ਇਬਰਾਨੀ ਯੂਨੀਵਰਸਿਟੀ ਯਰੂਸ਼ਲਮ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਇਬਰਾਨੀ ਯੂਨੀਵਰਸਿਟੀ ਯਰੂਸ਼ਲਮ
האוניברסיטה העברית בירושלים
الجامعة العبرية في القدس
Hebrew University new Logo 2.svg
ਸਥਾਪਨਾ 24 ਜੁਲਾਈ 1918
ਕਿਸਮ ਪਬਲਿਕ ਰਿਸਰਚ
ਬਜ਼ਟ ਯੂਐਸ$471 ਮਿਲੀਅਨ (2015)[1]
ਪ੍ਰਧਾਨ ਐਸ਼ਰ ਕੋਹਨ
ਰੈਕਟਰ ਬਰਾਕ ਮੇਦੀਨਾ
ਪ੍ਰਬੰਧਕੀ ਅਮਲਾ 250
ਵਿਦਿਆਰਥੀ 23,000
ਗ਼ੈਰ-ਦਰਜੇਦਾਰ 12,500
ਦਰਜੇਦਾਰ 5,000
ਡਾਕਟਰੀ ਵਿਦਿਆਰਥੀ 2,200
ਟਿਕਾਣਾ ਯਰੂਸ਼ਲਮ ਅਤੇ ਰੇਹਵੋਟ, ਇਜ਼ਰਾਈਲ
ਕੈਂਪਸ ਅਰਬਨ
ਨਿੱਕਾ ਨਾਂ ਹਿਬਰੂ ਯੂ, HUJI
ਵੈੱਬਸਾਈਟ huji.ac.il
270px

ਯਰੂਸ਼ਲਮ ਦੀ ਇਬਰਾਨੀ ਯੂਨੀਵਰਸਿਟੀ (ਹਿਬਰੂ: האוניברסיטה העברית בירושליםהאוניברסיטה העברית בירושליםਹਿਬਰੂ: האוניברסיטה העברית בירושלים, Ha-Universita ha-Ivrit bi-Yerushalayim; ਅਰਬੀ: الجامعة العبرية في القدس, Al-Jami'ah al-Ibriyyah fi al-Quds; abbreviated HUJI) ਇਜ਼ਰਾਈਲ ਦਾ ਦੂਜੀ ਸਭ ਤੋਂ ਪੁਰਾਣੀ ਯੂਨੀਵਰਸਿਟੀ ਹੈ, ਇਜ਼ਰਾਈਲ ਰਾਜ ਸਥਾਪਿਤ ਕਰਨ ਤੋਂ 30 ਸਾਲ ਪਹਿਲਾਂ 1918 ਵਿਚ ਸਥਾਪਿਤ ਹੋਈ ਸੀ। ਇਬਰਾਨੀ ਯੂਨੀਵਰਸਿਟੀ ਦੇ ਤਿੰਨ ਕੈਂਪਸ ਯਰੂਸ਼ਲਮ ਵਿੱਚ ਅਤੇ ਇੱਕ ਰਿਹੋਵਤ ਵਿੱਚ ਹੈ।  .[2] ਦੁਨੀਆਂ ਦੀ ਸਭ ਤੋਂ ਵੱਡੀ ਯਹੂਦੀ ਅਧਿਐਨ ਲਾਇਬ੍ਰੇਰੀ ਇਸ ਦੇ ਐਡਮੰਡ ਜੇ. ਸੇਫਰਾ ਗਿਵਾਟ ਰਾਮ ਕੈਂਪਸ ਤੇ ਸਥਿਤ ਹੈ।

ਯੂਨੀਵਰਸਿਟੀ ਦੇ 5 ਇਲਹਾਕ ਸਿੱਖਿਆ ਹਸਪਤਾਲ ਹਨ ਜਿਹਨਾਂ ਵਿਚ ਹਦਸਾਹ ਮੈਡੀਕਲ ਸੈਂਟਰ ਵੀ ਹੈ ਜਿਸ ਦੀਆਂ 7 ਫੈਕਲਟੀਆਂ, 100 ਤੋਂ ਵੱਧ ਖੋਜ ਕੇਂਦਰ ਅਤੇ 315 ਅਕਾਦਮਿਕ ਵਿਭਾਗ ਹਨ। ਇਜ਼ਰਾਈਲ ਵਿੱਚ ਸਾਰੇ ਡਾਕਟਰੀ ਉਮੀਦਵਾਰਾਂ ਵਿੱਚੋਂ ਇੱਕ ਤਿਹਾਈ ਇਬਰਾਨੀ ਯੂਨੀਵਰਸਿਟੀ ਵਿੱਚ ਪੜ੍ਹ ਰਹੇ ਹਨ।  [ਕਦੋਂ?]

