ਓ ਹੈਨਰੀ

ਓ ਹੈਨਰੀ
ਓ ਹੈਨਰੀ
ਜਨਮ	ਵਿਲੀਅਮ ਸਿਡਨੀ ਪੋਰਟਰ; 11 ਸਤੰਬਰ 1862; ਗਰੀਨਸਬੋਰੋ, ਉੱਤਰੀ ਕੈਰੋਲੀਨਾ
ਮੌਤ	5 ਜੂਨ 1910; ਨਿਊਯਾਰਕ ਸਿਟੀ
ਰਾਸ਼ਟਰੀਅਤਾ	ਅਮਰੀਕੀ
ਪੇਸ਼ਾ	ਲੇਖਕ

ਓ ਹੈਨਰੀ (ਵਿਲੀਅਮ ਸਿਡਨੀ ਪੋਰਟਰ ਦਾ ਕਲਮੀ ਨਾਮ) (11 ਸਤੰਬਰ 1862 – 5 ਜੂਨ 1910) ਇੱਕ ਅਮਰੀਕੀ ਲੇਖਕ ਸੀ। ਉਸ ਦੀਆਂ ਲਿਖੀਆਂ ਨਿੱਕੀਆਂ ਕਹਾਣੀਆਂ ਆਪਣੇ ਰੌਚਿਕ ਅੰਦਾਜ਼, ਸ਼ਬਦਾਂ ਦੇ ਖੇਲ, ਪਾਤਰ ਚਿਤਰਨ ਅਤੇ ਝੰਜੋੜ ਦੇਣ ਵਾਲੇ ਅੰਤ ਦੇ ਕਾਰਨ ਬੜੀਆਂ ਯਾਦਗਾਰੀ ਹਨ।

ਜੀਵਨ

ਓ ਹੈਨਰੀ ਦਾ ਜਨਮ 11 ਸਤੰਬਰ, 1862 ਨੂੰ ਗਰੀਂਸਬਰੋ, ਉੱਤਰ ਕਰੋਲਾਇਨਾ ਵਿੱਚ ਹੋਇਆ ਅਤੇ ਮੌਤ 5 ਜੂਨ, 1910 ਨੂੰ ਨਿਊਯਾਰਕ ਵਿੱਚ। ਪਿਛਲੇ ਸਾਲਾਂ ਵਿੱਚ ਉਹ ਆਪਣਾ ਵਿੱਚ ਵਾਲਾ ਨਾਮ ਸਿਡਨੀ ਹੀ ਲਿਖਿਆ ਕਰਦੇ ਸਨ।

ਸੋਲ੍ਹਾਂ ਸਾਲ ਦੀ ਉਮਰ ਵਿੱਚ ਉਹਨਾਂ ਨੇ ਸਕੂਲ ਛੱਡ ਦਿੱਤਾ, ਪਰ ਉਹਨਾਂ ਦੀ ਪੜ੍ਹਨ-ਲਿਖਣ ਦੀ ਆਤੁਰਤਾ ਨਹੀਂ ਛੁੱਟੀ। ਬਚਪਨ ਵਿੱਚ ਉਹਨਾਂ ਨੇ ਗਰੀਂਸਬਰੋ ਦੀ ਇੱਕ ਦਵਾਈਆਂ ਦੀ ਦੁਕਾਨ ਵਿੱਚ ਕੰਮ ਕੀਤਾ ਸੀ, ਜਿੱਥੇ ਹੁਣ ਤੱਕ ਉਸ ਦੀ ਜੈਯੰਤੀ ਮਨਾਈ ਜਾਂਦੀ ਹੈ। ਉਨੀ ਸਾਲ ਦੀ ਉਮਰ ਵਿੱਚ ਉਹ ਆਪਣੀ ਸਿਹਤ ਸੁਧਾਰਣ ਲਈ ਟੈਕਸਾਸ ਪ੍ਰਦੇਸ਼ ਦੇ ਗੋਚਰੋਂ ਵਿੱਚ ਰਹਿਣ ਚਲੇ ਗਏ। ਉੱਥੇ ਉਹਨਾਂ ਘੋੜ-ਸਵਾਰੀ ਸਿੱਖ ਲਈ ਅਤੇ ਜੰਗਲੀ, ਅੜਿਅਲ ਘੋੜਿਆਂ ਨੂੰ ਵੀ ਵਸ ਵਿੱਚ ਕਰਨ ਲੱਗ ਪਏ। ਫਿਰ ਉਹਨਾਂ ਨੂੰ ਇੱਕ ਖੇਤੀਬਾੜੀ ਦਫ਼ਤਰ ਵਿੱਚ ਨੌਕਰੀ ਮਿਲ ਗਈ।