ਗਾਂਧੀ ਭਵਨ, ਬੈਂਗਲੌਰ

ਗਾਂਧੀ ਭਵਨ, ਬੈਂਗਲੌਰ

ਪੁਰਾਣਾ ਨਾਮ	ਗਾਂਧੀ ਸਮਾਰਕ ਨਿਧੀ
ਸਥਾਪਨਾ	1965 (1965)
ਟਿਕਾਣਾ	ਕੁਮਾਰ ਪਾਰਕ ਈਸਟ, ਬੰਗਲੌਰ, ਕਰਨਾਟਕ 560001
ਗੁਣਕ	12.988117°N 77.579826°E / 12.988117; 77.579826
ਵੈੱਬਸਾਈਟ	gandhibhavankarnataka.org

ਗਾਂਧੀ ਭਵਨ ਬੈਂਗਲੌਰ, ਕਰਨਾਟਕ ਵਿੱਚ ਸਥਿਤ ਮਹਾਤਮਾ ਗਾਂਧੀ ਨੂੰ ਸਮਰਪਿਤ ਇੱਕ ਅਜਾਇਬ ਘਰ ਹੈ। ਇਸਦਾ ਉਦਘਾਟਨ 1965 ਵਿੱਚ ਭਾਰਤ ਦੇ ਤਤਕਾਲੀ ਰਾਸ਼ਟਰਪਤੀ ਡਾ. ਐਸ. ਰਾਧਾਕ੍ਰਿਸ਼ਨਨ ਦੁਆਰਾ ਕੀਤਾ ਗਿਆ ਸੀ। ਇਸ ਅਜਾਇਬ ਘਰ ਵਿੱਚ ਮਹਾਤਮਾ ਗਾਂਧੀ ਦੀਆਂ ਦੁਰਲੱਭ ਤਸਵੀਰਾਂ ਅਤੇ ਉਨ੍ਹਾਂ ਦੁਆਰਾ ਲਿਖੇ ਪੱਤਰਾਂ ਵਾਲੀ ਇੱਕ ਗੈਲਰੀ, ਇੱਕ ਲਾਇਬ੍ਰੇਰੀ ਅਤੇ ਇੱਕ ਆਡੀਟੋਰੀਅਮ ਸ਼ਾਮਲ ਹੈ। ਬੈਂਗਲੌਰ ਵਿੱਚ ਇਸ ਸਥਾਨ 'ਤੇ ਗਾਂਧੀਵਾਦੀ ਮੁੱਲਾਂ 'ਤੇ ਆਯੋਜਿਤ ਮੀਟਿੰਗਾਂ ਹੁੰਦੀਆਂ ਹਨ।

ਇਤਿਹਾਸ

ਇਸ ਅਜਾਇਬ ਘਰ ਬਾਰੇ ਕਿਹਾ ਜਾਂਦਾ ਹੈ ਕਿ ਇਹ ਅਜਾਇਬ ਘਰ ਉਸ ਥਾਂ 'ਤੇ ਸਥਾਪਿਤ ਕੀਤਾ ਗਿਆ ਹੈ, ਜਿੱਥੇ ਗਾਂਧੀ ਸੈਰ ਕਰਦੇ ਸਨ। ਇਹ ਸ਼ੁਰੂ ਵਿੱਚ ਰਾਜੇਂਦਰ ਪ੍ਰਸਾਦ ਦੀ ਪ੍ਰਧਾਨਗੀ ਹੇਠ ਗਾਂਧੀ ਸਮਾਰਕ ਨਿਧੀ ਵਜੋਂ ਜਾਣਿਆ ਜਾਂਦਾ ਸੀ। 1965 ਵਿੱਚ, ਇਸਦਾ ਨਾਮ ਬਦਲ ਕੇ ਗਾਂਧੀ ਭਵਨ ਰੱਖਿਆ ਗਿਆ ਅਤੇ ਐਸ. ਰਾਧਾਕ੍ਰਿਸ਼ਨਨ ਦੁਆਰਾ ਇਸ ਦਾ ਉਦਘਾਟਨ ਕੀਤਾ ਗਿਆ। ਉਸ ਸਮੇਂ ਅਜਾਇਬ ਘਰ ਦੀ ਜ਼ਮੀਨ ਲੀਜ਼ ਦੇ ਰੂਪ ਵਿੱਚ ਇਸ ਦੇ ਕਬਜ਼ੇ ਵਿੱਚ ਸੀ। ਬਾਅਦ ਵਿੱਚ, ਸ਼੍ਰੀ ਰਾਮਕ੍ਰਿਸ਼ਨ ਹੇਗੜੇ ਨੇ ਕਰਨਾਟਕ ਦੇ ਮੁੱਖ ਮੰਤਰੀ ਵਜੋਂ ਆਪਣੇ ਕਾਰਜਕਾਲ ਦੌਰਾਨ ਗਾਂਧੀ ਭਵਨ ਨੂੰ ਜ਼ਮੀਨ ਦਾਨ ਕੀਤੀ ਸੀ। ਗਾਂਧੀ ਭਵਨ ਦਾ ਮੁੱਖ ਉਦੇਸ਼ ਸੂਬੇ ਦੇ ਲੋਕਾਂ ਖਾਸ ਕਰਕੇ ਨੌਜਵਾਨਾਂ ਵਿੱਚ ਗਾਂਧੀਵਾਦੀ ਫਲਸਫੇ ਅਤੇ ਆਦਰਸ਼ਾਂ ਦਾ ਪ੍ਰਚਾਰ ਕਰਨਾ ਸੀ।