ਸਮੀਧਾ ਗੁਰੂ

ਸਮੀਧਾ ਗੁਰੂ
ਜਨਮ	( 1980-08-06 ) 6 ਅਗਸਤ 1980 ਨਾਗਪੁਰ, ਮਹਾਰਾਸ਼ਟਰ, ਭਾਰਤ
ਕਿੱਤਾ	ਮਰਾਠੀ ਫਿਲਮ ਅਤੇ ਟੈਲੀਵਿਜ਼ਨ ਅਦਾਕਾਰਾ
ਬੱਚੇ	01 ਦੁਰਵਾ ਗੁਰੂ
ਜੀਵਨ ਸਾਥੀ	ਅਭਿਜੀਤ ਗੁਰੂ

ਸਮੀਧਾ ਗੁਰੂ (ਅੰਗ੍ਰੇਜ਼ੀ: Samidha Guru; ਜਨਮ 6 ਅਗਸਤ 1980) ਨਾਗਪੁਰ, ਭਾਰਤ ਤੋਂ ਇੱਕ ਮਰਾਠੀ ਥੀਏਟਰ, ਫਿਲਮ ਅਤੇ ਟੈਲੀਵਿਜ਼ਨ ਅਦਾਕਾਰਾ ਹੈ। ਉਸਨੂੰ ਫਿਲਮ ਕਾਪੁਸਕੋਂਡਿਆਚੀ ਗੋਸ਼ਤਾ ਲਈ ਮਹਾਰਾਸ਼ਟਰ ਰਾਜ ਦਾ ਸਰਵੋਤਮ ਅਭਿਨੇਤਰੀ ਦਾ ਪੁਰਸਕਾਰ ਮਿਲਿਆ ਹੈ। ਗੇਟ ਵੈੱਲ ਸੂਨ ਨਾਟਕ ਲਈ ਉਸਨੂੰ ਸਰਵੋਤਮ ਅਭਿਨੇਤਰੀ ਲਈ ਐਮਐਮਡਬਲਯੂ ਗੌਰਵ ਅਵਾਰਡ ਵੀ ਮਿਲਿਆ।

ਨ੍ਰਿਤ, ਲੇਖਣੀ ਅਤੇ ਅਦਾਕਾਰੀ ਦਾ ਪਰਿਵਾਰਕ ਪਿਛੋਕੜ ਰੱਖਣ ਵਾਲੀ, ਸਮੀਧਾ ਨੇ ਸੋਨੀਆਚਾ ਅੰਬਰਾ ਰਾਹੀਂ ਟੈਲੀਵਿਜ਼ਨ 'ਤੇ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਪਰ ਉਹ ਅਵਾਗਾਚੀ ਸੰਸਾਰ ਵਿੱਚ ਨਜ਼ਰ ਆਈ, ਜਿਸ ਵਿੱਚ ਉਸਨੇ ਇੱਕ ਗੁੱਸੇ ਵਾਲੀ ਨੌਜਵਾਨ ਔਰਤ ਦੀ ਭੂਮਿਕਾ ਨਿਭਾਈ। ਇਸ ਤੋਂ ਬਾਅਦ, ਉਸਨੇ ਬਹੁਤ ਸਾਰੇ ਪ੍ਰਸਿੱਧ ਸੀਰੀਅਲਾਂ ਵਿੱਚ ਪ੍ਰਮੁੱਖ ਭੂਮਿਕਾਵਾਂ ਕੀਤੀਆਂ ਜਿਨ੍ਹਾਂ ਵਿੱਚ ਜੀਵਨਲਾਗਾ, ਝੁੰਜ, ਯਾ ਵਲਨਾਵਰ, ਦੇਵਯਾਨੀ, ਗੰਧ ਫੁੱਲਾਂ ਦਾ ਗੇਲਾ ਸੰਗੁਨ, ਕਮਲਾ, ਤੁਜਵਿਨ ਸਾਖਿਆ ਰੇ ਸ਼ਾਮਲ ਹਨ।ਸਮੀਧਾ ਨੇ ਨਾਗਪੁਰ ਵਿਖੇ ਕਈ ਰੰਗਮੰਚ ਨਾਟਕਾਂ ਵਿੱਚ ਵੀ ਕੰਮ ਕੀਤਾ ਹੈ ਜਿਨ੍ਹਾਂ ਵਿੱਚੋਂ ਕੁਝ ਨਾਟਕਾਂ ਵਿੱਚ ਉਸ ਨੂੰ ਆਪਣੀ ਅਦਾਕਾਰੀ ਲਈ ਸਿਲਵਰ ਮੈਡਲ ਮਿਲਿਆ ਹੈ। ਵੱਡੇ ਪਰਦੇ 'ਤੇ, ਗੁਰੂ ਨੇ ਕੱਡਿਆ ਬੋਲਾ, ਮਾਝਾ ਮੈਂ, ਧਟਿੰਗ ਧੀਂਗਣਾ, ਪਨਹਾਲਾ ਅਤੇ ਤੁਕਾਰਾਮ ਵਿੱਚ ਪ੍ਰਮੁੱਖ ਭੂਮਿਕਾਵਾਂ ਵੀ ਕੀਤੀਆਂ ਹਨ, ਜਿਸ ਵਿੱਚ ਉਸਦੀ ਅਦਾਕਾਰੀ ਦੀ ਸ਼ਲਾਘਾ ਕੀਤੀ ਗਈ ਸੀ।

