ਵਿੱਚ ਪਹਿਲੀ ਵਾਰ ਚੇਨਈ ਵਿੱਚ ਭਾਰਤੀ ਏਡਜ਼ ਕੇਸ ਦੀ ਜਾਂਚ ਕੀਤੀ।. ਸੁਨੀਤੀ ਨੇ ਚੇਨਈ ਵਿਖੇ ਏਡਜ਼ ਖੋਜ ਅਤੇ ਸਿੱਖਿਆ ਲਈ "ਵਾਈ ਆਰ ਗਾਇਟੋਂਡੇ" ਨਾਂ ਦੇ ਇੱਕ ਸੈਂਟਰ ਦੀ ਸਥਾਪਨਾ ਕੀਤੀ। ਭਾਰਤੀ ਸਰਕਾਰ ਨੇ ਸੋਲੋਮੋਨ ਦੇ ਨਾਂ ਉਪਰ ਔਰਤ ਜੀਵ-ਵਿਗਿਆਨੀ ਅਵਾਰਡ ਸ਼ੁਰੂ ਕੀਤਾ।

ਮੁੱਢਲਾ ਜੀਵਨ ਅਤੇ ਸਿੱਖਿਆ

ਸੁਨੀਤੀ ਸੋਲੋਮੋਨ ਦਾ ਨਾਂ ਵਿਆਹ ਤੋਂ ਪਹਿਲਾਂ ਸੁਨੀਤੀ ਗਾਇਟੋਂਡੇ ਸੀ ਜਿਸਦਾ ਜਨਮ 1939 ਵਿੱਚ ਮਹਾਰਾਸ਼ਟਰੀ ਹਿੰਦੂ ਪਰਿਵਾਰ ਵਿੱਚ ਹੋਇਆ ਜੋ ਚੇਨਈ ਵਿੱਚ ਚਮੜੇ ਦੇ ਵਪਾਰੀ ਸਨ। ਸੁਨੀਤੀ ਪਰਿਵਾਰ ਦੇ ਸਤਾਰਾਂ ਬੱਚਿਆਂ ਵਿਚੋਂ ਅਠਵਾਂ ਬੱਚਾ ਸੀ ਅਤੇ ਉਹਨਾਂ ਵਿਚੋਂ ਇੱਕੋ ਇੱਕ ਕੁੜੀ ਸੁਨੀਤੀ ਹੀ ਸੀ।. ਸੁਨੀਤੀ ਨੇ 2009 ਵਿੱਚ, ਆਪਣੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਇਸਦੀ ਦਵਾਈਆਂ ਵਿੱਚ ਰੁਚੀ ਬਣਨ ਦਾ ਕਾਰਨ ਇੱਕ ਸੇਹਤ ਅਫ਼ਸਰ ਸੀ ਜੋ ਹਰ ਸਾਲ ਉਹਨਾਂ ਦੇ ਘਰ ਚੇਚਕ ਦਾ ਟੀਕਾ ਲਗਾਉਣ ਆਉਂਦਾ ਸੀ।

ਸੁਨੀਤੀ ਨੇ ਔਸ਼ਧੀ ਵਿਗਿਆਨ ਦੇ ਵਿਸ਼ੇ ਵਿੱਚ ਆਪਣੀ ਪੜ੍ਹਾਈ ਮਦਰਾਸ ਮੈਡੀਕਲ ਕਾਲਜ ਤੋਂ ਕੀਤੀ। ਇਸ ਤੋਂ ਬਾਅਦ ਇਸਨੇ 1973 ਤੱਕ ਰੋਗ-ਵਿਗਿਆਨ ਦੀ ਸਿਖਲਾਈ ਯੂ.ਕੇ., ਯੂ.ਐਸ. ਅਤੇ ਆਸਟ੍ਰੇਲੀਆ ਤੋਂ ਲਈ ਸੀ। ਬਾਅਦ ਵਿੱਚ ਸੁਨੀਤੀ ਅਤੇ ਇਸਦਾ ਪਤੀ ਵਿਕਟਰ ਸੋਲੋਮੋਨ ਚੇਨਈ ਵਾਪਿਸ ਆ ਗਏ ਕਿਉਂਕਿ "ਇਸਨੂੰ ਲੱਗਦਾ ਸੀ ਕਿ ਇਸਦੀ ਸੇਵਾ ਅਤੇ ਕੰਮ ਦੀ ਜ਼ਿਆਦਾ ਜ਼ਰੂਰਤ ਭਾਰਤ ਨੂੰ ਹੈ"। ਇਸਨੇ ਆਪਣੀ ਡਾਕਟਰੇਟ ਦੀ ਡਿਗਰੀ ਅਣੁ-ਜੀਵ ਵਿਗਿਆਨ ਵਿੱਚ ਕੀਤੀ ਅਤੇ ਬਾਅਦ ਵਿੱਚ ਇਸਨੇ ਮਦਰਾਸ ਮੈਡੀਕਲ ਕਾਲਜ ਦੇ ਅਣੁ-ਜੀਵ ਵਿਗਿਆਨ ਵਿਭਾਗ ਵਿੱਚ ਕਾਰਜ ਕਰਨਾ ਸ਼ੁਰੂ ਕੀਤਾ।

