ਸੁਧਾ ਜੈਨ
ਸੁਧਾ ਜੈਨ | |
|---|---|
| ਰਾਸ਼ਟਰੀਅਤਾ | ਭਾਰਤੀ |
| ਪੇਸ਼ਾ | ਸਿਆਸਤਦਾਨ, ਵਕੀਲ |
ਸੁਧਾ ਜੈਨ ਮੱਧ ਪ੍ਰਦੇਸ਼ ਰਾਜ ਦੀ ਇੱਕ ਭਾਰਤੀ ਸਿਆਸਤਦਾਨ ਹੈ। ਉਹ ਭਾਰਤੀ ਜਨਤਾ ਪਾਰਟੀ ਦੀ ਨੁਮਾਇੰਦਗੀ ਕਰਦੀ ਹੈ। ਉਸ ਨੇ ਸਾਗਰ ਹਲਕੇ ਤੋਂ 1993,[1] 1998[2] ਅਤੇ 2003 ਵਿੱਚ ਲਗਾਤਾਰ ਮੱਧ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਜਿੱਤੀਆਂ।[3][4] ਉਹ 2007 ਵਿੱਚ ਮੱਧ ਪ੍ਰਦੇਸ਼ ਸਰਕਾਰ ਵਿੱਚ ਮੰਤਰੀ ਵੀ ਰਹੀ ਸੀ।[5] 2008 ਦੀਆਂ ਚੋਣਾਂ ਵਿੱਚ ਉਸ ਨੂੰ ਟਿਕਟ ਤੋਂ ਇਨਕਾਰ ਕਰ ਦਿੱਤਾ ਗਿਆ ਸੀ ਅਤੇ ਉਸ ਵੇਲੇ ਦੇ ਜ਼ਿਲ੍ਹਾ ਭਾਜਪਾ ਪ੍ਰਧਾਨ ਸ਼ੈਲੇਂਦਰ ਜੈਨ ਨੇ ਸੁਧਾ ਦੀ ਸੀਟ ਨੂੰ ਸਾਂਭ ਲਿਆ ਸੀ।[6]
ਆਰੰਭਕ ਜੀਵਨ[ਸੋਧੋ]
ਉਸ ਦਾ ਜਨਮ 13 ਅਕਤੂਬਰ 1949 ਨੂੰ ਭਾਰਤ ਦੇ ਮੱਧ ਪ੍ਰਦੇਸ਼ ਰਾਜ ਦੇ ਸਾਗਰ ਸ਼ਹਿਰ ਵਿੱਚ ਹੋਇਆ ਸੀ। ਉਸ ਦੇ ਪਿਤਾ ਐਮ ਐਲ ਜੈਨ ਇੱਕ ਵਪਾਰੀ ਸਨ ਅਤੇ ਆਰਐਸਐਸ (ਰਾਸ਼ਟਰੀ ਸਵੈਮਸੇਵਕ ਸੰਘ) ਦੇ ਪ੍ਰਸ਼ੰਸਕ ਸਨ। ਉਸ ਨੇ ਆਪਣੀ ਮਾਸਟਰ ਆਫ਼ ਆਰਟਸ (ਐਮ.ਏ.) ਅਤੇ ਐਲ.ਐਲ.ਬੀ. (ਬੈਚਲਰ ਆਫ਼ ਲਾਅ) ਦੀਆਂ ਡਿਗਰੀਆਂ ਸਾਗਰ ਯੂਨੀਵਰਸਿਟੀ ਤੋਂ ਪ੍ਰਾਪਤ ਕੀਤੀਆਂ ਹਨ। ਐਲਐਲਬੀ ਕੋਰਸ ਵਿੱਚ ਉਸ ਨੇ ਯੂਨੀਵਰਸਿਟੀ ਵਿੱਚ ਟਾਪ ਕੀਤਾ ਅਤੇ ਇਸ ਲਈ ਉਸ ਨੂੰ ਸੋਨ ਤਗਮੇ ਨਾਲ ਸਨਮਾਨਿਤ ਕੀਤਾ ਗਿਆ। ਉਸ ਨੇ ਸਾਗਰ ਦੀ ਜ਼ਿਲ੍ਹਾ ਅਦਾਲਤ ਵਿੱਚ 16 ਸਾਲਾਂ ਤੱਕ ਵਕਾਲਤ ਕੀਤੀ।
ਸਿਆਸੀ ਕਰੀਅਰ[ਸੋਧੋ]
1991 ਵਿੱਚ ਉਹ ਐਮ.ਪੀ. ਸਮਾਜ ਭਲਾਈ ਬੋਰਡ ਦੀ ਚੇਅਰਪਰਸਨ ਬਣੀ। ਇਹ ਪੋਸਟ ਮੱਧ ਪ੍ਰਦੇਸ਼ ਸਰਕਾਰ ਵਿੱਚ ਇੱਕ ਕੈਬਨਿਟ ਮੰਤਰੀ ਦਾ ਦਰਜਾ ਲੈਂਦੀ ਹੈ। ਇਸ ਤੋਂ ਬਾਅਦ ਉਸ ਨੇ ਸਾਗਰ ਹਲਕੇ ਤੋਂ ਲਗਾਤਾਰ ਤਿੰਨ ਵਾਰ 1993, [7] 1998[8] ਅਤੇ 2003 ਲਈ ਮੱਧ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਜਿੱਤੀਆਂ। ਸਾਲ 2008 ਵਿੱਚ ਉਹ ਮੱਧ ਪ੍ਰਦੇਸ਼ ਲਈ ਭਾਰਤੀ ਜਨਤਾ ਪਾਰਟੀ ਦੀ ਸੂਬਾ ਉਪ ਪ੍ਰਧਾਨ ਬਣੀ। ਸਾਲ 2009 ਵਿੱਚ ਉਹ ਭਾਰਤੀ ਜਨਤਾ ਪਾਰਟੀ ਦੀ ਸਾਗਰ ਜ਼ਿਲ੍ਹੇ ਦੀ ਜ਼ਿਲ੍ਹਾ ਪ੍ਰਧਾਨ ਬਣੀ ਅਤੇ 2010 ਵਿੱਚ ਵੀ ਪ੍ਰਧਾਨ ਬਣੀ। 