ਰਾਗ (ਰਸਾਲਾ)

*ਰਾਗ*
	ਰਾਗ ਮੈਗਜ਼ੀਨ ਜਨਵਰੀ-ਅਪ੍ਰੈਲ 2023 ਦੇ ਅੰਕ ਦਾ ਟਾਈਟਲ
ਮੁੱਖ ਸੰਪਾਦਕ	ਇੰਦਰਜੀਤ ਪੁਰੇਵਾਲ
ਸੰਪਾਦਕ	ਜਸਵੀਰ ਰਾਣਾ
ਪ੍ਰਬੰਧਕੀ ਸੰਪਾਦਕ	ਧਰਵਿੰਦਰ ਸਿੰਘ ਔਲਖ
ਸ਼੍ਰੇਣੀਆਂ	ਸਾਹਿਤਕ ਰਸਾਲਾ
ਪਹਿਲਾ ਅੰਕ	2017
ਦੇਸ਼	ਭਾਰਤ
ਭਾਸ਼ਾ	ਪੰਜਾਬੀ

ਰਾਗ ਪੰਜਾਬੀ ਭਾਸ਼ਾ ਦਾ ਇੱਕ ਚੌ-ਮਾਸਿਕ ਸਾਹਿਤਕ ਰਸਾਲਾ ਹੈ ਜਿਸ ਵਿੱਚ ਪਂਜਾਬੀ ਕਵਿਤਾ, ਕਹਾਣੀ, ਵਾਰਤਕ, ਆਲੋਚਨਾ, ਰੰਗ-ਮੰਚ, ਸਿਨੇਮਾ, ਅਨੁਵਾਦ ਅਤੇ ਸੰਗੀਤ ਤੇ ਚਿੱਤਰਕਲਾ ਨਾਲ ਸੰਬੰਧਿਤ ਰਚਨਾਵਾਂ ਨੂੰ ਛਾਪਿਆ ਜਾਂਦਾ ਹੈ। ਨਿਊਯਾਰਕ (ਅਮਰੀਕਾ) ਰਹਿੰਦੇ ਇੰਦਰਜੀਤ ਪੁਰੇਵਾਲ ਇਸ ਰਸਾਲੇ ਦੇ ਮੁੱਖ ਸੰਪਾਦਕ ਹਨ ਅਤੇ ਪੰਜਾਬੀ ਕਹਾਣੀਕਾਰ ਜਸਵੀਰ ਰਾਣਾ ਇਸਦੇ ਆਨਰੇਰੀ ਸੰਪਾਦਕ ਹਨ। ਧਰਵਿੰਦਰ ਸਿੰਘ ਔਲਖ ਇਸ ਮੈਗਜ਼ੀਨ ਦੇ ਪ੍ਰਬੰਧਕੀ ਸੰਪਾਦਕ ਹਨ। ਰਾਗ ਦਾ ਪਹਿਲਾ ਅੰਕ ਜਨਵਰੀ 2017 ਵਿਚ ਰਲੀਜ਼ ਕੀਤਾ ਗਿਆ ਸੀ।^[1] ਜਨਵਰੀ 2023 ਤੱਕ ਇਸਦੇ 13 ਅੰਕ ਛਪ ਚੁੱਕੇ ਹਨ।

ਰਾਗ ਕਾਫ਼ਲਾ

ਰਾਗ ਰਸਾਲੇ ਦੀ ਸਮੁੱਚੀ ਟੀਮ ਅਤੇ ਸ਼ਾਮਲ ਲੇਖਕਾਂ ਦੇ ਸਮੂਹ ਨੂੰ ਰਾਗ ਕਾਫ਼ਲਾ ਦਾ ਨਾਮ ਦਿੱਤਾ ਗਿਆ ਹੈ ਜੋ ਰਾਗ ਰਸਾਲੇ ਦੇ ਪ੍ਰਸੰਗ ਵਿਚ ਸਾਹਿਤਕ ਸਮਾਗ਼ਮ ਕਰਵਾਉਂਦੇ ਹਨ। ਇਸੇ ਲੜੀ ਵਿੱਚ ਮਿਤੀ 20 ਜਨਵਰੀ 2023 ਨੂੰ ਪੰਜਾਬੀ ਯੂਨੀਵਰਸਿਟੀ ਵਿਖੇ 'ਰਾਗ ਕਾਫ਼ਲਾ' ਵੱਲੋਂ ਪੰਜਾਬੀ ਵਾਰਤਕਕਾਰ ਹਰਪਾਲ ਪੰਨੂ ਨੂੰ 'ਰਾਗ ਵਾਰਤਕ ਪੁਰਸਕਾਰ' ਅਤੇ ਪੰਜਾਬੀ ਕਹਾਣੀਕਾਰ ਬਲਦੇਵ ਸਿੰਘ ਧਾਲੀਵਾਲ ਨੂੰ 'ਰਾਗ ਕਥਾ ਪੁਰਸਕਾਰ' ਨਾਲ ਸਨਮਾਨਿਤ ਕੀਤਾ ਗਿਆ।