ਕੈਰੀਅਰ

ਸ਼ੁਰੂਆਤੀ ਦਿਨਾਂ ਵਿੱਚ, ਸੁਨੀਤੀ ਕਿੰਗ'ਜ਼ ਕਾਲਜ ਹਸਪਤਾਲ, ਲੰਦਨ ਵਿੱਚ ਇੱਕ ਜੂਨੀਅਰ ਡਾਕਟਰ ਵਜੋਂ ਕੰਮ ਕਰਨਾ ਸ਼ੁਰੂ ਕੀਤਾ। ਭਾਰਤ ਵਾਪਿਸ ਆਉਣ ਤੋਂ ਬਾਅਦ, ਇਸਨੇ ਮਦਰਾਸ ਮੈਡੀਕਲ ਕਾਲਜ ਦੇ ਅਣੁ-ਜੀਵ ਵਿਗਿਆਨ ਵਿਭਾਗ ਵਿੱਚ ਕਾਰਜ ਕਰਨਾ ਸ਼ੁਰੂ ਕੀਤਾ ਅਤੇ ਪ੍ਰੋਫੈਸਰ ਦੇ ਰੈਂਕ ਤੱਕ ਪਹੁੰਚ ਗਈ।

ਨਿੱਜੀ ਜੀਵਨ

ਸੁਨੀਤੀ ਦੀ ਆਪਣੇ ਪਤੀ, ਵਿਕਟਰ ਸੋਲੋਮੋਨ ਜੋ ਇੱਕ ਹਾਰਟ ਸਰਜਨ ਸੀ, ਨਾਲ ਮੁਲਾਕਾਤ ਮਦਰਾਸ ਮੈਡੀਕਲ ਕਾਲਜ ਵਿੱਚ ਪੜ੍ਹਦਿਆਂ ਹੋਈ ਸੀ। ਇਹ ਉਸ ਨਾਲ ਯੂ.ਕੇ, ਯੂ.ਐਸ. ਅਤੇ ਆਸਟ੍ਰੇਲੀਆ ਦੀ ਯਾਤਰਾ ਕੀਤੀ। ਸੁਨੀਤੀ ਦੇ ਪਤੀ ਵਿਕਟਰ ਦੀ ਮੌਤ 2006 ਵਿੱਚ ਹੋਈ। ਇਹਨਾਂ ਦਾ ਬੇਟਾ, ਸੁਨੀਲ ਸੋਲੋਮੋਨ ਜਾਨਸ ਹਾਪਕਿੰਸ ਯੂਨੀਵਰਸਿਟੀ, ਬਾਲਟੀਮੋਰ ਵਿਖੇ ਇੱਕ ਰੋਗ ਵਿਗਿਆਨੀ ਹੈ। ਸੁਨੀਤੀ ਦੀ ਮੌਤ 76 ਸਾਲ ਦੀ ਉਮਰ ਵਿੱਚ 28 ਜੁਲਾਈ, 2015 ਨੂੰ ਆਪਣੇ ਘਰ, ਚੇਨਈ ਵਿੱਚ ਹੋਈ।

ਅਵਾਰਡ

• 2001 ਵਿੱਚ, ਸਟੇਟ ਮੈਡੀਕਲ ਵਰਸਿਟੀ ਦੁਆਰਾ ਏਡਜ਼ ਰਿਸਰਚ ਦੇ ਆਰਭੰਕ ਲਈ ਅਵਾਰਡ ਮਿਲਿਆ।