ਖ਼ਵਨ ਰਮਨ ਹਿਮੇਨੇਜ਼

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਖ਼ਵਨ ਰਮਨ ਹਿਮੇਨੇਜ਼
ਜਨਮ ਖ਼ਵਨ ਰਮਨ ਹਿਮੇਨੇਜ਼ ਮਨਤੇਕੋਨ
23 ਦਸੰਬਰ 1881(1881-12-23)
ਮੋਗੁਰ, ਯੇਲਵਾ, ਅੰਦਾਲੂਸ਼ੀਆ, ਸਪੇਨ
ਮੌਤ 29 ਮਈ 1958(1958-05-29) (ਉਮਰ 76)
ਸਾਨ ਜੁਆਨ, ਪੁਰਤੋ ਰਿਕੋ
ਕੌਮੀਅਤ ਸਪੇਨੀ
ਕਿੱਤਾ ਕਵੀ
ਪ੍ਰਭਾਵਿਤ ਹੋਣ ਵਾਲੇ ਗਿਆਂਨੀਨਾ ਬਰਾਸਚੀ
ਜੀਵਨ ਸਾਥੀ ਜ਼ੈਨੋਬੀਆ ਕੈਮਪਰੂਬੀ
ਇਨਾਮ ਸਾਹਿਤ ਲਈ ਨੋਬਲ ਪੁਰਸਕਾਰ 1956
ਵਿਧਾ ਕਾਵਿ

ਖ਼ਵਨ ਰਮਨ ਹਿਮੇਨੇਜ਼ Mantecón (23 ਦਸੰਬਰ 1881 – 29 ਮਈ 1958) ਇੱਕ ਸਪੇਨੀ ਕਵੀ, ਇੱਕ ਵੱਡਾ ਲੇਖਕ ਸੀਜਿਸ ਨੂੰ "ਉਸ ਦੀ ਭਾਵ-ਭਰੀ ਕਵਿਤਾ ਲਈ, ਜੋ ਸਪੇਨੀ ਭਾਸ਼ਾ ਵਿਚ ਉੱਚੀ ਆਤਮਾ ਅਤੇ ਕਲਾਤਮਿਕ ਸ਼ੁੱਧਤਾ ਦਾ ਇਕ ਰੂਪ ਹੈ", 1956 ਵਿਚ ਸਾਹਿਤ ਲਈ ਨੋਬਲ ਪੁਰਸਕਾਰ[1] ਪ੍ਰਾਪਤ ਹੋਇਆ ਸੀ। ਆਧੁਨਿਕ ਕਵਿਤਾ ਲਈ ਹਿਮੇਨੇਜ਼ ਦਾ ਸਭ ਤੋਂ ਮਹੱਤਵਪੂਰਨ ਯੋਗਦਾਨ ਸੀ "ਸ਼ੁੱਧ ਕਵਿਤਾ" ਦੇ ਫ੍ਰੈਂਚ ਸੰਕਲਪ ਨੂੰ ਉਸ ਦੀ ਹਿਮਾਇਤ। 

ਜੀਵਨੀ[ਸੋਧੋ]

