ਸੰਯੋਗਿਤਾ ਰਾਣੇ
ਸੰਯੋਗਿਤਾ ਰਾਣੇ ਸਰਦੇਸਾਈ (20 ਅਗਸਤ 1923 - 12 ਜਨਵਰੀ 2017) ਗੋਆ ਦੀ ਪਹਿਲੀ ਮਹਿਲਾ ਸੰਸਦ ਮੈਂਬਰ ਸੀ, ਜੋ ਮਹਾਰਾਸ਼ਟਰਵਾਦੀ ਗੋਮੰਤਕ ਪਾਰਟੀ (MGP) 'ਤੇ ਸਾਲ 1980 ਵਿੱਚ ਉੱਤਰੀ ਗੋਆ ਦੀ ਸੰਸਦ ਮੈਂਬਰ ਵਜੋਂ ਚੁਣੀ ਗਈ ਸੀ।[1]
ਸ਼ੁਰੂਆਤੀ ਜੀਵਨ ਅਤੇ ਸਿੱਖਿਆ[ਸੋਧੋ]
ਰਾਣੇ ਦਾ ਜਨਮ 20 ਅਗਸਤ 1923 ਨੂੰ ਗਵਾਲੀਅਰ, ਮੱਧ ਪ੍ਰਦੇਸ਼ ਵਿੱਚ ਹੋਇਆ ਸੀ। ਉਸਦੇ ਪਿਤਾ ਕੈਪਟਨ ਦੱਤਾਜੀ ਰਾਓ ਭੌਂਸਲੇ ਸਨ। ਉਸਦਾ ਵਿਆਹ ਸੱਤਰੀ ਤੋਂ ਮੇਜਰ ਜ਼ੋਇਬਾ ਐਸ. ਰਾਣੇ ਸਰਦੇਸਾਈ ਨਾਲ ਹੋਇਆ ਸੀ।[1] ਉਹ ਵੀਰ ਚੱਕਰ ਨਾਲ ਸਜੇ (ਮਰਨ ਉਪਰੰਤ), ਪੰਜਵੇਂ ਗੜ੍ਹਵਾਲ ਰਾਈਫਲਜ਼ ਦੇ ਸੈਕਿੰਡ ਲੈਫਟੀਨੈਂਟ ਜੈੇਂਦਰ ਰਾਣੇ ਦੀ ਮਾਂ ਸੀ। ਉਸ ਦੀ ਪੜ੍ਹਾਈ ਗਵਾਲੀਅਰ ਦੇ ਗਜਰਾ ਰਾਜੇ ਹਾਈ ਸਕੂਲ ਤੋਂ ਹੋਈ ਜਿੱਥੇ ਉਸ ਨੇ ਦਸਵੀਂ ਕੀਤੀ।[2]
ਸਿਆਸੀ ਜੀਵਨ[ਸੋਧੋ]
ਰਾਣੇ ਸਾਲ 1980 ਤੋਂ 1985 ਤੱਕ ਲੋਕ ਸਭਾ ਮੈਂਬਰ ਰਹੇ। ਉਹ ਮਹਾਰਾਸ਼ਟਰਵਾਦੀ ਗੋਮਾਂਤਕ ਪਾਰਟੀ (ਐਮਜੀਪੀ) ਦੀ ਟਿਕਟ 'ਤੇ ਚੁਣੀ ਗਈ ਸੀ, ਲੋਕ ਸਭਾ ਚੋਣਾਂ ਜਿੱਤਣ ਵਾਲੀ ਗੋਆ ਦੀ ਇਕਲੌਤੀ ਮਹਿਲਾ ਐਮਪੀ ਬਣ ਗਈ ਸੀ। ਉਸਨੇ 1984 ਅਤੇ 1991 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਵੀ ਅਜ਼ਾਦ ਵਜੋਂ ਅਸਫ਼ਲ ਚੋਣ ਲੜੀ ਸੀ।[3] 1980 ਵਿੱਚ ਉਹ ਗੋਆ ਲਿਬਰੇਸ਼ਨ ਤੋਂ ਬਾਅਦ ਉੱਤਰੀ ਗੋਆ ਦੀ ਸੰਸਦ ਮੈਂਬਰ ਵਜੋਂ ਇੱਕ ਸਰਗਰਮ ਸਿਆਸਤਦਾਨ ਸੀ।[1] ਉਹ ਉਨ੍ਹਾਂ ਬਹੁਤ ਘੱਟ ਔਰਤਾਂ ਵਿੱਚੋਂ ਇੱਕ ਸੀ ਜਿਨ੍ਹਾਂ ਨੇ ਸਰਗਰਮ ਰਾਜਨੀਤੀ ਦੇ ਖੇਤਰ ਵਿੱਚ ਪ੍ਰਵੇਸ਼ ਕੀਤਾ।[1]