ਸ਼ੁਰੂਆਤੀ ਜੀਵਨ ਅਤੇ ਸਿੱਖਿਆ

ਉਸਦੇ ਪਿਤਾ, ਸੁਰੇਸ਼ ਦੇਸ਼ਪਾਂਡੇ ਮਰਾਠੀ ਨਾਟਕਾਂ ਅਤੇ ਫਿਲਮਾਂ ਦੇ ਪ੍ਰਸਿੱਧ ਲੇਖਕ ਅਤੇ ਨਿਰਦੇਸ਼ਕ ਸਨ। ਉਸਦੀ ਮਾਂ ਮੀਨਾ ਦੇਸ਼ਪਾਂਡੇ ਕਥਕ ਅਲੰਕਾਰ, ਡਾਂਸ ਟੀਚਰ ਅਤੇ ਥੀਏਟਰ ਅਦਾਕਾਰਾ ਹੈ। ਉਸਦੀ ਭੈਣ ਮ੍ਰਿਣਾਲ ਦੇਸ਼ਪਾਂਡੇ ਇੱਕ ਕਥਕ ਵਿਸ਼ਾਰਦ ਅਤੇ ਅਭਿਨੇਤਰੀ ਹੈ। ਸਮੀਧਾ ਨੇ ਮਸ਼ਹੂਰ ਲੇਖਕ, ਅਦਾਕਾਰ ਅਤੇ ਨਿਰਦੇਸ਼ਕ ਅਭਿਜੀਤ ਗੁਰੂ ਨਾਲ ਵਿਆਹ ਕੀਤਾ।

ਗੁਰੂ ਨੇ MPDS ਲੋਕਾਚੀ ਸ਼ਾਲਾ ਨਾਗਪੁਰ ਤੋਂ ਪੜ੍ਹਾਈ ਕੀਤੀ। ਉਸਨੇ ਬੀ.ਐਸ.ਸੀ. (ਮਾਈਕਰੋਬਾਇਓਲੋਜੀ) ਦੇ ਨਾਲ-ਨਾਲ ਲਾਡ ਕਾਲਜ, ਨਾਗਪੁਰ ਤੋਂ ਬੀ.ਏ (ਅੰਗਰੇਜ਼ੀ ਸਾਹਿਤ) ਕੀਤੀ। ਮੁੰਬਈ ਸ਼ਿਫਟ ਹੋਣ ਤੋਂ ਪਹਿਲਾਂ, ਉਸਨੇ ਥੀਏਟਰ ਵਿੱਚ ਸਰਗਰਮੀ ਨਾਲ ਹਿੱਸਾ ਲਿਆ ਸੀ ਅਤੇ ਕੁਝ ਸਾਲਾਂ ਲਈ ਅਧਿਆਪਨ ਦਾ ਕੰਮ ਵੀ ਕੀਤਾ ਸੀ। ਵਿਆਹ ਤੋਂ ਬਾਅਦ ਉਹ ਮੁੰਬਈ ਆ ਗਈ ਅਤੇ ਛੋਟੇ ਪਰਦੇ 'ਤੇ ਬ੍ਰੇਕ ਲੈ ਲਿਆ।

ਸਨਮਾਨ ਅਤੇ ਪੁਰਸਕਾਰ

• ਫਿਲਮ 'ਕਾਪੁਸਕੋਂਡਿਆਚੀ ਗੋਸ਼ਟ' ਲਈ ਸਰਵੋਤਮ ਅਭਿਨੇਤਰੀ - ਮਹਾਰਾਸ਼ਟਰ ਰਾਜ ਅਵਾਰਡ 2014
• ਫਿਲਮ 'ਕਪੁਸਕੌਂਡਿਆਚੀ ਗੋਸ਼ਟ' ਲਈ ਸਰਵੋਤਮ ਅਭਿਨੇਤਰੀ - ਮਾਤਾ ਸਨਮਾਨ 2017
• ਫਿਲਮ 'ਕਪੁਸਕੌਂਡਿਆਚੀ ਗੋਸ਼ਟ' ਲਈ ਸਰਵੋਤਮ ਅਭਿਨੇਤਰੀ - ਚਿਤਰਪਤ ਪਦਰਪਨ ਅਵਾਰਡ 2017
• ਨਾਟਕ 'ਗੇਟ ਵੈੱਲ ਸੂਨ' ਲਈ ਸਰਵੋਤਮ ਅਭਿਨੇਤਰੀ - MMW ਗੌਰਵ ਅਵਾਰਡਸ 2014
• ਫਿਲਮ ਥੀਏਟਰ ਅਤੇ ਟੈਲੀਵਿਜ਼ਨ ਵਿੱਚ ਉਸਦੇ ਪ੍ਰਦਰਸ਼ਨ ਲਈ ਕਈ ਵਾਰ ਨਾਮਜ਼ਦ ਕੀਤਾ ਗਿਆ।