ਖ਼ਵਨ ਰਮਨ ਹਿਮਨੇਜ਼ ਦਾ ਜਨਮ 23 ਦਸੰਬਰ 1881 ਨੂੰ ਅੰਡੇਲੂਸੀਆ ਦੇ ਹੂਏਲਵਾ ਨੇੜੇ ਮੌਗੀਰ ਵਿਖੇ ਹੋਇਆ ਸੀ।[2] ਉਸ ਨੇ ਇੰਸਟੀਚਿਊਟ ਆਈ.ਈ.ਐੱਸ. ਲਾ ਰਾਬੀਡਾ ਵਿਖੇ ਆਪਣੀ ਸੈਕੰਡਰੀ ਸਿੱਖਿਆ ਕੀਤੀ। ਬਾਅਦ ਵਿੱਚ, ਉਸਨੇ ਸੇਵਿਲੇ ਦੀ ਯੂਨੀਵਰਸਿਟੀ ਵਿੱਚ ਕਾਨੂੰਨ ਅਤੇ ਪੇਂਟਿੰਗ ਦੀ ਪੜ੍ਹਾਈ ਕੀਤੀ, ਲੇਕਿਨ ਉਸ ਨੇ ਇਸ ਸਿਖਲਾਈ ਨੂੰ ਵਰਤੋਂ ਵਿੱਚ ਲਿਆਉਣ ਤੋਂ ਇਨਕਾਰ ਕਰ ਦਿੱਤਾ। [3] ਫਿਰ ਉਸ ਨੇ ਰੂਬਨ ਦਾਰੀਓ ਅਤੇ ਪ੍ਰਤੀਕਵਾਦ ਤੋਂ ਪ੍ਰਭਾਵਿਤ ਹੋਕੇ ਆਪਣੇ ਆਪ ਨੂੰ ਸਾਹਿਤ ਨੂੰ ਸਮਰਪਿਤ ਕੀਤਾ। ਉਸ ਨੇ ਅਠਾਰਾਂ ਸਾਲ ਦੀ ਉਮਰ ਵਿਚ 1900 ਵਿਚ ਆਪਣੀਆਂ ਪਹਿਲੀਆਂ ਦੋ ਕਿਤਾਬਾਂ ਪ੍ਰਕਾਸ਼ਿਤ ਕੀਤੀਆਂ। ਉਸੇ ਸਾਲ ਉਸ ਦੇ ਪਿਤਾ ਦੀ ਮੌਤ ਨੇ ਉਸ ਨੂੰ ਤਬਾਹ ਕਰ ਦਿੱਤਾ ਅਤੇ ਨਤੀਜੇ ਵਜੋਂ ਡਿਪਰੈਸ਼ਨ ਹੋਣ ਕਰਕੇ ਉਸ ਨੂੰ ਪਹਿਲਾਂ ਫਰਾਂਸ ਭੇਜਿਆ ਗਿਆ ਜਿੱਥੇ ਉਸ ਦਾ ਡਾਕਟਰ ਦੀ ਪਤਨੀ ਨਾਲ ਸੰਬੰਧ ਹੋ ਗਿਆ ਸੀ ਅਤੇ ਫਿਰ ਮੈਡਰਿਡ ਵਿਚ ਇਕ ਸੈਨੇਟੋਰੀਅਮ ਜਿਥੇ ਉਹ 1901 ਤੋਂ ਲੈ ਕੇ 1903 ਤੱਕ ਰਿਹਾ ਸੀ ਉਥੇ ਸਟਾਫ਼ ਵਿੱਚ ਨਵੀਆਂ ਸਿਖਾਂਦਰੂ ਨਰਸਾਂ ਸਨ। ਉਸ ਨੇ ਕਈ ਪ੍ਰੇਮ ਵਾਸਨਾ ਦੀਆਂ ਕਵਿਤਾਵਾਂ ਲਿਖੀਆਂ ਜੋ ਕਈ ਥਾਂਵਾਂ ਤੇ ਕਈ ਨਾਰੀਆਂ ਨਾਲ ਰੋਮਾਂਸ ਨੂੰ ਚਿਤਰਦੀਆਂ ਹਨ। ਉਨ੍ਹਾਂ ਵਿਚੋਂ ਕੁਝ ਵਿੱਚ ਨਰਸਾਂ ਨਾਲ ਜਿਨਸੀ ਸੰਬੰਧਾਂ ਵੱਲ ਸੰਕੇਤ ਕਰਦੀਆਂ ਹਨ। ਆਖਰਕਾਰ, ਜ਼ਾਹਰ ਹੈ ਕਿ, ਉਨ੍ਹਾਂ ਦੀ ਵੱਡੀ ਮਾਂ ਨੂੰ ਉਸਦੀਆਂ ਗਤੀਵਿਧੀਆਂ ਦਾ ਪਤਾ ਲੱਗਿਆ ਅਤੇ ਉਸਨੂੰ ਕੱਢ ਦਿੱਤਾ ਗਿਆ, ਹਾਲਾਂਕਿ ਇਹ ਪਤਾ ਨਹੀਂ ਕਿ ਕੀ ਉਸ ਦੀਆਂ ਕਵਿਤਾਵਾਂ ਵਿੱਚ ਬਿਆਨ ਕੀਤੀਆਂ ਜਿਨਸੀ ਕਿਰਿਆਵਾਂ ਅਸਲ ਵਿੱਚ ਵਾਪਰੀਆਂ ਸਨ। 