ਗਵਰਨਰਾਂ ਦੇ ਪਹਿਲੇ ਬੋਰਡ ਵਿਚ ਐਲਬਰਟ ਆਇਨਸਟਾਈਨ, ਸਿਗਮੰਡ ਫਰਾਇਡ, ਮਾਰਟਿਨ ਬੂਬਰ ਅਤੇ ਚਾਈਮ ਵਾਈਜਮਾਨ ਸ਼ਾਮਲ ਸਨ। ਇਜ਼ਰਾਈਲ ਦੇ ਚਾਰ ਪ੍ਰਮੁੱਖ ਪ੍ਰਧਾਨ ਮੰਤਰੀ ਇਬਰਾਨੀ ਯੂਨੀਵਰਸਿਟੀ ਦੇ ਪੂਰਵ ਵਿਦਿਆਰਥੀ ਹਨ। 2017 ਤਕ, 15 ਨੋਬਲ ਪੁਰਸਕਾਰ ਜੇਤੂ, 2 ਫੀਲਡਜ਼ ਮੈਡਲਿਸਟ, ਅਤੇ 3 ਟਿਉਰਿੰਗ ਐਵਾਰਡ ਜੇਤੂ ਯੂਨੀਵਰਸਿਟੀ ਨਾਲ ਜੁੜੇ ਰਹੇ ਹਨ। 

ਇਤਿਹਾਸ[ਸੋਧੋ]

ਇਬਰਾਨੀ ਯੂਨੀਵਰਸਿਟੀ ਦੀ ਸਥਾਪਨਾ ਅਤੇ ਨੀਂਹ ਪੱਥਰ ਰੱਖਣਾ, 1918
ਇਜ਼ਰਾਈਲ ਦੀ ਨੈਸ਼ਨਲ ਲਾਇਬ੍ਰੇਰੀ, ਗਿਵਤ ਰਾਮ, ਦੀ1892 ਵਿੱਚ ਸਥਾਪਨਾ
ਗਿਵਾਤ ਰਾਮ ਕੈਂਪਸ ਵਿਚ ਇਬਰਾਨੀ ਭਾਸ਼ਾ ਦੀ ਅਕੈਡਮੀ ਦੀ ਇਮਾਰਤ ਦੀ 1890 ਵਿੱਚ ਸਥਾਪਨਾ
ਉਦਘਾਟਨ ਸਮਾਰੋਹ ਦੀ ਪੇਂਟਿੰਗ, 1925

ਜ਼ਾਇਨਿਸਟ ਅੰਦੋਲਨ ਦੇ ਸੁਪਨਿਆਂ ਵਿਚੋਂ ਇੱਕ ਇਜ਼ਰਾਈਲ ਦੀ ਧਰਤੀ ਤੇ ਇੱਕ ਯਹੂਦੀ ਯੂਨੀਵਰਸਿਟੀ ਦੀ ਸਥਾਪਨਾ ਕਰਨਾ ਸੀ। ਹੋਵੇਵੀ ਜ਼ਿਓਨ ਸਮਾਜ ਦੀ ਕਾਟੋਵਿੱਜ਼ (ਕੇਟੋਵਿਸ) ਕਾਨਫਰੰਸ ਵਿਚ ਯੂਨੀਵਰਸਿਟੀ ਦੀ ਸਥਾਪਨਾ ਦੀ ਤਜਵੀਜ਼ ਬਹੁਤ ਪਹਿਲਾਂ 1884 ਦੇ ਆਸ ਪਾਸ ਕੀਤੀ ਗਈ ਸੀ। 