2011 ਵਿੱਚ ਉਹ ਮੱਧ ਪ੍ਰਦੇਸ਼ ਦੀ ਮਹਿਲਾ ਵਿੱਤ ਅਤੇ ਵਿਕਾਸ ਨਿਗਮ ਦੀ ਚੇਅਰਪਰਸਨ ਬਣੀ। ਮੱਧ ਪ੍ਰਦੇਸ਼ ਵਿਧਾਨ ਸਭਾ ਵਿੱਚ ਮੀਟ ਨਿਰਯਾਤ ਦੇ ਖਿਲਾਫ਼ ਇੱਕ ਬਿੱਲ ਪਾਸ ਕਰਾਉਣ ਵਿੱਚ ਉਸ ਦੀ ਅਹਿਮ ਭੂਮਿਕਾ ਸੀ, ਜੋ ਉਸ ਨੇ ਜੈਨ ਮੁਨੀ ਪ੍ਰਮਨ ਸਾਗਰ ਤੋਂ ਪ੍ਰੇਰਿਤ ਹੋ ਕੇ ਕੀਤਾ ਸੀ। ਸਾਗਰ ਸ਼ਹਿਰ ਦੀ ਜਲ ਸਪਲਾਈ ਦੀ ਸਮੱਸਿਆ ਦੇ ਸਥਾਈ ਹੱਲ ਵਜੋਂ ਸਾਗਰ ਵਿੱਚ ਇੱਕ ਡੈਮ "ਰਾਜਘਾਟ" ਬਣਵਾਉਣ ਵਿੱਚ ਵੀ ਉਸ ਦੀ ਅਹਿਮ ਭੂਮਿਕਾ ਸੀ। ਉਹ ਸਾਗਰ ਸ਼ਹਿਰ ਵਿੱਚ ਇੱਕ ਮੈਡੀਕਲ ਕਾਲਜ ਸਥਾਪਤ ਕਰਨ ਅਤੇ ਸਾਗਰ ਯੂਨੀਵਰਸਿਟੀ ਨੂੰ ਕੇਂਦਰੀ ਯੂਨੀਵਰਸਿਟੀ ਦਾ ਦਰਜਾ ਦਿਵਾਉਣ ਵਿੱਚ ਵੀ ਕਾਮਯਾਬ ਰਹੀ। ਉਸ ਨੂੰ ਮੱਧ ਪ੍ਰਦੇਸ਼ ਦੀ ਸਰਬੋਤਮ ਵਿਧਾਨ ਸਭਾ ਮੈਂਬਰ ਦਾ ਪੁਰਸਕਾਰ ਵੀ ਮਿਲਿਆ।
ਹਵਾਲੇ[ਸੋਧੋ]
- ↑ "Madhya Pradesh Assembly Election 1993 - Constituency: Sagar". Archived from the original on 23 ਫ਼ਰਵਰੀ 2014. Retrieved 19 February 2014.
- ↑ "Madhya Pradesh Assembly Election 1998 - Constituency: Sagar". Archived from the original on 23 ਫ਼ਰਵਰੀ 2014. Retrieved 19 February 2014.
- ↑ "Madhya Pradesh Assembly Election 2003 - Constituency: Sagar". Archived from the original on 23 ਫ਼ਰਵਰੀ 2014. Retrieved 19 February 2014.
- ↑ "Assembly Elections Madhya Pradesh 2003". Outlook India. Retrieved 19 February 2014.
- ↑ "BJP gets new team". The Hindu. 17 January 2007. Archived from the original on 27 ਫ਼ਰਵਰੀ 2014. Retrieved 19 February 2014.
{{cite news}}: Unknown parameter|dead-url=ignored (|url-status=suggested) (help) - ↑ "MP: BJP fields seven fresh candidates from Sagar". United News of India. 3 November 2008. Archived from the original on 28 ਫ਼ਰਵਰੀ 2014. Retrieved 19 February 2014.
{{cite web}}: Unknown parameter|dead-url=ignored (|url-status=suggested) (help)