ਉਸ ਦੀਆਂ ਹੋਰ ਕਈ ਕਵਿਤਾਵਾਂ ਦੇ ਮੁੱਖ ਵਿਸ਼ਾ ਸੰਗੀਤ ਅਤੇ ਰੰਗ ਸਨ, ਕਈ ਵਾਰ, ਉਸ ਨੇ ਪਿਆਰ ਜਾਂ ਕਾਮਨਾ ਨਾਲ ਤੁਲਣਾ ਕੀਤੀ।

ਉਸ ਨੂੰ ਮਾਨਸਿਕ ਪਰੇਸ਼ਾਨੀ ਅਤੇ ਡਿਪਰੈਸ਼ਨ ਦਾ ਸਾਹਮਣਾ ਕਰਨਾ ਪਿਆ, ਇਸ ਲਈ ਉਹ ਫਰਾਂਸ ਅਤੇ ਮੈਡਰਿਡ ਵਿਚ ਹਸਪਤਾਲ ਵਿਚ ਦਾਖ਼ਲ ਹੋਇਆ ਅਤੇ ਉਥੇ ਠਹਰਿਆ।  ਉਸਨੇ ਇੱਕ ਲੇਖਕ ਅਤੇ ਉਸ ਦੇ ਗਧੇ ਪਲੈਟੇਰੋ ਆਈ ਯੋ (1914) ਬਾਰੇ ਆਪਣੀ ਗਦ ਕਵਿਤਾ ਵਿੱਚ ਆਪਣਾ ਮੂਲ ਘਰ ਖੇਤਰ ਦਾ ਜਸ਼ਨ ਮਨਾਇਆ। 1916 ਵਿਚ ਉਸ ਨੇ ਅਤੇ ਸਪੇਨ ਵਿੱਚ ਪੈਦਾ ਹੋਈ ਲੇਖਕ ਅਤੇ ਕਵੀ ਜ਼ੈਨੋਬੀਆ ਕੈਮਪਰੂਬੀ ਨੇ ਅਮਰੀਕਾ ਦੇ ਵਿੱਚ ਵਿਆਹ ਕਰਵਾ ਲਿਆ। ਜ਼ੈਨੋਬੀਆ ਉਸ ਦੀ ਅਨਿੱਖੜ ਸਾਥੀ ਅਤੇ ਸਹਿਕਰਤਾ ਬਣ ਗਈ। ਫਿਰ, ਸਾਲ 1916 ਵਿਚ ਉਹ ਪੁਰਤਗਾਲ ਚਲੇ ਗਿਆ।  