ਯੂਨੀਵਰਸਿਟੀ ਦਾ ਨੀਂਹਪੱਥਰ 24 ਜੁਲਾਈ, 1918 ਨੂੰ ਰੱਖਿਆ ਗਿਆ ਸੀ। ਸੱਤ ਸਾਲ ਬਾਅਦ 1 ਅਪ੍ਰੈਲ, 1925 ਨੂੰ, ਸਕੋਰਪਸ ਪਹਾੜੀ ਤੇ ਇਬਰਾਨੀ ਯੂਨੀਵਰਸਿਟੀ ਦੇ ਕੈਂਪਸ ਦਾ ਇੱਕ ਸ਼ਾਨਦਾਰ ਸਮਾਗਮ ਨਾਲ ਉਦਘਾਟਨ ਕੀਤਾ ਗਿਆ ਸੀ, ਜਿਸ ਵਿੱਚ ਯਹੂਦੀ ਜਗਤ ਦੇ ਨੇਤਾ, ਪ੍ਰਸਿੱਧ ਵਿਦਵਾਨ ਅਤੇ ਜਨ-ਹਸਤੀਆਂ ਸ਼ਾਮਲ ਹੋਈਆਂ, ਅਤੇ ਬ੍ਰੋਲਫੋਰ ਦਾ ਅਰਲ, ਵਿਸਕਾਉਂਟ ਅਲੇਨਬੀ ਅਤੇ ਸਰ ਹਰਬਰਟ ਸਮੂਏਲ ਸਮੇਤ ਬਰਤਾਨਵੀ ਮਹਾਨ ਸ਼ਖਸ਼ੀਅਤਾਂ ਸ਼ਾਮਲ ਹੋਈਆਂ ਸਨ। ਯੂਨੀਵਰਸਿਟੀ ਦਾ ਪਹਿਲਾ ਚਾਂਸਲਰ ਜੂਲੀਆ ਮਗਨੇਸ ਸੀ। 

1947 ਤਕ ਯੂਨੀਵਰਸਿਟੀ ਇੱਕ ਵੱਡੀ ਖੋਜ ਅਤੇ ਸਿੱਖਿਆ ਸੰਸਥਾ ਬਣ ਗਈ ਸੀ। ਮਈ 1949 ਵਿਚ ਇੱਕ ਮੈਡੀਕਲ ਸਕੂਲ ਦੀ ਯੋਜਨਾ ਮਨਜ਼ੂਰ ਕੀਤੀ ਗਈ ਸੀ ਅਤੇ ਨਵੰਬਰ 1949 ਵਿਚ ਕਾਨੂੰਨ ਦੀ ਇੱਕ ਫੈਕਲਟੀ ਦਾ ਉਦਘਾਟਨ ਕੀਤਾ ਗਿਆ ਸੀ। 1952 ਵਿਚ ਇਹ ਘੋਸ਼ਣਾ ਕੀਤੀ ਗਈ ਸੀ ਕਿ ਯੂਨੀਵਰਸਿਟੀ ਦੁਆਰਾ 1940 ਵਿਚ ਸਥਾਪਿਤ ਖੇਤੀਬਾੜੀ ਸੰਸਥਾ ਪੂਰੀ ਤਰ੍ਹਾਂ ਫੈਕਲਟੀ ਬਣ ਜਾਵੇਗੀ।[3]

