ਹਥੌਲਾ ਕਰਾਉਣਾ

ਹੱਥ ਹੌਲਾ ਕਰਾਉਣ ਦੀ ਕਿਰਿਆ ਨੂੰ ਹਥੌਲਾ ਕਰਾਉਣਾ ਕਹਿੰਦੇ ਹਨ। ਪਹਿਲੇ ਸਮਿਆਂ ਵਿਚ ਲੋਕਾਂ ਵਿਚ ਬਹੁਤੀ ਸੂਝ ਨਹੀਂ ਸੀ। ਉਸ ਸਮੇਂ ਬਹੁਤ ਸਾਰੀਆਂ ਬੀਮਾਰੀਆਂ ਦਾ ਇਲਾਜ ਹਥੌਲਾ ਕਰਾ ਕੇ ਕੀਤਾ ਜਾਂਦਾ ਸੀ। ਹਥੌਲਾ ਕਰਨ ਵਾਲੇ ਵਿਅਕਤੀ ਨੂੰ ਸਿਆਣਾ ਕਹਿੰਦੇ ਹਨ। ਹਥੌਲਾਂ ਆਮ ਤੌਰ ਤੇ ਨਿੰਮ ਦੀ ਟਾਹਣੀ ਨਾਲ ਕੀਤਾ ਜਾਂਦਾ ਸੀ। ਸਿਆਣਾ ਮੂੰਹ ਵਿੱਚ ਕੋਈ ਮੰਤਰ ਪੜ੍ਹਦਾ ਰਹਿੰਦਾ ਸੀ ਕੇ ਨਿੰਮ ਦੀ ਟਾਹਣੀ ਨੂੰ ਮਰੀਜ ਦੇ ਸਰੀਰ ਨਾਲ ਬੋਲੇ ਜਿਹੇ ਲਾਉਂਦਾ ਰਹਿੰਦਾ ਸੀ। ਹਥੌਲਾ ਕਰਨ ਤੋਂ ਪਿੱਛੋਂ ਮਰੀਜ ਨੂੰ ਵਾਪਸ ਭੇਜ ਦਿੱਤਾ ਜਾਂਦਾ ਸੀ ਕੇ ਸਿਆਣੇ ਨੂੰ ਸ਼ਰਧਾ ਅਨੁਸਾਰ ਰੁਪੇ ਭੇਟ ਕਰ ਦਿੱਤੇ ਜਾਂਦੇ ਸਨ।ਕਈ ਸਿਆਣ ਮੁਫ਼ਤ ਦੀ ਹਮਲਾ ਕਰਦੇ ਹੁੰਦੇ ਸਨ।

ਕਈ ਬੀਮਾਰੀਆਂ ਅਜੇਹੀਆਂ ਹਨ ਜਿਨ੍ਹਾਂ ਲਈ ਕੋਈ ਦਵਾਈ ਬਣੀ ਨਹੀਂ ਹੈ। ਉਹ ਬੀਮਾਰੀਆਂ ਕੁਝ ਦਿਨਾਂ ਬਾਅਦ ਆਪਣੇ ਆਪ ਹੀ ਠੀਕ ਹੋ ਜਾਂਦੀਆਂ ਹਨ। ਪਰ ਅਨਪੜ੍ਹਤਾ ਤੇ ਜਾਗਰਤੀ ਨਾ ਹੋਣ ਕਰਕੇ ਪਹਿਲੇ ਸਮਿਆਂ ਵਿਚ ਮਰੀਜ਼ ਉਨ੍ਹਾਂ ਬੀਮਾਰੀਆਂ ਨੂੰ ਹਥੌਲਾ ਕਰਾਉਣ ਕਰਕੇ ਠੀਕ ਹੋਇਆ ਮੰਨ ਲੈਂਦੇ ਸਨ। ਪਰ ਹੁਣ ਡਾਕਟਰੀ ਵਿਗਿਆਨ ਹੋਣ ਕਰਕੇ ਲੋਕ ਸੂਝਵਾਨ ਹੋ ਗਏ ਹਨ। ਇਸ ਲਈ ਹੁਣ ਹਥੌਲਾ ਕਰਾ ਕੇ ਬੀਮਾਰੀਆਂ ਦਾ ਇਲਾਜ ਕਰਾਉਣਾ ਪਹਿਲਾਂ ਦੇ ਮੁਕਾਬਲੇ ਬਹੁਤ ਹੀ ਘੱਟ ਗਿਆ ਹੈ। ਹੁਣ ਬੀਮਾਰੀਆਂ ਦਾ ਇਲਾਜ ਡਾਕਟਰਾਂ ਤੋਂ ਕਰਵਾਇਆ ਜਾਂਦਾ ਹੈ।