ਚੌਸਰ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਜੈਫਰੀ ਚੌਸਰ
Geoffrey Chaucer (17th century).jpg
ਚੌਸਰ ਦਾ 17ਵੀਂ ਸਦੀ ਦਾ ਇੱਕ ਪੋਰਟਰੇਟ
ਜਨਮਅੰਦਾਜ਼ਨ 1343
ਲੰਦਨ, ਇੰਗਲੈਂਡ
ਮੌਤ25 ਅਕਤੂਬਰ 1400 (ਉਮਰ 56–57)
Resting placeਵੈਸਟ ਮਿਨਸਟਰ ਐਬੇ, ਲੰਦਨ
ਪੇਸ਼ਾਲੇਖਕ, ਕਵੀ, ਦਾਰਸ਼ਨਿਕ, ਨੌਕਰਸ਼ਾਹ, ਡਿਪਲੋਮੈਟ
ਸਾਥੀਫਲਿਪਾ ਰੋਇਟ
ਬੱਚੇਅਲਿਜ਼ਾਬੈਥ ਚੌਸਰ
ਥਾਮਸ ਚੌਸਰ
ਮਾਤਾ-ਪਿਤਾ(s)ਜਾਨ ਚੌਸਰ

ਜੈਫਰੀ ਚੌਸਰ (ਅੰਗਰੇਜ਼ੀ: Geoffrey Chaucer, ਅੰਦਾਜ਼ਨ 1343 – 25 ਅਕਤੂਬਰ 1400) ਨੂੰ ਅੰਗਰੇਜ਼ੀ ਸਾਹਿਤ ਵਿੱਚ ਸ਼ਾਇਰੀ ਦਾ ਬਾਬਾ ਆਦਮ ਮੰਨਿਆ ਜਾਂਦਾ ਹੈ। ਬਚਪਨ ਵਿੱਚ ਉਸ ਨੇ ਸ਼ਾਹੀ ਮਹਲ ਵਿੱਚ ਨੌਕਰੀ ਕੀਤੀ। ਉਸ ਜ਼ਮਾਨੇ ਵਿੱਚ ਬ੍ਰਿਟੇਨ ਵਿੱਚ ਐਡਵਰਡ ਤੀਜੇ ਦੀ ਸਰਕਾਰ ਸੀ। ਬਾਦਸ਼ਾਹ ਉਸਦੀ ਸ਼ਾਨਦਾਰ ਕਾਰਗੁਜਾਰੀ ਤੋਂ ਬਹੁਤ ਖੁਸ਼ ਸੀ। ਇੱਕ ਵਾਰ ਇੰਗਲੈਂਡ ਤੋਂ ਫਰਾਂਸ ਅਭਿਆਨ ਰਵਾਨਾ ਕੀਤਾ ਗਿਆ ਜਿਸ ਵਿੱਚ ਚੌਸਰ ਵੀ ਸ਼ਾਮਿਲ ਸੀ। ਇਸ ਅਭਿਆਨ ਵਿੱਚ ਚੌਸਰ ਨੂੰ ਫ਼ਰਾਂਸ ਵਿੱਚ ਕੈਦੀ ਬਣਾ ਲਿਆ ਗਿਆ। ਅੰਤ ਬਾਦਸ਼ਾਹ ਨੇ ਉਸਨੂੰ ਤਾਵਾਨ ਅਦਾ ਕਰਕੇ ਛੁਡਾ ਲਿਆ। ਇਸਦੇ ਬਾਅਦ ਉਸਨੂੰ ਇਟਲੀ ਅਤੇ ਕੁੱਝ ਹੋਰ ਦੇਸ਼ਾਂ ਵਿੱਚ ਬ੍ਰਿਟੇਨ ਦੇ ਰਾਜਦੂਤ ਵਜੋਂ ਭੇਜਿਆ ਗਿਆ। 1369 ਵਿੱਚ ਉਸਦਾ ਸ਼ਾਇਰਾਨਾ ਜੀਵਨ ਸ਼ੁਰੂ ਹੋਇਆ ਅਤੇ ਕੁੱਝ ਹੀ ਸਾਲਾਂ ਵਿੱਚ ਇੰਗਲੈਂਡ ਵਿੱਚ ਇਸ ਕਵਿਤਾ ਦੀ ਧੁੰਮ ਪੈ ਗਈ। ਉਸਦੀ ਕਵਿਤਾ ਦਾ ਇੰਗਲੈਂਡ ਦੇ ਲੋਕਾਂ ਉੱਤੇ ਉਹੀ ਅਸਰ ਹੋਇਆ ਜੋ ਇਟਲੀ ਵਿੱਚ ਦਾਂਤੇ ਦੀ ਕਵਿਤਾ ਦਾ ਹੋਇਆ ਸੀ। ਮਰਨ ਉਪਰੰਤ ਉਸਨੂੰ ਵੈਸਟ ਮਿਨਸਟਰ ਐਬੇ ਵਿੱਚ ਦਫਨ ਕੀਤਾ ਗਿਆ ਜੋ ਇੰਗਲੈਂਡ ਦੇ ਪ੍ਰਮੁੱਖ ਆਦਮੀਆਂ ਲਈ ਵਿਸ਼ੇਸ਼ ਹੈ। ਇਸ ਕਬਰਸਤਾਨ ਦੇ ਸ਼ਾਇਰਾਂ ਲਈ ਰਾਖਵੇਂ ਕੋਨੇ ਵਿੱਚ ਦਫਨਾਇਆ ਜਾਣ ਵਾਲਾ ਉਹ ਪਹਿਲਾ ਵਿਅਕਤੀ ਸੀ।