1948 ਦੇ ਅਰਬੀ-ਇਜ਼ਰਾਇਲੀ ਜੰਗ ਦੇ ਦੌਰਾਨ, ਯੂਨੀਵਰਸਿਟੀ ਅਤੇ ਯਰੂਸ਼ਲਮ ਦੇ ਇਜ਼ਰਾਇਲੀ-ਨਿਯੰਤਰਿਤ ਹਿੱਸੇ ਦੇ ਵਿਚ ਆ ਜਾ ਰਹੇ ਕਾਫ਼ਲਿਆਂ ਦੇ ਖਿਲਾਫ਼ ਹਮਲੇ ਕੀਤੇ ਗਏ ਸਨ।[4] ਯਰੂਸ਼ਲਮ ਵਿਚ ਅਰਬ ਫ਼ੌਜਾਂ ਦੇ ਆਗੂ ਅਬਦੁਲ ਕਾਦਰ ਹੁਸੈਨੀ ਨੇ ਯੂਨੀਵਰਸਿਟੀ ਹਦੱਸਹ ਹਸਪਤਾਲ ਦੇ ਵਿਰੁੱਧ ਫੌਜੀ ਕਾਰਵਾਈ ਦੀ ਚਿਤਾਵਨੀ ਦਿੱਤੀ ਸੀ, "ਜੇ ਯਹੂਦੀਆਂ ਨੇ ਉਹਨਾਂ ਨੂੰ ਹਮਲਿਆਂ ਦੇ ਆਧਾਰ ਵਜੋਂ ਵਰਤਣਾ ਜਾਰੀ ਰੱਖਿਆ।" [5] ਹਦੱਸਾ ਦੇ ਮੈਡੀਕਲ ਕਾਫਲੇ ਦੇ ਕਤਲੇਆਮ ਤੋਂ ਬਾਅਦ, ਜਿਸ ਵਿਚ ਡਾਕਟਰਾਂ ਅਤੇ ਨਰਸਾਂ ਸਮੇਤ 79 ਯਹੂਦੀ ਮਾਰੇ ਗਏ ਸਨ, ਮਾਊਂਟ ਸਕੌਰਪੁਸ ਕੈਂਪਸ ਨੂੰ ਯਰੂਸ਼ਲਮ ਤੋਂ ਕੱਟ ਦਿੱਤਾ ਗਿਆ ਸੀ।[6] ਬ੍ਰਿਟਿਸ਼ ਸੈਨਿਕ ਜੈਕ ਚਰਚਿਲ ਨੇ ਹਸਪਤਾਲ ਦੇ 700 ਯਹੂਦੀ ਡਾਕਟਰਾਂ, ਵਿਦਿਆਰਥੀਆਂ ਅਤੇ ਮਰੀਜ਼ਾਂ ਨੂੰ ਬਾਹਰ ਕੱਢਣ ਲਈ ਤਾਲਮੇਲ ਕੀਤਾ ਸੀ।[7]

ਜਦੋਂ ਜੌਰਡਨ ਸਰਕਾਰ ਨੇ ਮਾਊਟ ਸਕੌਪੁਸ ਤੱਕ ਇਜ਼ਰਾਈਲੀ ਪਹੁੰਚ ਨੂੰ ਨਹੀਂ ਮੰਨਿਆ, ਤਾਂ ਇੱਕ ਨਵਾਂ ਕੈਂਪਸ ਪੱਛਮੀ ਯਰੂਸ਼ਲਮ ਵਿੱਚ ਗਿਵਾਤ ਰਾਮ ਵਿਖੇ ਬਣਾਇਆ ਗਿਆ ਸੀ ਅਤੇ ਸੰਨ 1958 ਵਿੱਚ ਪੂਰਾ ਕੀਤਾ ਗਿਆ ਸੀ। ਅੰਤਰਿਮ ਸਮੇਂ ਵਿੱਚ, ਸ਼ਹਿਰ ਦੀਆਂ 40 ਵੱਖ-ਵੱਖ ਇਮਾਰਤਾਂ ਵਿੱਚ ਕਲਾਸਾਂ ਦਾ ਆਯੋਜਨ ਕੀਤਾ ਗਿਆ ਸੀ।[8]

ਹਵਾਲੇ[ਸੋਧੋ]

  1. President’s Report 2015, Hebrew University of Jerusalem
  2. "The Hebrew University of Jerusalem – About". Huji.ac.il. Retrieved September 6, 2011. 
  3. Weitz, Yechiam (March 15, 2011). "The subversives on the hill". Haaretz. Retrieved September 6, 2011. 
  4. The Palestine Post, April 14, 1948, p. 3
  5. 'Husseini Threatens Hadassah', The Palestine Post, March 18, 1948, p. 1
  6. Victims of Hadassah massacre to be memorialized[ਮੁਰਦਾ ਕੜੀ], Judy Siegel-Itzkovich, Jerusalem Post, April 7, 2008.
  7. "Fighting Jack Churchill Survived A Wartime Odyssey Beyond Compare". Wwiihistorymagazine.com. 1941-12-27. Retrieved 2014-03-08. 
  8. International dictionary of ... Retrieved September 6, 2011.