ਰਾਣੇ ਇੱਕ ਸਰਗਰਮ ਸਮਾਜ ਸੇਵਕ ਸਨ। ਉਹ ਆਰਮੀ ਵੈਲਫੇਅਰ ਸੈਂਟਰ, ਭੁਜ (1952-59) ਅਤੇ ਮਹਿਲਾ ਮੰਡਲ, ਭੁਜ (1953-59) ਦੀ ਮੈਂਬਰ ਸੀ, ਉਸਨੇ ਮਹਾਰਾਣੀ ਸ਼ਾਂਤਾ ਦੇਵੀ ਗਾਇਕਵਾੜ ਗ੍ਰਹਿ ਸ਼ਾਸਤਰ ਸੰਸਥਾ, ਕੋਲਹਾਪੁਰ (1967-69) ਵਿੱਚ ਸਕੱਤਰ ਵਜੋਂ ਸੇਵਾ ਨਿਭਾਈ। ਉਹ 1974 ਤੋਂ ਪਰਿਵਾਰ ਅਤੇ ਬਾਲ ਭਲਾਈ ਕੇਂਦਰ, ਬਿਚੋਲੀਮ, ਗੋਆ ਅਤੇ 1977 ਤੋਂ ਮਹਿਲਾ ਇਮਦਾਦ, ਗੋਆ ਬ੍ਰਾਂਚ ਦੀ ਮੈਂਬਰ ਸੀ। ਉਹ 1976 ਤੋਂ ਉੱਤਰੀ ਗੋਆ ਦੇ ਖਾਣ-ਮਜ਼ਦੂਰਾਂ ਦੇ ਬੱਚਿਆਂ ਦੇ ਮਿਡ-ਡੇ-ਮੀਲ ਪ੍ਰੋਗਰਾਮ ਦਾ ਵੀ ਹਿੱਸਾ ਸੀ।[ਹਵਾਲਾ ਲੋੜੀਂਦਾ]
ਮੌਤ[ਸੋਧੋ]
ਰਾਣੇ ਦੀ ਮੌਤ, 96 ਸਾਲ ਦੀ ਉਮਰ ਵਿੱਚ, ਉੱਤਰੀ ਗੋਆ ਵਿੱਚ ਕਰਚਿਰੇਮ, ਸਾਂਕੇਲਿਮ ਵਿੱਚ ਉਸਦੇ ਘਰ ਵਿੱਚ ਹੋਈ। ਉਹ ਆਪਣੇ ਪਿੱਛੇ ਦੋ ਪੁੱਤਰ ਅਤੇ ਇੱਕ ਧੀ ਛੱਡ ਗਏ ਹਨ।[3]
ਹਵਾਲੇ[ਸੋਧੋ]
- ↑ 1.0 1.1 1.2 1.3 Goa, Team Digital. "Goa's First Lady Parliamentarian Sanyogita Rane No More | Digital Goa". digitalgoa.com (in ਅੰਗਰੇਜ਼ੀ (ਅਮਰੀਕੀ)). Archived from the original on 2017-07-29. Retrieved 2017-07-29.
- ↑ "Members Bioprofile". 164.100.47.194. Retrieved 2017-07-29.
- ↑ 3.0 3.1 "Ex MP Sanyogita Rane-Sardessai passes away". news.webindia123.com. Archived from the original on 2017-07-29. Retrieved 2017-07-29.