ਸਪੇਨੀ ਘਰੇਲੂ ਯੁੱਧ ਦੇ ਸ਼ੁਰੂ ਹੋਣ ਤੇ, ਉਹ ਅਤੇ ਸਿਨੋਬੀਆ ਨੂੰ ਪੋਰਟੋ ਰੀਕੋ ਵਿਚ ਜਲਾਵਤਨ ਹੋ ਚਲੇ ਗਏ, ਜਿੱਥੇ ਉਹ 1946 ਵਿਚ ਸੈਟਲ ਹੋ ਗਿਆ। ਹਿਮੀਨੇਜ਼ ਨੂੰ ਇਕ ਹੋਰ ਡੂੰਘੀ ਬੇਦਿਲੀ ਕਾਰਨ ਅੱਠ ਮਹੀਨਿਆਂ ਲਈ ਹਸਪਤਾਲ ਵਿਚ ਭਰਤੀ ਕੀਤਾ ਗਿਆ। ਬਾਅਦ ਵਿਚ ਉਹ ਪੋਰਟੋ ਰੀਕੋ ਯੂਨੀਵਰਸਿਟੀ ਵਿਖੇ ਸਪੈਨਿਸ਼ ਭਾਸ਼ਾ ਅਤੇ ਸਾਹਿਤ ਦਾ ਪ੍ਰੋਫੈਸਰ ਬਣ ਗਿਆ। ਪੋਰਟੋ ਰਿਕਿਨ ਲੇਖਕਾਂ ਉੱਤੇ ਉਸ ਦਾ ਸਾਹਿਤਕ ਪ੍ਰਭਾਵ ਗਿਆਨੀਨਾ ਬ੍ਰਾਸਚੀ, ਰੇਨੇ ਮਾਰਕਜ਼, ਅਰੋਰਾ ਡੇ ਐਲਬਰਨੋਜ਼ ਅਤੇ ਮੈਨੂਅਲ ਰਾਮੋਸ ਓਤੇਰੋ ਦੀਆਂ ਰਚਨਾਵਾਂ ਵਿੱਚ ਜ਼ੋਰ ਨਾਲ ਉਜਾਗਰ ਹੁੰਦਾ ਹੈ। [4] ਯੂਨੀਵਰਸਿਟੀ ਨੇ ਕੈਂਪਸ ਵਿੱਚ ਇਕ ਇਮਾਰਤ ਨੂੰ ਉਸਦੀ ਯਾਦ ਵਿੱਚ ਉਸਦਾ ਨਾਮ ਦਿੱਤਾ ਅਤੇ ਉਸ ਦੇ ਸਨਮਾਨ ਵਿੱਚ ਇੱਕ ਲਿਖਣ ਦਾ ਪ੍ਰੋਗਰਾਮ ਰੱਖਿਆ। ਉਹ ਕੌਰਲ ਗੈਬਲਸ, ਫਲੋਰੀਡਾ ਦੀ ਮਿਆਮੀ ਯੂਨੀਵਰਸਿਟੀ ਵਿੱਚ ਵੀ ਪ੍ਰੋਫੈਸਰ ਰਿਹਾ ਸੀ। ਕੌਰਲ ਗੇਬਲਜ਼ ਵਿਚ ਰਹਿੰਦਿਆਂ ਉਸ ਨੇ "ਰੋਮਾਂਸਸ ਡੇ ਕੋਰਲ ਗੈਬੇਲਜ਼" ਲਿਖੀ। ਇਸ ਤੋਂ ਇਲਾਵਾ, ਉਹ ਮੈਰੀਲੈਂਡ ਦੀ ਯੂਨੀਵਰਸਿਟੀ ਵਿਚ ਸਪੈਨਿਸ਼ ਅਤੇ ਪੁਰਤਗਾਲ ਦੇ ਵਿਭਾਗ ਵਿਚ ਪ੍ਰੋਫੈਸਰ ਸੀ, ਜਿਸ ਨੇ 1981 ਵਿਚ ਉਸ ਦੇ ਸਨਮਾਨ ਲਈ ਹਿਮੇਨੇਜ਼ ਹਾਲ ਦਾ ਨਾਂ ਰੱਖਿਆ ਗਿਆ। 

ਹਵਾਲੇ[ਸੋਧੋ]

  1. PD-icon.svg
  2. Mateo Pérez, Manuel (November 10, 2010). "Moguer y Juan Ramón Jiménez". El Mundo (in ਸਪੇਨੀ). Retrieved February 17, 2018. 
  3. "Juan Ramón Jiménez. Biografía". Instituto Cervantes (in ਸਪੇਨੀ). Madrid. March 2016. Retrieved February 17, 2018. 
  4. "'Elemental Creature'". The Times Literary Supplement (in ਸਪੇਨੀ). March 10, 2015. Archived from the original on April 21, 2016. Retrieved February 17, 2018. His lyrical and philosophical work influencing Puerto Rican writers such as Manuel Ramos Otero and René Marqués.